ونزل عبدالرحمن مسرع للمطار وطلب من حمدان يركن السيارة
راح عبدالرحمن للبوابة الي بيوصل منها عبدالوهاب عمه
لكن الي اعرفه انهم اوصلوا من بدري وهو كان متأخر عليهم
عبدالرحمن : متأكد يالشيخ ان الطيارة اوصلت
الضابط : ايه اخوي بس يمكن تلحق عليهم تحت عند اتسلام الحقائب
عبدالرحمن : اسف ازعجناك
الضابط : تعبكم راحة
راح عبدالرحمن لقاعة استلام الحقائب لكن هم ما شاف عمه ولا مها
عبدالرحمن : الله يعينا على عمي عز الله رحنا وطي هذا وهو امنبهني اكثر من مرة كله منه حمدانوه فتح سالفة الحب وش اسوي انا الحين ؟؟
طلع عبدالرحمن من المطار وشاف حمدان ما تحرك من مكانه
عبدالرحمن : هذا وانا قلت له اركن السيارة يبي بس تجيني مخالفة هين لفش خلقي فيك الحين
ركب عبدالرحمن السيارة وشاف حمدان يبتسم
عبدالرحمن : تضحك ها عاجبك ان عمي وصل وما شافنا
حمدان يضحك على عبدالرحمن : ههههههههه
عبدالرحمن : حمدانوه مالي خلق ضحكك وش بقول لعمي
عبدالوهاب: قوله انكم تأخرتوا عنه بس
عبدالرحمن منصدم ويلتفت للخلف وشاف عمه ومها واسيل وبوسعود
عبدالرحمن : عمي !!!!
عبدالوها ب: ايه عمك وش فيك
مها : احم احم
عبدالرحمن : اوففففففف دايم انسى السلام عليكم عطني راسك احبها
عبدالوهاب: راسي ها قل وين العقال الايمك فيه
عبدالرحمن : والله السبب هذا مو انا جالس يفتح لنا سوالف تذبح الشباب
مها : اكيد عن الزواج هذا الي يهمكم
عبدالرحمن : وفي غير الزواج يهمنا الا وش اخباركم وش اخبار عزوزي وش اخبار نور الدنيا اسيل.....كيف حالك اسيل
اسيل تلعب بلعبتها مشغولة : طيبة
عبدالرحمن : ما عندها حتى وقت ترد فيه علي خير اوريك بالبيت
حمدان : حتى بالرجعة بتأخرنا يله سوق سواقنا عاش عاش جاب الدجاجة وانحاش
عبدالرحمن : خلاص اوصلت عذرا عمي عذرا مها لكن بسوي مسرحية قصيرة
مسك عبدالرحمن حمدان ولايمه بيده وحمدان يضحك من عبدالرحمن لأنه من جد خلاه يعصب
مشوا بعد ما فش عبدالرحمن خلقه بحمدان
مها : لا تنسون دعاء السفر
عبدالوهاب: صبروا لا احد يقوله ..... أسيل قولي بابا دعاء السفر
أسيل تلعب بلعبتها مو فاضية ترفع راسها : .........
