**ليــــــــــــالـــــــــــــي الحــــــــب **

[DKNY]

البارت الثاني
سارة توها بتلف إلا محمد نزززل راسه مرة وحده عشااان ما يشوفهاا

سارة:وووووووووووووويه ..
وركضت مثل البرق غرفتهاا وختذت شيلتهاا وطلعـت .. عدلـت شيلتهاا ..

وقعدت في الصالة ..

طلـع عبدالله ..

عبدالله: ليش قااعده مع ولد العم ؟؟
سارة تصلبت وما قالت شيء ..
محمد لاحظ عليها علامات الخوف : خلها خلهاا .. مو مشكلة .. اخواان كلناا اخواان ..
وحااول يغطي ع الساالفة .. يـلا يووباا جيب الكيرررم .. يا بوعاابد ..

عبدالله حـط الكيـرررم وطااح منه ع الأرض

سارة ضحكـت بهمس ..
عبدالله سمعهاا : تبين تضحكين رووحي غرفتج .. وهـوو فيه الضحكة وويه احمرر من الضحك من داخله ..
سارة: طلع ضحكتك يالعبيط .. تلعب علـي ..
عبدالله لف ويهه وضحـك كثر ما يقدرر ..
محمد: هههههههههههه .. عبااااادي .. يالمهررررج .. اقعــد ..
سارة قاامت وراحت المطبخ الي مجاابل الجلسة ..

ودخلـت وطلعـت بيبسي وردت الصالة ..
عبدالله قااعد يتنذل على ساارة عـدل ..

عبدالله: يعني جبتي لج بروحج يالبخيلة .. وما جبتي لناا ..
سارة: انت شفيك علي .. اليوم .. يووبا روح جيب لك ..
عبدالله يكلم محمد: والله طلعت مب هينة ..
محمد: ههههههه .. اهون منك يا بوالمقاالب ..
سارة: انكشفت يا بو المقااالب على قولة محمد .. ههههه ..

سارة: انزين عن اذنكم بجيب لكم بيبسي وبرد ..
ونـزلت تحت عشاان اتجيب الثلـج ..


عبدالله قعد من صجه يتكلم ..

محمد: عبدالله ممكن سؤال ؟؟
عبدالله: تفضل ياخوي ..
محمد كانم مرتبك بس قالهاا : عباادي .. أناا لو في يوم من الأياام تقدمـت حق سارة بتوافق انت عن نفسك ؟؟
عبدالله: آآي يا نسيبي .. يعني اناا ما بوااافق .. والنعم فيك .. طبعا بمواافق
محمد: صج ؟؟ انا من صجي اتكلم ..
عبدالله عدل قعدته: وانا من صجي اتكلم ..
محمد: انزين وامك ؟؟
عبدالله: أكيييييييد .. 100% .. بتوااافق .. هـي يوم خطووبة ماريوو وعيسى .. لين المعازيم راحوا .. قالوا الفاال حق سارة .. امي قالت ساارة ومحمد شرايك يا بوعبدالله .. ابووي ضحك وقال موافق .. أمـاا ساارة انصبغت مسكينة .. استوت تووت ..
محمد: هههههههههه .. صج ؟
عبدالله: اي صج ..
محمد: باااال .. واايد خجوولة
عبدالله: مالت عليك ما تبيهاا
محمد: منووو قااال ...
عبدالله: اناا
محمد: يااااه .. رووح زين ..
عبدالله: ههههههه ..
محمد: اناا اكلمك من صجي ..
عبدالله: انزين .. أنـاا بشااور أبـوي و أمي في الموضوع انشاء الله بعد عرس عيسى ومارياا .. لان ساارة أعز أخت عنـدي .. وأنـاا اكثر شيء معاهاا .. ما اقدر اعطيهاا لأي وااحد ..
محمد: يعني ما تثق فيني اناا ؟
عبدالله: لا بالعكـس .. انــت .. مافيه أحسن منك ومرات كنت اقولك يابخت الي بتاخذك جمال ووساامة ودراسة وشهاداات وشغل زيـن .. ومخلص .. ومتمسك بصلواتك ومحاافـظ .. وماعليك سواالف .. ولا هوون ..
محمد: طاال عليك ياخووي
عبدالله: لاوين .. أنـا كنت أدخن .. وتلعوزت في شغلي .. بـس الحمدلله الحين زين ..
محمد: انزين يالدب اقوولك طاللع عليك
عبدالله: هههه ..
محمد: انزين .. أبيـك تـشاور بعـد سـ ..
فجأة اتيي ساارة وحست ان قاعدين يتكلموون عنهــاا ..

حطت صينية المقبلات والمشروبات ..

سارة: تتكلمون عني ..

عبدالله ومحمد طالعوا بعض ..

سارة: ؟؟؟؟؟؟؟؟؟؟؟؟؟؟؟؟
عبدالله: لا ولا شيء ..
سارة: اوكي ..
راحـت ساارة الغـرفة ..
================================================== ==================================================
مـر الشهرين علـى الخيــر .. واليــوم هــو يـوم عــرس مــاريــا و عـيســى ..

ماريا تمكيجت باللـون الذهبي والبيج وطلعـت روعـة وفستانها كـان بتصميم أمريكي حلـو بالذهبي والأبيـض .. وشعـرهاا ارفعـوا لـهـاا كلـه عـلـى فـووق وحـطـوا لـهـاا وردة ذهبية وبيـج ع الجنـب .. وصـاارت رووعــة ..

أمـاا سـاارة فكـاانـت لابسـة فسـتـاان فيـروزي وطالــعــه اتينن كيووتي .. ومكيااجهاا كان فيروزي لامـع .. وغطت ع العـرووس .. وشعـرهاا سوته كلـه روول وطلـع واااايــد وااايـد حلـو ..
أمـا عـائشة فلبست فستاان أحمـراني حلـوو .. وطلعت كشخة ..

فـي العـررس ..

بعــد طلــعــة مــاريــاا ..

كـان الكـل فرحاان ورقـص وأكـل ويبااب .. ههههه ..

واصـواات الطقاقاات بالأغااني .. وكــاان العـرس واايد حلــوو

قبـل دخلـه عيسى بنص ساعة ..

