منذ /07-12-2006, 12:40 PM
|
#151 | ||||||||||||||||||||
|
بنوتة محلقة
|
ها ها ها ها ها
هكوووه انا ييت اكيد افتقدتووني صح :pleasantr لا لا اكيد انتو بتقولون لا اووكيه عادي ومشكووووره لمروركن وانشا الله بكمل البارت الغلا
|
||||||||||||||||||||
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
منذ /07-12-2006, 07:09 PM
|
#152 | |||||||||||||||||||
|
بنوتة مبتدئة
|
اكيد بنقدج يا كل الغلا
|
|||||||||||||||||||
|
منذ /07-12-2006, 10:15 PM
|
#153 | |||||||||||||||||||
|
بنوتة محلقة
|
إلا والله إفتقدنا بس لو سمحتي كملي القصه
|
|||||||||||||||||||
|
منذ /08-12-2006, 08:37 AM
|
#154 | ||||||||||||||||||||
|
بنوتة محلقة
|
زين زين زين زييين
احين بكمل البارت(24) 7 7 7 7 7 7 فى هالوقت دخل الكل بعد اخلصوا غدا ..ام زايد سارت حجرتها ترتاح ..وساروه يلست وياهم تتريا ميروه وموزه لانهم بييون الحين ذوقفت جدام المنظره تعدل شيلتها زايد: ليش تتعدلين حد باييج ساروه: هيه زايد: منو ساروه: ميرووه وموزه (شرق خالد فالجاى ) زايد: هههههههههه خيبه اشرب ماى انزين خالد: عادي حصل خير خليفه: قولى اتعدل لان خليفه بن محمد اهنيه ساروه: انشا لله المره اليايه فهد: ساروه تراج وايد مستويه قويه ناصر: خلوها انزين ::رن جرس الباب:: ساروه: وصلوا لا تتحركون و لا تتكلمون الشباب: انشا لله سارت ساروه وبطلت الباب و سلمت على ميرووه و موزه واول مادخلن الصاله جافن الشباب استحن بس ساروه اجبرتهن ييلسن .. ساروه: وابووى عليكن يلسن اخوانكم خليفه: هيه يلسن خالد: مرحبا فيكن زايد: هههههههههههه بس ترحيب لو سمحتوا ناصر: ترحيب رووعه فهد: شحالكن موزه+ميروه: الحمدلله بخير عبدالله: انشا لله دوم موزه(صدق مايحس): لله يسلمك زايد: ساروه يلسي ساروه: وين ايلس خليفه: اهنيه تعالى عدالى ساروه: مابا موزه: سااااااااااااااااااروه ساروه: شو موزه: شفتى اغنيه نانسى عجرم بص بص ساروه: شفتها خليفه: ياربى ضربتوا على العوق ساروه: ماخلصنا من السالفه خليفه: هيه ساروه: بس عيل عبدالله: ليش تغارين منها يعنى ساروه: بس اغااااااااااااار هذا ولد خاليه ما اريده يطالع بنات برع زايد: عاشت ساروووه خالد: هذا الكلام السنع و الا بلاش خليفه(استحى ونزل راسه): تسلمين بنت عمتيه خالد: ليش ميره ما ترمسين ساروه: مستحيه البنت زايد: ملعووونه و لله انتى (يطالع ساروه ) ميره: شو اقول (اطالع تحت) خالد: ليش اطالعين تحت انا اهنيه ناصر: فهد شورايك انسير الميلس فهد: يالله قم انزين خليفه: لا و لله مب جانه هب عايبتنكم اليلسه فهد: لا و لله هب جيه بس عندى كم من سالفه و برجعلكم زايد: بالتوفيق ناصر+فهد: لله يخليك بعد ماطلعوا ...ميرووه كانت و ايد مستحيه من خالد ...