{..كلمآت للتصميم ’.’شارركوونا ~"~

[نبض قلبي]

يا العود ما للجمر في قصة احراقك
هم البشر طبعهم قسوه وانانيه

فنيت عمرك وفا لعيون عشاقك
والناس في هالزمن محد ذكر حية

وجه التشابه كبير الفرق بفراقك
مره احتراقك وانا اللي احترق ميه

هاذا الزمن وان تساوى الليل باشراقك
بعيون من حاضره يشبه لماضيه

ما عاد انا مخايل مزنك وبراقك
وجعل الشقى ما يجي شغلة وراثيه

ويا الحزن لولا الامل والصبر من طاقك
مع البشر كن لك روح عدائيه

والحلو في هالزمن المر من ذاقك
باقول واحد لا بقول اثنين بالميه

ان بعثرك هالزمن من يجمع اوراقك
وان جمعك فاعرف ان الوقت له نيه

يا ضحكة العمر ياني حيل مشتاقك
لا شان وجه الزمن لا تقطع الجيه

ما قلت لي شها لجفا من بعثر اشواقك
وتدري بليالي الجفا ماهي ب عاديه

اذا طروك احترق واشتاق لعناقك
واقول تكفون لا تجيبون طاريه

يا ما تمنيت اشوفك والزمن عاقك
اللي مثل حالتي يا صعب امانيه

كد قالها شاعر عن قولهم باقك
كن البلاوي تشابه مع بلاويه

مدامها بالتمني باطلب فراقك
لان الاماني مع شرواي عكسيه

[نبض قلبي]

هذي قصيده للشاعر تركي بن عطالله المطيري((شاعر الوطن)) .....

اللذي يلقب بتركي 2000...

اتمنى ان تعجبكم ...


ما نيب مجازيك في صدك وهجرانك

ودعتك الله وتلقى واحد ثاني

أتعبت الأعيان والأقدام من شانك

وأنت ولا شيء سويته على شاني

فزيت لك يوم قلت أسمك وعنوانك

لو كان ما تنتمي لأسمي وعنواني

ما جيت أدورك ولا أطق بيبانك

وإلا ترجاك مثل فلان وفلاني

أنت الذي جيت لي وأعلنت بلسانك

أنك على شوفتي جايع وعطشاني

صدقت هرجك ومنطوقك من لسانك

وأقبلت لك مندفع من كل وجداني

ما كنت أفكر يجي في يوم نسيانك

وأنساك وأنت معاهدني ما تنساني

إلا بعد ما قريت الكذب في أعيانك

حاولت أوادعك وأنسى كل ما جاني

خلاص ما نيب متعني على شانك

ودعتك الله وتلقى واحد ثاني

[نبض قلبي]

لو نسيت العمر ما أنسى دمعتك
صرخةٍ ذابت من عيونك دموع

ترتعش مرتاعةٍ في وجنتك
وانتفض قلبي لها بين الضلوع

أزعجت صمت الليالي عبرتك
بالخفا ثوره وبالظاهر خشوع

تسكب الدمعة وتظمى نظرتك
مشهد النظرة وهي تظمى يروع

يا ضياع العمر ضيعة بسمتك
ضاع معها خافقٍ مثلك جزوع

ليت من يمتص جارح لحظتك
والفرح يشعل دياجيرك شموع

[نبض قلبي]

حدّني وقتي على شيٍ .......جديدي

السهر ماهوب من عادة ........عيوني

أبعدوني عن هوى بالي ........وسيدي

ومنعوا عنّي خطوطه ........ياصلوني

شطروني عنه في دارٍ ........بعيدي

حسبي الله كانهم منه ........قطعوني

صارت الفرقا لنا علمٍ .........وكيدي

ليتهم راحوا وانا عنده ........نسوني

عاقني عن صاحبي سورٍ حديدي

دونه البحور حرّاسٍ ودوني

الرجا بك يابو خالد يا ........عضيدي

لا تخليني تراهم ........عذّبوني

[نبض قلبي]

