أعظـم قصّـﮧ حب || بيـن يدين اللّـﮧ ~*

[صـدى الليل]

بسم الله الرحمن الرحيم ~
السلام عليكم ورحمه الله وبركاتـه ~

مرحبآ فيكم في القسم
وابتداء فعالياتـه في منتدى بنآت ~

هاي السنـه ~

حيكون صيفنـآغير ؟
:sg.5:
حتسألوني كيف ؟

انا أقولكم ~

هاداالصيف رح نعيش قصّه حب ~
:قلوب:
قصّه حب عظيمــه ؟
:sg.7:
مع ميـن يا ترى ؟

اوكِ نبدأ بفيديو الأول ^^
استمتعوا وعيشوا معآهـ ~
^^

.
.
.
.
.
.
.
.
..

بالظبــــط ~

قصتنـآ حتبقى مع اللـه ~
حنعييش اسمى وأعظم حب ~
مع اللي خلقنـآ

في أسمى من هيك ؟

نرجـع ونقول ؟
كيــف طيّب ؟

كيف حنعيش اجمل قصّه حب مع اللـه ؟

إحنآ دايما بنقول ~
انو احنآ بنصلّي وبنصوم ,, وبنتصدق ,, وبنعمل عمرهـ
وانو إحنآ بنحب ربّنـا ,, عشآن هيك بنسويلـه هيك ~
:sg.6:

في الحقيقه إحنآ بنسوي هيك ~
عشان هو وآجب علينآنسوّي هيك ~

:sg.6:

هون عآد حنقف ,, ونبدأ مع أول حلقـه " أعظم قصّه حب "
في

الوضـوء والصلاه

المصدر: منتديات بنات دوت كوم

---

Hu/Jl rw~Jﮧ pf || fdJk d]dk hgg~Jﮧ Z*

الموضوع الأصلي : أعظـم قصّـﮧ حب || بيـن يدين اللّـﮧ ~* || القسم : أعظم قصة حب || المصدر : منتديات بنات دوت كوم || كاتبة الموضوع : صـدى الليل

[صـدى الليل]

عدنـــآ~
:sm.36:

نبدأ !*

بس قبل ما نبدأ ..
بدي اياكِ تركزي معاي

وتصفّي قلبك من كل اللي شاغلك ومزعلك !*
وتخلّي تفكيرك محصور معايا انا بس *
بدنا يكون الموضوع بينا شفّاف زي كإنك معايا بالظبط ..

انتِ حتعيشي قصّه حب ..
مع
الجبّار
العظيم
المتكبّر


خليكِ معاه

وخلينا نعيش ..
أسمى قصّه حب



خلص ,, صفيتي الجو في نفسك و في اللي حوليكِ ,,



يبقى هون جد نبدأ ..



قلنا حنبدأ في الوضوء والصلاه !


لحظـه لحظـه !!


فيديو الأول .. عشان تعيشي في الأجواء حبّه

[youtube].
.
.
.
.
.



:sm.36:
البعض حيسأل .. ! ! !
غريبه يعني اوّل مرّه نتكلم عن الوضوء !
الناس بتتكلم عن الصلاه !!



انا اقولكم ~

الحين ما في صلاهـ بتنفع من غير وضوء كامل ,, صح ؟

ليش ما نبدأ قصه حبنـا في الوضوء ~

بسم الله ~



انتِ قاعدهـ مع أهلك الله يحفظهم ..
اذن الآذان ..

فجأه الوالد قال ..
يلا يا بنات ..
حنصلي جماعـه !!


قمتي ما شاء اللـه عليكِ
توضيتي سريع سريع ..
ولبستي طرحه الصلاه ..

وكنتِ من اول القادمين ما شاء اللـه ..

طب ليش !
ليش هادا الشي ما نستغله في حب الله !

ليش ما نفكر في الوضوء بطريقه تانيـه !


احنا ليش بنتوضا ؟
غير لإنو فرض علينا ..



نادر لما كنّا نتلذذ في الوضوء ..
هادا اذا تلذذنـا !

اوكِ ..
نبدأ في اوّل مرحلـه

ليش ما نفكّر ونقول ..
يا رب !
انا بتوضا عشان انا لازم أبقى نظيفه وطاهره أدّامك !

يا الله ..
انا بتوضا عشان انا بستحي اصلّي ادّامك وانا مش طاهره ..

يا رب !
مهما سوّيت وعملت .. انتَ بتستحق منّي اني أعملك أكتر من هيك ..