الى كان يطالعها ويريدها ترمس وزايد يطالعه و هو يضحك .. زايد: ياخى البنت تستحى خالد: صدق تستحين منى خليفه: ههههههههههه عيب عليك و لله انها تستحى ساروه: تدرى انى موت احبك موزه: وان مالى غيرك حبك خليفه: هيه عااااااااااااااشوا ساروه: الى ينبض فى ضلوعى موزه: ماهو قلبي هذا قلبك (اطالع عبدالله) عبدالله: وع وع شو ها الاغنيه هب حلوه زايد: و لله انها حلو ازين عبدالله: انا بسير ارتاح فوق براايك الكل (الا موزه): لله يحفظك بعد ماسار ساروووه لاحظت ان موزه زعلانه من اسلوب اخوها بس هيه ماتقدر اتسوى شى ..و من غير المصيبه الى جافتها الصبح .. ساروه: مووووووويز موزه: هلا ساروه: اشفيج خليفه: شو تبين فى البينه ساروه: شولك انته ميروه: بس خلاص انتوا لاثنين خليفه+ساروه: هههههه و اخيرا خالد(يطالعها ويغنى فجأه): انته من تستاهل اشواقى و الخفوق وناظر اعيونى ساكن فى داخل اعماقى راسخ و مشيد اركونى .. زايد: عاش خلووود ساروه: هيه كمل عشان انعش خليفه: بذبحج ساروه(اطالع خليفه خايفه): ازين موزه: امررررره ساروه: هيه ترى خلوف من يقول كلمه خلاص لا تردين عليه موزه: هيه و لله صج اشوفه هب هين عشان جيه سكن فى قلب يحبه ويموت فيه ساروه: بس سكتى لا يسمعج خليفه: شو تقولن ساروه: ماشى .. ميروه: وين خالوه خالد: راحت ترقد زايد: ههههههههههه انته سارووه خالد: لا بس اجاوب زايد: ههههههههههههه ميروه: اهااا حليلها و لله زايد: ايييييييييييه انسير ورانا شغل نحن خالد:باجر فى وقت زايد(يبتسم): بعدين خل حق المشاعر خالد: فضحتنا زايد(يسحب خالد من كندورته): يالله بالله عليك ياابو المشاعر خالد: صبر بسلم عليهم (يطالع ميره وجدام الكل) ديرى بالج على نفسج ميروه(مستحيه): ............................... خالد: تسمعين زايد: لا تحرج البنت ميروه(تهز راسها بالايجاب): ............................... خالد: مع السلامه طلع زايد مع خالد الى يلس يتحرطم عليه ليش ما خليتنى ايلس اريد ايلس .. زايد: ماتجووف البنت مستحيه خالد: يا اخى احبها و هذى اول مره اقولها زايد: عاااش الحب وينه سالم بيدفنك و لله خالد: برايها يا اخى ما اقدر اصبر اريدها زايد: بتقولك امها نوره جدامها خالد: خلها لك زايد: ما اريدها (يفكر فى حمدووه) خالد: هيه زين عيل اتفقنا فى شى زايد: يا اخى من تباها اخطبها شو تتريا خالد: ترانى رمست امى زايد: خير انشا لله يالله خلنا انسير انشوف العمال خالد: يالله انزين بعد ماطلعوا ...نرجع حق عربنا الى فى الصاله .. خليفه: هاااا اشوفكن ياسات ساروه: بس جيه موزه: اشفيج ساروه: ماشى ..ليش ميرووه: سويره انا بسير اسوى حق خالتى شى حق العصر ساروه: دخيلج نريد كيكه بالشوكولاته خليفه: هيه و لله فخاطرى ساروه: حقى خليفه: لا حقى اقولج ميروه: لله يعينكم انتوا على بعض موزه: هيه و لله متى بيتفقون خليفه يطالع ساروه و هيه ترد عليه بنظره و احمرت ويلست وهو ابتسم ولف يطالع التلفزيون ساروه ياسه اطالعه وقلبها كانه بيطلع من ضلوعها وهيه تفكر بالانسان الى يالس اهناك الى يبعدها عنه شبر او خطوه او خطوتين بعد ماطلعت ميروه صوب المطبخ تقربت ساروه عدال خليفه .. ساروه: تريد تشرب عصير خليفه: عصير شو ساروه: عصير توت اماايه اليوم شارتنه خليفه: هااااتى ساروه(تبتسم): انشا لله اتريانى ما تروح خليفه: وين اروح لله يهديج .. سارووه: عيل خلاص دقايق و بكون عندك خليفه: حاضرين الغاليه طلعت ساروه و موزه صوب المطبخ عشان اطلع عصير حق خليفه ... ::++بيت بوخالد++:: ام خالد ياسه مع ريلها فى الصاله وعمها بومحمد الى ياس يشرب قهوه على العصر لازم الفواله كل عصر ..