مُحطّاتْ في حَياة فُستان السّماء ♥

[Zainab Al Lawati]

ها نحنُ نلتقي مرةً أخرى . . مع فاتنة الحرف ، وبإذن الله سنستمتعُ معها ؛) ضيفتنا الثالثة [ فُستان السَماء ] أذكركمْ لها أسبوع كامل أي حتّى الاثنينْ المقبل لتتحدثَ فيه وتمنع الردود إلى أن تكتب فستانُ السماء كلمة انتهى لمشاهدَة الموضوع الأصلي : http://banaat.com/vb/showthread.php?t=150358 همسة : إن كان في بالكمْ أحد تريدونه ليكونَ الضيف التالي نستقبل اقتراحاتكم على الخاصْ ^^ المجالُ مفتوحٌ لكِ يا فستان السّماء

المصدر: منتديات بنات دوت كوم

---

lEp'~hjX td pQdhm tEsjhk hgs~lhx ♥

الموضوع الأصلي : مُحطّاتْ في حَياة فُستان السّماء ♥ || القسم : صيف بنات كوم " للأعوام الماضية " || المصدر : منتديات بنات دوت كوم || كاتبة الموضوع : Zainab Al Lawati

[أسِيفْ]

. . . السلَامُ عليكُم وَ الرحمة لِ الأرواح التي تقرأُني هُنا ، أُنثى مُضيَّ مِن عُمري 15 خريفًا كانت كافيّة لِ تعلُّم الحيَاة وَ الدُنيا ~ من موالِيد مدينَة عروُسِ البَحر الأحَمرْ ( جُدّة - السعوديّة ) لكن يعودُ أصَلي ل أبها , أيّ جنوبيّة [) أعيش مع أهلي و الحمدلله ~ هنا بأخلّيكُم تُزورُون محطاتِيْ الحلوة وَ المُرّة < رُغم إنّي مَا أعِرف أتكَلم عَنها =$ لَكِن عشَانكُم بَأحاوُل و إن شَاءْ تِستَمتُعوا معَاي وَ تِستَفيدُوا انتَظرُوني . . .

[أسِيفْ]

. . قبل لأدخل المدرسة . . كانت حياتي مو مثل أي طفل ، ^^ بالحيييييييييييييل كنت هادئة و مالي حس و أموووت في شيء اسمه كمبيوتر كانت أمي ما تعرف تشغله . . و في الصباح لما أخواتي يروحون المدرسة و أبوي في الشغل ، تجيني أمي : فستاااان شغلي لي الكمبيوتر < و أنا كنت بذكائي و فطرتي =P أركضضض أشغله لها < تراني كنت أفتخر بهالشيء خخخخ و من الذكريات القديمة مع قريباتي ، نلعب حريييم و تعرفون مهما يكون لازم وحدة تمرض و كذا فكنت أخذ ( حلاوة نظارة ) < ما أدري إذا تعرفونها أو لأ و أحط حبّة في فمي و أشرب معها مويه = ماي = ماء < مثل الحبوووب خخخخخ أمّا الحين لو يصير إلّي يصير ~ عندي الإبرة أهون من الحبوب ^.^ ما أعرف أبلعها D= < براااا و لما دخلت التمهيدي إش كثثثر عذبت أمي و أبوي . . ههههههههه ما أروحها إلّا و لازم رجل أمي مع رجلي تجي معي إلييييييين ما تدخلني الفصل و بعد ذا كله أمسك عندي الغطوة = البرقع حقها . . عشان أضمن عدم روحتها و هي كاشفة و بعد ما تمر 10 دقائق و أبوي لاطع تحت أشعة الشمس تخرج له أمي متسللة من نظراتي بعد ما سرقت منّي غطاها . . و كل يوم على ذا الحال ، و في مرة من المرات قرروا إنهم يعودوني أروح إلحالي مع أبوي < كنت أخاف منه ما أدري ليه و أنا خارجة من البيت أطالع حولي . . وييييين أمي !!! و أطالع في أبوي و هو يقول : أمك مو جاية اليوم تعبانه من بطنها ^_^ إلّا و ما عاد تشوفون إلّا غباري ، و قفت عند أمي في غرفتها و أنهِت بكى : ماما الله يخليكِ تعالي معي ، و أجلس أصييييح و أبوي يصارخ علي و الحمدلله بدأ الفرج و قالت أمي : يلااا و من بعدها توووبة يحاولون معي تخرجت من التمهيدي و في يوم التخرّج كرّموا أمي و أعطوها جائزة الأم المثاليّة < خليكم مثلي هههههههههههه هع :a23z: و نقلنا من بيتنا لبيت ثاني ^.^ و دخلت الإبتدائية مع أختي و كان أهون لأمي عشان ما صارت تضطر تروح معي و اشتركنا بـ باص ، أذكر لما تجي الصرفة ، يخرجون الصفوف الأولى قبل العليا ، أشرد من الحصة الأخيرة أقولكم كيف ، تجي صديقتي ولاء توقف عند الأبلة من جهة الباب عشان ما تشوفني الأبلة و أنا أحط شنطتي برا الفصل فستان : أبلة ممكن أروح الحمام ؟ الأبلة : إيه روحي و لا تطولين () و أنا : أطلع لأختي في فصلها و استأذن من استاذتها و أدخل . . و على ذا الحال صاروا يلاحظون غيابي فجاء يوم و طلعت المرشدة تدور علي طبعًا بحجمي الصغير ( تخبيت ) تحت طاولة أختي ، و زميلاتها واقفين يسولفون < بريئااات المرشدة : فيه هنا بنت من أولى ؟ البنات : لا يا أبلة مافي أحد و الحمدلله مع الأيام ما كشفوني لي عودة مع ذكرى سنة ثاني إبتدائي و الحدث ^^ . .

