كان في بنت اسمها فجر وكانت هالبنت متعذبة من وهي صغيرة بسبب المشاكل اللي بين اهلها(امها وابوها).
وكانت هالبنت يوم صار عمرها 7 سنوات صار اللي ما في احد يتمناه لعياله واهو ان امها وابوها انفلصو واهية عاشت مشتته ما تعرف شتسوي وكان لهالشي دور بأنه سوى لها صدمة قوية وخالها اتصير عصبية ونزل مستواها الدراسي من زود التفكير.
ويوم كبرت البنت شوي وصارت مراهقة كانت البنت مرة تقعد في بيت امها ومرة في بيت ابوها بس ما كانت اتحب تقعد في بيت امها لان امها متزوجة واهل زوجها ما كانو راضيين بأن البنت تقعد في بيتهم وما كانت البنت راضية بان هالناس يذلونهاعلى هالشي التافه فشالت اغراضها وحطتهم في كيس وراحت اتصلت لابوها عشان ياخذها ولام كانت تصيح من صوب والبنت تصيح من صوب لكن البنت ما كانت تبي تعيش مع ابوها لان ابوها عصبي وااااااايد و كان من زود عصبيته ساعات يوصل لدرجة انه عادي يقتل أي احد جدامه وكانت البنت خايفة بانها تقعد عندة وايسوي لها شي او يأذيها لكن كان كل شي غصبا عليها وما كان لها راي ابدا باللي كان يصير.
عاشت البنت مع ابوها وكانت لي بغت اتزور امها كانت امها اتروح لها في بيت احد من اهل البنت عشان اتشوفها وكانت ما تقدر الام اتشوف بنتها لانها لازم بعد تعتني في ولدها اللي من زوجها الثاني ولازم تقعد مع زوجهافكانت قليلا ما تجوفهم في الاسبوع اكثر من ساعة او ساعتين.
مرت الايام وصار للبنت ايميل على الانترنت عاد مرة بدون قصد ومجر انها كانت تبي تضيع وقتها دشت على الدماار والخراب((الشات))ومن اول ما دشت دش عليها واااحد يسلم وقال لها انه يبي يتعرف على وحدة حلوة وان اهوة مو واايد عود بس كان عمره19 وتوه ما خذ الليسن عااد اهية ما صدقت على الله انها اتحصل احد تقدر اتكلمه وتسولف معاه واهو يوم قال لها انه يبي ايميلها عطته وما صدقت على الله انه بياخذ الايميل عشان اتحصل احد اتفضفض له اللي في قلبها اتقول له عن مشاكلها
بس الشاب ما كانت نظرته لها بهالطريقة كان يبي وحدة ايحبها واتحبهويكونون حبيب وحبيبته بس اهية ما كانت اتفكر جذي انما كانت تعتبره صديق عزيز وغالي عليها لانه ايعرف عنها كل صغيرة وعودةبس الشاب ما قال لها ان تفكيره اتجاها كان بهالطريقة ومرت علاقتهم اربعه شهور تقريبا والشاب كل يوم يسمع مشاكلها وهمومها ويعطيها حلول بس البنت ولا مرة قالت له احبك او شي واهو كان يظن بان هالبنت كانت من البنات اللي واايد يحبون يسووون علاقات مع الشباب بس كان تفكيره خطأ ففكر يسالها اذا كلمت شاب من قبل في التلفون وقالت له بان اهوة كان اول شخص تكلمة في حياتها من الجنس الثاني وقالت انه لحد اللحين ما اتكلم احد غيرة فقام الشاب وحطها في باله وكان يلح عليها وايد بانها تعطيه رقمها بس اهية ما كان عندها تلفون فقال لها عادي انه باييب لج تلفون ورضت البنت((كانت مراهقة وهالشي كان عادي عندها بس لو ابوها عرف كان ذبحها))وتواعدو وتلاقو ويوم الشاب جاف البنت جاف كل مظاهر الجمال والرقة فيها فانعجب فيها اكثر واكثروعطاها الفون وقال لها تحملي اتسكرينه لاني ما اتحمل اني ما اتصل فيج لو لحظة وراحت واهية معتبرة السالفة عادية كلش وريحة عطرها خلته يذوب فيها كان يتمنه انها تبقى بقربه لحظة زيادة بس.