نزلت حمدووه وسلمت على يدها وابوها و امها .. حمدوووه: شحالكم بوخالد: بخير ربى يسلمج بومحمد: عيل ليش ماسرتى ويا اخوانج حمدووه(فتحت عيونها): وين ساروا ام خالد: لله يسلمج ساروا بيت عمتج ام زايد حمدوه: لا و لله ليش ماقلوليه عيل بومحمد: جان اتصلت على واحد منهم اييج بوخالد: هيه و لله حمدووه: المره اليايه (وقفت تريد تروح حجرتها) بوخالد: ها وين حمدوه: بسير اخلص واجباتى ام خالد: لله يوفقج انشا لله حمده: امين لله يسمع منكم سارت حمدووه حجرتها و هيه فرحانه من الخاطر ياربى شو مستوي بالدنيا ..معقوله احب حمد وقفت اشوى وهزت راسها بالايجاب دخلت حجرتها وبطلت النت وجافت الكاسر هب موجود طرشتله ايميل ويست تتريااااه .. ::++فى بيت ام زايد++:: اول ماسمع خليفه صوت ساروه سار اندس ورى الباب اول مادخلت ساارووووه ماجافت حد التفت على موزه ساروه: رووووح موزه: لا و لله ساروه(برطمت): ليش روح بس سرت اييب العصير كله منج انتى اخرتينا موزه: شو تبين انسوى يعنى خليفه يلس يضحك من الخاطر ورى الباب سارووه: لا ياربى شو هالحاله موزه: ليش زعلانه ساروه: موزه ليش ما ازعل مع انى قلتله لا يسير اكيد حد اتصلبه وقاله تعال موزه: شودراج ساروه: ما ادرى (شافت سفره خليفه) وووووويه موزه موزه: بسم لله استلبست البنيه شوووو ساروه: سفرته اهنيه خلاها وراااح فديته ياربى من سمعها خليفه انتفض ويقول فى خاطره ياربى كم احبج و لله احبج يابنت الناس اموت فى الارض الى تمشين عليها ...بروعهم احسن ..طلع من ورى الباب وصرخ خليفه: بوووووووووووووو ساروه+موزه: ااااااااااااااااااااااااااااااااااااااااااااااه (يصرخن) خليفه: هههههههههههههههههههههههههههههه شو فيكن ساروه: خوفتنا خليفه(وقف جدامها ): عطينى السفره ساروه(اطالع ايدها): هااااا اندوك (نزلت راسها) موزه: استهمينا عليك تحسبناك روحت خليفه: لا كنت اهنيه (يطالع ساروه) وين العصير ساروه: اووه نسيت (عطته الكوب) تفضل خليفه: مشكوره الشيخه ساروه: خليفه بلا رسميات موزه: شو رسميات بعد ساروه: يعنى لا يقولى الشيخه موزه: عيل شو يقولج (تغمز حق سويره لانها بدت تخور ) ساروه: يقولى ساروه خليفه: من عيونى فديتنى (يطالع ساروه) ساروه(مستحيه): بس اسكت رن تلفون خليفه .. سارووه: منو متصل خليفه: خلينى ارد وين منو متصل (يقلد ساروه) يرد على التلفون خليفه: الوووو ناصر: هلا خلوووف بتخاوينا العين مول خليفه: هيه بس اشرب عصير واييكم ساروه: منوووووووووووووو خليفه: اقول فديتك لحظه(يلتفت على سويره)صبرى ازين موزه: هههههههههههههههههههه ساروه: ازين (ترد على خليفه) خليفه(يرد يكلم ناصر): خلاص خمس دقايق واكون عندك ناصر: عيل تمام نترياااك برااايك خليفه: وداعه لله بعد ماسكر التيلفون التفت على ساروه ... خليفه: بذبحج اذا رمستى وانا