 |
|
|||||||
الـقـصـص و الـروايـات 
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
 |
|
|
أدوات الموضوع |
|
|
|||||||
| الـقـصـص و الـروايـات
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
|
|
|
أدوات الموضوع |
منذ /26-03-2011, 07:36 PM
|
#71 | |||||||||||||||||||||
|
بنوتة محلقة
|
اهلن هلن اختـــــــي ..مشكوووره تسلميين..ماشااااء الله عليكــ رواييتك مره مره تحمممس ..
|
|||||||||||||||||||||
|
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
|
منذ /28-03-2011, 09:08 PM
|
#72 | ||||||||||||||||||||||
|
بنوتة محلقة
ڪارولينآ בِـّ
|
آهلييييييييييييييييييين =*(
|
||||||||||||||||||||||
|
|
|
منذ /30-03-2011, 05:39 PM
|
#73 | |||||||||||||||||||||
|
بنوتة مبتدئة
White Angel
|
انين طفله
|
|||||||||||||||||||||
|
|
|
منذ /30-03-2011, 05:44 PM
|
#74 | |||||||||||||||||||||
|
بنوتة مبتدئة
White Angel
|
البارونه سارونه
|
|||||||||||||||||||||
|
|
|
منذ /30-03-2011, 05:46 PM
|
#75 | |||||||||||||||||||||
|
بنوتة مبتدئة
White Angel
|
كارولينا
|
|||||||||||||||||||||
|
|
|
منذ /30-03-2011, 05:48 PM
|
#76 | |||||||||||||||||||||
|
بنوتة مبتدئة
White Angel
|
والحين جا موعد الجزء العاشر
|
|||||||||||||||||||||
|
|
|
منذ /30-03-2011, 05:56 PM
|
#77 | |||||||||||||||||||||
|
بنوتة مبتدئة
White Angel
|
(الجزء العاشر )
يآخوي لآتجرح ترى الجرح مآطاب وشلون يبرى جرح وحده " يتيمه " كنت أحسبك لآضقت تشره وترتآب وتفز لي فزة غريم لـ غريمه فزة "بدو" لآرحت رآحت به أرقآب وَكلن فزع من شآن يحمي حريمه صلت ورجعت على حالتها قعدت على هالحاله لما جات الساعه 6 الصباح دخل عليها جهاد هنا حست ان روحها بتطلع ضمت ليان وصارت تبكي بهستيريا تقدم جهاد وضمها يهديها لما شافته ضمها هدت لانها توقعت انه ماراح ياخذها التفتت عليه بحزن وهي تبكي : جهاد تكفى لاتحرمني منها سكت جهاد وهو منزل راسه وكأنه يفكر ابعدت عنه وهي تضم ليان لها اكثر بس هو تكلم بهدوء : جود تعالي هنا جود بخوف : وما تاخذ ليان جهاد بغموض : يصير خير تعالي انتي جود وهي تجلس مقابله له وليان بحضنها : نعم وش تبي جهاد : شوفي ياجود السالفه صاروا يعرفونها عماني وانا مابيها تنتشر اكثر لانك انتي المتظرر الاول فيها فإذا شافوها العالم هنا عندك وش بيقولون وانتي وش بيكون ردك فكري ياجود بحكمه لاتقولين مالهم دخل بكره لاصار اسمك على كل لسان وكل قاعد يحط رايه فيك واللي يسب واللي يزود بالسالفه وشلون لحضتها باقابل الرجاجيل وشلون باقدر اجلس بمجالسهم ولا تبيني امشي وانا منزل راسي ياجود انا اول مادريت باللي صار لك ساعدتك وحاولت اطلعك من صدمتك قلت اهم ماعلي صحة اختي وبعدين ربي بيحلها بس انه يكون لك بنت وانتي مو متزوجه هذي اللي ما ارضاها ياجود مدري وش اقولك بس انا بصراحه لو كنت بمكانك كان استحيت على وجهي و ماتكلمت بكل جراءه وقلت بنتي وابيها تعيش معي فكري زين حنا بنحطها بدار ايتام وهم بيعتنون فيها وبدون مشاكل وعوار راس ترى تعبت وامي تعبت وبدت المشاكل تتزايد بهالبيت من دخلته هالبنت ولا قوليلي من متى وجواد يرفع صوته