رنيم وزمن الأنين<<<رواية من تأليفي أجزاء...اتمنى حضوركم ..منقووووووووولة

[DKNY]

((5))

آهات الحب
فيصل : الو..

هبة : الو.....

فيصل : عرفتيني

هبة : لا ميين ؟؟

فيصل : انا فيصل..

هبة : اهاا اهليين..كيفك..

فيصل : تمام..انت لسا مارجعتي البيت..؟؟

هبة : لا لسا بوصل اول شي تماضر وبعدين بروح على البيت

فيصل : اها طيب هبة .. ممكن اشوفك بكرة...؟؟؟

هبة : ممم ماعرف..

فيصل : ضروري...

هبة : طييب..

فيصل : طيب فين..

هبة : ماعرف انت فين تبي

فيصل : ايش رايك با الدرة العروس انا هناك عندي شاليه وحعمل حفلة بكرة..يعني اعزم اصحابي وصحباتي...وفلله كدا

هبة : خلاص اوكي..الساعة كم..؟؟؟

فيصل : يعني ممكن 8 بعد العشاء اذا يناسبك

هبة : تماااام .. بس انا حجيب معاي تماضر صحبتي..

فيصل : اللي يريحك .. حبيبتي ..

هبة:خلاص يلا مع السلامة

فيصل : مع السلامة

هبة : اسمعي تماضر بكرة بنخرج مع فيصل انا وانت ... طيب الساعة 8 يلا ضبضي نفسك

تماضر:هبة ارجوك خلاص مرة ماحقدر..اولاً اخوي ممكن في اي لحظة يكشفني .. ثانيا انا والله تعبت من خرجات الشباب معاك..

هبة : شوفي ياتماضر انا ماحبيت اتبع هذا الاسلوب معاك لكن الظاهر
ان هذا اللي راح يخليك تمشي تمام .. وانتي اللي جبرتيني على اني اعاملك بها الأسلوب
اذا ماجيتي وياي بكرة ماعندي غير اني ادق على اخوك ..!!!!! وقوله كللللللل شي..
وانت تعرفين ايش ممكن يصير لمن يعرف انك جيتي وياي على الديسكو..
وايش صار هناك..والوسكي اللي شربتيه..وايوا صح انا ماقلتلك اني انا صورتك..!!!...صورتك مع داك الولد وانت معاه في أسوأ حالاتكم..ومو بس صور لا وفيديو بعد...فلا تجبريني على اني اسوي اي شي يضرك واسمعي الكلام وتمشي معايا بكرة
تماضر:والله حرام عليك .. انا ايش سويتلك....خلاص سيبيني في حالي....
هبة : ههههههههههههههههههههههههه يلا يلا عاد انزلي دحين وبكرة الساعة 8 الاقيك هنا.,,
تماضر : الله لا يوفقك ....
هبة : هههههههههههههههههه اقول روحي ادعي لنفسك قبل لاتدعي لغيرك..
وفي نفس الوقت....
لميس وهي بالسيارة ..راحت في فكرها لبعيد بس مو مثل اول في الحب والشوق لفيصل لا في الفراق..

الحين انا وش اليل قاعدة اسويه دا..

اخرج مع شااااب ..!!!!!!!

انا لميس خرجت مع واحد .. اااااه بس كيف الدنيا بسهولة نطيح و نسوي الغلط.....

ياربي .. واخذت تبكي..

لوئ : خير ايش فيك..
لميس:لا مافي شي..

لوئ : كيف مافيك شي.. وانت قاعدة تبكين ..

لميس:والله مافي شي بس عشان رنيم .. بالمستشفى وماعرف ايش صار معاها

لوئ:ليش خير ان شاء الله .. اشبها رنيم ..؟؟؟؟؟

لميس: ايش فيك وقفت .. بسم الله مافي شي بس ولد عمتها بالمستشفى ..مو هي..

لوئ:وووه والله فجعتيني.. الحمدلله

لميس:الله الله .. ليش دا كلو ..

لوئ:ايه لا ولاشيي

لميس:اها اها اها...طييييب اقوول امشي بس امشي..

لوئ:لمن نرجع على طول تدقي على رنيم .. شوفي ايش صار معاها ,,

لميس:حاااضر يا المغرم ..
لوئ :اايييه,,

لميس:سمعت..

لوئ:انت صاحية .,,!!

لميس:طبعاً اقووول ترى باينة انك تحبها..

لوئ:هههههههههههه والله انك مصرقعة الله يهديك حب مين ,, يعني هي زي اختي..

لميس : ايوا عشان كدا دا المنديييل اللي اول جابته ليا حاطه هنا بالسياارتك..

لوئ:لا انا بس حاطه عشان عجبني يعني ..

لميس:اها ,, طيب وايش حكاية الاسئلة الكثيرة عنها..

لوئ:مافي شي بس يعني زي اختي مو اكثر ,
,
لميس: ان شاء لله..

