*مٺنفڛڛُې ڷڛُڛعـۃ آڷصڐر . .

[ﮬـۈاجس « •●]

** ممكن احط ؟؟
اذا ممكن هاكم ذي القصة صراحة تسدحت من الضحك عليها :


في احد ايام رمضان المبارك كنت ماخذة اجازة من الصيام,و خلصت صلاة الفجر .. وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا .. وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة

وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجهه مصدووم

ويطلع أخوي " يونس " طالب في المرحلة المتوسطة يميل الى الامتلاء يملك عيون عسلية و حواجب كحلية كان يونس في أشد الدهشة والانبهار والتعجب حتى ظننت انه قد يموت بسكتتن قلبية

يونس : ماصمتييييييييييييي !!!!!!!

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

يونس : وجع ..من جدك تسألين هالسؤال ؟

أنا بكل ثقة وبجاحة: والله انت بعد سألني نفس السؤال

يونس: والله انتي اللي جالسة تبلعين وتشربين موب انا

ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة

ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه

المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
فما كان مني الا اني فجأة قلت له

: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي


واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي


:أجل شف بصراحة أنا مسيحيــــــــة

:لا والله !! قولي قسم بالله


:انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني (حسيتني بخرب الولد)


القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين ببعض وانا حسوني دخيلة بينهم
ماادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لا كنت أنام في الحصص وفي الاختبارات أغش

واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون


يونس >


المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت

بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتها وأهلي مايدرون وللحين مايدرون


يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟


لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا

داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام

@#$%#@#$%@#$%@#$%@


جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب

واشوف ..الا عنوانه Islam ???!!

وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة

هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ

طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين


المهم انا عقب هالضحكة نسيت الكذبة ,ولهيت بمشاغل الحياة < مشكلة البزي ومن

ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي

أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير

الحمداللللللللله أسلمتي ,الحمداللللللللله أسلمتي

ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بس والله رحمته جاني الصياح صدق ,ماأدري هو أن عشت الدور ولا صياحه صيحني

ويمر أبوي قدام هالمشهد التراجيدي وينهبل
وجععععععع خير انهبلتوا ..وش صاير

ويونس من هول سعادته كب العفش والعشا والقش كله


بنتك أسللللللللللمت أسلللللللمت


وللأسف انجلدت بعدها بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل ..


(L)

[© ῟яαнơφơғά ♥]

يبُ قدْ قريتّهآ ع الايمُيلْ مشُكوره ومآقصرتي

[© ῟яαнơφơғά ♥]

بقوولكم اطللق سولآآفه

الله يسلكم مرتن من المرآت كييذآآ قببل كم من أأسبووع

كآآن الطفش حده طففش بالبييت وماكان فيشي نسوويه

امي نآمت توها جايه من الدوام ابووي مسآفر واختي نٌآيمـــــه واخوي بالجامعه

يعني البييت فآآضي مافيه الا انا واخووي محمد توه بآدي يسووق يعني ماايبععد عن الحي

جييت لاخووي وانا مآآسكه عبآتي والمفتاح بيدي قلت يلا يلا قآل وين قلت امش وانت سآكت

قال لا مافي امي ماتررضى قلت امش محد داري عننا قال واذا صار حادث ومتنا قلت هذا يوم قال

لالا حتى ابوي مايررضى انتي آكبر ومهبوده قلت بتجي ولا ارووح لحالي <<تهدد بعد

قآآل أمعصصي امششي يلا << مايجي الا بالعين الحمرا بعديين ركبنا السيااره قآل انتي شتبيين

وين بتوهقيينا قلت مدري امش نتمشى قآل شتحسيين قلت مدري بس طففش

قآل اوكي ززين وآفقني الرأي بعديين رحنا بآآسككن شرينا ايس كرريم وجيناا



ولا من شآف ولا من دري




رجعنا تهرريب طبعا الايس كريم على حسآبي الاخ جاي بدون بوك ووطبعا يبي الكببير ماشببعه

الصغير رجعناا ونددخل من الباب << على بالي من الشبآك ونرركض المللحق

ونشغل تلفزيون ونقعد ليين يخلص الايس كرريم << أوم الايس كريم الي كذا

بعديين دخلنا رجعنا المفتآح وهوو رآح قعد نفس القععده وككل شي نففسه جت امي قآلت لي

مآنمتي تقولين بموت من الدووخه قلت شسوي ماجاني نوم

قآلت كله من هالنت مدري شفييه عشان مايخيلك تنامين قلت مدري

قآلت طب يلا انزللي تحت قلت اوووك

وبعديين رآحت ولا من شآآف ولا من درري للحين محد دررى عننا

[© ῟яαнơφơғά ♥]

يسعدلي صبآحكم

شخبآركم ياحلوين مع اول يوم بالدراسه <


جبت لكم كركاتير طااااازهـ



يآحياة الشقى متأثرهـ

عاد على هالكراكتير والله انهم صآدقين اخبر مره هلت عيني دمووع وبكيت

علشان مشهد مـؤثر شفته

اللي يغبن اني ماابكي الا يوم اسمع نغمة حزيينه هنا قلبي يتحرك واتحمس معهم خخخخ

كل مااتخيل الوضع اقول بخاطري مخي وينه فيه

لآ والمضحك بعد إذا جآ مشهد يبكي تقعدينُ تصرفينْ تناظريننّ ! باللي حولك واللي حولك يناظرون فيك

وتجي ضحكه غبيه هههههههههههههههههه كلن يقول خير وش فيهآ

بــرب اطق فرهـ

[© ῟яαнơφơғά ♥]

يسعدلي صبآحكم ومسآئكم

اليوم حبيت اسدحلكم سآلفتن سوآهُآ آخْوي يوم الخميس

بصرآحة ذآك اليوم مدري وش صآير فيه احس انه كان مغشوشن ولا بآلعن شي آلآخ < آخٌوي المصْؤن

مآعلينا المهم

طلع يوم الاربعآء من الدوآم والناس معطله وفآلها هؤ وخشته مدآوم

قآل فرصتتتتتتتتتن (( طبعآ اهلي وقتها مسآفرين للريآآآآض ))