علي ولا من متى يقعد بالايام مايطل على امي او يسلم عليها ومن متى انا صارخت عليك او رفعت يدي عليك كلنا فاقدينك ياجود وربي بس حنا نحب مصلحتك طيعيني ياجود ولا راح تخسرين جود ودموعها انهار : اسمع ياخوي انا اعتزيت فيك وقلت هذا اللي بيكون سندي من بعد ابوي وهو اللي بيوقف بوجه الناس على شاني بس الظاهر اني غلطانه اسمعني زين بنتي مستحيل اتخلى عنها لو وش صار جهاد وهو يحاول يتمالك اعصابه : جود انا مابي اعصب لانك تعرفيني اذا عصبت ماشوف شي فلا تنرفزيني البنت هذي مالها قعده هنا بس انا ابي اقنعك والظاهر ان مافيك فايده على العموم انا خليتها معك لاني شفتك تعبانه بعد ولادتك ولا كان من يوم ولدتيها وانا ملغيها من حياتنا والحين ماله داعي تبقى هنا مد يده لها : عطينيها وقفت جود وضمتها لها : مستحيييييييييل جهاد بهدوء : جود البنت صغيره وانا مابي اضطر اسحبها ويصيبها شي فعطيني اياها من دون مشاكل جود وهي تضمها وكأنها تبي تدخلها بقفصها الصدري وتحميها من هالظالم : لا بنتي مستحيل تفرقوني عنهاااااا جهاد فقد اعصابه بصراخ : ترااااااااااااااك مصدقه الدور مرره هاااتيها بسرررعه جود وهي تبكي وتبعد بليان : جهاد تكفى لاتحرمني منها تخيل ان احد بياخذ يوسف منك تخيل ان دانه بمكاني وان ليان يوسف جهاد بصراخ : تقارنين بنت الحرام بيوسف وهم قد استووا جود : تكفى بس خلها تبقى هنا اوعدك ماحد يشوفها طول عمرها ولا حتى انت تكفى بس خلها تبقى معي جهاد وهو يسحب ليان منها وهي متشبثه فيها وتصارخ في هاللحضه بكت ليان حاولت جود تبعد جهاد عنها باي طريقه صارت كأنها مجنونه عضت يديه بس ماحركها وسحب ليان اكثر بس جود مارضت تخليها وليان متقطع قلبها من الصياح بهاللحضه نزلت جود راسها وباست ليان وهي تحاول تسكتها ومتمسكه فيها بقوه وجهاد يحاول يفك يدينها لما نزلت جود راسها تبوس بنتها تمسكت ليان بشعر امها وصارت تلعب فيه دايم اذا صاحت تعطيها امها شعرها على طول تسكت وتصير تلعب فيه بكت جود وهي تشوف ليان سكتت من حست بشعرها في يديها حست حيلها انهد وماقدرت تصمد قدام قوة جهاد اللي فكك يديها بالغصب عن ليان مسكت يد ليان اللي في شعرها وهي تبكي وتبوسها وكأنها تودعها للابد طاحت على الارض بعد ماسحب جهاد ليان عنها تمسكت في رجوله وهي تبوسها وتبكي بشكل يقطع القلب : تكـ..ـفـ..ـى جـ.ـهـ.ـاد ابعد جهاد رجوله بقسوه : وش تبين بها وهي بنت حررررام تفهمين وش معنى بنت حرام يعني عاله على كل اللي حولها يعني عقبه بطريقنا يعني مصيبه فهمتي ولا اوضح لك اكثر هزت راسها بهستيريا : لا لا مو عاله علي هذي بنتي بنتي ياجهاد لاتاخذها تكفى ياخوي راح بيطلع وليان تصيح في يديه لانها تبي تلعب بشعر امها بس هو سحبه منها بقسوه لحقته جود وهي تتخبط بمشيتها تقوم وتطيح جود وهي تبكي وتصارخ : جهاد لاتروح تكفى بكلمك بس شووي تكفى سفهها جهاد وراح ركضت وراه وهي تبكي مسكت يده بس دزها على الارض وهو يصرخ عليها : ترى طفرتي فيني ياختي خلاص انسيها هي مو بنتك هي بنت حرااااااام افهمي جود وهي تحبي تبي توصله لانها مو قادره توقف : جهاد بس ببوسها الله يخليك تكفى جهاد ناظرها جهاد بقهر : وش تسفيدين لابستيها هاا جود وهي تحس انها بيغمى عليها وتحس بدوخه بس تحارب