عائشة كاانت قاعـده بـروحهـاا على كرسـي في أحـد الطاولات الفاضية ...

لاحضتهاا ساارة وراحـت لعنـدهـاا ..

ومبين علـى عائشة الحـزن وايد ..

سارة: عائشة ..
عائشة: نعم ؟
سارة: تعاالي الغرفة ابيج بشيء ..
عائشة: اوكي ..
وراحـوا غرفة ماريا وكاان المكاان هـدوء شـووي ..

عائشة: خير ؟
سارة: عائشة .. انتي للحين عـلـى سالفة جااسم ..
عائشة: اشلون أنسى يا ساارة ..
سارة: انسي ياا عائشة .. وانشاء الله بياخذج احلى منه واحسن ..
عائشة: انتي ما تعـرفين النـاار الـي بدااخلي والحقد على ساندرا ..

فجـأة يـرن جـواال عائشة ..

عائشة: الوو ..
جاسم: عائشة ..
عائشة باستغراب: جاااااسم !
سارة فتحت عيينهاا واستغربت ..
جاسم: عائشة .. أناا أبي أقوولج شيء ..
عائشة: قول ؟؟
جاسم: أنـاا أحبــج .. ومـاا رااح أخدعـج مرة ثانية .. أنـاا رفضت ساندرا وفصخناا الخـطوبة .. لسبب أن ساندرا كان لها علاقة بشباااب وايدين .. وأنـاا رفضتهاا .. وورقة فصخ العقد في يدي ..
عائشة طااارت من الفرحة: انت من صجك الي تقووله
جاسم: وانا اقدر أجذب على أغلـى النـااس ..
عائشة: تسلم ياجاسم .. تسلـم ..
جاسم: الله يسلمج يالغالية .. يالله أخليـج الحين .. وهااي آخر مرة أكلمج لان في مفاجأة مهب قايلج اياهاا ..
عائشة: ههه ..اوكي .
جاسم:يلا مع السلامة ..
عائشة: مع السلامة ..
وسكرت التلفوون وهي متونسة حيل ان جاسم رد لهـاا ..
وقالت حـق ساارة السالفة

سارة: انت نصيبه نصيبه .. هههههههه
عائشة: ههههههه .. انشااء الله ..
وراحـوا وهـم متنونسين ..

عقـب لبسـوا عباياتهـم لان المعررس بيدخـل ..

سارة كـانت واقفة عند ماريا وتكلمها ..

سارة: ماريوو
ماريا: نععععم
سارة: شنوو شعورج .. عوااس جدامج ..
ماريا ترتجف: رووحي عني ساارو بكفخج
سارة: اتحداااج ..
ماريا: ذلفي ذلفي ...
سارة: ههههههههههههه ..

سارة شافت اخوها عبدالله وكاان طالـع حلـووووو .. وابراهيم و يوسف وعمامهم .. والـي لفـت نظرهااا .. محمــــــــد الوسيم .. الــي كاان مغطـي ع المعـــررس .. كااان يعني بقمة الجماااال ..

نطت عليـهاا الجوري مرة وحده

الجوري: ووووووووووااااااي .. على حمووووووود .. آية جمااااااال ..
سارة :ههههههههههه .. بسج يالملسوونة تحررش في الشباااااااب ..
سارة قالت بقلبهاا كلش اناا بعد متغزلة .. ههههه
الجوري: ووواااي على حموود اينن ..
سارة: جبي يا جووريوو ..
محمد كاان توه بيلف رأسه شااف ساارة وهي علطوول تفشلت وووفرت رأسهاا ..

محمد شوي طالع وكااان يطااالع وما شل عينه من عليهاا من زوود جمالهاا الفتااان ..
عقـب راحت سارة وسلمـت علأى اخوهاا وحبهاا ابوهاا .. ويدهـاا ..
عقـب طلعـوا الرجاجيـل ..

وتمـوا ماريا وعيسى يصورون واللقطاات الحميمة .. واااو .. عجيبة .. هههههه ..

والبناات من طلعوا الشبااب هدأ جو المسرح .. هههههههه ..

عقـب يت الجوري عند سارة

الجوري: ساروو .. و قطيعه ..
سارة: تقطعج انصاااص انزين .. شفيج ؟؟
الجوري: وين الصحوون ابي احط لي العشاا
سارة: كأني اناا الي اعررف يعني .. روحي زين
ورااحت سارة وحطت لهـاا العشااء وتعشـت ..

عقـب راحت ماريا وعيسى الفنـدق ..

وخلــص العــرس وكـاان وااااايــد حلــوو ..

في الفندق سارة كاانت اي شيء تتصل في عبدالله عشاان ياخذهاا ما كاان يرد عليهاا ..


ليــــــــــن فضت القاعة وما كـاان فيـه غيــرر الموظفين .. والجوري واليازيه .. بعد ابراهيم متأخر عليهـم ..

سارة: الووووووو ..
عبدالله: بسم الله شفيج ؟؟
سارة: شفيني .. يالهيس تعاال خذني ولا تبيني اباات في الفندق
عبدالله:اووووه سووووري سوووووري نسيتج والله .. لان معااي محمد في بيتناا وسوااللف
سارة كانت معصبة لكن من سمعت محمد فرحت: انزين يلا تعااال خذني بااااااااااي ..
عبدالله: بايوو
وراح عبدالله وخذهاا من الفندق وجه ابراهيم وخذ الجازي والجوري ..

فـي البيـت ..

سارة راحت في غرفتها وعبدالله دخـل معاهاا ..

عبدالله: يه يه شهالجمااال .. وشهالفستاان الحلـوو
سارة بحياء: مشكوورة عيونك الأحلى ..
عبدالله: خليج لا تسوين شيء بجيب الكاميرا وبييج ..
سارة :هههههه .. اوكي
راحج ورد ومعاه الكيمراا

عبدالله :تعاالي يالحلـووة صورة بروحج وصوورة معاااي ..
سارة: هههههههههههههههه .. اوكي ..
وصورهـاا صورة ..
وثبت الكيمرا للصورة الثانية ..

وقـف مـع سـاارة وضمها بيده وولـع الفـلاش .. وصورهـم ..

عقـب تمـت واقفة ساارة وواقف عبدالله ..