يا رب انا لما أتوضا ,و حتوضّى لإني بحبك .. ويا رب إنتَ أكيد ما حطيتلنا شي الا وفيه الخير لإلي ..


يا رب تانـي مرّه لما أتوضّا مش حتوضّا عشان هوّا واجب بس
حتوضّا .. عشان انا حقف بين ايديكِ ..
ولازم أبقى في أجمل حلتي وطهارتي ..





عمرنـا فكّرنا فيها ؟
:sg.9:

عمرنا فكّرنا بيها بهاي الطريقـه :sg.7:

حبيتوها ؟

انا عن نفسي حبيتهـــا :sg.5:



اوكِ ..

الحين ننتقل للمرحلـه اللي بعديهـا ..
كيف أهيّأ نفسي اني أخلّي وضوئي بِتعِمل عشان انا بحب الله



وانتِ هيك قايمـه بتتوضّي وشطّوره ..
اقفي اطلّعي على نفسك في المرايـه :sm.36:
وقولي لنفسك .. انا بتوضّا عشان انا بحب الله ~
:sg.5::sg.5:

وافتحي الميّا ..

في كل حركـه بتسويّها ..
وفي كل ميّا بترشيهــا ..

حسّي نفسك .. انك قاعدهـ تنظفي نفسك .. عشان اتخلّص من الذنوب ..
كإنو كلك ذنوب ..
ومحطوطـه عليكِ ..
اغسلي بعمق وإحساس .

وقولي في نفسسك ..
انا بعمل هيك عشان اقابل الله وانا طاهره ..

استشعري بكل حركـه ..
عيشي كل لحظه بلحظتهـا ..

تخيلي فعلاً .. إنك مليانه ذنوب .. و بالوضوء بتنظفيها .. و بتشيليها ~
عشان الرسول صلّى الله عليه وسلّم قال : ( إن الله يحب إذا عمل أحدكم عملاً أن يتقنـه )





في أسهل من هيك


كلها أشياء بسيطـه و حلوه !
:sg.7:


خلاص خلصنـا الوضوء ..


يب يب خلصنآهـ ~


سهل صح :sm.36:
ممتع إنو نعيش قصّه حب مع اللـه
:sg.5::sg.5:

[صـدى الليل]

الحين ننتقل للمرحلـه الكبيرهـ ..

الصلاهـ
الصلاهـ
الصلاهـ


وما أدراكِ ما الصلاهـ !
:sg.4:
مؤلم واقعنـا الحين مع الصلاه صح ..

أنا نفسي مقصرهـ فيهــا !!
:sg.4:

نادر لما تلاقي وحدهـ .. خاشعه في صلاتهـا وبتأديها في أجمل الأماكن والطرق ..
لما تلاقيهـا بتستنى الآذان يأذن عشان تقف بين ايدين ربهـا ..



حلو الشعور ..

إحنا بس لو نفكّر بالموضوع بهاي الطريقه كل أفكارنا رح نتغيّر ..


لما نستشعر إننا بين ايدين اللـه !

أمانـه بس .
رح تروحي تفكري في المسلسل العلاني ولا الكتاب الفلاني
و القصه التانيـه ,ولا حتى الدراسـه !



الحين برضو رح نرتب أفكارنـا ..


بشو رح أفكّر قبل الصلاه !؟
:sg.6:

انا الحين حعمل عمل عظيم ..
رح اسوّي اول عمل يحاسب عليه المرء يوم القيامـه ..
يعني أكيد شي مهم !



انا الحين .. حقف بين ايدين اللي خلقني .. :sg.9:
مو شعور حلو بأمانــه ..

تخيلي الله بكون موجود علطول
انتِ ما بتكوني معاه غير بس 5 مرّات ..
ومستخسره على نفسك .. تبقي مركزهـ معاه ..

انتي بين ايديــه ..
بيني ايديه عظمته !!



يا سبحان الله ..
كيف الله معطينا فرصـه نكلمـه واحنا بنضيعهـا ؟

بالتفكير وقت الصلاهـ ..
احنا كيف ما بنخششـع !


نفكّر فيها بطريقه حلوهـ ..

انتي الحين رايحه تكلمي ربّك
ورح يسمعك بكل كلمه تقوليهــا ..

وقبل كل هادا انتي اللي محتاجاهـ مش الله اللي محتاجكْ سبحانـه !
:sg.5:



ننتقل للمرحلـه اللي بعدهـا ..


انتي الحين خلصتي تفكير وواقفه بطرحه صلاتك اللي ساتراكِ كلك ..
عشان يبقى شكلك حلو وانتي بين ايدين ربّك ,, صح ؟



لي عودهـ =)

[صـدى الليل]

وحتبدأي الصلاه !!