لوئ:اقووول انزلي يلا ,.,

لميس:هههههههههههه طييب..

نزلت لميس ودخلت غرفتها ... ياربي اااااااااااااااااااااااااااااااااه ,,

وش اللي سويته انا اليووووم .. عنجد خلاص .. كيف قدرت اني اعمل

كدا اصلا استغفر الله طلع ولد صايع .. عنجد انا اصلا كيف كنت ابغاه

.. متعرفة عليه من الشاتنق كيف حيكون يعني ...

اااااااااه بس خلاص انا ايميل مو داخلة ورقمي الحمدلله هو ماعنده رقمي يعني ماحيعرف يوصلني ...اااااااااه وينك يارنيم ..
عنجد كان كلامك في محله..
خلني ادق عليك واشوف ايش اخبارك..

لميس:الو...!!

رنيم : ايوا لميس اشبه صوتك ..

لميس : رنيم .. انا مرة محتاجة اتكلم معاك .. انت دحين فاضية

رنيم : ايوا انا بالطريق راجعة على البيت مع سامي..

لميس:طيب اول ماترجعي باليييز دقي علي..

رنيم : طيب مع السلامة


سامي : اقلك رنيم والله مرة محزني عبدالله

رنيم : اييه والله مرة الله يشفيه يارب

سامي:اقلك شي ..

رنيم : ايوا

سامي: انا حاس انه بيموت..

رنيم : وي فال الله ولا فالك

سامي:لا والله شوفي كيف وجهه ..!!!اقلك الحادث اللي صارله مو سهل ابد..
يا انه بيعيش بس مشلول .. او بيموت.. انا كدا حااس..

رنيم دمعت عيونها : لا لا لا الله يشفيه ..

سامي : الله يشفيه ويصبرعمتي والله قلبها بيتقطع علييه..
رنيم : مسكينه ولدها الوحييد كمان .. زيموت في وقت الشباب اصعب وقت...
سامي : منجد بس يلا انزلي..
رنيم : فين بتروح..؟؟؟
سامي: برجع على المستشفى انا جبتك بس عشان ترتاحي وكمان تذاكري مابقي شي على الاختبارات .. ذاكري كويس .. ولاتشغلي بالك..هذي توجيهي مو لعبة .. طييب

رنيم:ان شاء الله ..

نزلت رنيم .. وهي ماهي شايفه طريقها من الدمووع ..

نزلت ودخلت على غرفتها ودقت على لميس ..

لميس : الو....!!

رنيم : ايوا لميس كيفك..؟؟

لميس:زفت .. رنيييييييييييم اليوم صارت اشيااء..ااااااه .. والله مو عارفة كيف اقولها لك

رنيم : خير ايش صار..

لميس:فيصل .. اللي اكلمه..

رنيم : ايوا ايش بو..؟؟؟..

لميس: اليوم هو جاء على جافا ..وقعد معانا انا وهبة وتماضر

رنيم : لمييس .. اولا اهدائي لا تبكي .. تانيا ايش اللي خله يجي

لميس : اااه انا اللي خليته يجي.. بس على اساس من بعيييد بس بعدين هبة قالتلي خليه يجي يقعد عايدي بما انك كلمتيه خلاص ..

رنيم: ااه من هبة دي بتوديك في دهية ..

لميس : اااه ايش اسوي هي صحبتي ..

رنيم : لأ مو شرط انك تسوين كل اللي تقوله لك ..
يابنت اصحي .. اللي سويته مو سهل هو دحين عنده رقمك

لميس: لأ ..

رنيم : احمدي ربك .. طيب ايش يعرف عنك..

لميس:بس اسمي مايعرف لقبي ولا شي تاني..

رنيم : طيب مرة كويس.. اسمعي ايميلك لا تدخليه و النت اصلا ماتدخليه ..
واحمدي ربك انه مايعرف رقمك ولا كنت رحتي بدهيه ..

ايش صار معاكم هناك يعني .. كيف كان يتكلم..

لميس : قعد يقولي قربي مني وماعرف ايش انا خفت وخرجت على طول

رنيم : وفين هبة عنكم..

لميس: قامت وتركتنا لوحدنا..

رنيم : والله دي البنت مارح يجي من تحتها غير المصايب..حبيبتي اركزي خلاص هذي اخر سنة بالمدرسة..واصعب سنة اللي صار صار,,الحين انسي كل شي وركزي بالمذاكرة وجيبي شهادة والله يستر عليك وعلى تماضر من هبة .. هي اصلا ضايعة وتبي تضيعكم معها يعين الحمدلله انت وماصارلك شي ولاكان بسهولة ممكن يصيرلك اشياء لكن تماشر الله يستر..انا مو مرتاحة.. .. ااااااااااااه والله يالميس حاسة ان بيصير شي لتماضر من ورا هبة ماعرف ليش..
لميس:عنجد اصلا هي وهبة راحوا على ديسكو ..

رنيم : ايش..؟؟! مين قلك..؟؟

لميس:هبة قالتلي..