عبدالله احم احم :: انزين ساارة أنا أبيج بموضووع ضروري ..
سارة: خير .. شفيك ؟؟
عبدالله: طبعـاً الحين ماريـا تزوجت وسعدت مع ريلهاا .. وأنتـي
سارة طاح قلبهاا ..: كمل ..
عبدالله: وأنتي ما فكرتي بالهشيء ..
سارة: بصراحة .. أنـاا عـادي عنـدي .. بـس .. مـن الـي تبونـه لـي ؟؟
عبدالله مـاعرف شيقول : أأ .. أنـا كلمـت أمـي وأبـوي ووافقـوا على الشخص وأنـا بعـد مـوافـق ..
سارة خافت بزيادة: من هذا .. يمكن اناا مو موافقة عليــه ؟؟؟؟
عبدالله: لا لا تخاافين .. الحـظ السعيـد هـو ..هـو ..هـو .. هــو محمــد ولـد عمـي بوخالـد ..
سـاارة فتحـت عينهاا وتمـت سااكته وفرحت وتوترت شوي .. وتمت سااكته
سـاارة فتحـت عينهاا وتمـت سااكته وفرحت وتوترت شوي .. وتمت سااكته ..
عبدالله: همم شقلتي ؟؟
سارة: ................................
عبدالله: انزين انا بخليج علـى راحتـج .. لين خلصتي .. ردي علي ..
- اوكي ..

وراح عبدالله وطلـع من الغرفة ..

سارة تمت ترتجف .. فرحانة علـى خايفة على مصدومة ..

مسحـت مكياجهـاا وبدلـت فستانهــاا ولبسـت جلابية ورديـة .. وفتحت التسريحة .. وكـانت وايد أحلـى بـدون المكيـااج ..

تنظـف ويههاا .. وتم شعرهاا فيـر وحلـوو لمته نصـه ..
وخطت لهاا كحـل خفيف ..

وصلـت العشـااء ومـن بعـدهاا استخاارت في وقتهاا ..

وحسـت أنـهـاا مـرتااحة لمحمـد وحسـت أنهاا موافقة ..

فيـوم خلصـت كـل شيء ..

حطـت شيلتهاا الي فيها ورود وردية على لون جلابيتهاا حتى البيت تكشخ ..

وطقت بااب غرفة عبدالله ..

عبدالله: أكيد هاااذي ساارة
محمد: يلا بسم الله نشووف الرد ..
عبدالله طلع من الغـرفـة ..
وقعد في الصالة ..

عبدالله: ؟؟؟
سارة وكان يبين على ويهها انهاا فرحانة وموافقة: عبدالله .. أنـا .. أنـا وافقـت .. وصليت الاستخاارة ووااررتحححت .. وأنـاا موافقـة خـلاص ..

طلعت أم عبدالله وبو عبدالله وكاانوا يسمعونهاا يوم تكلم عبدالله ..

ام عبدالله فرحانة: اللهم صلي على محمد .. كـل شـيء في يووم واحد .. وافقتي خلاص يا بنيتي ..
سارة: اي يماا
بوعبدالله: أكييييد ؟؟!!
سارة: اكيد يباا ..
بوعبدالله: عباادي .. نااد محمد ..
سارة طااح قلبهاا ونمل جسمهاا

طلـع محمـد ومستحي ..

بوعبدالله: هاا يباا محمد .. مواافق ..
محمد: اي موافق عمي
بوعبدالله: أكيد ..
محمد: أكيد عمي ..
ام عبدالله: وشاورت امك وابوك ؟؟
محمد: اي عمتي كلهم موافقين ..
ام عبدالله: وكلللللللللللللللللللللللللللللللللللوووش ..

سارة نمل جسمهاا ومحمد ارتعـش ..

بوعبدالله: الخميـس الجاااي الخطوبة والملجة .. شرايكم هاا يا بنتي
سارة بحياء :انشاء الله
بوعبدالله: وولدي ؟
محمد: انشاء الله ..

عقـب مـاا الكـل واافق ..

محمد دخـل غرفة عبدالله وطااااااار من الفرررحة ..

وساارة دخلـت غرفتهاا وطبت ع السرير من الفرحة ..

عبدالله: هااااااا حمووووووودي .. يا نسيبي .. ياسلالالالام .. ريل خيتووو ..
محمد: ههههههههه ..

*&*&*&*&*&*&*&*&*&*&*&*&*&*&*&*&*&*&*&*&*&*&*&*& *& *&*&*&*&

ووصلـت غيمــة الأفــرااح وهــو فرح الأفرااح .. وعروسة العـرايـس ومعرس المعاااريس ..

خطــوبتهــم الليــلــة ..

جو الكوفيرات عنـد ساارة ..

ولبسـت فستـاان لونـه بـرتقـالي والكوشة كااااانت من اروووع وافخـم الكووش باللون البرتقالي الممزوج بالأحمـرر كاانت الكووشة رووعة مـع الورد ...

وتسـريحتهاا كـانت روعـة .. وبيأ جسمها النـاضع واللمعه .. والمكيــااج كـان محليهاا ..وهي اصلا حلــووة فماا كـاانت تنوصف من حلوهاا ..
تروسهاا لمعـة وعطــر وبخــوور والعــود كلــه والزين والحــلا كلــه فيهــاا ..

أمــــــا البنااات والشباااب والأمهااات والاخواان الاعمااام .. الكـــل كااان مستاانس لهالاثنيـن .. لانهم أعــز النــااس في عايلة عبدالعزيز بن حمد (( أبو بوعبدالله وبوخالد والباقيين يعني الجـد)) ..

ماريا كـانت مع سارة في كل وقت وكل دقيقة .. وهـي كانت لابسة فستاان سارة مال عرسهاا .. لان واايد كاان حلـوو ..

عقـب ماريا راحت مـع المعازيم يتحجبون لان سارة و محمد بيدخلـون ..

عبدالله كـان مـاسك يد سارة ودخلها علـى محمد ..
وكـاانت ساارة فيها الرجفة ومستحية حدهاا حيل ..

قبل لا يدخلون عند محمد ..

عبدالله: شفيــج ؟؟؟
سارة ابتسمت: لا .. بـس ..
عبدالله: خذي نفس وتعوذي من الشيطاان ..
سارة: انشاء الله ..