فكرك راح هون وهنآك
لا لا لا
ارجعي ارجعي ..

ربك بطلع عليكِ ..
انتِ بين ايدينه ..
كيف إلك ضمير تفكري بغيره وانتي بين ايديه !!




طب انا حسألك سؤال ..
ترضي وانتي قاعده بتكلمي رفيقتك في موضوع مهم بالنسبه لإلك ,
و تكون بتفكر في شي تآني ؟!


لا طبعاً ..
رح تزعلي وتتضايقي من حركتهـا ..



طب ليش نرضاها للجبّار ؟؟
اللي احنا محتاجينه ..

قلتلك ارجعي ..

الحين حتقوليلي كيف ؟
كيف استشعر اني بين ايدين ربّي ..
عشان أعيش أجمل وأعظم قصـه حب !
:sg.7:

انتي بين ايدين ربّك
ما تقشعرتي ..
هو شايفك ..
وبطلع على كل حركه بتعمليهـا ..


لما يكون عندك مسابقـه مش بتحاولي تعملي الاشياء اللي عليكِ بأحسن وجـه ؟


طيّب

خديها بنفس المبدأ ..

استشعري انو جمبك ..
وشايفكِ ..
حترضي تفكري هون وهناك ؟

لا طبعاً ..

انا عارفه صعبـه ,, حتقوليلي جربت وما نفع وكنت كل دقيقتين ارجع افكر في شي تآني ..
حاولي
حاولي
حاولي
لغايه ما الله رح يعينك
انتِ توكلي عليه ,, واسأليه إنو يساعدك !

حتلاقيكِ حتتعودي بالآخر ,,
:)

وحتصيري إن شاء الله إن شاء الله لو لهيتي ,و إنو صلاتك كلها غلط ,,
استشعري بيـه *


ربك شايفك
..... شايفك
..... شايفك



استشعري بلحظات الحب وانتي بتأدي جميع اركان الصلاه ,,
وانتِ راكعه
وانتي ساجدهـ ,,

آه على السجود ..

هاي اقرب موضع قريب بينك انتِ وربّك .. :sg.5::sg.5:
ما استحيتي وانتي قاعدهـ بتفكري في شي تآني ؟
:sg.7:


كلميه ,,
وقوليله يا رب انا بحبك ..
عشان هيك بصلّي ..
يا رب انا بحبك ,,
عشان هيك انا بستنى وقت الصلاه ,,
يا رب انا بحبك ,,
عشان هيك بستنى اقف بين ايديك ..





وركعه ورا ركعه مع هادا الشعور الجميـل ..
:sg.7:


خلصنــا ,,




يب والله خلصنـا ,,

أمانه في أسهل وأمتع من هيك ..




ما رح اتكلم كتير بعد هيك ,,
بس انا بحب أقول شي ..

يمكن انا كتبت هادا الكلام صح ,,
بس انا ما كتبته بضمير الا لإني انا حسوّي هيك ,,
انا مش انسانـه بيرفكت وبسوي كل شي على أتم وجـه ,,
انا محتاجـه اعيش قصه الحب هاي ,,
محتاجـه اعيشها بكل صدق !
عشان هيك انا حعملهـا معاكم ^^



انا حتركك تفكري في كل كلمه كتبناها سوآ ..




ممممم
بس كيف أضمن إنو رح نسوّي هيك ,,


هون يا حبايبي يا أمامير ..
رح اعمل وآجب ..




لي عودهـ

[صـدى الليل]

شو واجبنـا لهادا الإسبوع الجميل ~



رح تطبقي كل اللي قلتي عليـه ,,
بس قبل كل هادا ,,
ما فيش نأخر الصلاه ,,
ما بصير نأخر الصلاه ,, وبعدين نيجي نطبّق كل هادا ؟
الحين أمانـه كيف نعيش قصه حب واحنا مقصرين من الأول

فالحين ..
رح نحافظ على الصلاه في مواعيدهـا ..
ورح نطبق الاستشعار بالحب في الوضوء
وكمان في الصلاه ,,
وكلو خطوات روحانيّه محتاجـه انتِ تسويهـــآ ..

