الكريم السحري العجيب للبياض ...

[آسرة الاحزان]

السلام عليكم ورحمة الله وبركاته

ياأحلى بنات بالدنيا0000

بقولكم على منتج تبيض رهيب شوي عليه وهو كريم ماجيك للبياض مع
الصابونه السحريه0000 وفعلا سحريه
آنا أول ماسمعت عن هالكريم ماصدقت انه يسوي جذي00


البشره صافيه وبيضه ومن غير حبوب ولا كلف ولا بقع
والقصه000 اهي مره وآنا رايحه سوق المتحده اشتري شغله
صادفت في نفس المحل حرمه كبيره بالسن والله لو تشوفون بشرتها
زبده وبياضها حلو ماشاء الله عسى الله يتمم عليها00
وشاريه تقريبا 6 علب مع الصابونه يوم شرت وطلعت من المحل
واستلم الفلبينيه وهات أسئله والمسكينه تجاوب جنها قاعده عند محقق
وآنا اسئلها دخلت وحده وشرت منها 3 علب وبشرتها عجيبه ماشاء الله
واسأل نفسي معقوله هالكريم يسوي هالعمايل 000 وماسكت فضول
وكلمت المره بس ماقلتلي يبيض قالت يرطب وحلو وشريته لخادمتي
بس علينا هالحجي صج حريم0000
وطلعت جان تقولي الفلبينيه هذي مدام جذابه جم مره يجي في محل ويشتري يمكن 6 -7 من هذا كريم حق هيه مع اكسترا ديرم00
المهم ماشريت لكريم حسيت انه فيه كرتزون أو من الشغلات هذي
وقلت بعد يمكن الفلبينيه تبي تمشي بظا عتها بس والله للأمانه
قالتلي اذا لكريم ماياب نتيجه تعالي واخذي فلوسج وآنا دايما
أشتري من محلها أغراض يعني زبونه دايمه عندها00
حتى عندها نفسه تقريبا بس قالتلي هذا مفعوله اقوى وأحسن
وآنا ماأبي أضرج لأنج زبونه عندنا,,,,,
المهم خليت لكريم 00 الحمدلله آنا بشرتي صافيه ومشدوده
وكان فيها بقع وخفت شي بسيط والفضل لله 00 ولحبوب
ايميدين000 لكن بغيت تفتيح او تبييض لأني ماأحب أحط كريم أساس
قلت خلني أجرب مثل ماجربت لحبوب وخذيت نتيجه أبجرب لكريم
ورحت مره ثانيه وكنت متردده لكن البياض الصراحه هو الي شدني
للمنتج 0000 ماطول عليكم شريته مع الصابونه أسبوع قسم بالله
والنتيجه جمال على جمال فتح بشرتي بدرجه رهيبه ماتتوقعونها بصراحه خفت
قلت لايصير فيني برص أعوذب الله ولا شي والكل لاحظ بشرتي حتى ولدي
لصغير عمره 7 سنوات قالي يمه صرتي بيضه0000
والعجيب بعد في الصابونه الي ماراح أستغنى عنها أول مره كنت أغسل ويهي
عادي لا فرك ولاشي وماشفت النتيجه الي أبيها مع لكريم لكن يوم قريت الكلام
المكتوب على الكرتون وسويت نفس الطريقه والله والله انه لكريم بدا مفعوله
وبشرتي صارت زبده فاتحه وااااااااااااااايد عن قبل وقمت أحط لرقبتي وكل
جسمي حتى يتوحد اللون 0000000
وعلشان ماتتعود بشرتي على لكريم أول مره استعملته أسبوع مرتين باليوم
والأسبوع الثاني مره باليوم والأسبوع الثالث يومين وترك وبعدين يومين بالأسبوع
وبعدين يوم بالأسبوع مع الصابونه وباجي الأيام أحط الصبح فيتامين E
من بودي شوب وبعد ه كريم مينا حتى كريم مينا طلع مفعوله مع الصابونه
وبالليل أغسل ويهي بالصابونه مع الفرك الخفيف واستعمل كبسولات فيتامين
C ،،،،،،

ملاحظه بسيطه ياحبيباتي لكريم مومكتوب عليه
أي مكونات وهو منتج فلبيني سعودي
الصابونه تتكون من00
الجلسرين ,, جوز الهند,, الببايا,,, وغيرها
للأمانه من غير الصابونه وطريقة الفرك الخفيف
ماراح تشوفون النتيجه الي تبونها00


طريقة عمل الصابونه,,
يبلل الوجه بالماء
وضع الصابون السحري في منشفه يدلك على البشره
تترك الرغوه 3 دقائق الى 5 دقائق ثم تغسل البشره
وبعدها ب5 دقائق حطي لكريم 00

عاد ألحين اسمحولي شوي لأني بطلع من النت وكل أسئلتكم اكتبوها
وبرد عليها ان شاء الله بأقرب فرصه 00
لكريم يابنات سعره 3 دنانير وفيه محلات تبيعه أكثر من هالسعر
بنات لكويت تلقونه عند الفلبن في المتحده الصابونه بصراحه ماأدري
جم سعرها لأنها عطتنياها الفلبينيه مجانا لأني شريت منها أغراض
وايد000

منقوووووووووووووووووووووووووووووول



:012: :012: :012: :012: :012: :012: :012: :012: :012: :012:


اتركم ألحين بحفظ الله

المصدر: منتديات بنات دوت كوم

---

hg;vdl hgspvd hgu[df ggfdhq >>>

الموضوع الأصلي : الكريم السحري العجيب للبياض ... || القسم : "الأرشيف" مغلق || المصدر : منتديات بنات دوت كوم || كاتبة الموضوع : آسرة الاحزان

[عسولة بنات دوت كوم]

مشكوووووووووووووووورة حبيبتي