عبدالله وأمـه قروا علـى سارة وعقب عبدالله وأم خالد قروا علـى محمــد ..

عقـب طلعـوا الأمعاات ..

بس عبدالله مسك يد أخته الغاالية ودخلو على محمد ..

محمد كـاان واقف ومنـزل رأسه .. ويوم دخلـوا رفـع رأسه ورشد نفسـه ..

أول مرة بيشوفها بدون الشيلة .. والجسم النااصـع .. : p

عبدالله:يـلا أخليكم يالمعاااريس ..
توه بيهـد يد سارة الا رصـت على يـده وسحبته ..
عبدالله: ويه ويه .. شفيج .. برووح أنــااا أولع شراخيه الشبااب نااطريني
سارة فيها الصيحة: لا خلك معااي
عبدالله: رووحي زيـن خطيبج عندج
عبدالله هد يدها وطلـع .. ولازم تتعود على محمد ..
أمـا ساارة فصرخت بقلبهاا تعااااااااااااااااااال ..

وقعـدت هي مع محمد ..

محمد: ألف مبـروك ياسارة..
سارة بحياء تاام : الله يبـاارك فيـك يا ولد عمـي ..
محمد: عيـل مستانسة ؟؟
سارة انصبغت: أي أكيـد ..

عقـب دخلـت عائشة ..

عائشة: وللللللللووووش .. يــلا يالمعااااااريس طلعــوا ..

محمـد مسـك يـد سارة وحس برجفت يدهـاا الخفيفة ..

تشغلـت الزفــه وصـووت يباابهـم ما ينتهي ..

ومـع طلعـتـهم تولـعت الشراخية والألعااب الناارية على اشكاال وألواان ..

ومشـوا لين وصلـوا الكووشة ..

والفلووس ما كاانت تخلص تتطااير وتلعـب من حولهم وفوقهم .. وصوت اليبااااب و الصلاة ع النبي ماا ينتهي .. من صووب سارة ومن صووب محمد الكــل كاان فرحـااااااااان .. لدرجة اوولى ..

عقـب مـا خلصت الزفـه تشغلت الأغااني ورقـص وحاااااله .. والألعااب الناارية للحيـن متولعـه .. ماا وقفهم عبدالله .. درررزن كيلوووين عنده .. هههههههه ..

عقـب جابــوا الشبكــة ومزينـة بالــورد ..

سارة تكلم ماريا :شنوووو ذي ..
محمد يكلم عائشة: شنووووو ذي ..
عائشة: هااي الشبكة يالغبي .. تلبس سارررة..
محمد: ياويلي
عائشة: جب جب .. جنك أنت العروووس ..
محمد: ههههه .. الله يخسج عووش ..
وعلــى أغنية ألبسهاا لكاظم السـاهر .. ولبسهاا محمــد وعـدت المرحلة على خيــر ..

والبناات مستخفي نعلى محمد من وساامته الي تسووي الجنووووون ..

وعقـب جابـووا الكيكة والعصيــــرر ..

عطوهم السكين المزين بالورد ..

محمد حط ايده على يد ساارة بيقطعون الكيكة .. ما تنقطـع .. يافشيلة .. ضغطوا ما تنقطع .

سارة تكلم محمد: وييي يا فشيلة السجين بالمقلووب
محمد ماات من الضحـك ايده تتهزز وهو كاتم : هههههههههههههههههههههه ..
سارة: خلاص محمـــد لا تضحـك .. تـرى انت قااعد تضحكني المصوورة تبي تصوور ..
لين قطعـوها وأكلووا بعـض ..
والبنااااات تجننووووا على الرووومانسية ..

عقـب جـابـو العـصـير .. ( كـان عصير (Milk cheek

وشـربـوا بعـض .. عقـب جلسوا ع الكرسـي الي كاان مليـاان ورررد .. باللون البرتقـالي والأبيـض ..

حتـى محمـد عجبتـه الكوشـة .. من التصمييم .. لانه داارس تصميم ديكورات وعجبه ..

يـوم قعـدوا صعـدوا النـااس ع الستيج .. عشاان يبـاركـون لهـم ..

صعـدت الجوري ومعاهاا الجازي وعائشـة ومنار ونـور ..

الجوري سلمت على ساارة ..
الجوري: يـلا ألف ألف مبروووك ياساارة ويا محمد
سارة ومحمد: الله يباارك فيـج ..
الجازي: عسى الله يهنيكم انشااء الله ,,
سارة: الله يسلمج ..
عائشة: هااا .. يالمعاااريس .. منااسبين لبعض صح مناار ؟؟
منار: اي والله .. اللفف اللفف مبروووووووك .. عسى الله يهنيكم ولا يبعدكم عن يعض ..
نور: الف مبرووك ع الخطوبة .. الله يهنيكم
سارة ومحمد: الله يسلمج ..
عقب مـاا فضـت الكـوشـة ..
صعـدت وحـده تسلـم علـى ساارة ..
محمد ابتعـد شـووي ..
كـانت هـالبنـت هي ساندرا ..
عائشة انصدمت يومن شافتهاا ..

ساندرا : الله يهنيكـي يا ساارة .. والله زوجك بيشبه جااسم .. اتزكرت خطوبتناا .. وملامحهاا نزلت من الحزن وشافت عاائشة بقهرر ..
سارة: الله يسلمـج .. يـلا كلهاا قسمـة ونصيـب ..
عائشة حبـت تقهـرر ساندراا شووي .. من فعلتهاا السودة الي سوتهاا ..

عائشة: وانشااء الله خطوبتـي بعـد شهرر يا سااندرا انا وجاسـم .. اعزمج عليها ..
ساندرا: مابدي اسوي المشااكل على ستيج ساارة .. لاني بحبهاا وبعزهاا كتيـرر .. ورااح تشووفي شوو رااح أسـووي بكررة .. بتشووفي يا عويش ..
عائشة: ياه واناا الي بصدقج ي عني ..
سارة: خـلاص عووش .. الحين قوموا طقوا بعض بعد ع الكوشة ..
نزلت ساندرا ..
محمد: انتي شفيج تسبين ع الكوشة ..
عائشة: الصراحة تقهر البنتتت ..
محمد: انزين يلا نزلي .. نزلـي ..
ونزلـت عااشة ..