عشان تبقى صاحيه تبي تظم ليان ولو لاخر مره حست بيأس وهي تشوفه يطلع وليان تصيح بيده تبي توقف بس تحس رجولها انشلت ناظرته وهو يروح ويسكر الباب صرخت : جهااااااااااااااد لحضه بهالحضه يوم حست انها بتفقد ليان امومتها تغلبت على صدمتها وانهيارها ركضت بسرعه افتحت الباب واطلعت بدون شيله وبدون عبايه شافته قد ركب وسكر الباب ركضت بسرعه لسيارته حاولت تفتح الباب بس كان مقفل دارت حول السياره للباب اللي من صوب ليان فتحته بس كان مقفل ضربت على الشباك بهستيريا وهي تبكي : جهاد تكفى بودعها بس ببوسها تكفى ياجهاد اشرلها جهاد ببرود يبيها تدخل وحرك السياره ( طبعا كانت سيارته واقفه في الحوش اللي يجمع بيتهم مع بيوت عمانه ) ركضت مع السياره وهي تناظر ليان وتحاول توصلها بس الباب مقفل والشباك مسكر ضربت الشباك تبي تكسره بس مافيه فايده شافت ليان تناظرها وهي تصيح (كان جهاد حاطها على المقعد اللي بجمبه ومخليها من دون مايحط أي شي يحميها من انها تطيح ) حست رجليها مو شايلتها وهي تشوف السياره تبعد طاحت على ركبها وهي منهاره : ليان بنتي لاتروحين الله يخليك انا ماما ليان انا احبك لاتروحين صرخت وهي تشوف السياره تختفي : لا لا بنتي لاتبعدونها بنتي انا حرام عليكم ابيها ليان ماما ليان حبيبتي لاتخليني ليان لاتروحييييييييييييين كان فيصل طالع بيروح للمركز مقر عمله وشافها وشكلها اللي يقطع القلب ركض فيصل ووقف قدامها : جود وش فيك وش صاير جود وهي تحاول تبعده تبي تشوف المكان اللي راحت ليان معه عندها امل انه بيرجعها كانت تبكي وتردد : بنتي انا ليان بنتي لاتحرموني منها لاتاخذونها الله يخليكم عرف فيصل السالفه لان جهاد مخبره انه بياخذ ليان حاول يوقفها : جود الله يهداك قومي ادخلي مو زينه تبقين هنا جود وهي تأشر للبوابه اللي طلعو معها وتبكي بحسره : ليان راحت بنتي ليان راحت خلاص خلاص ماراح تلعب في شعري خلاص ليان راحت ماراح نتهاوش انا وجواد عليها خلاص خلاص يافيصل ماراح اناجيها واشكيلها احزاني خلاص مابشوف عيونها اللي اعشقها ولا راح ابوسها كل صباح خلاص ماراح اسمع صوتها كل يوم ولا راح تصحيني بصراخها كل ليله عشان ارضعها ضربت كفوفها في بعض وهي تبكي : ياحسرتي عليك ياليان يااااااااحسرتي فيصل وهو متأثر مره من حالتها : خلاص جود قومي ادخلي جود وهي تمسك يديه برجاء وهي تبكي بحرقه : تكفى يافيصل اتصل على جهاد خله يحطها بكرسي الاطفال لاتطيح تكفى وقوله لايعصب عليها اذا صاحت تراها تحب تلعب بشعري واكيد بتبكي لانها مابتلقاه وقوله تراها ماتحب الصراخ العالي على طول تبكي – بكت بحرقه – وتراها تحب اني احرك شعرها وامسح عليه وافرك لها اذنها بخفيف قوله اذا صاحت يسويلها كذا وبتنام فيصل وهو محزن عليها : طيب باتصل عليه وبقوله كل شي بس اول ادخلي قامت جود تبي تدخل وهي تحس الدنيا صايره سودا من حولها راحت وكل شوي تلتفت للبوابه وكأنها تنتظره يرجع ليان راحت وماحست بنفسها الا عند باب مكتب ابوها حاولت تفتحه بس كان مقفل جلست عند بابه وتساندت عليه وهي تبكي : بابا تعال ابيك بابا انا مشتاقه لك ليش خليتني عند هالظالم بابا حتى ماما من ولدت وطلعت من المستشفى ماشفتها تصدق يابابا ان لي تقريبا شهر ماشفتهاحتى انها ماشافت ليان من يوم