رحلتي إلى البحر الأسود .. =) مدعمة بـ53 صورة

[Boshasha]

..} رحلتي إلى البحر الأسود بسم الله الرحمن الرحيم.. كيف الحآآل ..!؟ طبعاً .. أنا لي شهر منقطعة عن المنتدى بسبب ظروف السفر ... وما حد لاحظ "أمزح" حبيت أن أشارككم لحظات حياتي التي فاتتكم في هذه المدة .. كثير تفاجأنا من رحالة خليجين قطعوا بسياراتهم البسيطة قارات كاملة الي وصل للسويد واللي وصل جورجيا واللي وصل باريس فحبينا نجرب هالشعور هذي السنة .. فحددنا وجهة السفر مدينة طربزون - تركيا على سواحل البحر الأسود مدة الرحلة : 45 يوم بالسيارة طبعاً بسم الله .. نبدأ ..! * السعودية.. بدأنا رحلتنا .. من مدينتي العزيزة بريدة .. متجهين عبر الطريق السريع إلى حائل الجوف القريات طبعاً .. الطبيعة والجو في هذي الفترة من السنة (ما في شي يتصور ) بس علشان ما أظلم أحد .. الجو بالليل كان خيااااااال * الأردن.. طبعاً .. طلعنا من منفذ الحديثة اللي بين السعودية والأردن بشق الانفس حر + زحــــــــــمة .. ما جلسنا في الأردن كملنا على طول لسوريا ..! الى منفذ العمري * سوريا منفذ العمري حدث ولا حرج .. أسوأ يوم في في الرحلة .. يعني غير الزحمة .. الاجراءات الطويلة خذ وهات ..!! ما طلعنا من الحدود الا الساعة 9 بالليل تقريبا .. وصلنا سوريا ولله الحمد .. ولقينا فندق بالطريق .. و الصبح انطلقنا لمدينة سويداء.. مدينة ريفية زراعية .. تمشينا فيها .. وشفنا مباراة البرازيل وهولندا خخخخ والعصر مشينا الى مدينة الزبداني .. و بلودان المدينة جبلية وحلوة وآخيراً برااااد بس زحــــــــــــــــمة قاتلة .. يالله يالله لقينا شقة ننام فيها وبما اننا ضد الزحمة .. ونمقتها مقت شديد ..! قررنا نمشي اليوم الثاني .. * لبنان.. دخلنا لبنان عن طريق منفذ المصنع .. والحمد لله ما كان مثل أخوياه ودحدرنا الى مدينة زحلة..! طبعا انتبهت الحين اني ما صورت ولا صورة لزحلة كلها فيديو زحلة .. مدينة جبلية رووعة .. فيها أغلبية مسيحية .. على فكرة .. طول قعدتنا بلبنان ما لقينا ولا مسجد كلها كنائس المهم فترة المغرب كانت مباراة ألمانيا والارجنتين .. وكما تعلبون انغلبت الارجنتين وبقوة 4:صفر طبعا بعد ما انتهت المباراة بثانيتين ..!! حسيت ان القدس تحررت ..! كل زحلة وبما فيها .. طراطيع و اصوات بواري وتصفير ..! استيقظنا صباحا .. وياله من صباح .. فقد كان يوم الأحد انتو ترجموها .. أحد + كنائس استيقظنا على صوت الأجراس الى ان احسست ان داخل رأسي جرساً يطنطن مشينا الى طريق الساحل .. وكان الطريق كل التفافات ودوخات .. و مليئ بالضيعات الجميلة والمناظر الخلابة مرينا بكثير من القرى الجميلة مثل خنشارة وزغرين وبتغرين و غابة بولونيا اخيرا وصلنا الى مدينة جونية على الساحل .. طبعا كنّا متوقعين الهواء العليل والساحل والجميل والطبيعة الرائعة فوجدنا الزحمة الخانقة والحر الشديد "حتى بالليل" والرطوبة الـ فقلنا .. خل ننكس للجبل أبرك مشينا الى جبيل و طرابلس على الساحل ومن طرابلس عدنا الى الجبل .. الى ان وصلنا قضاء بشرّي .. أحلى منطقة في الوجوود معلومات عامة عن هذي المنطقة هي عبارة عن قضاء يقع على أطراف الوادي المقدس .. وادي طوله 40 كيلو تقريبا و على أطراف الوادي تتوزع العديد من الضيع الباهرة الجمال مارح تصدقون الجمال اللي هي فيه بعد كذا طلعنا الى أعلى جبل فيها وشفنا الأرز بالنسبة لمنطقة أرز بشري هي منطقة سياحية شتوية .. يجونها الناس علشان التزلج على الجليد .. وهي منطقة خالية من السكان بس فيها قرية سياحية صغيره في كم فندق وبازار طبعا بالصيف ما يجيها أحد الى نادراً .. لانو ما يصير فيه ثلج بس حنا طلعنا واخذنا نظرة كاملة على الوادي المقدس بعدين نزلنا لسهل البقاع ..!! بالطريق الى سوريا مرة ثانية طبعاً .. اتفقنا جميعاً .. ان الطريق كنك ماشي بوادي الدواسر .. !! شبه صحراوي وحار ومنظر الجبال من بعيــــــــد كنك بالضبط بوادي الدواسر ايه وصح .. شفنا أول مسجد فيه * سوريا وصلنا لسوريا عبر منفذ أتوقع اسمه الهرمل .. ودخلنا الى منطقة حمص كلها مزارع ..,, ووصلنا الى مدينة رباح .. كان فيها غابات الصنوبر اللي احبها وهذي مدينة رباح مشينا الى مشتى الحلو - عين الحلاقيم (الصور في طريق العودة ) وهذي صورة لــ سهل الغاب الى ان وصلنا مصياف و دخلنا الى قلعة مصياف .. قلعة ضخمة وعتيقة من أيام الاغريق وهذا صورة خبز التنور .. المرافق لنا في سوريا .. تقريبا كنا نفطر عليه كل يوم مرينا على قرى ومدن كثيرة .. من مصياف .. للقدموس - بانياس - جبلة - القرداحة - صلنفة (الصور في طريقة العودة) ووصلنا لهذي البحيرة الهادية ( بحيرة الثورة) بين الجبال .. يتبع .. أرجو عدم الرد