[أسِيفْ]

. . رجعت مع ذكرى ثاني ابتدائي لأنّي كنت صغيرة و ما أفهم بذاك الوقت إنّ هذا مريض بالحيييل أو زي كذا >< و عمي مرض و هو بالطائف بصراحة ما أذكر الأحداث بالطائف لكن أذكرها و راسخه بعقلي وهو معنا بجدة جاءنا جدّة و بيبتنا بالأخص و بات معنا هو و زوجته و ولده الوحيد إلّي بعمري ~ كل يوم هو و أبوي و عمي الثاني بالمستشفيات يدورون و يحللون و راحوا لأحسن الأطباء ، عالميين و مشهورين . . عشان يكتشفون المرض إلّي بعمي ، كان يسخن و ترتفع درجته 42 و ترجع تنخفض ، بدوون أسباب ، كل ما أتخييل شكله و هو منسدح و الكمادات براسه بيتنا تملّى ضيوف ، الباب ما يوقف ، كلهم قرايبنا و يباتون عندنا . . مرّت الأيام و أنا و العيال نخرج نلعب بالشارع و نتسابق بسيارات سابق و لاحق < أيامها غباااااار و في الليل نتضارب مين ينام جنب ذي و ذا و على ذا الحاااال ، < أطفال جد ابرياء :sg.9: تخيلوا كانت أيام دراسة يعني نداووووووووووم بس برضوا ، أيام ما تنسى الصراحة >< () و يوم من الأيام عمّتي ( إلّي هي زوجته ) تصارخ على الساعة 3 و نص الفجر تقريبًا : سعد اصحى ، سعـــــــــــــــــــــــد ، < و تهزه ، عمي : ما يتكلم ، و شوي شوي ما صحى لها ، اتصلت على أبوي و قالتله و هي تبكي ، . . و شوي إلّا البيت فوضى الكبار كلّهم صحوا عمّاتي و عمّاني و جدي و جدتي ، و شلّوه للسيارة و على مستشفى فقيه على طوول ، يا بنات سبحان الله . . جلس يتشهد وهو في السيارة و رافع سبابته إليييين غاب صوته بعدها دخل بغيبوبة و كان بالعناية المركزة في إحدى غرف مستشفى فقيه ، اليوم الثاني مستغربة إن عمي مو فيه و كل شوي قرايبنا خارجين و رادين ، للحين أذكر جلسة جدتي و عمتي ، حتى ولده و إحنا بالصالة نسالف و نلعب و شوي إلّا خبرونا ، للأسف ما كان لنا ردة فعل ما نفهم حتّى ولده رجع يلعب ، تجي عمّتي تبكي في البيت و تقول : و الله إنه يتحرك ، بس ما أدري ليه ما يتكلم ، :dmo33: بعد أسبوعين ، أصحى من نور الشمس إلّي دخل الغرفة ، أطالع مستغربة عدم روحتي للمدرسة و أنا باقي في السرير أطالع في شغالتنا و هي تطلع ملابسي من الدولاب تضحك بوجهي و تقول : يلا فستاان قومي ، إحنا يسافر طائف !!! أناظر فيها وعلى راسي 100 علامة تعجب و استفهام أسمع صوت بكي بالغرفة الثانية ، و أنط من سريري و ركض عندهم ، أطالع من الباب إلّا أخواتي يبكون و أمي واقفة عندهم تكلمهم أمي : فستان صحيتي ^_^، يلا حبيبتي روحي غسلي وجهك و قولي لجدتك عظم الله أجركم ، عشان عمك مات . . إش تتوقعون سويّت ، أو ردة فعلي ، جد جد أقهههههههههههههههههر ، ما