ماشي يا حلوين يا قمرآت ,,

* نيجي للحلوين اللي مآ بصلّوا بسبب اسبآب بنوتيّه
مآ نسينآهم ~

وقت الصلآه شو عليكم تسوووا ؟!
عليكم تسكروا على نفسكم الغرفه وقت الصلآه ,,
يعني فيكم تختاروا وقت صلاه العشا ووقت صلاهالظهر ~
وتكلموا ربكم يا حلوين يا أمآمير ..
مش تقولوا يلا الحمدلله خلصنآ =P

لا كلموه من قلبكم ,,
اذا تحرمتوا من السجود هاي الفترهـ ,,
الله لسا بسمعكم =)
كلموه وقولوله كل اللي في قلبكم =)
وصدقيني صدقيني ~
حيسمعكم ^^

وشو كمان شو كمآن ؟
يب يب
شايفين المفكرهـ الجميله والقسم الحلو اللي فتحوه لإلكم ,,
رح تكتبوا فيه شووو ؟
يب رح تمسكوووه وتكتبوا فيه يومياتكم في الصلاه
وانو كيف يمكن تبقوا تعبتوا في الأول بعدين شوي شوي بتتحسن المواضيع
وانو كيف حاولتوا انو تبقى صلاتكم على قد ما تقدروا خاشعين
وبدي تكتبوا كيف ممكن لو حسيتوا ان الصلاه حسنت حياتكم
وبرأيكم كيف الصلاه مهمّه

بنآت واجب المفكرهـ هادا مهم كتير بما انو المسؤولات رح يشوفوهـ
رح احرض انهم يشوفوه ويعاقبوكم عليه =P


وشو كمآآآن لآزم نسوّي ~
يب يب
رح نسمـع أول جزئين من أول حلقه برنآمج " كيف تتلذذ في الصلآه "

[youtube].
.

[youtube].

.

الشآطرهـ اللي تتحمس وتكمل الحلقه =P




هون خلصنـا اول حلقــه ^^


:sg.9::sg.9:

يا رب تبقوا استمتعتوا معانــا ..



ونشوفكم الاسبوع الجآي إن شاء الله
مع حلقه تآنيه من أعظم قصه حب ..

[Mony]

الصلاة ،،
والله ثمّ الله .. إنها أجمل شيء في الحياة ..
ومع ذلك أُقصّر فيها جدّاً ..

شعور الطمأنينة لا يكتمل يدونها ،،
لحظات قراءة الفاتحة .. "الحمد لله ربّ العالمين" وعندها يردّ الله عزّ وجل :"حمدني ربّي " ،،ثم تأخذي نفسا عميقا خوفا وطمعاً في رضوانه " الرحمن الرحيــم " فيردّ سبحانه :"أثني عليّ عبدي "وتكملي الفاتحة وكل ذرّة فيكِ ترتجف خوفاً من المولى عزّ وجلّ ..

أيّ نعمة تلك !!
أيّ نعمة تجعلني أقف يومياً بين يدي مولاي أتلذذ بحبّه وقربه ،، ونحن والله مالنا سواه !!

أتعرفون هذه المناجاة " يارب عبادك دوني كثير أما أنا فليس لي ربّ سواك "
الغنيّ سبحانه ، إنت بحاجة إليه أكثر من حاجتكِ لوالدتكِ ووالدكِ وعائلتك والعالم أجمع ..

لا أحب أن أتكلم عن نفسي ،،
ولكن أقول لكنّ تجربتي :
قد سمعت يوماً ما برنامج يسمّى "بـاسمك نحيا "
وكانت هناك حلقة تحكي عن اسم الله ( الجبار )
عندها تعلق قلبي بالجبّار ، أحببته حبّ شديد ..
كنت أسجد فابكي ، أركع فابكي ، كنت أنتظر الصلاة بفارغ الصبر لكيّ أقف بين يديه ،
لإنه عزيز وكريم ، حنون جدّاً ، سبحانه وتعالى ..
هل تعلمون سّر كل هذا ؟
لقد قيل _أنت ضعيف _ فاشعر بضعفك أمام مولاك عزّ وجلّ ،،
حينها ستعيشين كل لحظة وإنت تتمنين القرب من الله سبحانه وتعالى ،،
ستذرف عيونكِ الدموع ، وستقبلين على الخير لإنك ضعيفة بدون عون الله سبحانه وتعالى ،،
إن وصلتِ إلى هذه المنزلة ..
فأرجوكِ ..
لا تفعلي مثلي ..
وتنسي ، ويعود قلبكِ قاسياً ..
ينسى يوم أن أعانك الله عزّ وجلّ في موضوع كذا ..
و ينسى أنّه سبحانه أنعم عليك بصحّة ..
وأنعم عليكِ بجهاز حاسب لإجلك فقط ،،
وأنعم عليك بعائلة ,,

حقاً ،
لا أعلم ماذا أقول ؟بعد كلّ هذا ..



