(الجزء الثامن )
قصة عذابي حياة انسان
يوم اتذكر لياليها
مازان وقتي ابد مازان
اول حياتي وتاليها
اقاسي الهم والاحزان
من صغر سني اقاسيها
واعاني الصد والهجران
من اقرب الناس اعانيها
من دون ذنب علي كان
كل المآسي الاقيها
اضحك واجامل مع الخلان
وجروح قلبي اخفيها
كتب علي القدر حرمان
محروم من كل مافيها
محروم حتى من النسيان
نعمه ولاني بلاقيها
جود وهي تبكي : جواد اكيد انت عارف وش صار لي
جواد : ايه عارف بس مو عارف من السبب
جود : انا بعلمك ابيك تاخذ حقي بس بدون فضايح
جواد : ابشري والله يالغلا بس علميني منهو عشان ابرد قلبي
جود وهي تبكي بصوت عالي : فــ..ـهـ..ـد
جواد وهو عاقد حواجبه : أي فهد
جود من بين شهقاتها : فهد ولد عمي صالح
جواد بصراخ : اييييييييييييييش الحقير والله وربي لاكون ذابحه – صار يدور
بالغرفه من القهر – آآآآآآه الخسيس وين راح وييييييين والله وربي لاشوفه مايمنعني
منه الا الموت
جود وهي تبكي : كنت انا وساره نسولف لما دخل علينا وقال لها تطلع بس هي
رفضت صارخ عليها وطلعت غصب عنها بعدها – صارت تبكي بقوه –
جواد وهو يصارخ : كانت عارفه كانت عارفه الخسيسه ولا علمتنا يعني كانت
متفقه معه
جود بتعب : ساره ماقالت لكم السالفه
جواد بقهر : لا تقول اني رحت اسوي حلا ولما رجعت شفت جود مغمى عليها
ومدري من سوا فيها كذا
جود : جواد تكفى انت عارف عمي لو يدري بيذبحها تكفى لاتجيب طاريها في
السالفه قل انه فهد وبس
جواد بقهر : احسن خليه يذبحها ونفتك منها
جود من بين دموعها : جواد لاتكابر تراني توأمك واعرف انك تحبها تكفى ياجواد
بعدين ترى ماندري هي متفقه معه ولا لا لاتظلمها ياجواد
جواد : طيب يصير خير
طلع جواد من عندها وراح لاخوه جهاد وعلمه بكل شي الا ساره خلى السالفه على
كلامها بس بين ان اللي اغتصب جود فهد
اماجهاد اللي ثار وعصب راح لبيت عمه صالح وعلمه بكل شي حتى انه صارخ
على عمه وهو يسب ولده
طبعا اعمامها درو وخلو السالفه بينهم وقالو خلاص صار اللي صار ومابيدينا شي
نغيره واذا لقينا فهد بيكون موته على يدينا
اما جود طلعت من المستشفى بعد سبوعين لان اهلها ساعدوها وادعموها نفسيا
ولا احد جاب طاري الحادثه ابد
بعد اربع شهور كان فهد مختفي فيها عاشت جود في هذي الفتره معاناه نفسيه
كانت اكبر صدمه لجود حتى اكبر من الحادثه اللي صارت لها
كانت تعبانه ونايمه على سريرها وعندها مربيتها
مربيتها زينب (سوريه) بتردد : ااجود بدي ئولك شئ
جود بتعب : قولي ماما ( طبعا جود تناديها ماما لانها ربتها من كانت صغيره مره )
مربيتها : جود حبيبتي انا شاكه بشئ
جود : بايش
مربيتها : انتي ياجود مافكرتي انك ممكن تحملي من هالمجرم
جود بخوف : لا مستحيل
مربيتها : جود ماما انا شاكه انك حامل من الاعراض اللي بتطلع عليك
جود وهي تبكي : لا مستحيل والله يذبحوني اهلي
ضمتها مربيتها : جود انا ئلت للسواق يجيب جهاز تحليل حمل منزلي من شكيت
بهالشئ فيكي تستعمليه
جود وهي ترجف : لا لا ماما انا خايفه والله يذبحوني بعدين
مربيتها بحزن : لا ان شاءالله ربي معاك
علمتها المربيه كيف تستعمله وهنا كانت المصيبه
ضمت مربيتها وهي منهاره : لا مستحيل ماما مابي