المهم وصلت والبيت فآضي ومغبر له اسبوع وكتمه

ويصكها نومة الشر الله لا يوريكم ماقام الا اليوم الثاني الساعه 1 الظهر

ويتصل على ابوي وسلآم وكيف الحآل ومن هالعلوم

واسأله متى بتجون قآل ابد اليوم انشآء الله بالليل وحنآ عندك

و هوُ اللي تجيه فـكرتن من مخه الموقر <

لو يعرفو عنها حريم السعودية كآن تهآوشو عليه < منـــــــآك

وتمسك معه تنظيف الله لايبآنا والبدآية كآنت بالحوش

< فآضي آلأخُ وشبعآن نوم وعزآبي وششش ورآهُ

والله ويغسل حوشنآ اللي بالعاآدة إذا اهلي يغسلونه مآيآخذون ربع سآعه وهؤ تنظيف وشغل أمانه

قعد يمكن ساعه ونص غرق الحآرة والحي كله بسبت حوشنآ

المهم ان الحوش صآر يلق وتمسك معه عند باب بيتنا خبركم تراب وغبار الدنيا طلعتها

عند الباب وابد تخيلو المنظر طُرآزن عند الباب بملآبسه الدآخليه ويرفع السروال

وماسك الهوز ويطشطش بالمآي جآرنا شآفه قالي الظآهر انك عزابي

قال اي بالله عزابي وفآضي ومسكت غلط

المضحك انه صار ينخش كل ماجت سيآره ويناظر بدرايش بيوت جيرانا خوفه

وحده من بناتهم يشوفوني وانا بشكلي الغلط ماتسوى يصير علكه بحلوقهم

هههههههههههههههههههههههههههههههههه

المهم ويصك الباب ويرجع يفتح باب البيت الدآخلي وينصدم حصل المدخل والصآله كلها مآي

< عفآ الله عن غسيلك بس

نسي الباب مفتوح شوي واثآره غرق ام الدنيآ بس اشوآ ان الدور الارضي سيرآميك

{ وتكمل المسكه الغبيه وشد الرآس يآهُشآم شين بديته لازم تنهيه }

ويمسح المدآخل والصآله وحالته حآله ويقول بخاطره (( القآفه لها اهلها وانا وش لقفني اسوي مفآجأه ))

خلص من التنظيف على صلآة المغرب من السآعه 1 وهو يطحن < كآن سوُيت كبستُن آبخصص لك

ويجيكم ويشغل التلفزيون على قنآة ok وانواع الطرب

وبالمكنسة رآآيح ورآآجع

واخيرآ خلص من البيت كله الدور الآول والثاني < آنجُآز ، كآمل مع الحوش نظييييف < شغل آمانه

ويبخر البيت ويعطره

ويروح يتروش ويضبط نفسه ويتصل علينآ هاه وينكم فيه قلنآ باقي بالرياض

بنمشي اللحين وهو اللي ينقهر قال يلعن ام الحاله اللحين انتظرهم مابيوصلون الا

على الساعه 1 بالليل

وتجيه فـكرتن ثآنيه ويتصل على خوييه


ع الهُآتفف /
هلآ يابو حميد هاه تغديتو ... قال لا والله صحينا الساعه 2 وكلينا خفافي فطور قلت اجل عشآكم عندي ذالليل قال له تم

ويعطينا خبر لانآكل شي بالطريق

ويدز على البقاله ويشتري طماط وخيار وجرير وحركات وفواكه

وجهزت كل شي بالمطبخ

< اكييد فيك شٌي بلآكُ من الساعه وحده وانت تطحن وش هالمسكآت الغبيه

المهم

وحآن آلوقت ويقطع في هالبصل والطماط ودموعه اربع اربع من البصل

هههههههههههههههههههههههههههههههههه

ويطبخ اللحم و يصك عليه

عآد تصدقون اهو من أول يستغرب منآ {خوآتتهْ } لا قالت لنآ امي قطعو السلطه

تجي الوحده بصحنها قدام التلفزيون وتفهي نص ساعه وتقطع دقيقه وتنفههي نص ساعه

وامي هواش معنا

عآد اهؤ بهاللحظة جرب وش نحسُ فيه وهؤ كآن ينقد عليهم

تخيلو شآدن راسه وقاعد قدآم التلفزيون فاتحن رجوله الثنتين على الاخير

<والله ولآ نانسي عجرم يوم تغسل بالفديو كليب

والصحن بالنص ويققطع ويناظر بالتلفزيون شعور غُرييييب و الطماطم ابتلش فيها تروووغ معه ماتثبت

اما البقدونس بالفرآمه سريع سريع ورشه على السلطه

< مآهو بهين ترى يحب يتفنن بأي شغله يسويها فيه طبع يحب يتفنن بزياده

والله يكبس الرز ويحظر الفواكه والخس والجرجير واللبن < اهم شي المشوب الاساسي

ويحظر السفره ويرتبها ويجهز العشى الا آحنُآ فالبيييت شهآلزين شهآلشششي

والكل انصدم من الحآره نقول وش سويت غرقتها والماي للحين مانشف

بس مآقصرنآ بصرآحة عززنآه نقول : البيت يلق لق وريحت البخور شي

والمفآجأه بالعشى يوم شآفناه

وكل واحد شكرهه على الطبخه

خاصتن حنآ خوآته < لايغُركم مو حبنآ لطبخْه بس


يآلبـُى خووي هشُؤؤ


ادري اني طولت عليكم بس حبيت اسدح لكم قصة خوي

خبركم فآضيه بعد وماورآي شغله


اترك لكم التعليق

تحياتي لكم

[© ῟яαнơφơғά ♥]

[COLOR="Black"]لقد جفت اقلامي
( عادي نشتري لك واحد جديد )

وتكسرت مجاديفي
( حاول تسبح او خليك في القارب لحد مايجيك احد يساعدك)

سابقى هنا حتى مغيب الشمس
( اقول قول بسم الله ورح البيت )

لن ادعى الاحزان تأخذني
(وش تبغى فيك علشان تأخذك مالت عليك)

لقد ابحرت وعبرت المحيطات بدون قارب
( بلاش كذب.. لا عاد قول انك عبرتها سباحة وعلى ظهرك )

لقد جمعت آهات الحزن وحنين الالم
(وش رايك لو تجمع طوابع البريد احسن لك)

هكذا الدنيا تدور وتدور
( نعرف ان الدنيا تدور من غيرك ماجبت حاجة جديده )

في ذاك المكان كنت اجلس واتامل اوراق الخريف
( الناس غدو وانت قاعد تتأمل)

نظرت لها وهي تسقط وتتناثر
( مافكرت تجمعها مثل ماجمعت آهات الحزن وحنين الالم)

اني اسمع تكسرات عظامي
( اكيد ماتشرب حليب ذبحك الديو والبيبسي )