رنيم : الحلفي ايش دا .. البنت دي خلاص ضايعة ترى اكيد ضايعة
وتبي تضيعكم معاها ...
ياربي المشكلة مو في هبة يالميس..المشكلة في تماضر ..
هبة اهلها اصلا مو دارين عنها..اما تماضر اخوها عصبي يعني لو صار شي والله بيقتلها......!!!!!! ااااااااه ياربي...

لميس: طب ايش نسوي خلاص اللي ضاع ضاع قوليلي ايش اخبار عبدالله؟؟

رنيم:اااه والله مرة تعبان .. انت عارفة الحادث مرة ماكان عادي.....
سامي يقول هو لو عاش بيكون مشلول او انه راح يموت..

لميس:يوووه .. لسا صغير المشكلة هو كم عمره..

رنيم:اكبر مننا بسنتين مدري 3...!!

لميس:يووووه لسا صغيير على الموت..
رنيم : استغفرالله لميس اشبك قاعدة تخبصي في الكلام الموت مايعرف عمر ولايعرف وقت .....!!!!!!!!
والمشكلة ان احنا نعرف دا الشيء بس غافليييين...

لميس: الله يشفيييه..

رنيم: كيف حال اخوك لوئ؟؟؟

لميس: اقووول ايش حكايتك انت ولوئ..؟؟

رنيم : ليش ايش في!؟؟

لميس: حتى هو يسال عنك..!!

رنيم : هههههههههه

لميس:لاتكوني تحبييييه انت كمان كملللللللت..؟؟!!

رنيم : ههههههههههههه لا وي بس كدا تعجبني شخصيته..

لميس:ياعيني ياعيني..

دخل لوئ على لميس..

لوئ : ميين تكلمين..؟؟

لميس: مين يعني رنيم..

لوئ: كيف كيف حالها..؟؟ وكيف ولد عمتها..؟؟

لميس:اهدأ حبيبي لاتموت علي..

رنيم : ههههههههههههههه الله يقلعك انت ايش عندك

لميس:رنيم كويسة و ولد عمتها مرة تعبان ..

لوئ: الله يشفيه ..

رنيم:لميس لميس..سلمي لي عليه..

لميس:لوئ!! رنيم تسلم عليك

لوئ:الله يسلم قلبها..!!

لميس:الله الله ..!! قلبها!!

رنيم : هههههههههههههههههه

لوئ: مين جبلك دي :الكلونيا"..؟؟؟

لميس: رنيم..

لوئ: والله ريحتها حلووة..

لميس: عن العبط انت تعرف مين اللي جابها من اول ليش تسأل....

لوئ:اييش؟؟؟ ااها اام نسييت ايوا صح نسيت..!!

لميس: نسييت اها .. طيييب..

رنيم : ههههههههههههههههههههه

لميس: تبي شي يا لوئ..!!!

لوئ: لا سلامتك..انا طالع..

لميس : طيب قفل الباب وراك.... ايوا رنوومة..

رنيم : مممممممممم

لميس : اشبك يختي مو معانا ..!!

رنيم : ماكو ماكو ماكو ..

لميس: هههههههههههههه..طيب رنومة..

رنيم : نعم ..

لميس : ترى عيد ميلادي الاسبوع الجاي.. ولوئ السبت هذا..

رنيم : والله ..!! ايش تبيني اجيب لك..

لميس: ممممممممم اي شي .. ياناسو عليا طيووبة بس لو تجيبين لي

الجوال اللي دحين نالز الجديد داك اللي يعجبني تكوني ياناسو علييك..

رنيم : هههههههههههههههههه قولي قولي ابغاه..

لميس: ههههههههههههه

رينم : و لوئ ايش يحب..

لميس : لييش يختي تبي تجيبيله هو كمان هدية..؟؟

رنيم : طبعا...!!!

لميس: ومين بالله راح يعطيه هيا..؟؟

رنيم : طبعاً وحدة ياناسو عليها قمر ولا في احلا منها..القمر لمييس,,

لميس:ههههههههههه تحلمي انت

رنيم : عن العبط لميييس!!

لميس:والله تصدقي هو عرف ان عيدميلادك السبت اول يوم في الاختبارات اشترالك...

رنيم : عن الهبل..

لميس:وربي..!! اقوول انتو ترى تحبو بعض ولا ايش الحكااية؟؟
هو مايسكت بس يسال عنك ولمن احكي امي عنك يقول هاذي رنيم ماشاءالله محترمة..تعجبني..!!

لاوكمان .. الله يسلم قلبك..ليش..والله اتحداك لو مايحبك..

رنيم : هههههه عن الهبل..

لميس:لا وانت شي تاااني.كل شوي كيف حال لوئ..!!
وايه ايوا حافظة رقمه ..!!!!

وكمان كل شوي تتكلمين عنه خلاااااص تراه باااين حتى الغبي راح

يعرف انكم تحبون بعض....بس تبين الحقيقة .. حمااااس..