مربيتها تبكي : خلاص حبيبتي ئطعتي ئلبي
جود : ماما ابي انزله
مربيتها : بس كيف
جود بهستيريا : مدري مدري بس بحاول
مربيتها : مابتئدري الا بحاله وحده اذا صرت تراكضي وتلعبي وتشيلي أي شئ
تئيل
جود : ماما انتي عندك أي شغله
المربيه : لا ماما انا ماعندي الا انتي
جود وهي تقوم: بروح اركض والعب وارتب وانظف ياربه يطيح
استمرت على هالحال لمدة اسبوعين بس الحمل مو راضي ينزل
بعد اسبوعين من التعب والاجهاد
مربيتها : لازم حبيبتي تخبري امك
جود وهي تبكي : خايفه
مربيتها : هم مردهم بيعرفو احسن شئ يعرفو الحين مو بعز تعبك يتخلو عنك
جود : طيب ماما انتي خبريهم انا خايفه
مربيتها : طيب الله يعين
نزلت المربيه تحت لقت ام جود جالسه تشوف الاخبار
المربيه : ام جود بدي ائلك شئ
ام جود : تفضلي يازينب
زينب : بدي اسئلك مابعمرك خطر في بالك انو ممكن جود تحمل من ابن عمها بعد
الحادثه اللي صارت
ام جود بخوف : فال الله ولا فالك
زينب بارتباك : بس فعلا جود حامل
ام جود بصدمه : ايش
في هالوقت دخل جهاد وجواد جهاد توه جاي من برا ( زوجته دانه تكون
بنت عمه محمد عنده ولدين خالد 4 سنوات ويوسف سنتين) اما جواد توه
راجع من عند صاحبه
جهاد وهو يشوف وجه امه منقلب ومصدومه : يمه عسى ماشر
امه وهي مصدومه : اختك
جهاد : وش فيها اختي
جواد بخوف : جود وش فيها
امهم : حامل
جهاد بصراخ : ايييييييييييييييييييش
امهم وهي تبكي : يافضيحتي ياعيالي اختكم حامل بالحرام
جهاد رقى فوق وهو مايشوف من العصبيه : جووووووووووووووووود
دخل عليها بغرفتها شافها جالسه على السرير لما شافته وقفت بخوف
جهاد بصراخ : حامل حامل
جود تبكي : والله ماكنت ادري ولما دريت حاولت انزله بس ماقدرت
سحبها جهاد مع شعرها وقعد يضربها واكثر شي كان على بطنها وهي تصارخ
في هالحضه دخل جواد حاول يسحب جود من تحت يدين جهاد ماقدر حاول يوقف
جهاد عن ضربها بس ماقدر
بالنهايه رمى نفسه فوقها وصار هو اللي ينضرب مو جود
جهاد وهو يصارخ : ابععععد ابعد خلني اذبحها واذبح معها فضيحتها الله ياخذها
جواد : تبي تذبح اذبحني انا بس جود مستحيل تلمسها
جود تبكي وبالم : جواد تكفى لاتتالم عشاني دايم انت اللي تتعذب بدالي وانا
المخطيه خلاص كفايه خلني اموت واريحكم
جهاد وهو يحاول يوصل لها بس جواد يغطيها ويوقع العقال فيه مو فيها
جهاد : ياليتني ذبحتك من يوم دريت ياليت افتكيت منك الله يفكني وحده بس ماقدرت
عليك اجل لو عندي غيرك وش كان بيصير
هنا جت الشغاله تركض : بابا بابا ماما تعبان
طلع جهاد يركض لامه اما جواد وقف وشال جود اللي تصارخ من الالم ومن
خوفها على امها
جود وهي تبكي : جواد تكفى روح لامي شوفها لايصير لها شي ماراح اسامح
نفسي
جواد وهو يمسح الدم اللي طالع من فمها ويلم شعرها اللي قطعه جهاد : امي عندها
جهاد بس انا بابقى معك
جود تبكي : جواد انت معي ولا معهم
جواد ودموعه في عينه : انا معك ولو يذبحونك ذبحت نفسي قبلك
ضمته جود وهي تبكي مسح على راسها وسدحها ولحفها قعد بجمبها وهو يلعب
بشعرها و يغنيلها اغنيه دايم يقول ان هذي اهديها لك
تطلبوني شي مني وش تبون
بس انتم مالكم فيني دخل