ان عظامي تتكسر وتتهشم
( اكيد عندك صداع في العضلات )

انظر هناك خلف الافق
( نظرنا وش فيه؟؟ )

هناك حيث الامل وحيث الحياة
(لوحدهم؟ ولا احد معاهم )

انظر الى تلك الفراشة اليافعة النحيلة الهزيلة وهي تطير
( فكرتها تسبح)

سوف اعلن للعالم
((اعلن بس تكفى لا تصيح الله يخليك ))

سوف اعلن للعالم ان الابداع قد مات
(( مات!!! ))

سوف اعلن ان هناك من يقتل الابداع
( اذا انت الابداع فقتلك حلال )

سوف اقف امام كل الاعداء
(الله يقويك انت اوقف وحنا معاك )

سوف اوقف زحف الاقلام التي تحارب قلمي
(( تكفى ياروبن هوود ))

من قال ان الابداع مات
((أنت قلت قبل شوي ولا غيرت رايك ))

سوف اريهم من انا
(( والله منت سهل ))

انا القلم الذي اكتب بلا خوف
(( ياشيخ وش هاذي القووة ))

انا القلم الحر
((ليش كنت مسجون ))

سوف اكتب في كل مكان
((الله يخليك الا الجدارن لا تكتب عليها ))


اما زالت اقلامي جافة؟؟
((ترى ازعجتنا انت وقلمك خذ لك قلم رصاص وريحنا ))

هل مازلت تايه في معمعة الايام؟؟
((الي يسأل مايضيع؟ ))


سوف احقق كل اهدافي
((بس انتبه لا تطلع تسلل ))

ماقد بنيته بالامس لان اهدمه اليوم
((البلدية الي راح تهدمة ..في احد يبني استراحة وسط احياء سكنية ))

انا كنت ولا زلت وسوف ابقى
((هذا درس في القواعد؟ ))

وسوف تبقى ابداعاتي تدوم وتدوم وتدوم
((قاعد تسوي دعاية لصابون فيري ))

نحن لا نفهم
((تكلم عن نفسك يابو الشباب لاتعمم ))


الى متى ونحن هكذا
((الين يفرجها الله ))

ياللي تكتب بين الاقواس اهجد
((طيب ابشر بس كمل ..كمل ))

كل المواضيع التي لاتحمل معنى فهي ليست ابداع
((متأكد!!! ))

نعم متأكد بس من قا ل لك هذا؟؟؟
((انت من اول تتكلم والحين تقول من قال لك هذا))

من قال ان الكلام الذي بلا معنى ليس ابداع
((يوووه والله انت اللي قلت))

كنت امزح
(( بالله .... مالت عليك))

دعنا نكمل
كل الايام متشابهه ولكن تختلف في الاسماء
((كلام صحيح))

كذلك السنين متشابهه
((بس السنين مالها اسماء يعني قلنا كلامك صحيح وصدقت نفسك))

كذلك الوجوه متشابهه
((يمكن في الصين تتشابه بس هنا تختلف))

كذلك الاماكن متشابهه
((ترى كثرت من كلمة متشابهه حاول تغير الموضوع))

لو كنت اقف بجانب هذا الزمان الصعيب لكنت شبيه له من كثر احزاني
((خليك ولا تتحرك بخذلك مع الزمان صورة تشييييز ))

ياللي بين الاقواس اهجد وخلينا نوصل المعنى للاخوة الاعضاء بدون تريقة.اوكي
((اوكي))

عندما تاتي بكل الحب وتقدمه للاخرين ثم تنصدم
((اكيد كنت مسرع وقاطع اشارة ))

وقتها تعرف ان الحب بين الناس قد ضاع
((تبغى احد يدور معاك؟))

هل هذا الزمان هو زمان الحب؟
(( لا حول ولا قوة الا بالله ))

هل هناك شي اسمه حب
((يابو الشباب انت وش تبغى؟؟))

لقد تشربت عروقي من اليأس والاحزان
وبدات مدامعي تنهمر مثل الامطار
((اللهم حوالينا ولا علينا))

بعد هذا الجهد والعناء سوف اقف على قدم وساق
((مطول وانت واقف))

سوف اقف وابتسم في وجه الايام الحزينة
((ماصارت حزينة الا منك))

واقول لها
((بتقول لها بشويش ولا بتصرخ))

لا بشويش
سوف اقول لهذة الايام الحزينة ارحلي
((طيب حجزت لها اوكي ولا تبي تخليها انتظار))

^
إقتُبآسْ ~

عجُبني حيييًل فطسسسْت من الضحُك

*Rose Universe*

أبدعُتي
آلموضٌؤع الاصٌل / http://www.banaat.com/vb/showthread.php?t=148373

[© ῟яαнơφơғά ♥]

قصصه ~

معلمتي في الايميل < حقت اللغه العربيه ، قآلتها لي وووو لصـق ~


سافر ثلاثة من الشباب إلى دولة بعيدة لأمرٍ ما، وكان سكنهم في عمارة تتكون من 75 طابقاً..



ولم يجدوا سكناً إلاَّ في الدور الخامس والسبعين.


قال لهم موظف الاستقبال: نحن في هذه البلاد لسنا كنظامكم في الدول العربية..


فالمصاعد مبرمجة على أن تغلق أبوابها تلقائياً عند الساعة (10)
ليلاً،


فلا بد أن يكون حضوركم قبل هذا الموعد.. لأنها لو أغلقت لا
تستطيع قوة أن تفتحها، فالكمبيوتر الذي يتحكم فيها في مبنىً بعيدٍ عنا!
مفهوم؟! قالوا: مفهوم .



وفي اليوم الأول.. خرجوا للنزهة.. وقبل العاشرة كانوا في سكنهم
لكن ما حدث بعد ذلك أنهم في اليوم التالي تأخروا إلى العاشرة
وخمس دقائق وجاءوا بأقصى سرعتهم كي يدركوا المصاعد لكن
هيهات!! أغلقت المصاعد أبوابها! توسلوا وكادوا يبكون! دون
جدوى.



فأجمعوا أمرهم على أن يصعدوا إلى غرفتهم عبر (السلالم- الدرج) مشياً على الأقدام!..