سويت شيء ، قلت لأمي طيب و رحت سويت زي ما قالت لي ، دخلت في مجلس الرجال و ألاقي زحمة و بقووووة ، إلّا واحد من عمّاني قال : يلا فستان تجهزي إنتِ و أخواتك عشان تطلعون معنا الطائف الحين < و يبتسم ^^ و سافرنا أنا و أخواتي بس إلحالنا بدون أمي و أبوي للطائف . . وصلنا و ليتنا ما وصلنا ، بنت خالتي يغمى عليها و ودوها المستشفي و عمّتي الثانية طاحت علينا بالعزاء في بيتنا و جلسوا يقرأون عليها ، و الله للحين أتذكر التفاصيل ، أتخيله كأنه اليوم . . و بعد ما مرّ أسبوعين و إحنا بالطائف و قدنا نازلين مرّينا على ولد عمي و زوجته بالبيت ، ولده : يمّه متى أبوي بيجي ؟ ترى طوّل ! أمه : قريب يا ولدي ، و تبكي و تصييييح ، بنااااات ما تتصورون إش كثر أثر كلامه فينا ، كلنا بكينا حتّى أنا ، أخيرًا فهمت ، رجعنا للمدرسة و أنهت بكى ، طلّعت حق سكوتي الأيام كلها ، أبكي و أبكي و أبكي ، يا ناااس إمكن كمان تستغربون بكاءي الفظيع ، لكن هو كان الوحيد إلّي يقول : إذا فستان ماهي فيه ما راح أمشيكم إلين تجي ، وجد ما كان يمشيهم إلين أجي عندهم الطائف و كان يقولي من باب المزح : بأخليكِ لولدي . . و الله جد جد يا بنااات فقدته . . و فقدت عمّتي و ولده ، للحين ما عاد شفناهم مرّت تقريبًا 8 سنوات ، ، قبل كم يوم رجعنا من طلعة و لقيت أبوي مطلّع شنطة ( أمي مخبيتها) > فيها صوّر عمّي ، أبوي يطالع في أمي : وش بك دسيتي ( خبيتي ) هالصور منّي ! أمي ما ردت ، فستان : بابا هذا عمّي سعد الله يرحمه ؟ ( كنت آشر لواحد في الصورة ) أبوي هز رأسه بأسى : إيه . . سألت أمي بعدين : ماما ليه دسيتيها من بابا ؟ أمي : فستان ما تتصورين إش كثر كان يبكي أبوك لما مات عمّك . . ! عرفت بعدها إن مهما كان الرجال قوي أكيد راح يكون ضعيف لما يفقد شخص غالي بالأخص الأخو . . جلس أبوي يتكلم عن عمّي و عمّي الثاني إلّي مات و إحنا باقي ما قد جينا للدنيا . . كنت أسترق من حديثه عن ولده . . يا بنات تعلقت فيه بشكل ما تتصورون ، يعني كان معنا و احنا صغار في كل مكان ، نلعب ننام نأكل نخرج . . مع بعض و فجأة كذا ما عاد شفته يقول أبوي : إنه الحين صار رجال و ربي أطول منّي ، و يشبه سعد بالحيييل عرفت إن الأعمار بيد الله لأن عمي كان توه في الثلاثينات ، و عرفت إن التكلنوجيا أكبر كذبة في العلاج ، و عرفت مهما فقدنا أشخاص غاليين مو مثل فقدنا لأبونا و إنك تكون يتيم و عمرك ما بعد تجاوزت الـ 7 سنين . . يا رب أرحم موتى المسلمين و نجيهم من عذاب القبر و أفسحها لهم و أدخلهم جنّات تجري من تحتها الأنهار في ترف جنّاتك ينعمون ~ . .