تصيرين زوجة اخوي هههههههههههههه

رنيم : هي هي شكلك خرفتي.. اقووول اكلمك بعدين..

لميس:هههه استحت البنت ياعيني..

رنيم : عن الهبل لميس..والله ماحب كدا..المهم اسمعي بسرعة قولي ايش اخوكي يحب..

لميس: مادري اسالك اياه لمن يرجع ..وقلك بكرة..

رنيم : طييب بس لاتنسي طييب..

لميس: طيب طيب طيب .. خلااص لاتقرفيني..

رنيم : هي هي هي ياثقل دمك يلا مع السلامة

لميس:هههههههههه مع السلامة

قفلت رينم من لميس وراحت افكارها توديها في مكان وتجيبها من مكان ثاااني..

ياربي ايش دا الشعور اللي قاعدة احس بيه..معقولة اكون احبه لا لا..بس والله احبه..
احس بخووف كل ما اسمع صوته وقلبي يدق بسررعة وطول الوقت
افكر فيه وش يعني ذا .. اكيد احبه..لا بس ..انا اشبي..؟؟؟

ياربي..معقول اكون احبه..وهو بعد يحبني..اااااااااااااااااه........

....خليني ادق على ملاك..

رنيم : ااوووووووو..!!

ملاك:ايوا ايوا .
.
رنيم:ملاااااك..

ملاك:خير ايش في..

رنيم : لوئ .. طلع يحبني..

ملاك:وي مين لوئ..

رنيم : يووه اخو لميس..الللي اول كان يعجبني...

ملاك: اها حبيبك..

رنيم : ايوا..

ملاك: هلاع غريبة ما عصبتي وقلتي بس اعجااب هههههههههه

رنيم : لا انا احبه..

ملاك: الله الله والله وعايشة قصة حب يابنت..

رنيم : ههههههههههههههه وبعدين عيد ميلاده قريب السبت الجااي

بشتريله هدية ومو عارفة ايش اجيب سالت لميس ايش يحب هو..بس

قالت لي بكرة تساله...

ملاك:والله لميس دي انوااع الفللة..

رنيم : هههههههههههه لا هي ايش تقول انه .. يعني دايما يسال عني

... هي قالت كدا وانا سحت في مكاااني..والله مو مصدقة..

ملاك: هههههههههههههههه

رنيم:ملاااااااااااااااااااك انا مرة فرحاااااااااااااااااااااااااانة..

ملاك:ههههههههههههه اقلك ايش برجه..؟؟؟

رنيم : السرطااان ..

ملاك: هههههههه والله انك طحتي على واحد انواع الفة ..

رنيم : ليش؟؟

ملاك:رجل السرطان مرة عكس بنت السرطاان..

مرة حلووووو..حتى اللي دايما تقول الابراج في التلفزيون اول
قالت انه احسن برج للرجل..
رنيم : هههههههههههههههه بس انا ماحبيته عشان برجه يعني انا لو اني احبه راح احبه عشان شخصيته اسلوبه اخلاقه عشان نفسه عشان قلبه عشان هوا يعني مو برجه..

ملاك : اوووف اوووف ياعيني بدأنا..كلام الحب..

رنيم : هههههههههههههههههههه

ملاك : وعبوود..

رنيم :اااااااااه ايش دا لاتذكريني. . والله مرة محزني..يعني انا احبه بس مثل اخوي والله معزته بقلبي اكثر حتى من سامي..
بس ماقدر احبه.... يعني عارفة الحب من الله وبعدين انا احبه اخوي والله بس اخوي مو اكثر....

ملاك:الله يشفيه بس..

رنيم : اميين..اقلك يلا بروح انام مرة نعسانة..

ملاك:طييب.. يلا مع السلامة..

قفلت رنيم من ملاك وهي تفكر..في حبها في لوئ
هو الحين عنجد يحبني..؟؟؟
ااه ياربي .. كيف حبيته كدا فجأة..فجأة لقيت نفسي غريقه ببحر الحب..ااااااااه واصعب الحب حب من طرف واحد حب بسكات والله ودي الكمك..واقلك اني احبك..وتقلي وانا بعد احبك..اااااااااااااه....
قامت رنيم وشغلت الاستريو ""الولك من""..
على اغنية راشد – يابعدهالدنيا.............
((يابعدهالدنيا ليــه؟؟
صاحبك تقسى عليه

اللي اهدااالك حياته

وانت مستكثر تجييه..

ارخص النيا لغلاتك

وشترى فرحة حياتك

لو طلبته عيونه جاتك

وانت تتغلى عليه

لك حبيب يمووووت فيك

حس به اللعه يهديك

ومنشغل باله عليك وانت مافكرت..........الخ)))

وصارت وهي تسمعاها عيونها تدمع..وآهاتها بقلبها تكثر وخنقات الفراق تزداد...
ااااااااااااااااااااه ابيك تحس فيني والله احبك..
وش ذنبي اني حبيتك بجنون..........