عقـب دخلـوهم دااخل .. مع المصورة ..

وراحـوا الميـلس المسكــرر ..
لان فـي منااظر حلـوة حق التصويـر ..

طلعوا الكـل بـرع ما عدا سارة ومحمـد والمصـورة ..

المصورة : Ok .. you can hang each other
سارة انحررجت ومحمـد كـاان بيعارضهـاا لكـن مشاهـاا ..
وضمهـاا وصـوروا ..

المصورة: that is boatful .. second ..hang with hand ..
وضمها بيـده .. وصـوروهاا وطلعـووا روووعـة ..
والصورة الرومانسية الي حطت سارة رأسها على حظن محمـد وطلعـت الصوورة اتجنن ..
أمــــا الصوورة الأخيــــر
المصورة:One Kiss
ساارة انحرررجت واحمرررت ..
المصورة:it is romantic cam on ..
محمد واافق يطلعه روح .. وسوو الحركـة ..
وطلعـت رووعـة ..

عقـب راحـت المصـورة ..

قعـدوا بـروحهـم .. ودخلـوا عقـب الأمهــاات من ام عبدالله و ام خالد ..

وقعـدوا ايببوون شكثــرر ويبااركون لهــم ..
عقـب فضوا المعازيم وبقوا الاهـل ..

دخـل عبـدالله ومعاه امه ومرت عمه ..

والحريم ايببوون لين ما قاالوا بس ..

وعبدالله نثـر فلووس دررزن علـى سارة وأي شيء على الصديق والرفيج وولد العم محمــد .. وعلــى أختتـه الغااالية ..

عبدالله: الف مبرووك .. تنااسبوون لبعض عدل وغمز حق محمد ..
محمد+سارة: الله يباارك فيك ..
ام عبدالله: الفــااال لك يا ولدي ..
عبدالله انحرج وبروحه مستحي : لا يماا تو النااس ..
الكل: ههههههههههههههه ..
محمد: لا عمتي ..ما عليج منـه علطوول عرسي عقــب هووو .. ولا يهمكم ..
ام عبدالله: الله يسمع منـك يا ولــدي ..
ام خالد: الله يهنيكم يا عيااالي .. ساارة والله مثل بنتي يا ام عبدالله في عيوونناا ..
ام عبدالله: تسلمين والله يام خاالد .. واحنااا محمــد ولدنــاا في عيووننـاا .. عااش معاناا محمد .. ههههه
الكل:ههههههههههههههه ..
عقــب الكــل طلــع عشاان محمــد وساارة يتعشوون ..

الكـل طلــع وتمـوا المعــااريــس ..

قعـدوا صاخيـن ..

سارة كـانت منـزلـه رأسهـاا وامبيـن أنـهـاا حـزينة مـن شـيء ..
محمـد حـس أن فيهاا شيء ..

محمد: سارة .. شفيج ؟؟
سارة رفعـت رأسهاا ..
سارة: ها .. لا سلامتك .. ما ..ما فيني شيء ..
محمد: امبلا فيج شيء .. شفيج ؟؟ .. من مزعلج ؟؟ عبدالله قالج شيء؟؟ولا البنات ؟؟
سارة سكتت ..
محمد: سارة ؟
سارة: عبدالله ما قال لي شيء ..بـس ..
محمد: بس شنو ؟؟
سارة: أأ ..
محمد: لا ترتبكين انتي الحين مرتـي ؟؟ ..قولي لا تستحين ..
سارة: مساعـة .. أأ .. الجوري .. طرشت لـي ممسـج .. وو
سكتت عقبـهاا سـاارة وكأنهاا كاانت بتصيح ..
محمـد خااف وحس ان فيه شيء ..

محمد: ساارة .. شفيـج .. ؟؟ خوفتيني ؟؟ شنو طرشت لـج الجوري ؟؟
سارة تكلمت وبلعت الغصة: قالت أن طلعـوا علـي كـلااام .. أن ..
محمد فتح عينه: سوااالف ؟؟ مــن الــي قاااايل ؟؟
سارة: أخـااف أقـوول .. أنت ولا عبدالله ....................
محمد: لا ياساارة .. أنا لاني معصب عليـج .. ولا أنـي بشك فيج يا حبيبتي .. أنتي وحده انا واثق فيـج عـدل .. وعبدالله أنـا مب قاايلـ لـه ولا شيء .. قولي ياساارة طلعي كل الي في خااطرج .. اعتمدي علـي ..
سارة: قالـوا أني ..
محمد شافها مب قادرة تقوول ..
محمد: انزين عطيني جوالج اناا بقرأ المسج ..
سارة خذت جوالهاا وفتحت المسـج وعطتـه حـق محمــد ..

محمد قرأ وفتح عينه وعصب ..

محمد: مـا قاالت لج من الي قاايل جذي ؟؟
سارة: لا .. قالت لي بقولج بااجر .. مابي انكد عليج يوم الملجة ..
محمد: انزين .. وأنـاا بعـد بااجر .. بسـووي كـل شيء .. يووباا .. احناا في يووم خطووبة مانبي تنكييييد .. !! ..
من خلص كلامه دخـل عبـدالله وهـو معصـب .. بـس ما قاال شـيء ..

عبدالله دخـل وماعرف شيقوول وكأنه عرف بالساالفة .. وقعـد يطالع وكأنه يبي يقوول شـيء ..

سارة كـانت قاعده بجنب محمـد ..

سارة خاافت وتلصقـت فـي محمــد ..

محمد ما منعهاا بل مسك يدهاا ...

محمد: شفيك يا عبدالله ؟؟ فيه شيء ..؟؟
عبدالله: بااجر أحسـن .. يلا السمووحة ..
ساارة طـااح قلبـهااا ..

(( لان المسج كاان جاايد .. ان الشبااب .. مطلعين عليهاا سوالف .. أنهاا تدخن وتروح ديسكوهاات ، ولهاا علاقاات مـع الشبااب .. بس ما يندرى من قاال حـق عبدالله)) ..

سارة: ياويلي .. أكيـد عبدالله عـرف ..
ونزلـت دمعه من دمعااتهاا المخزززنه من زمااان ..
محمـد مسـح دمعتهـاا ..