[أسِيفْ]

. . مرّت حياتي الإبتدائيّة خاليّة من أيّ أحداثْ . . طبعًا لأني كنت هادئة حتّى بالمدرسة < بس أختي الكبيرة تزوجت ، و سافرنا الرياض عندها ما أنسى ثلاجتها و الفريزن ما كأننا شايفين خيييييير كلها اسكريمااااااااااااااااااااااااااااااااات و على حر الرياض و صيفها ، أبو الروقان كمّلت سنة رابع بالمدرسة و نقلت لمدرسة جنب بيتنا و نقلت معي زميلتي ولاء . . أذكر تضاربت مع وحدة جنبي كانت النفسية مقفلة عشان نقلوني من الفصل لفصل ثاني مع بنات ما أعرفهم . . في حصة العربي قاعدين نكتب في الدفاتر إلّا إلي جنبي تقول : ترى ممنوعة الأقلام الملونة بس اكتبي بالأسود و الأزرق ^_^ رديت عليها و ما أطالع فيها : وش أسوي يعني !!! ضحكت و قالت : بس ترى أبلة شارة ما عندها لف و دوران :73aq: بغييييت أحط حرّتي فيها ، < و الله أنها مسكينة ما سوت لي شيء بصراحة ذيك الأيام أموت بالأنمي و اليابان و حياتي كلها Japan × Japan = خووويش أمي صارت تقول لي : بأزوجك ياباني و أفتك < < دخلت أولى متوسط و نقلت ولاء لبريطانيا و قابلت بنات كانوا معي بالإبتدائي و سوينا شلّة إش كبرها لكنّي برضوا كنت ما أتكلم و هادية و شاطرة و عاقلة ، بثاني || تعرفت بوحدة الله يجزاها خير . . أتخذتها قدوة و للحين . . نصحتني و علّمتني . . قطعت الأغاني و قطعت أفلام الكرتون . . لكن للأسف بعض أهلي يستهزءون فيني . . >< جات المطوعة . . يلا يلا قومي نبغى نتفرج < و على ذا الحال . . لكن حياتي صارت أفضل و أحس براحة كبيرة و الحمدلله ~ يعني لما ابتعدت عن الأغاني و تركت أفلام الكرتون . . ما أنكر إنّي بعض الأحيان أحس بملل بس دائمًا أردد ، من ترك شيئًا لله عوضهُ الله خيرًا منه () و الحمدلله أختي هي الوحيدة إلّي مشجعتني الله يوفقها في حياتها يا رب و يرزقها الذريّة الصالحة / بالإختبارات النهائية في سنة ثاني الترم الأول ، يوم السبت من الأسبوع الثاني ، رجعت البيت على الساعة 10 و نص ، و بجد متضايقة ما عرفت أحل بالإختبار . . دخلت البيت و ألاقي أبوي جالس بالصالة و يكلم جوال ووجهه مقلوب :sg.6: سلّمت عليه إلّا أختي تأشر لي ألحقها على المطبخ و بالفعل ، قالت لي منفعلة : في أحد مااات ! أمّا أنا كذا > يعني خير كذا على وجهي بدون مقدمات !! رديت : بسم الله فال الله و لا فالك . . أختي : هيييه و الله من جد أسمع أبوي يقول خير إن شاء الله !! المهم طنشتها و بدلت ملابسي و أروح الصالة إلّا أمي عيونها محمرة و واضح إنّها تبكي أنا من النوع إلّي ما يعرف يتصرف بذا المواقف قالت لي أمي : فستان أنا و أبوكِ و أخوانك الصغار بنطلع الطائف ، جدك عبدالله كان تعبان و مات الله يرحمه أمّا أنا كأنّي صنم . . ضاعت الحروف ، المشكلة ما عبّرت خير شر رحت سويت لي فطور و فطرت إلّا قالوا لي : رتّبي الصالة زوج أختك جاي عشان بيروحون معنا < ترى أمي كانت معصبة منّي و بالفعل على الساعة 12 طلعوا و أنا كأن جااني الفرج و أركض على السرير و أصيييييييييح من قلب أحسّها كلها تجمعت علي . . اختبارات و ماعرفت أحل و جدّي و البيت فاضي مامعنا رجال و وراي اختبار ماني فاهمة شيء ( علوم سنة ثاني أصعب علوم مرّ علي ) و أصيح و أبكي و أبكي . . و أتكلم مع نفسي شوي إلا أختي الكبيرة صحيت منّي : فستااان وش بك ؟ أنا : و لا شيء . . ارجعي ناامي ردت : ما عرفتي تحلين !! أنا : لا لا و لا شيء قلتلك . . ارجعي نامي =‘( < بغيت أقولها ، بس حرام أفجعها وهي باقي نايمة ما عطاها قلبها و خرجت من الغرفة . . مع البكى نمت و ما صحيت إلّا الساعة 4 و ما تغديت . . همّي العلوم جلست إلحالي بالمكتب . . أحاول أذاكر مو قاااادرة . . >< بالي أبد مو معي ، أفكر بالطائف و أهلي . . و جدي الله يرحمه وأفكر بالكتاب إلي قدامي إلي مو فاهمة شيء منه و إلي حزنّي أكثر . . أمي كل شوي تتصل بأخواتي . . : لا تلهون فستان ، خلّوها تذاكر . . فهموها . . < يا بنات تخيّلوا نمت و أنا ماني فاهمة شيء بالكتاب >< و العلوم عشقي . . مستحييييييييييييييييل ما أذاكره الحمدلله صحيت الفجر ألاقي أهلي قد جوا و أختي المتزوجة نامت عندنا عشان تفهمني العلوم اختبرت و كان أسهل إختبار و الحمدلله و الله يرحمك يا جدي ، و في الترم الثاني بأيام الدراسة . . رجعت للبيت و شوي ألاقي رجال عندنا ، وفوق رأسي علامات استفهام : رجال و بالظهر بعد !!!!! اللهم اجعله خير . . أدخل للصالة إلّا أمي و جارتنا يطالعون فيني بشفقه . . و أنا كذا > غسلت و صليت . . شوي إلّا أمي تناديني . . رحت عندها : فستان . . جهزي شوي من ملابسك عشان بنطلع الطائف . . هديل بنت خالتك تعبت في المستشفى و ماتت الله يرحمها . . أطالع بجارتنا . . إلّا هي شوي و تبكي !! و أنا ساااكته . . هزيت رأسي و مشيييت =‘( إلين اتجمع الكل و إلي رجع من المدارس و الجامعات و طلعنا الطااائف . . صح كنت صابرة و ما بكيت . . () لما وصلت بيت خالتي . . الكل يبكي و خالتي تعبت . . بنتها الوحيدة و الباقي كلهم أولاد . . ما قدرت استحمل صحيح يا بنات إنها البنت الوحيدة . . لكنها تعبانة من أول مثل ما جاء لعمّي . . و الموت رحمة لهم . . لأنهم بيتعذبون في الدنيا من المرض إلّي حارمهم اشياء كثيرة هديل كانت أكبر مني بسنة . . و الله يغفر لها و يدخلها الجنّة من غير عذاب و لا حساب ، سنة ثالث . . إلّي هي هذه السنة إش كثر حبّيت العلووم فيها يمكن عشان الأبلة كمان دائمًا أشارك في الحصة و كتبي كاملة و أسوي نشاطات و بجد أروع سنة لي مع العلوم ، و بأقولكم حادثة حبيت فيها الأستاذة و بنفس الوقت البنات حقدوا علي الحصة الرابعة كان علينا عربي و الأستاذة رفضت تخرجنا للفسحة إلين تخلص شرح و بالفعل ، و بالفسحة عاندنا و ما طلعنا الحصة الخامسة من القهر . . ما نزلتنا إلّا و باقي بس 10 دقائق على نهايتها !!!! المهم ما طلعنا الفصل إلا و الساحة فاضية مافيها إلّا أنا و 2 من زميلاتي و قابلنا في وجهنا أستاذة ألطاف حقت العلوم الأستاذة : حتّى إنتِ يا فستااان متأخرة ! يلا خذوا كتبكم و ألحقونا على المعمل دخلنا المعمل و جلسنا واقفين < كل البنات المتأخرات واقفين أصلًا معروف إذا تأخرنا على الحصة لازم نظل واقفين بدون لا تقولنا هيّ < قوانين أستاذة ألطاف و حافظينها بدأت تأخذ أسامي البنات إليييييين وصلت عندي ، : بنااات سامحوني لكن فستاان مايعطيني قلبي أخليها توقف ، أنا اختفييييييييييييت ما عاد تلقوني :sg.7: كمّلت : تدروون ليه ^_^ ؟ البنااات : عشانها هادية و شاطرة و ... و ... و ... الأستاذة : هي شاطرة و دائمًا تشارك و مؤدبة و ما تجااادل مثلكم و بصراحة أوّل مرّة لها . . و آخر مرّة صح فستااان ؟ ^^ أنا تمنّيت الأرض تبلعني و أختفي جلسوا البنات يستهبلون علي و على الأستاذة و هييك . . أمّا إلي كانوا معي تحت بغوا يطرقعون من القهر و أنا و الله انقهرت عليهم . . ما حبيت إنّها تعاملني غير عنهم لكن و الله يا بنات إلّي جنبي تغيّرت علي من بعدها . .^^ صارت بس تدقني بالكلام و إذا أبلة ألطاف تبغاني . . تتدخل و تعصب و ما أدري كيف و بنفس الوقت أطنشها و لا أعبرها و أحاول أنرفزها مثل ما تسوي فيني ، ماني ميّتة لا عليها و على صداقتها يوم التخرج للأسف ما حضرته و لا فرحت معهم عشان شخص ضحيت بفرحتي عشانه جلست بالبيت أساعد أمي بالصغار و نجهز لأختي عشان عرسها و الحمدلله يا رب ، خذيت شهادة الطالبة المثاليّة على المدرسة كلها . . كرّموني لكنّي ما كنت موجودة لحد هنا و انتهت أحداثي و حياتي . . لكن ما زال للحديث بقيّة . .