ارمس ما اريد حد يسمع حسج ساروه(امبرطمه):.......................... موزه: ساروه شو فيج معصبه خليفه: ساروه (يدزها من كتفها) اييييييييه ردى على موزه(ادركت الموقف وقفت): بخليك بسير اجوف ميره وضهرت من الصاله .. خليفه: اشفيج ساروه: مافينى شى ابد سلامتك خليفه: اشفيج معصبه ساروه(نزلت راسها): مافينى شى (ترفع عيونها اطالع خليفه) بتسير الحين خليفه: هيه ساروه: ليش؟؟!! خليفه: شو ليش بعد مايستوي ايلس عندكم ساروه: ليش انزين؟؟!!(اشوى و بتصيح) خليفه (حس ان فيها شى): ساروه بلاج اول مره اشوفج جذا ساروه: لا ماشى (نزلت دمعتها على خدها) خليفه: خبرينى شو السالفه لا تخشين علي (خايف) ساروه: ماشى بقولك شى و بسير بسرعه خليفه: قولى انا اسمعج ساروه(وقفت): خليفه اناااااااااااااا خليفه: شووو فيج (يبتسم) ساروه: انا احبك خليفه و لله تولهت عليك (وضهرت من الصاله) .................................................. ...... خلص هذا البارت قولنلي رايكن وسوري لو تأخرت السمووحه الغلا
|
||||||||||||||||||||
|
منذ /08-12-2006, 09:09 AM
|
#155 | ||||||||||||||||||||
|
بنوتة مبتدئة
|
مشكووه اختي
|
||||||||||||||||||||
|
منذ /08-12-2006, 09:18 AM
|
#156 | ||||||||||||||||||||
|
بنوتة مبتدئة
|
مشكـــــــورة حبيبتي على البارت الرائــــــع و الروووعــــة
مثلجـ و الله .. عيبني .. تسلم أيــــدج الرائـــعة و ننتظر البارت الجديـــد بفارغ الصبـر
|
||||||||||||||||||||
|
منذ /08-12-2006, 02:25 PM
|
#157 | |||||||||||||||||||
|
بنوتة مبتدئة
|
يسلمو ع البارت الغاوى على قولتكم
|
|||||||||||||||||||
|
منذ /08-12-2006, 05:53 PM
|
#158 | ||||||||||||||||||||
|
بنوتة محلقة
|
مشكووووووره لمروركن بنات
وثانكس على رايكن وهذا البارت (25) 7 7 7 7 7 يلس خليفه يفكر بالى سمعه سار ولحقها ساروه كانت سايره من الباب الي يودي على المطبخ ومسك خليفه ساروه من ايدها بالقو خليفه: ساروووه ساروه(نزلت راسها مستحيه):......................... خليفه: انا احبج بعد لا تخافين قلبى لج انتى بس ساروه: صج خليفه: هيه و خذيها كلمه منى محد يقدر يفرقنا الا الموت ساروه(ابتسمت): انشا لله (سحبت ايدها و التفت على خليفه ) دير بالك على نفسك خليفه: من هالعين لين هالعين خليفه قعد يراقب ساروه لين ما دخلت المطبخ ...ورد الصاله و خذ سفرته و طلع من البيت ساير صوب العين المول مثل ماقالوله ناصر وفهد .اول ماوصل مالقى حد فى الكوفى ويلس يترياهم .. ::++فى سياره فهد::++ فهد كان موقف عدال بيت قوم مها على الاقل بس يلمحها و ناصر كان تقريبا متضايج ناصر: شو موقفنا الحين اهنيه فهد: بنسير نسلم على حمد ناصر: مافينا بعدين يشك فهد: يعرف انى اريدها بس بعزمه على الخطبه ناصر: يالله ازين تقرب فهد من بيت مها وتحرك اشوي شوى ويلتفت على البيت ناصر: انكسرت الرقبه فهد: ههههههههههههه (يطالع بيت حمد ) وويه جانه محد فى البيت ناصر: شكله خلنا انسير العين مول خليفه بيسويلنا موووووووال فهد: شو عراقى الموال ناصر: اى موال المهم موال سب فهد: انسير عيل ::++فى بيت المرحوم بو مها::++ مها المسكينه كانت تغسل ملابس خواتها من الابو وهن يطالعن التلفزيون وسمعت ام جاسم تزقرها .. ام جاسم: مها يا مهاااااااااااااا مها: هلا خالوووه ام جاسم: و العثره تعثرج وين كنتى مها: كنت اغسل الملابس ام جاسم: سير البسى عباتج بنسير العين مول اريد اشترى هدايا حق ربيعاتى مها: انشا لله خالوه ام جاسم: قولى حق ميسى تقول حق الدريول يطلع السياره مها: انشا لله فى السياره ام جاسم عطت مها محاضره اشطولها وش عرضها و من غير السب الى ايها بس مها ماكانت ترد عليها لانها تحترمها و تعتبرها بحسبه امها الى ماجافتها فى حياتها الا فى الصور ..وصلت العين مول ام جاسم نزلت قبل مها وسارت صوب المحل ....ومها كانت تمشى وطاح مفتاح حجرتها نزلت و خذته ورفعت عينها وجافت فهد الى كان يمشى بدون ما انتبه لها وهو يضحك نزلت راسها و هيه تقول كان يشفق على مشت مها وهو حاز فى خاطرها ..ناصر انتبه لها وهيه تنزل راسها و تمشى ورى خالتها ... ناصر: فهد براوويك شى شو بتعطينى فهد: شو بتراوينى ناصر: شو بتعطينى قبل فهد: اذا شى يستاهل انته تتنقى الى تباه ناصر: هذا شى يستاهل واااايد فهد: شو انزين ناصر: قول تم فهد: تم ناصر: اريد باسكن روبنز فهد: خلاص تم شو بتراوينى ياشر ناصر على مها الى من شافها فهد لوى على ناصر... وناصر كان يضحك ..وتمو يمشون وراههم دخلت مها ورى خالتها الا خمس دقايق جافوها تطلع و هيه منزله راسها لان ام جاسم ماتريدها تدخل وياها اونه تفشلها تمت مها برع على الكراسى وجافت فهد الى ابتسم لها بس ماردت عليه بابتسامه رفعت عيونها وجافت جاسم واقف جدامها جاسم: شو تسووين (وهو سكران ) مها: اتريااا خالوووه جاسم: لا و لله مب ياسه اتغازلين فهد كان واقف بعيد مع ناصر ويجوف الى يستوي مها: احترم نفسك جاسم: لا و لله اشوف طلع لج لسان مها : مب راده عليك جاسم: و لله مها: نعم طراق طيح مها على الارض جدام الناس وخاصه فهد الى وقف معصب منه ..جاسم سحبها من شعرها ويقولها يالخايسه تسودين ويهى جدام الناس وتطلع ام جاسم توقف ولدها و همست فى اذنه انه بس خلاص فى البيت دواها رفسها فى بطنها ام جاسم سحبتها من على الارض عشان تتبعها ..نشت مها منهد حيلها ورفعت عيونها اول ماشافت فهد نزلت دمعتها و هيه تقوله ساعدنى بيذبحونى فى البيت ...فهد دارت به الدنيا مايعرف شو يسوووى ترياهم لين ماطلعوا من العين مول وتبعهم هو ناصر لين البيت ..وقف السياره بعيد ونزل منها هو ناصر ..اما فى بيت بومها ..سمعوا صراخ مها الى ينسمع لين برع ناصر حاول يهدى فهد الى انهار خلاص يلس على الرصيف وهو يسمع صوتها و يتالم فى الثانيه مليون مره ...فى بيت بومها جاسم مارحمها ضرب راسها على الطوفه لين طاح مغمى عليها و خلوها بدون محد يساعدها ..بعد اشوى نشت البشكاره تساعدها عشان تقوووم ..بالعافيه نشت مها و سارت حجرتها بطلت الدريشه جافت فهد الى وقف من جافها ...حطت ايدها على ويها و هيه تقوله شوف الضرب الى على ويهى ..بندت الباب لانها حاطه فى بالها انه يشفق عليها ..