نامت رنيم من كثر بكا .. وهي ماهي حاسة بنفسها

[لــحــــن الـشــــوق]

يسلمووووو على الجزء الروووعه
مسكينه تمااضر ضاعت والسبب هبه الله يعينهاا
لميس الحمد لله يوم انها ماتمادت في الغلط
ننتظرك

[قمر الكون]

أنقبت الحال على رنوومه

أنتظر الجزء الجديد

[عاشقة الأطفال]

مشكووووووووووة حبيبتي على البارت الأكثر من روعة00000
و تماضر الله يعينها على هبة000وهبة الله يهديها00000
ورنيم الله يكون في عونها00000
أنتظر البارت الجديد000لا تطولين000

[DKNY]

نهاية تماضر

((الله لا يحرمني منك ياعسى عمرك طوييل ياللي كل النااس عندي..........))

رنيم : الو...

لميس:الوووووووووووووووو

رنيم : اهلا خير؟؟

لميس:وي اشبك لاتكوني لسا نايمة..

رنيم : ايوا والله ليش..؟

لميس:يابنت قومي الساعة قديها 5 العصر...

رنيم :وي .. امانة..تصدقي اني ماصليت لا الفجر ولا الظهر ولا العصر..

لميس:ههههههههههههههههههه قومي قومي..يلا صلي ودقي علي..
رنيم :اوكي..

ااااااااااه هذا كله منك يا لوئ امس خليتني ابكي ونمت ليين العصر..اااااااااه بس لو تحس فيني......

خلصت رنيم من صلاتها وجوالها يدق ..

مين دا الرقم الغريب..

رنيم : الو..

جولي:الو كيفك رنيم..

رنيم : الحمدلله تمام مين معايا ..؟؟

جولي:وي ماعرفتيني انا جولي..

رنيم : اهلييييييييييييييين كيفك يابنت ايش اخبارك..؟؟

جولي : تمااام الحمدلله...

رنيم : انت دحين فين بالخبر عند خالتك ولا هنا بجدة

جولي:لا والله انا بالخبر..وهذي شريحتي ..
رنيم : مبرووك اخيراً

جولي:هههههههههههه ,, اقلك رنيم..

رنيم : ايوا..
جولي : انخطبت ...

رنيم : عنجد!!!!!!!!!!!!!!!!!!!!!!!!!!!! مبرووووووووك مين؟ يعني مين بيت مين ..؟

جولي: لا ولد خالتي..هو طلع يحبني.....وقال لامه اول يوم جيت فيه انه يبي يخطبني


وخالتي قالتلي امس..وانا وافقت .. يعني هو بصراحة مرررررررررة طيب وحبوب....
رنيم : مبرووووووووووووووووووووووووووك ومتى ملكتكم..

جولي:بعد الاختبرات حتكون الملكة والزواج في نفس اليوم .. عشان هو لازم يسافر .. عشان عنده دراسة واشياء في بريطانيا..وانا حروح معاه..

رنيم : عنجد ..!!!!!!!!!!!!!! مرة مرة مرة مبرووووووووووك .. والله يهنيكم.
جولي:الله يبارك فيك..

رنيم : عنجد مرة شكراا على كل شي....يعني انت مرة ساعدتيني كثير.......

رنيم : لا وي تشكريني على ايش انت صحبتي..

جولي:ههههههههههههههههه خلاص اوكي..انا دحين اقفل ...هذا رقميي..يعني طمنيني عليك .. واشووفك السبت الجااي..


رنيم : هههههههههههههههههه طيب.. يلا مع السلامة
جولي:مع السلامة..


***********************************

قامت رنيم وخرجت عشان تشوف وش صار بالدنيا بعد النومة الطويلة اللي نامتها بسبب حبها ل لوئ..

رنيم : امي وينها...؟؟؟؟

سامي: فين يعني بالمستشفى..

رنيم : ايوا صح وايش صار مع عبدالله..

سامي: ماعرف والله بس اللي اعرفه ان مافي اي تغيير..

رنيم :ممممممممم..!!! في احد دق علي..اليوم؟؟!!

سامي: ايوا في وحدة اسمها هبة دقة ..

رنيم : هبة!!! غريبة طيب.

سامي:ايوا ع طوووووووووووول تلفوون يابنت قومي ذاكري السبت الجاي اختبارات وانت توجيهي بلاش لعب..

رنيم:دحين بس دق ع لميس و هبة وروح اذاكر..

رنيم : الو....!!!

لوئ:نعم..

رنيم : السلام عليكم

لوئ:وعليكم السلام..

رنيم : لميس موجودة..!!

لوئ: ايوا مين اقلها..؟؟

رنيم : رنيم ..

لوئ: رنيييييييييييييييم ....!!!!!!!!!!!! طيب دقيقة لميس تعالي تلفوون..
لميس:مين ..

لوئ:رنومة...!!

