بعد ربع ساعة يدق الباب
الجازي : وليد قوم شوف مين
الوليد : ما عليك منه
الجازي : ولييييييد
الوليد : حسبي الله عليه ماشاف غير هالوقت
وخر البطانية وراح يشوف الباب
لقاه العامل بالفندق جايب الفطور دخل الفطور وليد وقامت الجازي تفطر معاه
خلونا نترك العروسين ونروح للأراضي السعودية
تو الرجال طالعين من صلاة الجمعة
وتوجهوا لبيت الجوهرة
كلن دخل سلم على الجوهرة وحب راسها
الجوهرة : إنشاء الله ماننجمع الا على خير وهالفرحة تكون دايمة
الكل أمين
إبراهيم : بووليد كلمتوا العروسين
خالد : لا والله أتلاقيهم توهم واصلين وتعيانين أنكلمهم بعدين ,,, المهم الغداء وين تبونه
يعقوب : والله يا عمي من زمان عن المزرعة خلنا نروح لها
عبدالوهاب : أنا أشاركه الراي نروح المزرعة
خالد : على بركة الله بس يبي لنا كم واحد يرتبها هناك ويكلم العمال يعدلونها وأنتوا كل واحد يكلم أهله أن الغداء والعشاء بالمزرعة
عبدالرحمن : بروح أنا ويعقوب مع أنه يعرج بس يله بأستحمله
يعقوب : تبي نسوي سباق ونشوف مين بينهزم
عبدالرحمن : على الخيل
يعقوب : صار بوريك وماني ماخذ غير الشهاب مال خليل
عبدالرحمن : وليه ماتاخذ الفهدة
يعقوب : أبي أهزمك بالشهاب
عبدالرحمن : ما أتوقع تنهزم عالية يكفي لونها يرعب الخيل
يعقوب نشوف اليوم
عبدالوهاب : والله حمستوني أبيأشارك
يعقوب : بفلوس
عبدالوهاب : أقول البيت بيت أبونا والقوم حاربونا
عمر : ما عاش من يحاربك تبي الشهلة تراها افداك
عبدالوهاب : تسلم يا ولد أخوي سمعوا الرجال
يعقوب : الرجال بالمواقف والخيل تحكم خلك على مها حقتك
عبدالوهاب: راح تعرفون من هي مها اليوم
تحمسوا السباب للسباق والأستعراض
عمر : أنزين عمتي ليلى مين بيقول لها
خالد : ما فيه غيرك يا ولدي
عمر : إنشاء الله ((بخاطره اليوم براويك ياريممموه ((
خالد : فيصل كلم الأهل يجوون
فيصل : إنشاء الله بكلمهم بس تدرون ما أدل وينها
أحمد : أفا وين رحنا أحنا أنا بدليك أنت كلمهم ويصير خير
فيصل : الدليل مالنا أنا ولينة هو أحمد
أحمد : من زمان أنا الدليل ولا ناسي
فيصل : وكيف انسى من دلاني الطريق
أحمد : هههههههههه
كلن قام يستعد للمزرعة
خالد : يمه بتروحين مع مين
الجوهرة : أي أحد أعبر روحي
عبدالوهاب : أفا يالغالية أحسن سيارة توديك ,,,,, خالد أنا بوديها تدري سيارتي أحسن سيارة
خالد : لك الغالية فمان الله نشوفكم هناك
راح خالد بيتهم ولقى نورة مستعدة على الأخر
خالد : الله الله وش ذا الزين
نورة : أعجبك أنا
خالد : والشهادة لله تعجبيني وتعجبين ناس ثانين
تدخل منير عليهم : ايه سويته وقعدت
خالد : اللهم طولك ياروح
نورة : عن أذنكم
خالد : أذنك معك يا بنيتي,,,(راحت نورة لأختها هيبة ) أ،تي وش عندك بعد الي سويتيه
منيرة : وش سويت أنا
خالد : وش سويتي كل البلى من تحت راسك بنتي تزوجينها بالغدر ليه عليها ناقصة ألف من يبغاها
منيرة : أنا أسوي كذا لمصلحتها
خالد : مصلحتها أنك تزوجينها ناس ما يونها ويبون وحدة ثانية وش موقفك لو عرفوا أنها مو البنت الي يبونها وش بتقولين
منيرة بأستهبال : ذاك الوقت يحلها ألف حلال
خالد بعصبية وتهديد : سمعيني عدل تراني مليت من تصرفاتك واحذري أني أتصرف تصرف راح تندمين عليه طول حياتك
منيرة : نعم وش تقول
خالد من عصبيته مسك شعر منيرة وشده : والله العظيم هذا أخر أنذار أعطيك اياه وبعدها لا تلومين الا نفسك
منيرة بتوسل : هد شعري هده يألم