محمد: لا ياسارة .. ليش الدموع .. دموعـج غـاالية علـي ..
ساارة نزلت رأسهـاا ..
محمد رفعه وباسهاا على جبينهاا ..

************************************************** *******

أمــاا عنــد البنااات ربشة وحاااله ..

حااطين الدي جيه أغنية سلماان حميـد لحـن المفاارق ..

والبناات رقص في ترقيص .. ومربووووشين ..

وهزز كتووف .. ورقص يعني في قمته الرووعة ..

لين خلصت الاغنية ..
البناات ووووااااووو .. وتصفيق .. حق عائشة والجازي ومناار ..
وتصفير وتصفيق وتربيت وكل شيء ..
وتــمــت الخــطوبــة مــن أروع مــا يكــــوون ..

&^&^&^&^&^&^&^&^&^&^&^&^&^&^&^&^&^&^&^&^&^&^&^& ^&^ &
(( اليــوم الثــاني )) ..

محمــد الصبــح السـاعة 11 كــاان تقريبـاً مـع عبدالله في غرفة عبدالله .. قـاعدين

ســـارة قـامت وراحت الحماام الله يكرمكم وخذت لـهاا دش ..

ويوم طلعت ..

طقـوا عليهاا البااب

سارة: من ؟
الخدامة (( اسمها جوديت ))
جوديت: I am jodeat
سارة:yes jodaet what do you want ?
جوديت:mr.abdulla sad mr.mohamed is her and he want you ..
سارة طاح قلبها :Ok ok I will come
جوديت: اوكي I will make for you the break fast ..
سارة: ok and bring it in my room
جوديت: ok sniora.
وسكرت سارة البااب ..

وراحـت وفتـحـت ستااير غرفتهـاا .. وتناثر ضوء الشمس المنعـش ..

ورتبت غرفتهاا وسريرهاا

ولبسـت بـدي لـونـه أسـود بو نـك وهـو كـاات .. مـع تنـورة ليـن تحـت الركبـة وشبـك لونه اسـود والجوتي الطويـل بو كعـب .. التنـورة كـانت مقلمـة باللون العنابي والأسـود ..
وطلعــت ناااااايس وكيووووتي ..

وفلـت شعرهاا وأستشورتـه وفلتـه كاان يوصـل لين نهااية ظهرهاا .. وحـطت لهاا ضل باللون العنابي وغلوس شفااف ومسكرا وخطت عينهاا اللوزية بالكحـل .. وطلعت حلــــووة ومافي أحلـى منـهـ ـــ ــااا .. بعـد ما خلصـت كـل شـيء ..

طقـت عليها جوديت البااب..

سارة: دخلي جوديت ..
دخلـت وحطـت لهـاا الريووق ..

سارة:set jodet
جوديت: No thanks I am bezy
سارة: Ok Go ..
جوديت: Ok ..thanks
سارة:ولكموو .. =) ..

قعـدت تاكل ريوقهاا .. عقــب ما خلصت انطق الباااب ..

سارة: come on joadet .;take my breakfast
انفتح الباااب
عبدالله: اناا مب جوديت
سارة انفزعت : ويه خرعتني عبدالله
عبدالله: هههه .. انزين يلا محمـد يبيـــج ..
سارة: اوكي الحين بيي
عبدالله: يلا ناطرينج
سارة: انزين وين امي وابوي ؟
عبدالله: سافـروا الحسـاا ..
سارة: هاااااا .."؟من متتتى ؟؟
عبدالله: الصبـح
سارة: ليش ما قومتوني كنت ابي اودعهم ..
عبدالله: ما حبيت ازعجج وانتي بروحج سهرانة الليل ..
سارة: اوكي .. يوصلون بالسلامة ..
عبدالله: انشااء الله .. انزين يلا شكثر بتنقعينااا ؟؟
سارة: اي يلا .. بنادي جوديت تشيل الريوق
عبدالله: اناا بنااديهـاا بس انتي رووحـي حق محمد ..
سارة: انزين .. انزين ..
لمـت شعرهاا بكبس حلـوو أسود لامـع ..
ورشت على نفسهاا العطـر .. وتبخررت شووي ..

ورااحت ..

محمد: هلا ساارة
سارة بحياء: هلا محمد شخبارك ؟
محمد: الحمدلله .. انتي شخباارج ؟؟
سارة: بخير .. الله يسلمك ..
محمد: تفضلي قعـدي ..
سارة: مشكوور ..
وقعـدت عنـده ..

تمـوا صـااخين ..

محمد: انـزين ساارة ..
سارة: ؟؟ نعم ؟؟
محمد: شرايج تطلعين معااي ومع عبدالله ؟؟
سارة: أوكـي ..
عبدالله: وأنـاا ليـش أحشرر نفسـي ؟؟
محمد: لا عاادي ، وبعد ساارة تقوولي !
عبدالله: لا سووري .. أنـاا مشغوول اليـووم ..
سارة: لا أجل الشغل انزين
عبدالله كاان يبي ساارة تتعود علـى محمـد لانهاا وايد دلووعة وخواافة وخجوولة .. وهالاشيااء فيهاااا ففــــــــــــــــــــــــــل ..

عبدالله: لا .. ما اقدررر ..
سارة: ليش .. انزين بااجر او فالليل ..
عبدالله: يلا يلا بــــلا دلــع رووحي بروحج اناا ماابي ..
سارة خافت :لالا .. عااد تعاال معاناا ..
عبدالله: دلاعة بناات رووحــي مع محمـد برووحج .. يــلا في اماان الله ..
سارة: عبادي
محمد بمحااصره: في اماان الله ..
ونـزل عبدالله وطلع بسياارته ورااح ..

سارة بقلبهاا يتشووف يا عبااادي .. الله يقطع ابليييسك انشاااء الله ..

محمد: انزين ياحلووة ممكن تلبسين عباااتج عشاان نتحررك ؟؟
سارة وهااي من صجهم ماماااا ابيج هههه : أأي اووكي ..
وراحـت ولبسـت أكشخ عبااية عندهاا ونفس الطقم ع الشيلـة ..
وزيدت شووي من كحلتـهاا ..

وطلعــت ..