لميس: ياعيني كمان لها دلع..

لوئ:وي عادي مو انت كدا تناديها..

لميس:لأ مين قال...!!المهم هات هات السماعة الو..!!
رنيم : الو..!! كيفك
لميس : تمام كيفك انت..!!

رنيم : الحمدلله كويسة..اقلك دقت علي هبة مرة مو من عوايدها تدق..

لميس:ايوا هي دقة علي انا كمان تقول اليوم بتروح على الدرة وتبغاني اجي..وكمان حيكون في فيصل..

رنيم : وي مو فيصل دا كان صاحبك انت..

لميس: ههههههههههههه ايوا بس بعد ماخرجت اخذ رقم هبة..يختي ايش تبي يطلع
من دي الاشكال غير كدا..

رنيم : عنجد .. طييب وايش قلتي لهبة..
لميس: طبعااا لأ ...!!!!!

رنيم : اها تماام واكيد حتاخذ معاها تماضر..

لميس: والله ماعرف بس ممكن...

رنيم : الله يستر.قلبي انا مو مرتاح خصوصاَ الدرة دي مرة دمار

لميس:اقلك خلاص هي اصلا بايعة نفسها ..

رنيم : لأ...هذا كله من هبة..

لميس:طييب الله يستر عليهم...اسمعي رنيم انا لازم اقفل عشان لوئ يبي التلفون..

دق قلب رنيم الو ماسمعت اسمه .. رنيم : طييب .. لميس ..

لميس: نعم

رنيم : سلميلي عليه..


لميس:لوئ .. رنومة تسلم عليك..

لوئ:الله يسلم قلبها..

لميس: الله الله ..يلا رنومة مع السلامة

رنيم : مع السلامة...

ياربي..متى راح تحس فيني..انا اصلا ليش حبيتك..وانا ماعرفك..

بس انا والله احبك .. لوئ اف منك والله تعبتني معاك..

قطع تفكيرها في علم العشاق دقة جوالها...
رنيم : الو..!!

هبة : الو..

رنيم : ايوا هبة كيفك


هبة : تمام .. اسمعي رنيم تجي معانا على الدرة اليوم بعد العشاء

رنيم : لا والله ماقدر..اسفة .. اسمعي تماضر راح تجي معاك

هبة : ايوا طبعاً

رنيم : طيب الدرة اكييييييد اخو تماضر راح يكون هناك...!!!!
هبة : والله مالي دخل..وبعدين اخو تماضر مافي اوسخ منه حق بناااااات وليالي بس على اخته لأ .. حرام عرف انه عيب هي لازم تجي معايا..

رنيم :والله هو حر في نفسه مالو داعي انت تاخذي تماضرخذي اي احد تاني معاك..يعني انت عارفة ايش راح يصير لتماضر لو عرف اخوها او شافها برة البيت مع اولاد..والله يقتلها

هبة : اسمعي رنيم تماضر..راح تجي معاي غصب عليها لاشياء هي تعرفها وكمان اذا عن اخوها فخليه يربي نفسه قبل لايربي اخته .. ياما شفته في السوووق مع

بنااات..وبالدرة بأسوأ حالاته

رنيم : عنجد طز فيك خليه اللي صيرلك يصيرلك بس حرام انك تضيعي غيرك معاك .. مع السلامة..

هبة : مع السلامة

هبة : اففففف عقد وبعدين عشان انا قاعدة اعيش تماضربالواقع واخلهيا مثل كل البنات رنيم زعلانة..!!!!

يعني خليها تجس بالحياة مثلي انا ما بسوي شي .. بس بخيلها تعييييييييييييش .. ههههههههههههههههههههههه

يلا خليني اقوم البس وكلم فيصل وتماضر تجهز نفسها
هبة : الو..!!!

اخ تماضر:نعم ..

هبة : ممكن تماضر..

اخ تماضر : لحظة..

تماضر: ايوا..نعم

هبة : يلا جهزي نفسك دحين بجيك..

تماضر : طيب..

هبة : مع السلامة

تماضر : مع السلامة

اخ تماضر : مين دي ؟؟

تماضر : ها .. اا هبة صحبتي

اخ تماضر : امي تعرفها
تماضر : ايوا ..

اخ تماضر : طيب ايش فيك ارتبكتي كدا ..

تماضر : مافي شي..بس هي تبيني اجي معاها عشان نروح عند المدرسة ندرس..
اخ تماضر: خليها تعطيني العنوان انا اوصلك

تماضر : لا مالو داعي هي قالت بتمرني..وامي وافقت..

اخ تماضر : اهااا .. تدري ان لو طلع غير اللي بتقوليه راح يصير لك شي مايرضي احد..
تماضر: انا مابكذب..عن إذنك بروح البس..


اخ تماضر : طيب..

دخلت ام تماضر : ايش فيك ..!! كدا معصب ..