قال قائل منهم: أقترح عليكم أمراً؟



قالوا: قل قال: أقترح أن كل واحدٍ منا يقص علينا قصة مدتها مدة الصعود في (25) طابقاً.. ثم الذي يليه، ثم الذي يليه حتى نصل إلى الغرفة


قالوا: نعم الرأي.. توكل على الله أنت وابدأ


قال: أما أنا فسأعطيكم من الطرائف والنكت ما يجعل بطونكم تتقطع من كثرة الضحك! قالوا هذا ما نريد.. وفعلاً حدَّثهم بهذه الطرائف حتى أصبحوا كالمجانين.. ترتج العمارة لضحكهم.


ثم.. بدأ دور الثاني فقال: أما أنا فعندي لكم قصصٌ لكنها جادة
قليلاً.. فوافقوا.. فاستلمهم مسيرة خمسة وعشرين طابقاً أخرى.


ثم الثالث.. قال لهم: لكني أنا ليس لكم عندي إلاَّ قصصا مليئة
بالنكد والهمِّ والغمِّ.. فقد سمعتم النكت.. والجد.. قالوا:
قل.. أصلح الله الأمير!! حتى نصل ونحن في أشد الشوق للنوم



فبدأ يعطيهم من قصص النكد ما ينغص عيش الملوك! فلما وصلوا إلى باب الغرفة كان التعب قد بلغ بهم كل مبلغ.. قال: وأعظم قصة نكد في حياتي.. أن مفتاح الغرفة


نسيناه لدى موظف الاستقبال في الدور الأرضي! فأغمي عليهم.

[© ῟яαнơφơғά ♥]

آذكىى لص ~

گآنُ فى لص يْڛرق محآفظ آلنُآڛ ۉحقآئب آلنُڛآء ۉهگذآ يْعيْڜ ۉلگنُ آلمڜگله آنُ آلڜرطه بدأتٌ تٌعرفه فأى ڛرقه فى منُطقتٌه تٌقبض عليْه آلڜرطه ڛۉآء گآنُ هۉ آلڛآرق آم لآ ۉيْضرب ۉيْتٌبهدل فقرر تٌرگ بلده لآنُه لم يْعد له عيْڜ هنُآگ ۉقرر آلڛفر آلى آمريْگآ ۉلجأ آلى آحد آصدقآئه ۉزۉر له فيْزآ ۉڛآفر هنُآگ ۉجلڛ آۉل يْۉم يْرآقب آلنُآڛ آيْنُ يْضعۉنُ محآفظهم لآنُه جديْد فى آلبلد ۉيْجب آنُ يْتٌرۉى ۉبعد ثلآث آيْآم منُ مرآقبه آلنُآڛ ڛرق آۉل محفظه ۉفۉرآ قبض عليْه رجل ۉڛيْم يْرتٌدى لبڛ فآخر ۉهنُآ آللص آلمڛآفر گآد آنُ يْقف قلبه ۉآخذ يْتٌڛآمح منُ آلرجل ۉيْقۉل آنُآ لم آگنُ آقصد آنُ آڛرق ۉگآنُ فى بآله آنُ منُ قبض عليْه منُ رجآل آلڜرطه ۉلگنُ آلرجل آلآمريْگى قآل له لآ تٌخف آنُآ لص مثلگ ۉگنُتٌ آرآقبگ ۉآريْدگ آنُ تٌعمل معى ففرح آللص آلمڛآفر ۉقآل آنُآ مڛتٌعد ۉبدء آلآمريْگى يْدربه ۉگآنُ يْضع له آلمآل ليْختٌبره ۉلگنُ آلمڛآفر لم يْخنُ صديْقه آلجديْد ۉبعد ڛتٌه آڜهر منُ آلتٌدريْب ۉبعد آنُ ۉثق آلآمريْگى بآلمڛآفر قآل له آليْۉم ڛنُنُفذ آۉل عمليْه ۉآعطى آلمڛآفر لبڛ فآخر ۉذهبۉآ ليْنُفذۉآ آلعمل ۉدخلۉآ قصر بمفتٌآح قد آحضره آلآمريْگى ۉدخلۉآ للغرفه آللتٌى بهآ آلخزيْنُه ؤ فتٌڜۉهآ ۉۉجدۉآ آلخزنُه ۉفتٌحهآ آلآمريْگى بدۉنُ گڛر ۉآخرج آلمآل ۉجلڛ على آلگرڛى ۉقآل للمڛآفر آحضر لنُآ ۉرق آللعب ۉآنُدهڜ آلمڛآفر ۉقآل لنُهرب آلآنُ ۉنُلعب فى بيْتٌنُآ ۉلگنُ آلآمريْگى نُهره ۉقآل آنُآ آلقآئد آفعل گمآ آقۉل لگ ۉفعلآ آحضر ۉرق آللعب ۉبدئۉآ يْلعبۉنُ ۉلگنُ آلآمريْگى قآل له آفتٌح آلمڛجل بصۉتٌ مرتٌفع ۉآحضر لنُآ آلخمر ۉۉثلآث گؤۉڛ ۉفعلآ فتٌح آلمڛجل ۉرفع صۉتٌه ۉآحضر آلخمر ۉآلگؤۉڛ آلثلآثه ۉلگنُه گآنُ غيْر مقتٌنُع ۉقد تٌآگد آنُهم ڛيْقبض عليْهم لآ محآله ۉآثنُآء تٌفگيْر آلمڛآفر حضر صآحب آلقصر ۉبيْده مڛدڛ ۉقآل مآذآ تٌفعلۉنُ يْآ لصۉص لگنُ آلآمريْگى لم يْگتٌرث ۉقآل للمڛآفر آگمل آللعب ۉلآ تٌآبه له ۉفعلآ آگملآ آللعب ۉلگنُ صآحب آلقصر آتٌصل فى آلڜرطه ۉحضرتٌ آلڜرطه فقآل لهم صآحب آلقصر هؤلآء لصۉص ڛرقۉآ آلخزنُه ۉهذى هيْ آلآمۉآل آللتٌى ڛرقۉهآ آمآمهم فقآل آلآمريْگى للڜرطه هذآ آلرجل يْگذب لقد دعآنُآ هنُآ لنُعلب معه ۉقد لعبنُآ فعلآ ۉفزنُآ عليْه ۉلمآ خڛر آمۉآله آخرج مڛدڛه ۉقآل آمآ تٌعطۉنُى مآلى ۉآمآ آتٌصل فى آلڜرطه ۉآقۉل آنُگم لصۉص فنُظر آلضآبط ۉۉجد آلگؤۉڛ آلثلآثه ۉآلمآل مۉضۉع على آلطآۉله ۉآلمۉڛيْقى ۉهم يْلعبۉنُ غيْر مگتٌرثيْنُ فحڛ آنُ صآحب آلقصر يْگذب فقآل له آلضآبط آنُتٌ تٌلعب ۉلمآ تٌخڛر تٌتٌصل بنُآآنُ عدتٌهآ مره آخرى آرميْگ فى آلڛجنُ ۉآرآد آنُ يْغآدر آلضآبط ۉلگنُ لآمريْگى آڛتٌۉقفه ۉقآل له يْآ ڛيْدى آنُ خرجتٌ ۉتٌرگتٌنُآ قد يْقتٌلنُآ فآخرجهم آلضآبط معه ۉآصبح آلمآل لهم بڜهآده آلڜرطه ۉآلڜرطة فيْ خدمة آلڜعب

[© ῟яαнơφơғά ♥]

نكت ~

واحد قال لولده: اطلع اسقي الزرع

قال الولد: بس الدنيا تمطر


قال أبوه:اقول لاتتحجج خذ المظله واطلع...!