ماولدتها انسدحت عند الباب وهي تنتحب : بابا جهاد خذا ليان كنت اقول اذا كبرت ليان بعلمها كيف كان جدها وكنت اقول بخليها تدخل طب مثل ماكان حلمك اني ادخله بابا قولهم لايبعدونها خلهم يرجعونها لي بابا انت ليش ماتجي وتوديني معك ليش تخليني بروحي حتى جواد ابعدوه عني وزينب ماصرت اشوفها ليش كل اللي احبهم يتركوني ويروحون بابا انا تعبانه متى اجي عندك بابا ابي اموت بس ابي اشوف ليان قبل تخيل بابا حتى مابستها ماخلاني احضنها ماخلاني اودعها ليش يكرهني جهاد انا ماسويت شي بابا انا تعبانه تعبانه مره نامت عند المكتب وهي تبكي اما جهاد كان رايح لدار الايتام يبي يرمي ليان فيها وقف وشالها يبي ينزل بس شم عطر جود في لفافتها حس قلبه يدق وهو يشوفها تحرك يديها وتحاول تمسك يديه لما جا بيرفع شعرها عن جبهتها كان شعرها كثيف مره وفي عيونها لمعه برائه تجنن قعد يتأملها فك لفافتها وحط اصبعه داخل كفها امسكته بيديها الثنتين وهي تحاول تدخله بفمها ( طبعا فيصل اتصل عليه وهزئه وعلمه بكل الكلام اللي قالته جود فيصل كان معارض على فكرة جهاد في انه يرمي ليان كان يقول ندور فهد ونزوجه جود بس جهاد رفض ) ضمها لصدره غصب عنه وهو يشوف نظرتها اللي شدته لها ماقدر ينزل حطها بحضنه وحرك سيارته مو عارف وين يوديها بس اللي يعرف ان هالبنت بنظرتها برائه تخلي اللي قلبه صخر يلين (على فكره هو اول مره يشوفها من ولدت ) راح لبيت عمه صالح دخل وهو شايل ليان طبعا رقدت بعد ماسوالها الحركه اللي قالتها جود كانت نايمه بلفافتها رحب به عمه جلسو بالمجلس وعمه مستغرب مو عارف من هالبزر عمه : جهاد ياولدي منهو ولده هذا جهاد : هذي ياعمي بنت ولدك تغير وجه عمه وسكت جهاد بهدوء : شف ياعم انا حالف اني لاشوفه اني اذبحه وان دمه مايرضيني على سواته الحقيره بس انا جاي الحين ابيه يصحح خطئه ابيك تتصل عليه وتقوله يجي يتزوج جود عشان هالبنت تصير شرعيه وبعدين لو بغو يتطلقون عادي ماعندي مانع اهم شي ان كانه راغب في حياته يجي يصحح خطأه عمه : بس ياولدي من يوم راح ماكلمني ومقفل جواله جهاد بهدوء : لابغيته ياعم حصلته انا بلغتك ياعم عشان لاصار ذيك الساعه شي ماتلومني عمه ووجهه متغير مره : طيب ان شاءالله يصير خير طلع جهاد وهو موب عارف وين يودي هالبنت فالاخير قرر انه يحطها امانه عند حارس شركته لانه رجال والنعم فيه وهو يثق فيه راح له وقال ان هذي بنتي وزوجتي تعبانه وامي كبيره بالسن وابي اخليها عندك امانه بس ايام وبآخذها صحيح ان الحارس شك في السالفه لانه عارف اغلب التجار مايربي عيالهم الا الخدم ومو صعبه يجيب لبنته مربيه بس سكت احترام لجهاد اما جود مرت وحده من الشغالات وشافتها طايحه عند المكتب راحت تركض لامها وعلمتها جت امها وهي خايفه امها : جود جود جود بتعب : هااا امها : قومي اصحي وش منومك هنا فزت جود وهي تتذكر ليان : ليان بنتي جات امها بصدمه : وشوو جود وهي تتعلق بيد امها وتبكي : ماما الله يخليك قولي لجهاد يرجع ليان امها بحده بعد مافهمت السالفه : لا ماهوب مرجعها ولو رجعها رميتها انا جود تبكي : ماما تكفين هذي بنتي لو احد اخذني منك لما كنت صغيره كنتي بترضين امها وهي تقسي قلبها : ياليت احد خذاك وفكنا في فضايحك من الصدمه قعدت تضحك