فـي حـوش بيـت بوعبدالله ..

سيــاارة الكورفـت السودة مالت محمـد مشغلـة .. ومفتووح البااب حق ساارة ..

يلست ساارة في السياارة وتوها بتمد ايدهاا تسكرر البااب..

محمد يقلد موظفين الفنادق: نوو honey ..
وسكر الباااب
سارة: هههههه .. مشكوور ..

وركـب محمد السيارة وسكرر البااب..

كـانت السااعة 12 بالضبـط ..

*&*&*&*&*

فـي الطريج ..

محمـد سحـب لـه دسك من الدسكاات .. وحـط أغنيـة عسسسل ..((الحب انته)) حربـي العاامري .. صـج انهاا صارت قديمة بـس حلوووة ..


سارة بقلبهاا (( بلل مرة وحده الحب انته .. هههههه ..))

محمـد كـاان لابـس نظاارة العـااكس وشكلــه رووعـة والوساامة زاايـده فيـه وكاان محلـق وشكله رووعـه ..


حتـى الي في الشاارع يشوفه ويلاحظ جماااله ..

سارة: انزين احنا وين رايحين ؟؟
محمد: الستي ( ستي سنتر) ..
سارة: اهـاا
محمد: أول شـيء بنرووح نتغـدى في مطعـم بينيجنز .. عقـب بنرووح السنماا .. عقبـهاا نروح محـلات شووي ..
سارة : اهاا شيء جميل ..
محمد: حلو حلو ..
سارة: هههههههههه ..

عقـب وصلـوا المواقف وراح الجسرر للمواقف الي فووق ..

قبل ليوقف في الموقف حفـص كم مـن حفصه (( عواايد الشبااب هنااك)) ..
سارة: ووووي .. شفيك ؟؟
محمد: نذااله ..
سارة: هههههههههههههههه ..
ووقف السياارة ..
ونـزلـووا منـهـاا ..

محمد مسـك يـد ساارة ودخلــووا ..

راحـوا أول شـيء المطعـم (( بينيجنـز)) ..

فـي المطعم .. حطوا لهـم الأكل وقعـدوا يتغـدون ..

سوالف الأكل .. طبعاا .. هههههههه

محمد: سارة ..
سارة: نعم ؟
محمد ممم : كـم عمـرج ؟؟
سارة ارتبكت: أأ .. 18 سنة ..
محمد: وااي عليـج .. أنـا اكبر منج بـ4 سنين ..
سارة احمرت شوي وضحكـت ..
سارة: ليش كم عمرك ؟
محمد انا .. 24 ..
سارة: ماشاء الله العمر كله
محمد: وايااج ..
عقـب ما خلصـوا ودفع محمد الفاتـورة ..

محمد وساارة راحـوا السنمـاا وحجزوا آخـر صـف الي فوووق ..

دخلـوا السنمـاا وللحيـن مافيهـاا نااس وايـدين ..

درج السنمـاا كـاان كلـه نفس الشيء بس فيه دريه ارفع عـن الثاانية ..

سـاارة تحنقلـت فـي الدرري وكاانت بتطيح تحـت ..بـس مسكـه محمــد كــاانت اسرع من الطيحـة ..

محمد:سلامات شفيج ؟؟
سارة: هههههههه .. زين مسكتني ولا كنت طاايحة تحححت ..
محمد: هههه ..
وعقـب راحـوا المقـااعـد ..

وقعـدوا ..

للحيـن مـا بـدأ الفلـم .. ولا الدعاياات ..

قعـدوا يسولفون شووي ..

توه بيتكلم الا رن جواله ..

محمد: الوو ؟؟ هلا عباادي ..
عبدالله: هلا محمـد .. هاا شلوون الدلوووعة ؟؟
محمد طالع سارة: ههههه .. لا زينة .. بـس شووي حركاات دلـع ..
عبدالله: هههههههه بأدبهاا لك ..
محمد: ياويلـك .. ما تجسهاا يابوعابد ..
عبدالله: هههه.. اوب اوب بديناا ندافع
محمد: طبعا طبعاا .. الحب الاول والاخيير
عبدالله:يااسلاااااام ..
محمد: هههههههه ...
عبدالله: انـزين .. بغيت أسااال بس عن الدلاليع ..
محمد: ههههه .. اوكي عباادي
عبدالله: يلا باااي
محمد: باياات ..
وسكر التلفوون ..

سارة سوت روحها زعلانة: ومن الدلاليع ؟؟
محمد: هااي عباادي اخووج مب اناا .. ! ..
سارة: بأدبه عبااادي .. مايه معااي .. وبعد يقوول دلاليع
محمد: ماخليج
سارة: مو بكيفك ..
محمد: الا بكيفي .. هااي حبيبي ..
سارة:هههههه ..
سارة بدلع وتلعـب بأحباال الكريستال الي من شيلتهاا : وأنـــاا ويــن رحــــت ؟؟؟!!!
محمد فرص خدودهاا: انتي في قلبـي وعقلـي ودنيااااااااااااااااي ..
سارة احمررررت: مشكوور ..
محمد: العفوو عمرري ..
سارة: انزين محمـــد .. ممكن طلب
محمد تكيف: عيوون محمــد ..
سارة مرتبكة ومستحية أن تبي تقوله تشتري ملابس حق حفله ارفيجتهاا بااجر ..
محمد: لا تستحين ياحلوووة .. قوولي شتبين ؟؟
سارة: ممم كنـت أبيك بعد السنماا تودينـي المحلات اشوف لـي بدلـه حق حفلة اررفيجتي باااجر
محمد: بس ؟؟
سارة: أي بس
محمد: ما طلبتي يا قلبي ..
سارة بخجل: مشكوور ...
محمد: ماتبين شيء ثااني ؟؟
سارة: لا. .
محمد: أكييييييد ؟؟
سارة: أكيد
محمد: اوكيه ..
وعقـب بـدأ الفلـم وكاان فلـم كوميدي بمووت من الضحـك مـال عادل إماام (( شاهد ما شاف حاجه)) ..

في مقطـع من المقااطع الي اتمووت من الضحك ..

محمـد: ههههههههههههههههههههههههههههههههههه ..
سارة انفقعت من الضحك : واااي .. مافي نفس .. هههههههههههههههههههه ...
محمد وساارة ليــن طلعــوا مـن السنمااا كاانو فاقصين من الضحـك ..