عبدالوهاب : بابا انا اكلمك ردي وش دعاء السفر
أسيل : سبحان الذي سخر لنا هذا وما نحن له بمقرنين
عبدالرحمن : عاشووا حتى وهي اتكلم ابوها ما ترفع وجها
مها : خف على بنتي والله انها تعبانة صاحت اصياح بالطيارة بسبب أذانها
عبدالرحمن : اقول انا وش فيها ساكتة خجولة نظر عيني اسيل خلاص راح اجيب لك احسن من لعبتك هذي اذا ارجعنا بس ذكريني
أسيل : ان شاء الله
بعد يومين في الظهران
الجازي كانت بالصالة مع وليد
الجازي : غريبة ما هي من عوايدك وش جلسك كذا مدة طويلة يومين انت هنا جنبي ما اصدق
الوليد : تبين اطلع يعين ولا تبين اجلس ارسي على بر
الجازي : ما تفرق انت هنا ولا مو هنا عادي ما اظن اني راح احس بعد كل الي سويته ولا انت حتى راح تحس بكل الي سويته
وليد : اللهم طولك ياروح هذا انا جاي وابي ابتدي حياة جديدة معك وننسى كل الي مضى
الجازي : ما اظن بو طبيع يجوز عن طبعه قول وش عندك الي خلاك تجلس هنا تراني منقرفة حتى من وجهك
وليد قام من مكانه امعصب: الجازي عقلي لا اخلي العقال يشتغل على ابدنك تراكم تعبتوني لا هنا ولا هناك فيه راحة
الجازي مو فاهمه شي : كيف هناك وهنا ما فيه راحة قول تكلم قول أي شي بس فهمني
جلس وليد وبخاطره : والله لقيت طريقة احر قلبكم فيها
الجازي: وليد عفية تكلم وش قصدك
وليد : الجازي تعرفين انك مو مثل أي بنت انتي بنت ناقصة تعرفين شو معنى ناقصة أظن
الجازي جات له العبرة وتبي تصيح
وليد : طبعا انا ما اعرف اعيش مع بنت ناقصة لازم العايلة تكتمل من رجل ومراة كامليين يجيبون لهم يهال وانت يللأسف خيبتي ظني وظن كل اهلك يا لناقصة
الجازي تصيح
وليد : وش تتوقعين مني اجلس معك لا ...مستحيل اكمل حياتي كذا معك قلت لازم ارضي والديني واهلي واتزوج عليك ...وفعلا تزوجت الي احبها اول حب بحياتي تدرين اكثر شي تندمت عليه اني تزوجتك قبلها المفروض اني تزوجتها وانتي يمكن اتوجك بعدها يمكن ها وياليتني سويت كذا لكن قلت اهلي اولى لكن اهلي اطلعوا ادنى مخاليق ربي زوجوني وورطوني بوحدة ناقصة الي هي انتي يا ناقصة ههههههههههههههههه ناقصة هههههههههه ناقصة لو انتي مرة كان ما رضيتي تعيشين بهذي الحياة يالناقصة
الجازي امنزله راسها وتصيح : ليه اتسوي كذا وش سويت لك قصرت معك بشي انا ناقصة صح بس مو بكيفي هذا ربي خلقني كذا وش اسوي لك قول لي سبيتني وسبيت اهلي كلهم وطقيتني ما رحمتني مو كافي كل هذا مو كافي وبعدها تزوجت علي مو كافي مو كافي انك جبت لي ضرة مو كافي كل هذا لا ماترضى بكذا انت طماع في التحقير والتهزيء ربي ما يخلق مثلك شبيه ما كفالك كل هذا قمت اتعايب تبي ادمرني تبي اتعذبني ونجحت اهنيك نجحت بدرجة ممتاز او تفوق مرتفع نجحت بتذمير ذاتي انا ما اثق في احد ابد لكن راح احر قلبك زي ما تحر قلبي انا انتظر واحد يجي وراح ايخلصني منك انت ((ارفعت صوتها بوجه وليد )) حيوان حيوان
مالك قلب ولا ضمير ربي ياخذك قول امين قول امين تعذب بنار جهنم زي ما سويت فيني ااااااااااي هذني هذني هذ شعري اااااي يمه الحقوني ذبحني اااااي
وليد : راح اعلمك يا لكلبة راح اعلمكم كلكم مين انا انا وليد ياحمارة تعرفين منو وليد انا تاج راسك وتاج راس اهلك كلهم
الجازي تنطق بالي باقي فيها من قوة اتخسي يالحقير
وليد ما قصر بالجازي ما بقى مكان الا ضربها فيه واكثر شي يعورها اهو راسها
الجازي : راسي راسي يألمني الحق علي وليد ابي اروح للمستشفى وليد الحق علي