أعتذر على الإطالة ،،
ولكن فعلاً الموضوع أثّر فيّ كثيراً ..

جزاكِ ربّي خيرا صدّو

[لآڤِنْدَرْ ..]

... حقيقةَ هي أعظم واروع واحمل قصة حب ..!
دائماً كنت أقول لـ نفسي
كيف أستشعر بحبي لله كيف أأحبه ..!
أعلم انني أفعل الوآإجب ولكن لآ استشعر بهذا الحب العظيم
فكرتك للوضوء كانت جميييييييييله جدا جدا ..
من جد أفدتينا كثير ..
وحقيقة عن نفسي مقصره أيضاً في الصلآإة ..
..... ولكن والله ان الصلاة فيهآإ طمأنيه رآآآحه سكوووون للـ قلب ..
المشكله تفكيرنا في الصصلاة .. ... !
لكن يمكنا حل هذا .!!. حلولك رآآئعه أفدتييينا .. =)
وهذا كله بعمل الشيطآإن يريد أنشغالنآإ عن الصلاة
ولكن نحن أقوى ..! نحن نستطيع هزم الشيطآإن !!
وجعل فكرنآإ فقط لله ..
صحيح مآإ قلته فنحن نبخل بهذه الخمس أوقآإت التي نكلم بها الله عز وجل ..

نجهلً كثيراً ايضاً عظمة تأأخير الصصلاة ..!
كثيراً مانؤخرهآإ .. !!
ولكن عندماً نبدأ حياتنا نحب بها الله فقط ..
هو :أعظم حب: لن نستطيع التأخير ولن نستطيع أن يشغلنا شي عن الصلاة
لآآن قلبنا معلقاً به ..


ربٍ يوفقك ويحقق كل ماتتمنينهـ

ويجلعنآإ من منً يطبق "أعظم قصةحب " ~

بووووركتٍ .... شكراً صدوي =) سلمت انااملك الالمآآآسيه ..

(L)

[L м σ σ ѕ н]

أعجبني كلـامككتير
الفيديو كان مأثر كتير حسيت إنو متعوب عليه
تنسيقك للمـوضوع حلو
نادر كتير لمَّا نشوف ناس بتصلِّي بخشوع
وأنا كمان من ناحيتي بقصر بالصلـاة
الله يهدي الـجميع
،
الجـزء الثاني من الـبرنامج للـأسف ما ركزت كتير فيه
لـأنو أهلي قعدوا في المكـان اللـي أنا فيه وصاروا يتكلموا مع أختي
وـاصلي تميزك يا عسل
[ ]

[ѕυмυı ♥ ѕнoυĵo]

[ أعظـــــمـ قصّة حب ] ..
ما كذبت التي كتبت هذه العبارة عنوانًا للقسمـ ..

قصص حبٍ كثيرة التي سمعناها ، وقد نكون جربنا إحداها ..
لكـــــــن قصة حبٍ مع الله؟ لا أظــن أن لها مثيلاً ..!

ذاك الفيديو .. بحثتُ مطولاً في معجمي عن كلماتٍ تصفه ..
والله ما وجدت !!!
رغمـ أنني أطلتُ البحث ..
خفق قلبي بشدة ، كاد البكاء أن يبلغ مبلغه فيّ ..

نصٌ جميلٌ الذي وُضِع للعمل ، صوتٌ جميلٌ الذي قرأه ، ألحانٌ بديعةٌ
التي أُضيفت له ، وصورٌ لا أدرِ كيف تناسبت مع المضمون !!


جميلةٌ تلك الطرق التي طرحتها عزيزتي [ صدى الليل ] ..
بدأً من تعزيز الحب ، مرورًا بطرق الوضوء العفيف ، إنتهاءً بصلاة الخشوع ..

أنا معكن ، ومذكرتي سأفتحها غدًا صباحًا بإذنه تعالى ..
إذ أن العشاء قد مرّ وقته ، وقضيته مع الشفع والوتر ..

أي أن وقت التجربة قد ولّى ..


موضوعٌ رائـــــــــعٌ غاليتي ، والبرنامج سبق وأن شاهدته من قبل ..
لذا فإنني أعلمـ ما يحتويه ..


تقبلي فائق احتــــــرامي ..

[صـدى الليل]

يعطيكم العافيه بنآت
رح ارد ان شاء الله


بس حبيت انوّه انو التنسيق مش تنسيقي ,,
تنسيق الغاليه ليتل برينسس الله يعطيهآ العافيه ,,