مرت ايام واهية اتكلمه واسابيع وشهور وصارت سنه وبعد ما صارت سنه واربعة اشهر واهية اتكلمه في الفون كان عمرها في ذاك الوقت17وهوة كان عمره21سنه وكانت البنت دوووم اتقوله انه ما ابي احد يحبني لاني حاسة بان يومي جريب واهو كان لي يسمعها تقول هالكلام يقول لها لاتقولين هالكلام ويحاول قد ما يقدر وباسرع ما يمكن انه يغير السالفةلانه اهو كان يحبها ويعشقها مووتوما كان يبي يصارحها . بس مرة جاته الشجاعة وحب يعرف اذا اهية تحبه ولا لا فقال لها في الفون : حياتي انتي اللحين تفهمين معنى الحب وصرتي عودة ومرة وعندج عقلج تفكرين فيه، قالت له : أي،صح كلامك.قال لها : جوفي حياتي انه احبج وايد وما اقد من بعد هالحظة اني اعيش بدونج وما اقدر اتحمل الثانيه اللي اتمر وانه ما اسمع صوتج خلاص خلاص لا تعذبيني ما اتحمل اللي اتسوينه فيني.سكتت البنت شويه بعدين قالت:هه.وسكتت مرة ثانية،الا قال لها الشاب اسمه(احمد):اشفيج ليش سكتي؟خلاص ما تبيني؟؟ والله لا اموت اليوم قبل باجر قبل لا تهديني ،صدقيني ما اقدر اعيش بدونج انه متعلق فيج اكثر مما انه متعلق في امي..وسكت احمد ودموعه على خدهواهو يبجي خايف ان تكون اجابتها ((لا)).وكانت البنت حبته عقب هالايام اللي قضتها معاه بس كانت اتفكر شتقوله وعقب ما استجمعت افكارها قالت:أحمد، ابيك اتعرف شي واحد بس اني انه احبك موووت بس ما بغيت اقول لك لان هذا الشي كان بيني وبين قلبي وما اكنت اقدر اقوله قبل لا تقوله انتوصدقني انتي اللي في قلبي ماكو احد في قلبي من بعدكولا بيصير من عقبك... وسمعت صوت شخص يصرخ ويغني من الفرحةوالا مرة وحدة سمعت احد يفتح باب غرفتها واهيه كانت تتكلم بالفون اللي كان مو لها الا كان ابوها دخل وشاف الفون على ااذنها فعصب الاب وخذ الفون من يدها وارضخه باطوف وانكسر وخذاها من شعرها وسحبها واهيه في الارض اتقول: لا يبه ،لايبه توبه ما اسويها والله اخر مرة يبه يبه يبه.....
واهو ما كان يسمعهاوسحبها من غرفتها وخذاها لي الحمام وقفل عليها الباب وراح المطبخ وجاب سكين حادة وسخنها على الفرن لي صار الحديد لونه احمر والسكينه وايدكبيرة وفتح عليها الباب وبدون رحمة ولا شفقة من قلبه خذ السكين وغرزها في قلبها اللي ما كان يتحمل هامصايب كلها وتغطت ارضية الحمام كلها بالدم اللي لونه كان مثل لون الورد الاحمر وكانت تنبعث منها ريحة المسك ووقتها احمد كان يتكلم في التلفون واهوة يقول: الووو،الووو،الوو...................وينج؟؟ الوو؟؟وما كان احد يرد على الفون فخاف احمد لانه سمعها واهية تصرخوسكر الفون رد اتصل مرة ثانيه بس ما كو احد يرد وعقب كمن دقيقة وصل له مسج يقوول"انتي ايا كنت اللي كنت اتكلمها من شوي انه ابوها ما اتشرف بانك تكلم بنتي وانه لاجل لاتكون بنتي عاله الكل يتكلم عنها انه طفيت روحها بيدي وهذا جزاءها لانها كلمتك"ما صدق احمد الي قراه في المسج ونطر لين ما تتصل له بس ما اتصلت، وكان يدل مكان بيتهم فراح مر قبال بيتهم وجاف حريم بعبايات والكل يبجي فطاح الولد في مكانه(أصابه أغماء) ويوم قام مرة ثانيه وفتح عينه شاف الفون اللي عطاها اياه مرمي بالقرب من الزبالةوكان الكور ماله منتف بس كان يشتغل راح خذ الفون وفتحة ودور على اسمه شاف مكتوب عليه((نور دربي)) وانهمرت دموعه على خدة واهوة يتذكر صوتها وريحتها اللي تطير العقل ومن يومها لام روحه على اللي صابهابسبته وهم محى من قاموسه شي يسمى حب واستغفر ربه ومن يومها ما تكلم مع بنت لي الله خذ اجلهوكان في وصيته انه كان يبغي يندفن بقرب حبيبته.
*يا ناس هذي القصة مو حقيقية وادري انها تخلي القلب ينفطر بس انه كتبتها لجل تكون عبرة للناس اللي ما يفكرون زين قبل لا يسون أي شي في امان الله.
* كتبت بيد (ف.ج)
rwm pf p.dki []hh []hhh []hhhh
الموضوع الأصلي :
قصة حب حزينه جداا جدااا جداااا
||
القسم :
المخالفات
||
المصدر :
منتديات بنات دوت كوم
||
كاتبة الموضوع :
ملاك الاحزان
[ ≈ ڪُل مَ هو مخآلفَ لِ قوآنين بنآت . ڪوم ، ينقلَ لِ هناِ ! ]
15-06-2008, 09:59 AM