خالد هد شعرها : عرفتي كيف يألم عرفتي كيف الناس يتألمون من تصرفاتك يامرة شوفي العالم من حولك شوفي شيماء كيف أخلاقها أم ولا كل الأمهات ,,, الكلام هذا عدناه ألف مرة بس خلاص قربت النهاية ,,,,,,,,,, جهزي روحك بنروح المزرعة سلام
راح خالد فوق غرفته ومنيرة جالسة لحالها بالصالة تتحسب
منيرة : الله لا يسلمك أنا تمشع شعري انا وتفضل مين هاليتيمة علي تفضل الخايسة لكن دواك عندي يا خالد وفي مين في أعز الناس عندك وبعدها راح نشوف أنت ولا أنا
في غرفة هيبة
هيبة : نورة حبيبتي سوي لي المكياج
نورة : من عيوني
هيبة : تسلم عيونك
نورة : أستعدلي وقابليني
خذت نرة المكياج وبدت وضعه على وجه أختها
هيبة وهي مسكرة عينها : نورة وش أخبارك
نورة : أخبار ايش
هيبة : أخبارك
نورة : اليوم ولا أمس
هيبة : ليه فيه اليوم بعد
نورة : شكلك ما تدرين عن شي
هيبه : ليه فيه حد ثاني يدري يالخاينة أنا اختك أولى من الغرب
نورة : أحد قالك ان فيه حد يدري ,,,المهم سكري عينك زين خليني أحط المثبت ,,,,,أوقلك وش صار بسم الله
نورة حكت لهيبة كل الي صار
هيبة بدهشة : من جدك نورة كل هذا صار وأبوي موجود
نورة : أي
هيبة : جد ماتستحين أنتي وعبدالرحمن
نورة : أقول لاتخليني أخرب وجهك
هيبة : لا الى هذي
نورة : والله أبوي موجود وان كان يظنه حرام كان ما وافق وبعدين عبدالرحمن ما سوى شي غلط جلس يكلمني بس
هيبة : ايه علينا يكلمك بس أتلاقينه خارها وقالك شعر
نورة : وانتي وش دراك بس ما قال لي شعر نثر
هيبة تحط يدها على فمها : أبيييه كل هذا وأبوي موجود
نورة تقلد أختها : ايه وابوي موجود
هيبة : الله يرزقنا
نورة : عيب ,,,بس أنا مش عيب
هيبة : هههههههه ضحكتيني أقول كملي شغلك يالله
كملت نورة شغلها مع أختها ومن ثم أستعدوا للمزرعة
في الجانب الثاني كان عمر عند شيماء مع العنود
شيماء :اخيرا تذكرت عندك أم
عمر : يمه والله كنت مشغول
شيماء : شغلك أهم مني
عمر : لا والله مافيه شي أغلى منك
العنود : أقول بسك نسيت انك ولدها بالرضاعة بس
عمر :يكفيني والله أني اناظرها
شيماء لمت عمر بحضنها
العنود : يمه لا لا وأنا
شيماء : أنتي بزرة شوفي الثقل عند جمانة
جمانة توها قابلة عليهم : وش تقولون عني يممهههههههه وانا ليه بس عمر
شيماء : توني أمدحك طلعتي شراتها
عمر : لهذي الدرجة تغارون ومن مين مني أنا ما أشوفكم الا كل أسبوع بالتفق بعد
قام عمر من حظن أمه شيماء : اوهه نشيت
العنود : نشيت شنو يا حظي حتى السين مو قادر تقولها
عمر : نشيت عمتي ليلى ,و ما قلت لها عن المزرعة
شيماء : خلني أنا بتصل عليها
عمر : خلاص كلميها
شيماء تدق على ليلى
ريم أرفعت السماعة : الو
شيماء : السلام على القمر في عز النهار
ريم : وعليكم السلام لأحلى مرت خال في العالم ,,كيف حالك عمتي
العنود : وش فيك تتسمع الكلام
عمر : لا أتسمع ولا شي بس بغيت أعررف منوا هذي القمر
شيماء : هذي ريم
ريم : وش فيك عمتي
شيماء:لا العيال غاروا يبون يعرفون من القمر
ريم : أيهم أكيد العنود
شيماء : لا والله هذا ولدي عمر
ريم : أكيد أنا قمر وخليهم يحتروون
شيماء : غناتي وين أمك
ريم : أمي فوق تقراء قران
شيماء : أجل خليها وقولي لها ان الغداء بالمزرعة بكروا ...صحيح فيه حد يجيبكم
ريم : أيه أخوي حمدان هنا
شيماء: اجل سلمي عليهم ,فمان الله
سكرت شيماء الخط وهنا ريم توهقت كيف بيروحون
ريم : الحين كيف بنروح ما فيه غير حمدان بس حمدانوه وينه ولا نكلم عمر يجي يا خذنا بس هو لو يبي كان دق وجاء خذنا شكلنا ثقلنا عليه أروح لأمي ويحلها ربي
راحت ريم لليلى
ريم : طقطق
ليلى : ............