ناصر سحب فهد لين السياره عشان يردون بسرعه المول .. ::++فى سياره فهد::++ ناصر: ياريال ما بيستوي الا كل خير فهد(وهو معصب): سمعت صوتها و الا لا ناصر: سمعته بس شو بتسوى يعنى فهد: بقول حق اماايه تستعيل فى الخطوبه و الملجه و العرس ناصر: خيبه فهد: هيه نعم و الى ما يطوله بايده يطول بريوله ناصر: بس شو بتسوى فهد: حرام الى يسووونه شو من البشر هذيل حتى الحيوان ما يعاملونه جذا ناصر: استغفر لله العظيم فهد:............................. ناصر: خلاص اتسهدى بالله يا فهد فهد: ونعم بالله ناصر: سو الى يريحك .. فهد: انشا لله يارب ناصر: يالله نلحق على خليفه قبل لا يسويلنا اغنيه الحين فهد: هههههه يالله ازين تحركوا صوب المول ...عشان يلقون خليفه ...يمر الوقت و الايام والدنيا ادور على هالناس و الحب فى قلب كل انسان بدى يكبر كل ماكبر حبه ..وكل انسان بدى ينمو فى قلبه الحب ... ::++يوم الخميس فى بيت ام زايد::++ البيت كان مرتبش لان اليوم فهد بيخطب مها و اخيرا بيتحقق حلمه ...فى الصاله فهد يالس يتريا امه وسارووه عشان يجهزوون .. فهد: اماااااااااااااااااااااايه (يصرخ) ام زايد: هايولدى فهد: يالله يا اماااااه تاخرنا ام زايد: وابووويه شو تاخرت هالكثر ملغوث فهد: امااايه زايد و الشباب بيسيرون بيتهم بعد ما نحن نوصل اهناك ام زايد(طالعه من حجرتها): ها يولدى خلصت عيل وين ساروه فهد: ما ادرى جانها فوق يالله ::++نزلت ساروه من فوق ::++ ساروه: ها المعرس خلصنا فهد: ها منو بيسير من بنات خالوووه ساروه: كلهن بيسيرن بنتلاقا اهنااااك فهد: خلاص عيل تمااام (يطالع امه الى تعدل المريه الى حاطتنها) ها اماايه جاهزه ام زايد: هيه نعم ياولدى فهد: يالله انسير عيل طلعوا من بيتهم ساييرين صوب بيت مها ..بومحمد كان داخل قبلهم عشان يرمس جاسم الى يلسه فى الميلس مع باقى الشباب (زايد- خالد-خليفه-ناصر-عبدالله) بومحمد: هايولدى اشقلت جاسم: انا عندى اختين وحده بنت ابوويه من حرمه ثانيه بوخالد: نحن بنتخير جاسم: وليش؟؟!! بومحمد: لله يهديك ياولدى ياجاسم انا اريد بنت المرحوم وبنت المرحومه تكون حرمه حفيدى جاسم: هذى الساعه المباركه زايد: هيه بس لازم تشاورها جاسم: الشور شورى و مالها شو خالد: اشعنه عاااااد جاسم: وين المعرس خليفه: فى الدرب جاسم: لا تكون انته خليفه (يطالع خليفه) خليفه: طال لله بعمرك وياك خليفه بن محمد ناصر: وانا اخوه عبدالله: وانا ولد عمتهم جاسم: منو الى بياخذ اختى خالد: قلنا لك المعرس ياى الحين فى الدرب .. ::++وصل فهد بيت المرحوم سعيد ونزل امه و اخته الى استقبلتهم ام جاسم عشان توديهم عند الحريم و دخل فهد الميلس::++ فهد: السلام عليكم الكل: وعليكم السلام والرحمه بومحمد: اقرب ياولدى (يطالع جاسم) هذا هو المعرس جاسم: مرحبا فيك شو اسمك فهد: اسمى فهد جاسم: مرحبا و لله بوخالد: ها ياولدى ياجاسم اشقلت جاسم: انا موافق ماعندى مانع بس بشرط بومحمد: شو الشروط ::+الكل استغرب حتى بوخالد يتشرط بعد ::++ جاسم: مهر البنت 100.000 درهم وحلال