ودموعها تنزل : ههههههههههههههههههه امها باستغراب : خير انهبلتي جود وهي تضحك وتبكي بنفس الوقت : لا نسيت انك كنتي ام بالاسم بس .. نسيت ان اللي رباني هي زينب نسيت امي زينب وجيت اشكيلك شفتي عاد بالله مو شي يضحك من القهر عطتها أمها كف بس زاد ضحكها : ايوه اضربيني يمكن الالم الجسدي يغطي على الالم النفسي اضربيني يمكن اصحى على واقعي وانسى بنتي وابوي اضربيني عشان اعرف اني كنت على وهم لما فكرت انك تساعديني وترجعين لي بنتي وقفت وهي متسانده على الباب لانها تحس بدوخه وصداع : على فكره اتوقع ان جهاد مقفل على جواد راحت لغرفتها وهي تبكي شافت رضاعة ليان وباقي فيها حليب ماكملته وشافت ملابسها وسريرها بكت وهي تضم ملابسها وتشمها نامت وهي ضامتها وكأنها تبي أي شي يخصها قريب منها اما امها قعدت تبكي وهي تشوف بنتها منهاره صحيح انها قست عليها بس في النهايه هي تحبها ندمت على ردها يوم قالت ياليتهم خذوك بس وش فايدة ندمها على الغدا جلسو جهاد وامه لوحدهم وهذي الحاله من يوم ماضرب جهاد جود وعزلها انعزل جواد معها لان مايقدر يجلس معهم يتغدى ووجود لا امه بلوم : كذا زين ياجهاد شفتها كيف منهاره ياولدي قلتلك قبل اقنعها جهاد بتعب : يايمه والله حاولت بس هي راسها يابس امه بضيقه : طيب ليش حابس جواد جهاد : لو ماقفلت عليه كان للحين ماطلعت البنت وبعدين كنت ناوي اطلعه لاطلعتها بس نسيته ورحت للشركه امه : قم ياولدي رح طلع اخوك راح جهاد وفتح الباب على جواد لقاه جالس فوق سريره وقدامه صور لليان ويناظرها ويبكي جهاد باستغراب : شفيك انت بعد جواد بحزن : ليش اخذت ليان انا وجود نحبها جهاد بهدوء : قم بس انزل تغدى جواد : اوعدك ياجهاد ان اذكرك بالكف اللي مانسيته وسحبك لي امس والحين حرماني انا وجود من ليان تتوقع اني ماسمعت صراخها على بنتها والله ياجهاد لاتندم على كل دمعه نزلت منها طلع جهاد وهو متضايق من وضع البيت المتوتر واللي كل ماله ويزيد سوء اما جواد راح على طول لغرفة جود لما دخل لقاها نايمه وضامه ملابس بنتها ودموعها تنزل حتى وهي نايمه ماتحمل شكلها وهو حاس انه خذلها يوم ماساعدها ووقف في وجه جهاد طلع على طول لصاحبه فارس اللي كان يعرف القصه كامله عند عمه صالح ابو فهد ماخلى مكان الا ودور فهد فيه بس ماحصله سئل اصحابه عنه وراح لكل الاماكن اللي دايم يتواجد فيها بس مع هذا ماحصله ماعاد بقى قدامه الا وسيله وحده اتصل على رقم صديقه ناصر خذاه من اصحابه صالح : السلام عليكم ناصر : وعليكم السلام صالح : كيف الحال ناصر : الحمدلله بخير اعذرني ماعرفتك من معي صالح : انا ابو فهد ياولدي ماتدري وينه فيه ناصر : هلا والله عمي لاوالله ما اعرف وينه ليه عسى ماشر صالح : ياولدي زعلان علينا تعبت وانا ادور عليه قدله الحين تقريبا سنه الا شهرين ماشفته تكفى ماقد اتصل عليك في الفتره هذي وقالك هو وينه ناصر بصدق : الا والله ياعم اتصل علي بس ماقال لي وينه فيه صالح : تكفى اذا اتصل عليك قله ابوك يبيك ابيه يجيني باقرب وقت ضروري يجي ناصر : ولا يهمك ياعم انا باكلمه واذا رفض سحبته انا وجبته صالح : الله يعطيك العافيه ماتقصر يالله اجل مع السلامه ناصر : الله يعافيك مع السلامه كانت الساعه 5 العصر راح ناصر للمكان اللي يتوقع ان