اخ تماضر : ولاشي بس بنتك دي راح تخرج مع صحبتها دحيين ع الساعة 8 قال قال لعند مدرسة .. ها في مدرسة تكون في اخر اليل..

ام تماضر : ايوا في وعن الملقفة روح ربي نفسك اول ..
اخ تماضر : انا متربي ..

ام تماضر : ايوا عشان كدا طوول الوقت تلفونات مع بنات .. وترجع اخر اليل سكران .. حبيبي ترى ادري بكل شي يصير معاك....طييب .. يعني امسك نفسك اول وبعدين اتفلسف على اختك..

خرج اخ تماضر وهو معصب..وركب سيارته ..

جات هبة في نفس الوقت اللي خرج فيه اخ تماضر وشافها وهي بالميك اب والعباية الملونة..وشعرها اللي مو مغطيته ..

اخ تماضر : الحين اللي يبي روح ل المدرسة بذا الشكل..والله لو طلع في شي لقتلك ياتماضر..

فضل اخ تماض مستني بسيارته .. لين ماخرجت تماضر وركبة السيارة..ومشي وراهم..
وصلوا على الدرة وخرجت هبة بشعرها والميك اب .. وعباتها الضيقة اللي كلها الوان ..وخرجت وراها تماضر وشافها اخوها بس شافها بشكل ثاني شافها وهي كاشفة وجهها وحاطة ميك اب كامل اللي ماتحطه حتى لو هي كانت رايحة لزواج اشلون الحن تحطه وهي بكباين

لحق وراهم .. دخل ع الكباين ولحقهم..ولقا الصدمة..لقا تماضر وهي تسلم على رامي صديق فيصل وهو شوي وياخذها بحضنه..

كانت الصفعة رامي طلع صديق ل اخ تماضر.. ومن غير تفكير..صرخ اخ تماضر: يابنت الكلب...!!!!!!!!!!!!!!

وقام يجري لها .. وهي تصارخ..

راح لها وشد شعرها بوسط الكباين

اخ تماضر : ياللي ماتستحي ع لوجهك .. يابنت الكلب والله لاوريك انت يابنت الشباب..انا انا اختي تكون حق شباب .. لا ومع مين صاحبي..انت يالنذل يا الخاين..
تماضر : ااااه اتركني ..

واخذ يضربها...وهي تصارخ..وفيصل واللي معاه على طول خرجوا ومعاهم هبة .. وتركوا تماضر وهي بيد اخوها كانها فريسة بيد حيوان مفترس..اخذ يضربها بكل مكان بوجهها ورماها بالارض واخذ يرفسها لين مانزل الدم منها وهو طول الوقت يسب فيها..

وشدها من شعرها لين ماوصلوا لسيارة وفتح الباب الخلفي ورمها مثل الميتة او الدمية القدمنة المقطعة..وجههاغطاه الدم اللي ينزل من راسها بسبب الضرب..

والله لاوريك انا يابنت الكلب انا تسوي معايا كدا..

الله لايوفقك حطيتي راسنا بالارض .. بس انا اعرف وشلون اتصرف معاك.والله الشارع مارح تشوفينه مرة ثانية حتى لوتكونين تموتين قدامي مابوديك ع المستشفى ماوديك...

والله لاوريكي .. ومسك جواله
خ تماضر : الو...!!

........ : الو..!!

اخ تماضر :تفتكر الموضوع اللي كلمتني عليه الاسوبع الماضي وقلتلك انه ماينفع..
.............: ايه

اخ تماضر : خلاص غيرت راي تراني موافق

............: هذي الساعة المباركة...

اخ تماضر : خلاص بكرة تجي من محايل ع جدة عشان تتزوجها وخذها معك..
............:ايه من الحين اجيك ..

اخ تماضر : خلاص انا انتظرك..يلا مع السلامة
...........: مع السلامة.

نزل اخ تماضر وفتح باب الخلفي انزلي يا اللي ماتربيتي انوريك يا بنت الكلب ..وهي مو بقادرة تفتح عيونها من الضرب..


جرها مثل الكلبة..وفتح باب الفيلا .. ورماها بالصالة .. والدم يغطي كل وجهها..وجسمها اللي تكسر من الضرب ..

ام تماضر : ايش ايش ايش في ..

اخ تماضر : تعالي تعالي شوفي بنتك اللي متربية ..
تعالي شوفي بنتك اللي حطة راسنا بالتراب ..

ام تماضر : هييييي ليش عملت كدا بأختك مين سمحلك يا...
اخ تماضر : قبل لاتسبيني اعرفي ايش سوة بنتك المصوون .. طالعتلي بشعرها مع شاب . شوي وبيحضنها وانت هنا ماتدري عن شي وانت هنا غافلة عن بنتك قاعدة تتمصخر مع الشباب وانت على نياتك غافلة

ام تماضر وقفت بمحلها مصدومة من اللي شايفته .. بنتها .. اللي تحبها اكثر شي بها الكون ..تسوي كدا..كيف ومتى وليش اسالئة دارت براسها وماهي بلاقيه لها جواب..وش قي كمان ماظهر غير دا الشي..