وحده تقول لزوجها: ياريتني اخذت ابليس ولا اخذتك


قال لها: ما يجوز اخو ياخذ اخته

الزوجه تقول لزوجها : اسلوبك صاير زفت معاي هالأيام
رد عليها: على طاري الزفت شخبار ابوكي؟!!...






بدوي راح السينما و ماشاف الفيلم .. ليش ؟؟



قعد يسلم على اللي في الصالة



واحد نذل قالوا له: ودك أبوك يموت وتورثه؟
قال: لا ودي يندعم ويموت عشان آخذ الديه و أورثه




منتخب الهند يلعبون مباراة ، عطاهم الحكم ( كورنر ) فتحوا فيه محل سمبوسه وفلافل



محشش قال لمصري: أنا عازم الملك
قال المصري : والنبي؟!
قال المحشش: يمكن يجي ويمكن مايجي

فيل خرطومه قصير ليش؟؟
أمه فلبينيه
محششين نزل عليهم مطر قاموا يناقزون ليش ؟
ما يبون يدوسون على نعمة الله<<خخخخ




ديك قال للدجاجة: انتي وش تستفيدين تجبين بيض والناس ياكلونه؟
قالت: والله أنا أحسن من اللي يأذن ولا يصلي

[© ῟яαнơφơғά ♥]

(1)
مرة من المراري
كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
وفيني رجه مهيب طبيبعيه
المهم كلمت ابو الشباب مدري هو كلمني قلت له وينك تاخرت؟؟
قال في الحاره مير يغزني بليس قلت ورى ماتروحين تخبين ورى الجدار تروعين رجلك
مير اسمع باب الكراج ينفتح واطييييييييييير اركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
واسمع خطواته جاايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وانا وراه
ياليت يوم بليس غزني قال اصرخي في وجه اسحبي شماغه
بس بليس قال اهبديه
وظلااام جهت الكراج
واجي طاايره وباقوى قوه اقدر اسويها اخبطه مع ظهره من ورى بين كتووفه
<<<<الله من الجفااسه حتى في المزح خخخخخخخخخ
مسيكين هو من قوه الخبطه
ومادريت الا الكراج ينفتح مره ثانيه
صار الي جاااي اول اخوو رجلي
وهو الي تلقى الضربه ارض جو
والله اني بغيت انحاش مع باب الكراج يوم انفتح من الفشيله
واطلب الطلااق
التفت علي قااااااااااااااااااال عمىىىىى
عاد انا بغيت ازعل يوم قال عمىىىىى
<<لها وجه تزعل
مير تشوفوني اااسفه اااسفه ومغطيه وجهي بيدي احسبك فلااان
<<<<يقالك ستيره متغطيه خخخخخخخخخخ
قال تكفين خفي على اخووي خخخخخخخخخخخخ
عاد مير انا الي انصى رجلي وانا ازبد من الحمق<<<بعير مو انسانه
واقوله السالفه
قال اشوى فيه ولا فيني خخخخخخخخخ
قلت رح تعذر له واشتر له فكس على حسابنا خخخخخخخخ
عاد رجلي قال ترى فلانه تحسبك انا لاني مكلمه قايل انا قريب حول البيت
قال الله يصبرك يااخوي انتبه لاتزعلها تذبحك خخخخخخخخخ
اذا هذا مزح اجل شلون اذا زعلت
===========================================
(2)
البنت هاذي زينه مره وحبيبه بس يعيبها رجولها كباار خخخخخخ تزوجت وانهبلو عليها اهل رجلها من سناعتها وزينها وحبابتها بسم الله عليه
تقول مره مجتمعين هي وحملوتها حريم عيالهم وبناتهم وبنات بناتهم متزوجات كثاار مره
تقول مير تجي سلفتها تقول لها فلااااانه
قالت سمي<<<<يقالك ذوق خخخخ
قالت ولدي يقول رجووول خاله فلااانه كبااااااار وسوود وانا وابوه متنا عليه من الضحك خخخخخخخخخ حسبي الله على عدوانها
تقول ميررررر الدنيا تدووور بي ابرد ماعرف من الروعه والمفاجاءه تقول قلت ياحبيله بسم الله عليه ذكي <<<<شوفو الخبال خخخخخ
تقول حسبي الله عليها جابت لي العقده صرت لين جيت اروح لحمولتي اقعد قبل يويمن افرك رجووولي خخخخخ ومرات اذا صندل يسمر لطيت المكيااج في الرجووول

(3)
هذا الله يسلمكم يوم زواجي من بكره رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني
تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطاااااااااني امه مستاذيه منه صقعني فيها تطامرو خواله الي يخبطه مع راسه وانا من الروعه اقول لاعاااااادي ماعورني اصلا ماطقتني العلبه
كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
قال له زوجي قلها اسف يله بسرعه ودخل راسه تحت الشرشف وانا الي احمر عيووووووووووني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه


(4)
انا مره رايحين البر انا وحمولتي واخوان زوجي وحريمهم
المهم ان زوجي حااط علب بيبسي فوق بعض وقااعد يصوب عليها بالبندق<<<ياقدمها خخخخخ
قصدي بالساكتون
وصارو بالدور هالشباب الصغار وخواته يصوبون ولا واحد جاابها
جيت انا طاايره قلت انا ابجرب
قال وخري بس لاتفشلينا اخاف تذبحين احد ونتوهق ندفع اديه يبي يحطمني ويقهرني
ومير انشب بحلقه ويضحكون يقولون عطها خل نشووف
يوم خذته تعالي شوفي التعليقات الي تقول ابركب عيالي السياره لاتصوبين عليهم والي يقول ابنحااش
واحس بقهر في قلبي واقول في نفسي ياودود ياودود انك تنصرني عليهم
واشيل السلاح واحطه على كتفي حسيت كاني لوااء من فرحتي
يوم اطلقت الرصاصه واجيبهاااا وانا بنت ابوووي
وتعاالي شوفي التعليق الي يقول فلانه جابتها والي يقووول اكيد متعلمه من قبل والا شلون تجيبينها
ورجلي انهبل شفتو ام فلاان<<ألحين صرت ام فلان اول يتهزا فيناا
عاااد انا رااسي صارر كنه منطااد من الفرحه<<<الي يركبون فيه في افلام كرتون خخخخخ
قلت يله ابسوي مره ثانيه
وكلهم متشوقين ومتجمعين يله يله وانا عااد يارض انهدي ماعليكي قدي
واجهز الساكتون واحط طرفه على كتفي واغمض عين وافتح عين يقالك مركزه
عاد قمت اتميلح عندهم كاني خبره صدقت عمري
توني حاطه يدي على الزناد وطاالقه الرصاصه الا شي قال بببومب وقزاز انتثر اثاريني من زود التحمس جت الرصاصه في لمبه سياره رجلي خخخخخخخخخخ
والله عقب ماكان مفتخر فيني وفرحان فيني حسيت انه وده يكفخني ومجاامل عند اهله خخخخخ
وتعالي شوفي الضحك علي والكل عرف ان المره الاولى صدفه

(5)

قبل كم يوم كلمت وحده اعزيها في امها وكانت امها لها مده في المستشفى حول شهرين وكنت كل فتره اكلم اسال عنها
المهم الحرمه ماتت الله يغفر لها وكلمتها اعزيها ودار هالحوار بينا
هلاا فلانه عظم الله اجرك
هلا والله اجرنا واجرك
الله يجمعك بها في الفردوس ياارب
هي تقول اامييييييييييين
عاد السلك زي ماقلت لكم مافيه
قلت انا الا بشريني عن الوالده عسااها الحين احسن خخخخخ
قالت هي هوووووووووو انتي تعزيني في مين اجل
عاد انا دوريني ماتلقيني
ومره رحنا لاخت زوجي واطلع وانسى ولدي عندهم خخخخخخخخ ياخزياه مانسيته الا عند الحموله ليتني ناسيته في بيت خالتي والا اهلي والا خالي خخخ
مادريت الا تدق علي قالت مانسيتي شي قلت اييي قصدك الصينييه بعدين جيبيها معك
الله يخلف على قلبي ذكرت صينيه المكرونه وماذكرت ولدي موديه معي لها صينيه مكرونه واحسبها تقصد الصينيه خخخخخ
قالت لا ولدك تراه انهبل يقوول امي نستني خخخخخخخ

ومره دخلت محل ابشتري شي وانشب بحلق الرجال على خمسه ريال ابيها يخصمها مادري وش جااني على هالخمسه وانشب في حلقه نشبه الحساب كان اعتقد 25 وابي احاسب بعشرين اخر شي يبي يفتك مني قال خلاص طيب واعطيه خمس ميه واترك الباقي كله واطلع خخخخخخخ
ومره رحنا انا وخواتي نعزي سلفه اختي المهم دخلنا وقامت تقص علينا قصه وفاه امها انها ارتفع السكر عليها ودخلت بغيبوبه وانها صحت قبل ماتموت بااسبوع
واجي عاد انا المفهيه اشوااا الحمد لله صحت الحمد لله على سلامتها
خواتي طلعو من غير مايقولون مع السلامه من الضحك

ومره اختي كلمت امي قالت ام سلفتي ماتت ابمرك نروح نصلي عليها ومرت امي وراحو المسجد تقول اختي يوم كبر الامام واذكر ان ماعلي صلاه خخخخخخخخ تقول واتغطى واقعد اضحك يوم سلمت من الصلاه قالت لها الي جنبهاا حرام ياختي كل هالصيااح امسكي نفسك تحسب اختي تصيح
(6)
هذا موقف لاختي في شهر العسل
كانو مسافرين براا
ودخلو مطعم يتغدون تقول جاب لنا المنيو واختار زوجها وش يبي ةجا دورها وتقول قال لها زوجها تبين اساعدك في اختيارك
تقول وخيتي مير اعصب عليه قلت لااا انا اعرف اختارر
وهي تقول في نفسها حاقرني يحسبني ماعرف انجليزي
وتلقى هذاك الطبق وتجوز لها مكوناته ولقته غالي قالت اكيد زين
المهم جابو طبق زوجهاا تقول مادريت الا ذيك العربيه يدفها ثنين عليها رجل عجل خخخ مغلفه بقصدير
تقول كل تالي في الطاولات يناظرون هالعربيه وين بتروح وتقول وانا التفت على رجلي قلت وش بياكل هاللحم هاذي يبي لها عشر اشخاص وهي تضحك مادرت انها لها خخخخخخخخخ
تقول مادريت الا جابوها لي وخلو واحد واقف فوق راسي يقطع لي وانا اكل خخخخخ تقول متنا من الضحك انا وزوجي قال تستاهلين

(7)
انا اذكر كنت مسافره عند خالتي وبعد فتره لحقتنا امي
قالت مره خاالي قره عينك

وش رديت عليها انا

ياليتني انثبرت ابرك

قلت الله يقرقر عينك خخخخخ
قالت حسبي الله على عدوك بسم الله علي الله يخلي لي عيوني
عاد عرفت بعدين اني المفروض اقول بنبيك(محمد عليه السلام)

(8)