عليكم فهد(يطالعه بنظره تحدى): حاضرين جاسم: و حلال عليكم البنت الكل: شوووووووووووووو جاسم: مثل ماسمعتوا دفعوا مهرها و خذوها فى اى يوم بوخالد: مايصير لازم انسويلها عرس جاسم: مايحتاى حق شو بعد لو اختى منى لحمى ودمى ذيج الساعه خير فهد: بسويلها عرس جاسم: برااايك انته حر فيها زايد: خلاص عيل نحن بنسوى العرس وما علينا الا ندفع الفلوس جاسم: عليك نور ؟؟!! خليفه: انته تريد تعرس جذا جاسم: طال لله بعمرك انا حرمتى غير بومحمد: هذى اختك جاسم: عمى الاخت غير يعنى لازم تكون من لحمى ودمى ناصر: تراها من لحمك ودمك بعد شو جاسم: ازين ازين احين شو بتسووون ::++دخل حمد ربيع فهد الى ساكن عدال بيت المرحوم سعيد++:: حمد: السلام عليكم الكل: وعليكم السلام حمد(يلس عدال فهد ويهمس): بشر ها شو استوى فهد(يهمس): اسمع بس الحين زايد: هاااا متى تريد الفلوس جاسم: خلونا نخطب ونملج مره وحده من بعدها سوا الى تبونه خليفه: بس انتوا اهلها لازم تحضرون جاسم: هههه خير لين يستوي العرس خليفه: خيبه حشى عوذ بالله جاسم: شو قلت خليفه: لا ماشى (يقول فخاطره ودى اسحبك من شعرك هذا الى مطولنه ) بومحمد(معصب): احين شو جاسم: على بركه لله بوخالد: ممكن تسير تبشرهم جاسم: انشا لله تبون تشربون شى الكل: لا مشكور ::++طلع جاسم من الميلس ساير داخل بيتهم::++ دخل جاسم البيت ساير صوب امه وقالها انهم يبون مها حق ولدهم .. ام جاسم: و ليش مايخطبون وحده من بناتى جاسم: فكينا الحين خليها تولى عنا شو تبين فيها ام جاسم: شورك جاسم: بعد شو عله على قلوبنا وبعدين لا تنسين فلوس ابويه كلها لنا ما بتشاركنا فيها ام جاسم: هيه و لله خلاص قولهم ان نحن موافقين جاسم: بسيرلها فوق قبل ام جاسم: هيه عيل سير لها جاسم: برااايج ::++طلع جاسم صوب غرفه مها بس مالقاها سار المطبخ لقاها تطبخ عشا::++ دخل المطبخ ويرها من ايدها .. مها: ااااخ ايدى اشفيك انته جاسم: فى ناس يايين يخطبونج مها(مستغربه): هااااااااااااااااااا جاسم: موافقه مها: ما اعرف جاسم(يصرخ عليها): شو ما تعرفين اصلا انا حيوان يوم اريد رايج انجلعى (يفرها على كبت المطبخ ويضرب راسها بالكبت وطلع منه دم ) ........................................... جفتوا شو سوى فهد عشان حبه حق مها وجفتو اخره مها كيف احين خلص هذا البارت ابى رايكن وردوود وايد وتوقعات حق البارت الياي الغلا
|
||||||||||||||||||||
|
منذ /08-12-2006, 06:35 PM
|
#159 | ||||||||||||||||||||
|
بنوتة مبتدئة
|
يسلموو يالغلااا عالبارت الحلو ..
|
||||||||||||||||||||
|
منذ /08-12-2006, 06:38 PM
|
#160 | |||||||||||||||||||||
|
بنوتة روعة
|
,‘
واو بآين انها قــصـه حـلوهـ.,! برجع اقـرآهــآ من الـصفحهـ الاولــى ., و ان شاء الله من المــتابـ ع ـاتـ .. اقوول هالله الله فـيني تراني اولـ مرهـ اصير متابعه لقـصهـ لووولـ .. يــصلموو ,‘
|
|||||||||||||||||||||
| الكلمات الدلالية (Tags) |
| ماجفيت, احبك, انا, ترجع, بعد, تقول, واحبك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