ريم : أمي أدخل ,,,,, وش فيها أمي ما ترد بدخل
أدخل ريم وشافت أمها تدعي
ريم : الله يجزاك خير يا يمه ,,,بجلس جنبها وانسدح
أنسدحت ريم جنب أمها وتوها ليلى أمخلصة دعاها
ليلى : أمين ,,,يارب العالمين ,,, (ليلى أدخل يدها في خصلات شعر ريم وترتبها )ها كيف حال أبنيتي
ريم : الحمدلله ,,,يمه متى بنروح لبيت جدتي
ليلى : الحين يله قومي
ريم : توها عمتي شيماء أمكلمة وتقول أنهم غيروا بدال مايتغدون بالبيت بيتغدون بالنخل
ليلى : الله يكفي الجو هناك أحلى
ريم : أدري بس كيف بنروح
ليلى : أنكلم حمدان وان ما رضى أنكلم عمر
ريم : يمه مو كأننا ثقلنا عليه
ليلى : ليه انتي حسيتي بشي زي كذا
ريم : لا بس يوم كلمت عمتي كان جنبها عمر ,,غريبة هو دايما يكلمنا ويقول بيجي بس هالمرة ما كلم يمكنه تضايق تعرفين هالشي حمل عليه زود
ليلى : ما أدري وش أقول لك بس صادقة وش ذنبه يتعب معنا خليني أكلم حمدان
ليلى تتصل على حمدان
حمدان يدق جواله
صديقه : حمدان رد جوالك
حمدان : أدري أنا أصمخ
صديقه : دام أنك مو أصمخ ليه ما ترد
حمدان بخاطره : أرد ليه عشان اتذكر الماضي وش يبون مني بعد الي صار
حمدان : الو
ليلى : السلام عليكم
حمدان : وعليكم السلام
ليلى: وليه تقولها من غير نفس
حمدان : يمه وش تبين
ليلى : وش تبين أيييييه المهم تعال ودنا للمزرعة عند خوالك
حمدان : وليه وش عندهم
ليلى : أقول أن كنت ناسي أذكرك أمس عرس ولد خالك وبنت خالك
حمدان وهو يصارخ وبقسوة : صدعتيني بهذي السالفة في اللعنة كلهم وان كنتي تبين تروحين لهم بجيك بعد نص ساعة ماشفتك على الباب بمشي
ليلى والحزن يملأ قلبها : هالكلام لي
حمدان : أنا ما أكلم أحد ثاني أيه لك
ليلى : صار
سكرت الخط
ريم : وش قال يمه
ليلى : قال بيجي يله جهزوا روحكم بيجي بعد نص ساعة
ريم : أجل خليني أروح لمنال وسلطان أخبرهم
راحت ريم وبقت ليلى لوحدها
ليلى وبحرقة قلب والدمع يسيل من عينها : ان اتقول لي هالكلام أنا الي حملتك 9 شهور تعبت حمالك أنت بكري تقول كذا يا خسارة يا أبو حمدان جد ما عرفنا نربي يا خسارة لو أنت نا يا سامي وش بتسوي (كملت ليلى بكاها (
بعد نص ساعة جا حمدان وجلس يضرب بواري (هرن ( بالسيارة
سلطان طلع من البيت لما سمع الصوت
سلطان : هلا بأخوي هلا بالغالي
حمدان من دون خلق: هلا فيك وين أمي وخواتي
سلطان : تو تذكر عندك خوات زين زين
حمدان : أقول أسلاطين جوز ولا بذبحك
سلطان : أسلاطين وبتذبحني زين زين المهم وين كنت طول الأيام الي فاتت
حمدان : وش دخلك أنت فكر بروحك أنت بس
سلطان : إنشاء الله يا أخوي الكبير يا خليفة أبوي
حمدان : شكلك ماتبي تجيبها لخير ( ضرب سلطان كف) عرفت اني خليفة أبوي وبربيك عدل
سلطان والعبة بعينه : أتخسي تكون ظفر من أظفور أبوي يالخسيس
حمدان : انقلع أطلع من السيارة
سلطان : لا تخلينا نشوف وجهك يالكلب
مشى حمدان بقوة وترك أخوه يبكي وترك أهله من دون أحد يوصلهم
ليلى توها طالعة من البيت بتركب السيارة
ليلى : وين حمدان
سلطان وهو تخنقة العبرة : مشى مشى
دخل سلطان البيت بسرعة
ليلى أدخلت البت وجلست أدور ولدها وينه راحت لغرفته وما لقته ولا شافته بأي مكان لكنها أسمعت صوت من غرفتها
توها بتفتح الباب الا أسمعت ولدها سلطان يصيح ويطالع صورة أبوه