اذكر مره قبل ماعرس يوم اني بنت بنوت خخخخخخخ انحاشو خدامات اهلي في رمضان
قامت امي تول ول
رجلن عصبي ويحب الاكل الزين<<<<ابو طخومه
وبنات داجات مايعرفون يسوون شي<<<<طخومه واخواتها على وزن كان واخواتها
وام تحب السنع والزين<<<<<ام المجني عليها طخومه خخخخخخ
مير يوم شفنا امي ضايق صدرها ونقوم نفزع انا وخواتي معها في المطبخ
قالت امي اللقيمات هي الي تاخذ وقت وابوكم يحبها وهي عاجنتها قالت بس انت لقموها وبعيدن ننقي الزين منها نحطه لابوكم والشين لكم
<<<تعجبني امي صريحه
مير اختي تلقم بالملعقه عقب ماعلمتنا امي الطريقه وانا حاطه الملاس في الزيت مايمديها تلقم وحده الا انا شايلتها صاير لونها احمر حلوه
وانا واختي فرحانين هي تلقم وانا اشيل
يوم خلصنا يازينها غالبها مدوره مغير اذاني سعينونه والا خرطوم صغير مامداها تمطط على طول انا اشيل
اثاري النار عاليه مررررررررر ه
جبنا لقيماتنا وفرحانين فيها
قالت امي ياويلكم لو تقولون انكم انتم ملقمين
<<<خابره ابوي مايحب مطرسه البزارين
يوم حطت اللقيمات تو ابوي مدخل اول وحده في فمه مير تصب من بين بريطماته<<<متعوب عليها
تصب العجينه
ويجرب الثايه يفغصها بيده وتصب العجينه
الثالثه الرابعه كلها مافيها حيله
قال من الي ملقم اللقيمات
عاد يقلبي امي بازه وفرحانه قالت اناااااااااااااااا
قال الله من الرفاله والله خخخخخخخخ كله من اعتمادكم على هالشغالات قالت امي هووووووووو<<<اهل الرياض
وراه وشفيها
قال ذوقي
خذت امي وحده وحطتها في فمهااا قامت العجينه ساحت بين بريطماتها
عاد تعالي شوفي الضحك
بس هاذي حوبه امي فيني انا واختي خذت تعبنا وجهدنا ونسبته لنفسها وعاقبها الله وهاوشها ابووي خخخخخخخخخ

(9)

انا اموت في شي اسمه طبخ من يوم كنت صغيره قبلي احوس في المطبخ مع امي وامي ياحبي لها تطردني لان مافي شي ينجح ابداا
مره سويت كيكه قبل ماتزوج وجيت فرحانه لابوي ابذوقه اياه قال يابنتي ذي لو يطق بها الكافر اسلم خخخخخ خخ ياااابسه
عاااد تزوجت وسكنت مع حمولتي واختكم في الله وجه بن فهره ماتنزل المطبخ بكرامتها جا ذاك اليوم سويت مكرونه بالباشميل من الساعه عشر الصبح في المطبخ ماخلصت الا 3 العصر الله من البربسه فيها يوم كلهوها لين نسيت احط الملح قالت خالتي ام رجلي وع ماصخه قلت عشان فيتس ظغط الله يحيتس ماحطيت ملح قالت اي بعدي بنتي خخخخخخخخ
ومره سافر زوجي لابها عنده شغل ورحت معه واول مره اتحمل مسؤليه المهم ليه صديقه زوجها ضابط ورايح ندب وانشب في حلق زوجي نسكن نفس عمارتهم شقق المفروشه
عاد ابسوي الغدا سوت لي صديقتي لحم متبل وحطته بالقصدير قالت بس دخليه في الفرن قلت يطول قالت اي لحم يطول
حطيته في الفرن من الساعه 7 الصبح وسويت رز بالربيان وكثرت المويه مره ياقلك مقلوبه ربيان يوم قلبتها في الصحن قال طششششششششششش<<<<مويه
جبت مناديل رووول وقعدت انشف الرز بالمناديل واللحم يوم طلعته مافيه الا عظام مادري ليه ولانتفه لحمه ماااع من الساعه سبع لين وحده الظهر مالقيت الا قصدير ناشف اسود وفيه عظام خخخخخخخخ
كل هذا عاادي مافيه الا رجلي لكن المصيبه جااايه
عند اهل زوجي شقه في مكه نروح لها كل رمضان وهاذي اول سنه لي معهم وزوجي عنده شغل في اخر شعبان قال خل نروح جده واذا جا اول رمضان رحنا لمكه
المهم رحنا لمكه قبل حمولتي وتقريبا بيجون في سابع رمضان
وخاله زوجي لها شقه في نفس العماره وبتجي ثاني رمضان هي وزوجها بس
وهي حرمه سنعه وتحب الزين وراعيه طبخ هي وبناااتها
قلت لرجلي ابسوي لهم فطووور ونروحه لهم عيب ساكنين بنفس العماره ولانروح لهم شي
<<<<من زين طبخي ياليتني انطميت بس
اكلم خالته يقول لها قالت خله عشا بعد التراويح
تحسب بيجيهم شي صاااحي خخخخخخخخخ
المهم يوم صليت المغرب واطلع ذيك الدجاجه من الفريزر ابي اقطعها عجزت ثلج
واقوم احطها على اللوح على بلاط المطبخ واحاول اكسرها بالساطوره تقوم الدجاجه تزلق وتتزحلق على بلاط المطبخ يقوم رجلي يشوتها برجله يرجعها لي خخخخخخخخخخ المهم تقطع لحمها وهي ماتقطعت
مير احطها في القدر واسلقها واحط عليها الطماط والصلصه والمكرونه وقلت في نفسي لين استوت قطعتها
<<<<<<مخ ذكيه
واسوي كريمه الخضراء ماغير واحط في الصحن شوي واحطها في الثلاجه الله من الدلاخه احسبها بتنتفش مثل الكيك لين حطيناه في الفرن
واسوي شوربه شعيريه ماجي<<<<هذا الوحيد الي فلحت فيها
واسوي سلطه واحط عليها ليمونها وخلها وكل بلاويها
مير ياذن العشاااء واطل على المكرووونه لين القدر مليان مويه قلت ابروح اصلي العشا في الحرم واعود على عشاااي
ولين بنت خالتي في مكه واتواعد انا وياها تجي معي بعد صلاه العشاء تساعدني وهي اردى مني والله في الطبخ
ونصلي العشا ونرجع والمكروونه مازالت مليانه مرق قالت الذهينه بنت خالتي خل نحط عليها علبه مكرونه ثانيه
بدل مانقلل من المويه حطينا عليها علبه ثانيه
ورحنا نصلي التراويح
عاد يوم رجعنا بنرسل لخاله زوجي العشا
السلطه اخورت من المغرب وهي مصلحه شكلها مصلحه من سنه
الكريمه يوم قلبتها في الصحن انفرشت صار عرضها سم واحد
الشوربه نجحت<<<<لو مانجحت فالمفروض مكاني شهار خخخخخخخخ
الشعيريه نسيت اعلمكم عنها طبختها وحطيت عليها سكر وكل شي بس استناها تصير بنيه عيت مررررره بيضاااء انعجنت وهي بيضاا بس ماروحتها لها يوم جا رجلي قال ليش بيضا قلت اهلي يطبخونها كذا خخخخخخخخ
المكرونه ومادراك مالمكرونه
نص عجين ونص ماستوى والدجاجه شكل فيها مرض متهذي لحمهااا قطعناها انا وياها
ومن قواه الوجه روحنا العشاء لها
والله يابنات حتى شكرااااااااااا ماقالت والله والله مالومها خخخخخخخخ انا نفسي حامت كبدي مافكرت اذوقه
حتى زوجي قال ليه مابقيتي لي اذوق طبخك قلت ماكفى وانا في نفسي اقول اخاف يجيك تسمم
نسيت فعايلنا في الدجاجه خخخخخخخخخخ
بس الحين اعجبكم صرت طباااخه
(10)
مره من المرارير اتصفح هالمنتدى الي تقول ليله حمرا والي ليله خضراء
والي ليله بحريه وقواقع الله لايستر لايغرقون من التحمس والي ليله غابيه ولبست لبس طرزان هي ورجلها ماشاء الله عليه طاعها خخخخخخخخخخ
المهم مير تتحرك مشاعر الغيره فيني قلت هالضعيف ماعمري سويت له ليلله
المهم اتحمس واقعد لي شهر استعد كل ماقلت ابسويها هالاسبوع قلت مالي نفس
اخر شي قلت يله خل نجرب ونشوف
وتعالي شوفي الاستعدادات مافي شمعه في ستي بلاازا ماشريتها ومفرش جديد وفرش حمام جديد مع الفوط
وقميص نوم ولبس وفستان نعوم يقالك ابلبس لبسين
عاد انا فيني عيب لو بروح مكه وارجع في نفس اليوم اخذ عيالي معي مستحيل اخليهم الله لايبلانا الي سشوفني يقول ماحد عنده عيال غيرها
المهم يوم جا العصر وراح للمكتب استحيت اقول للخدامات تفخو البلونات وتقعد اتفخ لين انتفخت لوزي مير يتطاقون عليها عيالي مابقى الا كم وحده
واروح اشتري الكيك والعصير وارجع البيت واحطه في ثلاجه جناحي مابي رجلي يشوفه واخاف عيالي ياكلونه خخخخخخخخخخخخ
وارجع اطلع واروح اصلح شعري واغلف الهدايا الي جبتها له
المهم وارجع البيت وصك علي باب الجناح ازبرق واصلح حسيت كاني في حفله نجاح خخخخخخخ
واتصلت عليه قلت له اذا قربت من البيت دق علي
عشان في نفسي اولع الشموع والحق اولعها من كثرها
المهم مادريت الا الي يقول تراني تحت ونسيت ادق عليك مير تجيني خرشه حتى الولاعه مالقيتها ويوم لقيتها اولع وهو يطق الباب افتحي
وانا اقول لحظه
واسمع ولدي يقول بابا مادري ليه ماما مقفله عليها من زمان خخخخخخخخخ
المهم اني تاخرت مير يعصب ابو الشباب قال افتحي عارف مسويه حفله شفت الكيكه
اثاري الرجال جا وانا مني فيه وفتح الثلاجه وشاف الكيكه وقرا وش مكتوب عليها
مير عاد تتحطم احلامي ترترترترترترن
مير افتح الباب وانا معصبه يوم دخل قام هو ولع النور خخخخخخخخخخخخخ يسفاب بس الشموع
قمت من الحره اطفي فيها وراحت ريحه الدخون والعود من ريحه الشموع
قال اشرقتينا بهالريحه
مير يقوم يشغل التلفزيون
عاد انا انطلق عليه انت الي فيك وملا فيك وماتستاهل مسيكن انقلب وجهه وقام يطفي المبات من الروعه ويولع الشموع هو يولع وانا اطفي
مير اجيب الكيكه واقعد عليها انا وعيالي ناكلها واشرب انا وعيالي العصير وهو يتفرج ماعطيته خخخخخخخخخ
ومن الحمق اغير والبس بجامه واقعد على النت وانا في نفسي اقول امحق رومانسيه عاد هو حس بتانيب الضمير بس وش عقبه
بدال ماتصير ليله رومانسيه صارت ليله مضاربيه