أنتظرت أزمان في ظل الوعد

احسب الخفقات يا أغلى وعد

انتظرت و الظاهر انك يا وعد ما جيت

عيّا عليك الوقت و إلا يا وعد عيّيت

انتظرت لكن النجمة سرت

والقمر راحوا أصحاب السمر

ونسمة وفا مرّت

ولفّت مكان الوعد ضمّت

تعتذر

وانتظر

انتظرت أزمان في ظل الوعد

ما احسب يجيني يوم أكذب إحساسي

وإلاأقول طوّلت يا قاسي

سقى الله أمسي العاشق

ونورك في السما شارق

تعاطينا المحبة شوق

تساقينا هوانا ذوق

نقول لليل لا ترحل

ترى الباقي معك أجمل

سرينا و الوعد باكرحضرت و لا حضر باكر

انتظرت أزمان في ظل الوعد

الله يا هو الوعد ظالم

إذا جيته و لا جاني

وأنا ما أظن ينساني

ويتركني لأشجاني

دعاني بالأمل لكن مسّح قدّامي دروبي

و لا أدري شي أو لا شي

أغني فيه مسحوبي

تأكد يا وعد وإلا

ترى لى جيت باتغلّى

وبتأخر و لو لحظة

وأجيك أسابق اللحظة

و لاأغمض و لا غمضة

تفوّت من سناك ومضة

انتظرت أزمان في ظل الوعد

[نبض قلبي]

((علامك))




قالوا علامك قلت مابي خلاف
مابي بلا ياكود فرقى المحبين


الحب لو يجحد عليله يشاف
يدري به الّلي عارفٍ لوعة البين


شيٍ يشاف وشي باجوف خافِ
عشرٍ تبين وخافيٍ منه تسعين

[نبض قلبي]

((لا تسألوني))



لا تسألوني ليه انا
عاشق خزامى مستهام

اذا عرفتوني انا
تدرون وش سر الغرام

اصلي انا بيتي شعر
والبر هو ديرة هلي

فرشي ثرى وسقفي سما
وترابها غالي علي

اشفق على خزة ظبي
في طعس من فوق الغدير

ومشاهدة سرب القطا
من روض للثاني يطير

الله على شمس المغيب
والليل الى نسنس هواه

الضو تقدح بالجمر
والنجم يقدح في سماه

[نبض قلبي]

((شبيه صويحبي))



يا شبيه صويحبي حسبي عليك
كل ما ناظرت عينك شفت ذاك


شفت لونه في خدودك والعيون
في سلامك في كلامك في حلاك


كل شي فيك يطري به علي
يا حلو بسمة حبيبي في شفاك


ماهقيت ان القمر مثله قمر
لين شفتك ياشبيه احلى ملاك


ليتهم سموك بإسمه واستريح
كل مانابيتك اغلط في نباك

[نبض قلبي]

(( لا يطول غيابك))



لايطول غيابك ... ثم اخذ عليه
لو تخليت عنى ... عنك قلبي ماتخلى


العذر والتعلل والحكي ... مانبيه
من تحرك فؤاده ... بالهوى ماتخلى


طبعي الصبر لكن وش عليه ارتجيه
من طويل الصبر يعقوب وايوب ملا


دامني حي عطني وش بقي نحتريه
مابي دموعك ...اللي عقب موتي تهلا


مابقي بالعمر مقدار ماراح فيه
كل مازل يومٍ ... يوم بالعمر ولى


مايعرف الجمر مثل الذي يكتويه
احد يدفا بناره ... واحد فيه يتصلى


يامن القلب حطيته براحة يديه
مارضى له مكان غير كفك محلا


كم تعذر وعيا عن هوى محتويه
لين طاح بيمينك بالغرام وتجلى

[نبض قلبي]

عَزّ القصيد وزاعلتني حروفه
من يوم غاب الّلي قصيدي مهاويه

غابت به الدنيا وخلّت طيوفه
عزّي لمن مثلي زمانه يعاديه

عقب الملاقىٰ بس بالقلب أشوفه
وعقب المناجىٰ بس بالفكر أناجيه

كلامي وشوفي لغيره حسوفه
من غيره يْخاوي غريبي وأخاويه

يا لوعة المشتاق تصفق كفوفه
لين التفت ما شاف بالدّار غاليه

كنّ العيون بكل شين محْذوفه
والقلب كنّ جموع الأيام ترميه

تسابقتني من زماني سيوفه
تجرح مْرادي في حياتي وتدميه

يا عونة الرحمن وين النكوفه
لين انتحىٰ الخفّاق وش عاد يثنيه

ما رحت أدوّر عند خلّي مروفه
ما يرحم إلاّ الله فلا شك مغليه