سلطان : ليش يايبه ليه خليتنا , عاجبك الي صاير لنا عاجبك وش سوى فيني أخوي ما عمرك ضربتني ويجي هذا يضربني ليه لأني قلت له أنك أخوي الكبير خلاص أهو أخوي الصغير بتعجبه الكلمة شكلها يبه أبي ينصلح حالنا أبي نرجع مثل أول مع بعض
ليلى أدخلت غرفتها ويوم شافها سلطان مسح أدموعه
ليلى : ليه تمسحها خلها
سلطان : لا يا يمه ما أحب أحد يشوفني ضعيف
ليلى : يا ولدي لا تطلب من أبوك أطلب من ربك أبوك ما يقدر يسوي شي راح وإنشاء الله نجتمع معه بالجنة
سلطان : أمبن
ليلى : أنزين الحين كلم خالك عبدالوهاب وخله يجينا
سلطان : إنشاء الله (حب راس أمه ومشى (
كلم سلطان عمه عبدالوهاب ووافق يجيهم لكن المصيبة أن عمر كان جنب عبدالوهاب ولما عرف ان عبدالوهاب هو الي بيجيبهم زعل
تجمعت العايلة في المزرعة وكلن فرحان بمناسبة الجازي ووليد البنات أ/شغلين المسجل ويرقصون والشباب جالسين بالمجلس
يعقوب : ها بو داحم شكلك خفت
عبدالرحمن : أنا أخاف شكلك ما عرفتني
عبدالوهاب : ولعت هذا أحلى شي يله نقوم
خالد : تو على السباق
عمر : لا يبه خلها وهي مسعورة
إبراهيم : يله كلنا نقوم
أحمد روحوا أنتوا أما أنا خلوني مع هوايتي
يعقوب : الحمام هذي هواية
يوسف : أفا بو يوسف إذا الحمام مو هواية وش الهواية أجل تدري بكم ينباع الحمام أحيانا يوصل لعشرات الألف
يعقوب : يبه حمام
يوسف : ايه حمام أحد وسائل النقل في القديم ولا زال
يعقوب : أسف أحمد توني أدري أنه مهم وخاصة للحساويه
أحمد : قبلنا أعتذارك بس مو قابل هزيمتك
يعقوب :راح أوريك فيهم
أنطلقوا الشباب واركبوا خيلهم
جمانة شافت الشباب وراحت مسرعة للحريم تقول لهم
جمانة سكرت الأستريو وهم يرقصون
جمانة : لا تعصبون بس أعيالكم برا بالخيل راكبينها وبيسوون سباق والمشاركين كثر وأولهم أبوي راكب الفهدة
شيماء : بو خليل راكب الخيل بروح أشوفه
الجوهرة : لا تروحون يتحمسون الحين خلكم جالسين
ليلى : يمه تخافين
الجوهرة : لا أنا ما أخاف بس أشوي
الكل يضحك
أطلعوا الحريم يشوفون السباق
الخيل تضرب الأرض وتحفرها من زمان عن السباقات
خالد ها مستعدين الفكرة بالي يوصل لخط النهاية في الميدان وأول واحد يوصل هو الفايز
عبدالوهاب صار
بدا السباق والكل أنطلق
كانت البداية تحمس كثير فالكل بخط واحد غير أن عبدالرحمن يتقدم عليهم أشوي ومن ثم يعقوب يتقدم تموا كذا حوالي 50 متر وبعدها تقدمت الشهلة الي ماسكها عمر الكل يحاول يقرب جنبه لكن ما فيه فايدة بقى على خط النهاية 20 متر وعمر متقدم مع الشهلة لكن فيه فارس يتقدم بسرعة
جمانة : أبوي أبوي شوفوه
تقدمت الفهدة على الشهلة وصارت المنافسة بينهم وفي الأخير فازت الفهدة والثانية هي الشهلة لكن لسه الشباب يتسابقون عبدالرحمن بجانبه عبدالوهاب وبجنبهم يعقوب ولما قربوا للنهاية فلت ألجام يعقوب منه أدى أنه يصطدم بعبدالرحمن وعبدالرحمن أصطدم بعم عبدالوهاب المها ما أقدرت تتوازن وطاحت وعالية هم طاحت لكن الشهباء سيطر عليها يعقوب صح لكن المهم عبدالرخمن وعبدالوهاب وش صار لهم
مها ونورة من شافوا ال صار أصرخوا صرخة وحدة
شيماء : ما أستو عبت الا أنها تدخل الميدان بأتجاه ولدها بسرعة
الكل فزع لهذا الشي وادخلوا يعقوب نزل من الشهاب ورح جنب عبدالرحمن وعبدالوهاب لقاهم على الأرض وكل واحد يلوي على روحه
منذ /03-12-2006, 09:01 PM