المصدر: منتديات بنات دوت كوم

---

vpgjd Ygn hgfpv hgHs,] >> =) l]ulm fJ53 w,vm

الموضوع الأصلي : رحلتي إلى البحر الأسود .. =) مدعمة بـ53 صورة || القسم : عـدسـتـي || المصدر : منتديات بنات دوت كوم || كاتبة الموضوع : Boshasha

[Boshasha]

عدنا ~~ وصلنا الى مدينة كسب .. مدينة حدودية تركيا .. تقريباً أغلب السكان فيها أرمن .. طبعاً .. ما دخلنها خلينها لخط الرجعة .. لأننا كنا متحمسين لتركيا * تركيا .. welcome .. طبعا طول ما كنا بسوريا ولبنان .. كان كل مشينا على الجبال ..!! لكن أول ما دخلنا تركيا ..!! انقلبت الطبيعة .. مرة وحدة .. صارت منطقة سهلية راااائعة وخلابة في الحقيقة ..!! وطول ما حنا في الطريق حقول القمح والمزارع ما انقطعت أبدا ...! + الطرق حقتهم سهلة جداً .. يعني حتى لو بنطلع على جبل فما تحس بالدوخان الشديد والخوف الشديد.. ابد ما تحس انك قاعد تطلع جبل المهم طبعاً .. اول مدينة تقابلك مدينة يالدجي .. بعدين أنطاكيا ( الصور بخط الرجعة) بعدين مدينة اسكندرونة الساحلية المدينة جوها خلاب طووول الوقت غيوووم ورياح وامطار وهذي قلعة من أيام العثامنيين اللي على اليمين القلعة واللي على اليسار مسجد .. وبينهم خندق ما قدرت أصور المسجد من الداخل لأنو كان فيه حلقة تحفيظ قرآن للأطفال .. وهذي القلعة أو بالأحرى حصن وهذا شكله كان اسطبل أحصنة بعدين حولوه لمحلات .. بالضبط ما ادري وشو بعد كذا .. طلعنا من أسكندرونه وتوجهنا شمال مرينا على قرى ومدن كثيرة .. اوزمانيا .. قولباسي .. ملتايا .. وكانت الحقول والسهول مستمرة معنا طبعا الطريق كان طويـــــــــــل حوالي الف كيلو وشوي الى طربزون أكيد ما قطعناها بيوم واحد تقريبا قطعناها بـ4 أو 5 أيام لأننا كنا نتمشى .. ونوقف كل شوي ... مرينا على نهر أو مدري هو سد أو وادي والله مدري وشو ..! في الطريق .. بس كان صراحة اخر شي قررنا انه وادي .. لأنو لو كان نهر كان المفروض انه يجري .. بس هو كان راكد وهذي قرية تجنن على ضفاف الوادي " اللي هو "اسمها كملايا كانت وجهتنا اللي بعدها مدينة ارزنتشان .. كان فيه تصليحات بالطريق .. وحسنا وضعنا وما ندري وين الله حاطنا أخيراجا واحد ودلنا .. صار يمشي ونمشي وراه ..!! مشينا تقريبا ساعة وشوي .. بدون ازفلت .. أخيراً وصلنا ارزنتشان المدينة هذي تمشينا فيها في اسواق للتمشي حلوة .. بعد كذا .. انطلقنا لأقصى نقطة نبي ناصلها برحلتنا طربزون وهذي صورة للطريق

[Boshasha]