ايه احب انا وحبي له جنون
واللي يمنعني ترى ماله امل
نامت جود وهي متمسكه في يديه جلس عندها خايف لايجي جهاد ويضربها
اتصل على جهاد عشان يشوف شصار على امه
جهاد بدون نفس : نعم
جواد : وش صار على امي
جهاد : ارتفع عليها السكر
جواد : وينها الحين
جهاد : نايمه بغرفتها
جواد : وانت
جهاد : انا عندها
جواد : خلاص اجل مع السلامه
صار جواد ملازم جود ماعاد يطلع ولا يروح لاصحابه لان جهاد يتحين أي فرصه
عشان يضرب جود بس كان جواد ياكل الضرب بدالها لدرجة ان جسمه امتلى
كدمات بس على قولته كل شي لاجل جودي يهون
كان بيوم جالس بجمب جود وقاعد يأكلها طالب لها وجبه من المطعم كانت ترفض
الاكل بس جواد هو اللي يأكلها بيديه
جواد وهو يضحك : يالله ياقلبي هذي اخر شي
جود بحزن : والله ياجواد مالي نفس بعدين انت كل ملعقه تقول هذي اخر شي والله
شبعت
جواد : طيب ترى ماراح اعطيك الجلكسي اللي جبته لك
جود : لا خلاص باكلها بس هي اخر شي
جواد بحزن : جودي انا مابي افقدك صدقيني انا من دونك ولا شي
نزلت جود راسها : اذا ربي كاتب لنا فراق بيصير
جواد وهو يوقف بزعل : جودي شهالكلام حرام عليك
جود : مابي افقدك الحين خلنا نعيش كل يوم ليومه
دخل جهاد بهالحضه
لما شافته جود تجمدت اما جواد اول ماشافه ركض لجود وضمها وهو يحاول
يغطي جسمها بجسمه وبحزن : اذا تبي تضرب اضربني كم مره قلتلك هالكلام
الا اذا كانك تبي تفقدنا يالاثنين لان روحي من دون روحها
جهاد بقسوه : انا مانيب ملوث يدي بدمها الوسخ بس من اليوم ورايح نوم بهالغرفه
مافيه الشغالات سفرتهم انتي اللي بتكونين تشتغلين بالدورين وتطبخين وتسوين
كل شي يمكن يطيح هالبلوه ونرتاح منه
جواد بصراخ : انت مخلوق من ايش انهبلت شغل ماهيب مشتغله لو على جثتي
جهاد : ماتبي تشتغل اجل تتجهز للضرب لاني باطرح ولد الحرام هذا باي طريقه
جود وهي تبكي : لا خلاص باشتغل
جهاد وهو طالع : انا ماجيت اخذ رايك انا جاي ابلغك
جواد : انتي انهبلتي تشتغلين بالدورين وانتي تعبانه مستحيل
جود تبكي : تكفى ياجواد لاتعترض لانه مو ماكل الضرب الا انت والله ياجواد ان
الشغل اهون عندي من انك تنضرب كل يوم عشاني
جواد بقهر : خلاص انا الدور اللي تحت علي واللي فوق وانتي عليك بس غرفتك
والصاله
جود وهي مره تضحك ومره تبكي : اتخيل شكلك لاحبيبي انا اللي باشتغل لاني انا
بعد ابيه يطيح وبعدين شبقيت علي غرفتي ماتوسخ ابد والصاله اللي فوق ماحد
يجلس فيها
جواد : اذا راضيه كذا ولا اعترضت على الشغل بكبره عادي لو انضرب عشانك
كل يوم تستاهلين
جود وهي تضمه : لا خلاص اشتغل بس بنضف فوق وتحت
جواد وهو يروح يجيب الجلكسي ويجيب قارورة ماء من الثلاجه اللي بغرفة جود :
ايه يصير خير شرهتك مير على اللي بيخليك اقول خذي
جود بحزن لانها مو قادره تسوي شي لجواد وهو لو جاله مجال يفديها بحياته
ماترددد وهو يتربع على السرير قدامها ومعه جلكسي : يالله كلي الجلكسي وكل
شوي اشربي من قارورة الماء
جود برفعة حاجب : وش الحكمه
جواد : عشان مايجيك السكر خصوصا وانك حامل
جود وهي تتجاهل كلمة حامل : الله الاخ طلع دكتور وانا مدري
جواد وهو يرز نفسه : افا عليك