[أسِيفْ]

. . بأدخل لمرحلة جديدة و حياة و أحداث جديدة . . كنت دلوعة البيت و الصغنونة . . بس أحس بتمر علي حياة شوي صعبة ، بيصير فيه تراكمي . . و طبخ و مسؤوليّة . . و أحدد هدفي عشان التخصص بالجامعة لأن ما شاء الله كل سنة ينقص عدد الأفراد بالبيت و كل واحد بيروح بيته و بيجي يوم أكون أنا أكبر وحدة بالبيت =‘‘( ، و أنا صغيرة تمنّيت أصير مهندسة . . كبرت شوي و صرت أتمنى أصير كاتبة مثل أختي و إعلاميّة . . كبرت و تمنّيت أكون عالمة و برفسورة < براااااااااااااااا للحين و أنا أدور على المهن . . مهنة . . مهنة ، ودّي بالطب عشان أكون مختلفة عن أهلي شوي و حلمي أصير طيّارة ، كابتن . . و أتحمّل مسؤولية كلّ إلي معي بالطائرة :sg.9: للحين أبد أبد ما فبالي أي هدف أو مستقبل ، كل أخواتي قالولي إذا دخلتِ الثانوية بيتحدد هدفك و مستقبلك . . أحب الكيمياء بالحيل و أكره الـ E بشكل مو طبيعي كنت بأدخل نادي كراتيه لكن الظروف ما سمحت لي ^^ أمنيتي أدخل جامعة الملك عبدالله عشانها تكلنوجيّة بس أدري نهايتي مثل نهاية أخواتي أتخرّج من الجامعة و أجلس + + + += جلسة بالبيت أنتظر فيها فارس الأحلام يخطفني :sg.7: :dmo33::73aq: باقي على رمضان 5 أيام أو 4 أيام . . الله يحيّه الله يبلغنا إيّاه كل سنة تمرّ . . ، حبّيت أشكُر حكايا صاحبة الإبداع و إلّي سنحت لي فرصة أتحدث فيها عن نفسي . . لكنّي أحس هذرت فوق رأسكم . . لق لق لق لق < أتمنى إني ما كنت ضيفة ثقيلة عليكم و مضايقتكم الله يبلغكم شهر رمضان سنة ورى سنة و يوفقكم بحياتكم يا رب كانت معكم فُستان السَماء انتهَى . .