وهذا صورة لثمرة البندق .. أعطانا اياه واحد تركي عند المسجد ... وهذا يويق ..... وأخيراً وليس أخراً .. وصلنا طربزون هذي صورة للمدينة .. وهذا مرسى وبيوت صيادين <~ ذكرني بالمسلسل المكسيكي آمي علشان كذا صورته وسط المدينة .. <~ هنا بغت السيارة تصدمني هع وهذا هووالبحر الأسوووود طبعا يوم وصلنا .. ما صدقت اننا وصلنا .. صراحة شعور خيالي .. يعني تحسين نفسك قطعتي مسافة ووصلتي شعور رائع كملنا طريقنا بمحاذاة الساحل .. مرينا على قرى ومدن كثيرة .. جرسين ,, تريبلو ,, اوردو ,, سامسون شكل الساحل خيالي .. الجبل يتداخل مع البحر وبينهم بيوت بالنسبة للمساجد ...!! فما أقدر أوصف وصف وافي ..!! كل شوي تلقين مسجد .. ناهيك عن التصميم الرائع للمساجد والمساحاات الواسعة ودورات المياه ( اللي تفتح النفس ) وأكثر من مرة ندخل لقسم النساء .. نلقى حلقات لتحفيظ القران وتعليم اللغة العربية

[Boshasha]

...

من مدينة سامسون.. بدأنا رحلة العودة الى الجنوب .. في طريقنا اختفت حقول القمح وظهرت لنا حقول دوار الشمس

... وصلنا الى مدينة آماسيا مدينة رآئعة جداً للي بيتمشى .. يمر فيها نهر على ضفته سوق شعبي كبير وحلو .. وممشى طويل وممتع وعدد من الفنادق والشقق للأسف اكتشفت ان كل صورنا بآماسيا فيها خششنا فاضطررت اجيبلكم الصورة من النت هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1024x768 الابعاد 221KB. تابعنا للجنوب عبر حقول دوار الشمس .. على امتداد البصر ومرينا على عدد من المدن الصغيرة ساراكيا .. بوقوزلاين .. كاراسيا .. نجد <~ احم احم .. وصلنا لمدينة أضنة .. مدينة كبيــــرة .. مزدحـــــــمة ...!!! ولأننا كما أسلفت الزحمة يمين وحنا شمال .. ما قعدنا فيها دقيقة وحدة .. وكملنا لمدينة كاراتاس .. على ساحل .. البحر الأبيض المتوسط اتجهنا بعد ذلك على طريق مدينة يومارتكل وكان الطريق زراعي .. وريحة السماد بس كان الجو رآآآآئع .. ولحسن حظنا انه الفجر فكان المنظر أروع وفجأة لقينا أنفسنا نمشي ورا جنازة ( الله يرحمه/ـا ويغمد روحه/ـا الجنة ) بس الغريب .. أول مرة اشوف جنازة الساعة 7 الصبح وهذا شاطئ لقرية اسمها حمزلي أبشركم .. قريبة من قرية زنيبلي خخخخ وعدنا بعد ذلك لنقطة البداية .. عن طريق .. إرزن .. دوريوتل اسكندرونة .. وهذه صورة لمدينة أنطاكيا وسط المدينة .. يمر فيها النهر وعلى ضفته سوق شعبي ومطاعم وفنادق ملاحظة .." في أنطاكيا كل خطوتين والثالثة تلقى واحد عربي .. يا سياح يا مقيمين " وقبل أن نترك تركيا .. أحب أضيفكم شاي تركي .. شايهم مركز بشكل يخليك واللي تبي زيادة سكر .. تفضلووو ...

[Boshasha]

وأخيراً .. هذي صورتين لـ سوريا بطريق الرجعة .. مدينة صلنفة.. وهذي بقرة رائعة جميلة تطل على سهل الغاب وأخيراً .. انتهيت بحمد لله .. من هذا التقرير البسيط لرحلتنا الطويلة ..!! ان شا الله اعجبتكم الصور .. لأني تعبت وانا احملهم واذا ما اعجبتكم مو لازم <~ فصلت معها لا أمزح اذا كان عندكم أي سؤال .. عن الطرق ولا الفنادق أو الأماكن السياحية أنا مستعدة ..!! والسلام عليكم ورحمة الله وبركاته كانت معكم .. الرحالة في فجاج الأرض Boshasha

[عضوة ،]

بوشاشا

تقرير كامل
وصور حلوة
ومناظر جمييلة

في واايد صور حلوة وحبيتها

ويعطيييج ألـــف عافية على التقرير

موووووووووووفقة

[SmArT gIrL]

مـــا شاء الله =)


لي عودة مع التعليق ـ بإذن الله ،

[♥SARA]

السلام عليييكم

تقرير رائع
و مناظر حلووة

في واايد صور اعجبتني

موووفقة

[B S O M A]

بوشاشا !!

وربي أعجبتني رحللللتك . .

تمنينت لو كنت هُوني معآإكم



^
وه خيآإآإآإآإآإآإل ،

رحلتكِ خيآإلو

بالتوفيييق

[Ćąяŏľĭņǻ]

رآ آ آ ئع

بارڪ الله فيڪ يآ آ آ عسسسولآ آ

صور ولـآ آ آ اروع


بورڪ مجهودڪ يــآ آ آ لغلـآ آ

انتظر جديدڪ بڪ ـل الششوق
ودي}~