جود : الله يحفضك لي ولا يحرمني منك
جواد بابتسامه : واسمي ولدك او بنتك والعبهم وينادوني خالو
جود وهي مكشره : لا بيطيح ان شالله
جواد بحزم : بس اذا ماطاح انا اللي بربيه معك بكون انا ابوه وانتي امه جود أنتي
مالك ذنب باللي صار ولا الطفل له ذنب
هنا جود ماستحملت حنانه وهي تشوف ابوها يرجع في صورته انهارت تبكي
جواد وهو يضمها ويستهبل عشان يضحكها : اسم الله عليك وش فيك كل هذا
عشاني قلت اني بكون ابوه لهالدرجه كارهتني ماتبيني اكون ابو ولدك خلاص
لاتصيحين ماراح اكون ابوه
جود تبكي : جواد اوعدني ماتتركني
جواد باستهبال : ايووووه ياحبيبتي اوعدك اني ماتركك بس امهليني اجمع لي
قروش اجهز بها عش الزوجيه والمهر واتقدم لاهلك واخطبك
ضربته جود على كتفه وهي تضحك : تستهبل انت ووجهك
جواد : ايه ياختي اضحك للدنيا تضحكلك ياشينك وانتي مكشره
جود : ازين منك على الاقل
جواد: طيب ياحلو انابروح في شغله بسيطه صعنونه أد كده – يأشر على اصبعه –
وانتي ياحلوه بقفل عليك الباب وبيكون المفتاح معي عشان لاجيت ادخل على طول
وهيدا الجوال خليه معك اذا احتجتيني رنه وحده بس واكون عندك
جود بخوف : وين بتروح له
جواد : ابد بس اتطمن على احوال الرعيه
جود : ايه اجل الله معك وسلمني عليهم
جواد باستهبال : يبلغ ان شالله
طلع وقفل باب الغرفه على جود وخذا المفتاح معه
نزل لقى امه وجهاد تحت جلس معهم وقال بهدوء : يمه صدق بتخلون جود هي
اللي تنظف
امه : ايه
جواد : يمه حرام عليك ترى اللي فيها كافيها والله بتجيها منيتها منكم
جهاد : احسن عشان نفتك منها
جواد بعصبيه : اشوفك ماشالله شلت الامانه وقمت بها على اكمل وجه حققت امنية
ابوي الله يرحمه في انك تكون السند ماتكون الظالم اللي ينام واخته ماتجف لها دمعه
امه بحزم : جواد احترم اخوك هذي تربيتي لك
جواد : لا طبعا بس الغضب يعمي لكن اللي ماهيب تربيتك صدق الظلم اللي
ماهيب تربيتك الانانيه
جهاد بصراخ : شقصدك
جواد وهو قايم بيروح ببرود : ولا شي
راح يدور على البيت يشوف فيه شي وصخ ينظفه مر على الدور الارضي كله
ورتبه مابقى غير المطبخ دخل رفع ثوبه وربطه على خصره وصفط كمومه
وبدا ينظف وهو منهمك في التنضيف وتقريبا مابقى الا القليل سمع تصفيق وراه
التفت لقى جهاد متراكي على باب المطبخ
جهاد بسخريه : يمااااااه تعالي شوفي ولدك صار شغاله – التفت على جواد – الا
كم راتبك في الشهر عساه بس ماهوب غالي
جواد : الا والله غالي وغالي بالحيل راتبي هو صحة اختي وعافيتها
امه وهي داخله بعد ماسمعت صوتهم اللي كان مرتفع ناظرت جواد بصدمه
: انت وش قاعد تسوي
جواد وهو يرجع ينظف : ابد يالغاليه شفت اخوي عجز يصرف على الشغالات
قلت ماراح اخلي البيت وصخ ولاراح اتعب امي ولاختي اللي خلقه تعبانه
امه بعصبيه : وحنا كل ماسوينا شي وقفت بوجيهنا
جواد : انا وش سويت
امه بصراخ : اترك اللي بيدك وقلها تنزل تنظف البيت قبل لاجيها واسحبها بشعرها
الدلع خربها بزياده
جواد : اللي تبونها تنظفه بانظفه انا وهي شي واحد
امه : الحين انت لاتكون حامل
جهاد : هههههههههههههههههههههههههههههههههههههههههه
جواد يشتغل : .........................