وايش راح تسوي دحين...!!!!بنتها فلذة كبدها اللي كانت عايشة عمرها كله وضحة بكل شي عشان تسعدها وتربيها احسن تربية..تسوي فسها كدا..بنتها اللي وثقة فيها ..!!!!
بنتها تماضر اللي كانت بنظرها ملاك .. تتطلع حق شباب ...!!!!!!!!!!!


اخ تماضر : المهم انا لي صديقي عايش بمحايل متزوج وعنده 4 اولاد و بنتين زوجته ماتت قبل 5 شهور تقريباً وقبل كم اسبوع جاني وخطبها واا فلت له لا عشان تدرس بس طلعت ماتستاهل حتى الالكل ودقيت عليه الويم وقلتله اني غيرت راي وهو بكرة بيجي يتزوج ...والله حتى مالي شرف حتى اني انطق اسمها..

ودحين تدخلينها ع غرفها وتاخذين منها الجوال وكل شي وتجهزينها عشان بكرة بتسافر..

ام تماضر ماهي قادرة تنظق ولا بكلمة .. كانت الصدمة قوية ومنظر ابنتها وهي مرمية بالارض مو دارية باي شي والدم يغطي كل جسمها كان يزيد المها الم .. وحسرتها ع بنتها .. شالتها ودخلتها غرفتها وهي في بالها سوال واحد..
لماذا يا ابنتي الحبيبة .. لماذا ذهبتي برجليك الى طريق الهلاك والضياع .. لماذا لماذا ..؟؟؟؟

هل قصرت في حقك يوماً؟؟؟

هل اهملتك يوماً حتى تبحثي عن الحب..؟؟

ماذا افعل اكثر حتى اصونك و احميك من الذئاب؟؟؟

كنت في عيني كل شي كنت اعيش من اجلك؟؟
ضحيت بحياتي كلها وبسعادتي من اجلك صرفت عليك بالاف والاف حتى اسعدك واعطيك كل ماتريدين ...

كنت اريدك ان تعيشي حياة الاميرات ..

كنت اعمل في كل مكان وفي اي وقت وفي اي زمان

كنت اعمل بالايام .. واسهر ليالي و ليالي واتحمل الالام ..من اجل ماذا
من اجلك .. نعم من اجلك من اجل انا احضر لك كل ماتريدين من اجل انا احميك من والدك .. ااااااااااااااه هذا جزاي

هذا ما استحقه منك بعد كل الي فعلته من اجلك ..
ممن الغلط..
مني ؟؟؟

ام منك ..؟؟

ام من الزمن ..؟؟؟

مني لاني وثقت فيك ..

ام من نفسك لنك كنت تبحثين عن الحب من ورائي ولم تكوني تعرفين مصلحتك ولو انك فكرتي بعقلك ولو دقيقة وحدة لكنتي علمتي طريق الحق من طريق الضلال..
ام من الزمن الذي نعيش فيه ومن الذين يعيشون حولنا ....
ااااااااااااااااه يا ابنتي .. اني احبك .. ولكن مابي يدي اي شي لافعله بعد الذي حصل..لا استطيع منع اخوك من ان يهدم مستقبلك .. فانت من اراد ذلك وانت من ذهب برجله الى هذا الطريق....
اسفة ياعزيزتي.......

دخلتها غرفتها وحطت ابنتها ع السرير قبلتها وفي قلبها مليون من الاهات وفي عينها مليارات من الدموع الحسرة والالم والاه لما حدث في هذا الزمن..
خرجت من غرفة ابنتها .. وتركتها مثل الدمية القديمة ملقاة في سلة المهملات تغطيها الدماء والجروح .. نظرت اليها ولاخر مرة فهي تعلم ماهومصير ابنتها غدا وماذا ينتظرها في محايل...!!!!!!!!!!!!!

وانقطعت اخبار تماضر عن الجميع بعد ذلك اليوم .............وهذا و مصير كثيييييييييير من الفتايات امثال تماضر...أما ماحدث لهبة فكان اصعب من تماضر........



انتظروا نهاية هبة في الجزء الجديد

[لــحــــن الـشــــوق]

تسمين على الجزء
تماضر غلطت لما طاعت هبه باللي تسويه
بس قطعت قلبي باللي صار لها ماتستااهل
ننتظرك...

[DKNY]

مشكووووووووووووووووووووووووووووووووووووووووووووووو ووورة

عالرد الحلو

[قمر الكون]

يوه ليه ودت نفسها

للهلاك

وهي تبغى كذا لحياة

بــــــس

أنتظر الجزء الجديد

[DKNY]

ا ن شاء الله بنوتات عن قرييييييييييييييييييييييييييب

[عاشقة الأطفال]

مشكوووووورة حبيبتي على البارت000
مسكينة تماضر00
ننتظر البارت الجديد00
لا تطولين00