[صـدى الليل]

أخييييييييييييييييييييييراااً
يلا من متى عم بستنآآآكِ تخلصصصي يا بنت الحلآآآل ..

حبيبتي والله ~
الله يعينك كيف قدرتي تدرسي العلوم وحد من قرآيبك ميييت

يعطيكِ العافيه
الله يصبرك يا ربويصبركم كلكم
شفتي كتير في حيآتك مع انك صغيره ^^

صغيره معناها انا اكبر منك =P
لا ما شاء الله عليكِ
مرتبه وشطوره وكتكووته وكل شي ~

بالنسبه لتخصص الجآمعه
ما رح تعرفي تحدديه
الا لما تدرسي كيميا واحيا وفيزيا ورياضيات
تا تعرفي بالظبط تحددي ~
كتير بنآت غيروا ندنا بعد ما تصدموا بعلمي
هيهيهي ~
بالنسبه انك توصلي انو انتي اكبر وحده بالبيت ~
وصلتلها بس كنت اكبر واصغر وحده
وما كان معايا حد
اللي تزوج واللي بيدرس برررا ~
فرح تتعودي يعني ~
وحتبقي قد المسؤوليه ان شاء الله



مبروووك البنت المثآآآآآليه
تستآآآآهليها موووت ~
وشكلك اصلا كتكوووتـه يعني



يعطيكِ العافيه
وموووفقه بمرحلتك الجديييييده ~
ومبروووك فرححح اختتتك ~



فرحتيني واسعدتي خآطري

[Dosh]

السسلام عليكم و رحمه الله و بركاته

رتوولـه <~ اتعودت مو ذنبي هع

محطاتك روووعه وكل ما ادخل القسسسم والقاكِ كاتبــه في الموضوع شئ جديد عن حياتك انطنط من الفرح

اللــه يرحم موتاكم وموتى المسسلمين يــآرب ..

يهووووو يالمؤدبــه إنتِ

مبروووووووك على أخذ المثــاليه للمدرسســــه ...

وان ششاء اللـــه تحققــي كل شئ تتمنــيه

بقولك شئ ترـآآ اخذتي كل شئ طب وهندسسه وطياره ..... ايش كمان ههههههههههه

زيي لييـــن ذحييين ماحددت هدف او بالاصح كل ما احدد اغيــر

حكـآيـآ .. نششكرك مرـآآ ثانيــه على حسسن الاختيــآر !!

وددي وبـإنتظــار الضيــفه الثانيه ..

[حرُوف وآثقهْ]

يـ حيآ الله فُستآن السمـآء ..

محطتك جميله جداً يآ حلوه !
حبيت قصصك المحزنه والمفرحه وَ بـ الأخص برودك وبرآئتك = )

الله يرحم موتْى المُسلمين = (

شكراً لك فستآن

[لانا]

وأخيرا لقينآلك طرفّ يابنت هههههههـ <<<أمزح ماتزعليش بس أول مرة أقرا لك عآمي هههههه


أجل كنتي دلوعة المآآمآآآ هههههههههههـ ... يؤ حسيتك من هذوليك البنات الي ماتذكرهم الا بصرآخهم في أولى أبتدائي كانه فلم رعب وقسم ههههههه
خربتي الصورة بصراحة كنت احسبك رزينه وعاقله من صغرك ! صرتي بنت الماما خخخخخخ
بس مبين انك مثالية بجد ^^ الله يحفظك ...

بقدّ الحزن الي يسكنّ محطآتك ! ا
الا اني استمتعت معهآ مرة ...


اللهم اجعلها آخر الآحزآن ....

امتعتينا ياحلوة ...