امه : انا ابيها تشتغل عشان يطيح اللي ببطنها انت وش دخلك راز وجهك
جواد بهدوء : تلعبون على انفسكم
امه : وشوووو
التفت عليهم وهو يمسح الماء اللي بيده في ثوبه : اظنك يمه عارفه انها في الشهر
الخامس يعني الحمل ثابت ومستحيل تنزلونه
جهاد باستهزاء : لايكون مجرب الحمل ولا ماخذ كورسات فيه
جواد : الا وانت الصادق بحثت عنه ابي أي طريقه تنزل الجنين بدون ماتعذب
امه بدون ضرب واهانات وعذاب نفسي وشغل وشيل وحط لاكن للاسف لقيت انه
يكون بهالشهر تقريبا ثابت
جهاد ببرود : مايهمني تتعذب ولا لا اهم شي يطيح ولد الحرام اللي بيخلي سمعتنا
على كل لسان
جواد : الله فكرت في الناس ولا فكرت في اختك ياكبر قلبك بصراحه
والله ماشوف ياخوي العزيز الناس يفرحون لفرحك ولايحزنون لحزنك وتهتم لهم
ولا هالمسكينه اللي من لحمك ودمك لاماتت من بينفعك من اللي بيفكر فيك
لاندمت لحظتها جهاد انا مانيب اكرهك غلاك عندي مايوزن بالالماس انا هنا قاعد
اقولك ان اللي تسويه غلط ياخوي اللي يحبك ماهوب اللي يصدقك في كل شي اللي
يحبك هو اللي يوافقك الصح ويخالفك في الغلط
جهاد بنرفزه : اقول جوادوه ترى مانيب فاضي لفلسفة مبزره
هز جواد كتوفه : على راحتك
طلع فوق وفتح الباب دخل لقاها نايمه باسها على راسها وطلع
اليوم الثاني من الساعه خمس بعد صلاة الفجر
جهاد بصراخ : قومي قومي لابارك الله فيك قومي سوي فطور امي ونظفي البيت يالله
جود وهي تقوم بتعب : طيب قصر صوتك لايصحى جواد
(كان جواد نايم عندها بنفس الغرفه على فراش بالارض وهذي حالته من درو ان
جود حامل لانه خايف يجيها جهاد ويضربها وهو مو موجود)
طلعت كان عليها قميص رمادي فاتح صوف لين فوق الركبه كم طويل وفيه دب
كبيرعلى الصدر بالبني وشرابات بنيه
بدت من فوق رتبت البيت وكنسته بعدين نزلت تحت ورتبته وكنسته بعدين سوت
الفطور ولما خلص راحت ومسحت السيراميك بعدين راحت وشغلت الغساله
وغسلت الملابس وكوتها وصفطتها وحطت كل لبس في غرفة صاحبه
بعدين راحت تغسل الحمامات كلها
اما جواد كان سهران امس مع جود ومانامو الا بعد صلاة الفجر ومن يوم حط راسه
على المخده راح بسابع نومه ماصحى الا الساعه عشر الصبح قام يبي يشوف جود
مالقاها بسريرها حس ان قلبه وقف طلع يركض لقى امه وجهاد بالصاله يفطرون
جواد بخوف : وين جود
جهاد : لهالدرجه خايف عليها لاتخاف قلتلك ماراح اوسخ يدي بدمها النجس
جواد بصراخ : وين جود
امه : سم على قلبك جود تلقاها تنظف البيت ماهيب طايره
ركض بخوف يدورها لقاها في واحد من الحمامات في الدور الثاني قاعده على
ركبها وتغسل ارضيته
بهاللحضه حس ان وده يحرق كل اللي قدامه من القهر اللي بقلبه
راح ومسك يدها ورمى المكنسه اللي بيدها
جواد : جود حبيبتي وش تسوين