وليد : اتخسين ما اوديك مكان موتي في مكانك جبتي لي العار وعلم يوصلك ويتعداك زوجتي راح تعيش هنا معانا
الجازي: يمه وينك يمه ........يمه يعقوب ابوي وينهم فيه خلتوني هنا
وليد يضرب الجازي ببطنها : سكتي بتجننيني انتي سكتي اكره صوت كل حرمة سكتي حسبي الله عليكم
طلع وليد من الشقة وراح لأقرب كافييه
بعد مامضى اسبوع كامل على وصول عبدالوهاب ومها
يوم الأربعاء كان ابراهيم عازم عبدالوهاب ولينة والجازي ببيتهم لسلامة عبدالوهاب
العنود : ياسمين تعالي بيتنا مع امك
ياسمين : لا مو جاية والله تعبانة ما ادري وش فيني
العنود : وش فيك حبيبتي روعتيني عليك
ياسمين : ما ادري بس والله تعبانة ادعي لي العنود
العنود : الحين ولا بعدين
ياسمين: لا بعدين مو هنا
العنود : اجل اخليك مع تعبك المهم نامي زين
ياسمين : ان شاء الله
راحت العنود لأمها اتساعدها في الأكل
شيماء : ها جهزتي الورق عنب
العنود : ايه يمه
خديجة : ماما وين يبي يحط هذا
شيماء : خليه هنا وروحي بهري اللحم
خديجة : زين
شيماء : عزمتي ياسمين
العنود : عيت يمه تجي وش اسوي لها تقول تعبانة
شيماء : ما تشوف شر ان شاء الله
شيماء : اتهقين الجازي تجي
العنود : ايه تجي وليه ما تجي
شيماء: بعد ليه ما تجي بسبب زوجها وليد
العنود : يمه ارجوك لا تطرينه احس كبدي تحوم ان قلتي اسمه
شيماء : عيب هذا ولد عمك
العنود : يا يمه ارجوك هذا مو ولد عمي الي صارت الجازي كذا حالتها حتى ان سألناها ما تقول ساكتة اكييد المجرم يسوي لها شي انتي ما تشوفين وجها كله علامة ضرب يمه هذي بنت عمي ولا راح ارضى عليها يمه خليل ... لو يدري والله ما راح ايخلي وليد بحاله مو كافي انه خلاها له وضحى فيها اخر شي يسوي في بنت عمي كذا لا ما ارضى عليها
العنود اتقطع الجزر وينسمع صوت التقطيع بقوة
شيماء : سكتي لا تتكلمين وشوف وش اتسوين
العنود : ماراح اسكت الكل ساكت عن هالموضوع حتى هي صاحبة الشان لكن مو عشانكم كلكم عشان اخوي بس ما ابي في يوم يرجع ويشوفها متعذبة هالحمار اكييد يسوي فيها شي وانتي تدرين يمه هي دايم تجي لك والدمعة بعينها ( العنود اجرحت نفسها بالسكين وهي ما تدري) يمه قولي لي وش فيها الجازي حالتها ما تسر احس انها بعالم ثاني عايشة اضعفت شحب لونها احس انها اكبر منك يمه يمه بنت عمي وش فيها
شيماء: يمه بنتي وش هالدم العنود وش هالدم
العنود اطالع يدها وتشوف الجرح بأصابعها ومن شافتها وهلت الدموع بعينها حطت يدها على وجها واطلعت من المطبخ بسرعة لغرفتها وجثت على سريرها تصيح
شيماء : وش اقول لكم اقول لكم انها تموت وتحيا الف مرة وش اسوي ان كانت اتحلفني ما اقول ما اقول غير حسبي الله ونعم الوكيل
العنود وهي على سريرها تصيح اتصلت على خليل الي كان في الشارع يمشي مع معاذ وروز
معاذ : روز شوفي هذي اللوحة وش رايك فيها اشتريها للبيت
روز : المال بيروح كله
معاذ : لأجل عينك كل مالي افديك فيه بس قولي لي حلوة ولا لا
خليل : معاذ روز عن أذنكم بكلم ااختي
معاذ : أذنك معك
وقف خليل وضغط على زر الإجابة
العنود : السلام عليكم
خليل : وعليكم السلام
العنود : انت متى بترجع
خليل مستغرب من لهجتها
العنود : قول تكلم ولا عاجبتك امريكا وبناتها
خليل عصب : عنود اتكلمين مين انتي
العنود : اكلم الي راح عشان يهرب اكلم الي راح عشان ما يواجه اكلم اخوي الضايع الي ما وده يرجع يا اخي حس وارجع تتوقع ما احد يبيك هنا ولا ما احد ينتظرك اعرف ان الكل ينتظرك,,, انت متى بترجع؟؟
منذ /23-12-2006, 04:41 PM