فهد فيه لان هذي الاستراحه شاريها فهد اذا تضايق يروح لها ومايعرف عنها الا ناصر وماخاب ضنه لانه لقاه بالفعل ناصر باستغراب بعد ماسلم عليه : فهد عسى ماشر اعرفك ماتجي هنا الا اذا كنت متضايق قلي وانا اخوك وش اللي مضايقك فهد : لا بس مشاكل بسيطه مع العايله ناصر : مشاكل بسيطه وتهجر ابوك عشر شهور يالظالم فهد باستغراب : وانت وش عرفك ناصر : ابوك اتصل علي فز فهد بخوف : علمته اني هنا ناصر : اسم الله عليك وش فيك ماقلتله بس تراه تعبان ويقول يبيك ضروري ضروري مره فهد بضيقه : مستحيل ارجع ناصر : فهد ترا مهما كانت المشاكل اللي بينكم ماتوصل لحد انك تبيع اهلك فهد – ماتدري اني بعتهم وخلصت لما طعنتهم في ضهرهم – : لا ياناصر ماراح ارجع لاني مابي اشوفهم ناصر : طيب اتصل على ابوك شف وش يبي ترا باين من صوته انه تعبان فهد بخوف : مالي وجه اتصل عليه ناصر باستغراب : الحين انت اللي غلطان والا هم فهد : ............. ناصر : ابوك لما سئلته قال انك زعلان عليهم وطلعت ولا عاد رجعت نزل فهد راسه : لا انا الغلطان ناصر : والله ماعرفت لكم لاكن خذ الجوال واتصل على ابوك خذا فهد الجوال واتصل ويده ترتجف مايدري كيف بيكلم ابوه ولايدري وش بتكون ردة فعل ابوه رد ابوه : هلا ياناصر لقيته فهد : ................... (ماينسمع الا صوت تنفسه ) ابوه : ناصر وش فيك فهد وش فيه تكفى طمني عليه فهد : هلا يبه انا فهد ابوه مصدوم : انت فهد وهو يطلع من عند ناصر : يبه انا اسف بس صدقني كان الشيطان حاظر ابوه بصراخ : فشلتني الله يفشلك مالي وجه احط عيني بعين اخوي ولا اخوانها هذي سواتك كذا تطعنا بضهورنا ياولد امك فهد : يبه ادري اني غلطان بس يبه صار اللي صار ووالله اني ندمان قد شعر راسي ابوه بعصبيه : اقطع واخس يالحمار اليوم تكون عندي ووالله لاماتجي ان اتبرى منك في المحكمه واني لاعرفك ولاانت ولدي واني غضبان عليك الى يوم القيامه فهد : يبه بس اخوانها ماراح يخلوني بس بتصير مشاكل وماراح تستفيدون من جيتي ابوه بقهر : وانت متى استفدت منك بالاساس اقول تجيني اليوم ولا والله لانفذ اللي قلته _ و قفل الجوال بوجهه _ سكر الجوال بخوف : والله لايشوفوني لايذبحوني خصوصا هالجهاد رجع لناصر وهو مهموم ناصر : فهد عسى ماشر وجهك منقلب ابوك فيه شي فهد : لا مافيه شي انا تعبان وابنام اذا اذن المغرب صحني الله يعافيك ناصر : خلاص رح نام وانا باصحيك اول مايذن راح فهد للغرفه وهو اساسا مايبي ينام بس يبي يختلي بنفسه فكر وش يقول لابوه ولا شلون يبرر فعلته بس مالقى أي كلام مقنع اتصل على ساره اللي كان على تواصل معها طول هالاشهر العشره وكان ياخذ اخبار اهله منها فهد : هلا ساره ساره : هلا فهد : ابوي يبيني اجيه ساره بخوف : فهد لاتروح فهد : ليش ساره : والله انهم متحلفينك لايشوفونك ان دمك مايكفيهم فهد بهم : طيب وش اسوي ابوي حالف اني اذا ماجيته اليوم اني لانيب ولده ولا يعرفني ساره : طيب لاتروح الا بالليل عشان ماحد يشوفك وانتبه الحارس يحس فيك لانهم اكيد منبهينه يخبرهم اذا شافك فهد : خلاص ان شاءالله ابجي الليل والله يعين الا ماقلتيلي جود وش صار عليها ساره : جهاد خذا ليان منها ووداها مايدرون للحين وين بس جود منهاره فهد بحزن : عشان كذا ابوي يبيني