جود من التعب مو قادره تتكلم من الفجر للحين وهي تشتغل ولاشربت حتى الماء
كانت معرقه وعيونها محمره من الصياح ناظرته بنظره زايغه ولا تكلمت
شالها جواد لغرفتها وهو حاس انه بينفجر رقدها على سريرها ولحفها جاب لها ماء
وقعد يشربها راح وجاب لها الفطور وقعد يأكلها بيده وهي ساكته اما هو سرحان
يتذكر الموقف اللي خلا جود منهاره طول الليل
(كانت الساعه 6 المغرب لما زارهم عمهم صالح وخالد ولد عمهم محمد طبعا
عمانها دروا بالحمل
اما عمها صالح حط اللوم كله عليها وقال انها هي اللي اغرت فهد وهو بالنهايه
رجال
كان جواد وجود وجهاد بالمجلس
جواد بعصبيه : لا والله ماهوب رجال وان درب الرجوله شمال وهو جنوب وبعدين
ماهوب جود بنت خالد اللي تغري الرجال عشان تغري واحد رخمه
عمه : اقطع واخس ماعاد الا انت تتكلم
جواد : ايه ابتكلم لاصرت تتكلم عن اختي ابتكلم
عمه : ونعم الاخت والله
جواد : أي والله نعم الاخت صانت نفسها بس ولدك الحقير ماخلاها بحالها
جود بصوت حزين : وش تبوني اسوي عشان اثبتلكم اني بريئه وانه هو اللي
ماخلاني بحالي
جهاد : انتي تنطمين مابي اسمع كلامك
عمه :الغلط هذا لازم يتصحح وانا اعرف كيف اصححه
جود : بس انا ماسويت شي وربي ياعمي اني مالي ذنب
جهاد : بس ولا كلمه انتي اخر من يتكلم فضحتينا الله يفضحك
جواد : حدك ياجهاد انت عارف القصه كامله ليش تحط اللوم كله عليها
العم : اقول انت مابي اسمع منك ولا كلمه لو كنت رجال كان ماخليتها تدوج بانصاف الليول
جواد بصراخ : يعني ترمون خطاكم عليها اسمعوني زين ابوي مات سندها مات
لاكن وربي اني لاقوم بمقامه وان أي واحد منكم يمس شعره منها لاكون ذباحه
عمه بعصبيه : تهددني ياقليل الخاتمه تهددني ياللي ماتربيت
جواد : انا متربي ومو أي تربيه انا تربية ابوي لاكن انت امسك ولدك الهايت
بالشوارع وربه ثم تعال حاسبني
صدى كف تردد بالمكان
جود بشهقه : لاااااااااااااا
جواد : انا ياجهاد انا تعطيني كف طيب بيجي يوم اذكرك بهالكف لاكن مادمتو
اعداء لجود اقولها لكم صريحه انا عدوكم ولو يوصل لدر جة القتل انا مستعد
جود وهي تبكي : لا تكفى ياجواد
خالد اللي كان ساكت طول الوقت : انتي سبب المشاكل الله لايوفقك هذي نهايتها
تشعلينها بين اهلك
جواد : اقطع واخس انت مالك كلمه عليها اطلع برااا اللي بيتكلم على جود البيت يتعذره
جود تبكي : بيجي يوم تبان فيه الحقيقه والله وربي اللي خلقني لا تندمون كلكم
خالد باستهزاء : لاجا ذاك اليوم خبروني - وطلع - )
جواد بنفسه : وربي ماخليلك الكف ياولد امي وابوي
............. النهايه ............
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ]
منذ /19-03-2011, 07:14 AM
ملكة التنسيق
مبدعة الردود 
.gif "Md1 (86)")