(11)
هذا موقف لاختي فريش توه من يومين
معزومه عند سلفتها وجامعه سلفتها السالفات الباقين
قامت اختي تبي اغراض مني عشان بتلبسها
ارسلت رساله ارسلي لي البس الفلاني والشنطه الفلانيه وجزمتك الجديده الي شريتيها يوم الاربعا خخخخخخخخخخخخ ولاتنسين الساعه الفلانيه
ترى عااد انتي خابره السلايف ومنافستهم ابي اصير احسنهم
وارسلتها لسلفتها خخخخخخخخخخ
(12)

انا مره سويت مقلب صغنون كنا نايمين في امان الله والغرفه ظلاااااااااااام دامس وانا كنت نايمه سمعت صوته يقوم يروح للحمام الله يكرمكم
مادري وش هالنشاط الي جاني قمت لبست عبايتي وغطيت فيها كل راسي وجسمي وجلست قبال باب الحمام متربعه
طلع هو يغافل لك الله ومعه فوطه ينشف يده من الروعه يوم شافني يحسبني جنيه بسم الله علي يقولي هشششششش هشششش بالفوطه
بس والله ياني كلت خبطه على راسي مالومه والله يقول خبري بك نايمه ولو يطيح البيت ماقمتي من ثقل نومك وش الله سلطك علي
خخخخخخخخ



(13)
بنات هذا الموقف لوحده تقرب لي تقول راحت لمجلس الامهااات مع بنتهاا ورجعت قبل بنتها
يوم جت بنتها من المدرسه تقول متفتحه مناخر بنتي من الفرحه قالت ماااااااااااامااااااااا البنات يقولون امك صغييييييييييييييييره مررررررره تقول قلت اصصص
لاتقولين شي بعدين لين جينا نتغدى سولفي علينا
تقول وانا على احر من الجمر متى يجي الغدى عشان زوجها يسمع المدح تقول يوم جلسنا على الغدا وتلفت على بنتهاا هاااااااااه ياحبيبتي وش كنتي من شوي تقولين يوم كنت مشغوووووووووله قالت اي صديقاااتي يقولون امك صغييييييييييييييييييره تقول وانا انتفخ راااسي اي كملي وش قالو بعد قالت بس يقووووووولون شييييييينه مررررره تخووووف خخخخخ تقول عاد هنا انفش راسها وطاح وجهها وزوجها كاتم ضحكته مايبي يفشلها خخخ مع انها والله حلوه بس هالبنات الله يفشلهم