اجيه ساره : طيب وش بتسوي فهد : بروح وامري لله يالله انا تعبان الحين ابي انام لي شوي قبل ماروح لابوي ساره : خلاص ماطول عليك مع السلامه ونوم العوافي ان شاءالله فهد : الله يعافيك مع السلامه لما جات الساعه وحده راح فهد للبيت وطمر من فوق السور ودخل على طول لبيتهم اما ابوه كان ينتظره على جمر اول مادخل وجا بيبوس راسه عطاه كف حس ان يده انكسرت من قوته جمد فهد وهو ماتوقع هالاستقبال صحيح انه متأكد ان ابوه زعلان وكان متجهز لكل شي الا الضرب ماتوقع ان ابوه بيضربه نزل راسه وسكت جلس ابوه وهو يفتح ازاريره بضيق : ليش خنتنا ليش وش سوينا لك ليش تنزل راسي قدام اهلك ليش فهد بندم : يبه والله اني مدري وشلون كنت افكر بذيك الليله بس تراها نرفزتني وتحدتني ابوه بصراخ : وش اللي مدخلك بالاساس في بيت عمك ها ماتستحي وانت داخل بيته وهو موب موجود ولا يدري عنك بهاللحضه تذكر كلامها نفس الكلام قالته له نزل راسه وهو ندمان ابوه : اسمع انا مناديك هنا ابيك تصحح غلطك وبعدها مابي اشوف رقعة وجهك فهد باستغراب : وش تقصد يبه ابوه : قصدي تزوج جود وخذ بنتك ولاعاد اشوفك انت وياها الله يفكني منكم ويريحني فهد : لا مستحيل ابوه بعصبيه : وش اللي مستحيل بعد مالعبت فيها ترفضها يكون بعلمك تراها كثيره عليك بس نبي نداري هالفضيحه ونغطيها فهد : انا قصدي يايبه ان اخوانها مستحيل يرضون هم يدوروني يبون يذبحوني ماهوب عشان اتزوج اختهم ابوه : لا جهاد هو اللي قال هالكلام بكره عالغدا بيجي هنا ونتفاهم على الزواج الحين طس لغرفتك ولا اشوفك لين يجي فهد : ان شاء الله يبه راح فهد وهو خايف من المواجهه اللي بتصير بكره بينه وبين جهاد اما عند جود كان جواد يحاول يطلعها من حالة الصمت اللي ملازمتها من يوم خذو بنتها جواد بحزن : جود تكفين كافي عذاب ربي فوقهم والله حسيبهم بس لاتعاقبيني بذنبهم كانت جود منسدحه على سريرها وساكته حتى دموعها جفت جواد : جود كلميني قوليلي أي شي حتى لو تهزئيني بس لاتسكتين كذا جود : ....................... طلع جواد وهو متضايق مره من حالتها اما هي من طلع حطت راسها على المخده وهي تناظر صورة ليان : وينك ماما وين حطك فيه تصيحين الحين ولا ساكته الحين بهالوقت المفروض تكونين صاحيه وتلعبين بشعري بس منهو اللي تلعبين بشعره الحين منهو اللي خذا مكاني ولا ماحد فكر فيك رضعتي ولا لا ونامت وهي تكلم صورة بنتها ................ النهايه ............
التعديل الأخير تم بواسطة فارسة القلوب ; 30-03-2011 الساعة 06:47 PM |
|||||||||||||||||||||
|
|
|
منذ /31-03-2011, 12:15 AM
|
#78 | ||||||||||||||||||||||
 ملكة التنسيق مبدعة الردود
شُو بدك ؟
|
|
||||||||||||||||||||||
|
|
|
منذ /01-04-2011, 04:08 PM
|
#79 | ||||||||||||||||||||||||
|
بنوتة عسولة
ومَـا توفيـــقي إلا بالله
|
القصة رووعة
|
||||||||||||||||||||||||
|
|
|
منذ /04-04-2011, 06:04 PM
|
#80 | |||||||||||||||||||||||
|
ملكة التنسيق
roveta سـابقـآآ =)
|
|
|||||||||||||||||||||||
|
|
|
| الكلمات الدلالية (Tags) |
| لليً, الامل, الاولى, ذكرى, بثار, دموعنا, ياخفوقي, روايتي, على, عهد, والمهانه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