طلعـوا من السنماا ..

وفي المحــل ...

محمد ليحين يضحك على مقطع

سارة تمللت: يااربي أنـت شكثررر تضحك ..
محمد: هههههههههه .. خلاص خلاص ...

عقـب وقف محمـد عن الضـحـك وعـدل غترتـه ..

ولفتت نظـره بـدلـه حلــوة باللون الوردي .. شــيء فضيــع كاان .. وهـو كاان ذوقه حلـو ورااقي وذويق عـــدددل .. يخلي الي ما يعجبهم العجب .. يعجبهم ..

محمد: ساارة ..
سارة: نعم ؟
محمد: شرايـج فـي هااذي ؟؟
سارة اتخبلت عليهاا: وااو فضيعه ..
محمد: تبينهاا ؟؟
سارة: شلون ما أبيهاا رووعة البدله ..
محمد شلهاا ..
سارة: عطني اياهاا بشيلهاا
محمد: لا انااا بشيلهاا..
وشرت كل شيء علــى ذوق محمــد وصــج كاانت الأشيـااء حلــووة ..

عقب في الرده إلــى البيت ..

محمد: ساارة ..
سارة: نعـم ؟؟
محمد: بصج .. استانستي اليـوم ؟؟
سارة: أي واايــد ..ليش ؟؟
محمد: لا بـس أسـأل ..
وقال بقلبه انزين هااي اول الطرق عشاان اسعدج ..
محمد: انتي ما شفتي شـيء ليحين ..
سارة: .. تسلم .. ما تقصرر
محمد: الله يسلمج ياعمري ..
..
وصلـوا البيت كـاانت السـاعـه 4 بالضبـط ..

دخـل محمـد السيااره دااخل ..

سارة: محمد
محمد: عيني ؟؟
سارة: ممكن طلب
محمد: اطلب وتمنى ..
سارة: هههه .. انزين .. ممكن تقعـد معاناا الليلـة .. لو ماعليك أمـر ..لان امي وابووي بتمووت 4 أيـاام في الحسا ومن عقبهـاا بيروحـوون السعودية اسبوع عقب بيردون .. انا وعبادي بروحناا في البيــت ..
محمد: فهمتج.. اوووكي .. بتم معاااج أسبـــووع .. عقب فكج
سارة: ههههه .. لا شدعووه تفكني .. مافي أحـد يسعدني بهالدنياا غيـرك ..
محمد: صــج !!!
سارة: أي صــج ..
محمد بفرح: مشكورة ..!!
سارة: العفـوو ..

ونزلوا من السياارة وساارة فصخـت شيلتهاا .. وانهـد شعرهـاا .. ودخلـت دااخل ..
محمد سكـر السيااارة ..

راحــوا فـوق ..

سارة بدلـت ولبسـت جلابيـة كشخـة وحلــوة وخفيفـة .. ومسحت مكياجهـاا .. وبـس خلـت الغلووس والكحـل ..

وطلعـت ..

محمـد بعد عبدالله عطااه جلابية خفيفة من جلاليبه ..

عبدالله دخل على ساارة فجأة

عبدالله: وااااااه ..
سارة صـرخـت ..
محمد راح لهاا ..

محمد: شفيكم ؟
سارة: الله يقعطع ابليسك عبوود .. خرعتني ..
عبدالله طول نفسه: نياهاهاهاهاهااا ..
سارة: هاهاهاهاهاهااي ..
وطلعـت ساارة وراحـت الصاالة














فـي الصااالة ..

محمد: ساارة ..
سارة: نعـم ؟؟
محمد: مـن هـي سااندرا ؟؟
سارة انصدمت: ارفيجتناا ..
محمد: اهاا
سارة: ليـش ؟؟
محمد: لانـه جـاسم الزعبي خطبهـاا ..
سارة: لا فصخوا الخطوبة ..
محمد: لاااا .. أمـس هـو قاالي
سارة: هاااا .. معقووولة ..
محمد: أي ..
سارة حـزنت ..
محمد: شفيج حياتي ؟
سارة: مسكينة عـائشة .. شكثـر وشكثـر قـص عليهاا جااسم .. الله يساامحه ..
محمد انصـدم: هااااي هــوو جــاااسم الــي تحبــه ولد عمه ابووووي !!
سارة: أي ..................=(
محمد: الله يسااامحـه ..
سارة: عائشة عرفـت ..
محمد: أي قلت لهاا .. أشوفهااا صوتهـاا غريـب وحزيـن ..
سارة: مسكينة عااائشة ..
محمد: الله يعوضهاا بواحد أحسـن من هالخاايـن ..
سارة: أي و اللــه .. انشااء الله ..

هاااا شرااااااايكم ؟؟؟


يتبع...................................

[..ساحرة القمر..]

مشكورة والللللللللللللله

القصة جنااااااااااااااااان

والله تحفة القصة اتمنى انك تكملينها

ياحياتي ..

[ملكة النجوم]

والله القصه جنان
بس لا طولين

[..ساحرة القمر..]

نتظرك على احر من الجمر .

[ليتني]

وااااااااااو
القصة تجنن
مسكينة عواش
وسارة ومحمد شو بيصصير بينهم ؟

[لمووووونه]

روووووووووووووووووووووووووووووعه البارت مررررة
في انتظارك دكنونه لاتتاخرين علينا بلييييييييييز


سلملم ياحلوات

[DKNY]

مشكوورين بنوتات

عما قريب انشاء الله

[a7la_meme]

ياااااااااااااااااااااااااااااااااااااااااااي
شو راح يصير لعووووواش

حررررررام علية جاسم ما يستحي

وسارة الله يهنيها مع حموووووووود

بس كاتبة القصة مرررررررة مستعجلة من الجزء الثاني البطلين اتزوجوا

يلا تسلمي خيوتوووووووووو

[لمووووونه]

يلاااااااااااااااااااا دكنون وينك تاخرتي علينا مرة
بليييييييييز كمليها والله تحمست


يلا في انتظارك يالغاليه

سلملم ياحلوات

[..ساحرة القمر..]

يلا حبيبتي ننتظرك ..