[ O² ] ~ مدونتي

[w6n]

بمقدرتي الأمتناع عن الأوكسجين ..!
لأنني وَ ببساطة ،
أكتفي بِـ " أنفآسك " ..
لـ أعيش ..!

,

لمن يهمه آمري
تم الافتتاح \ 26- فبراير -2011

المصدر: منتديات بنات دوت كوم

---

F O² D Z l],kjd

الموضوع الأصلي : [ O² ] ~ مدونتي || القسم : همس الأرواح || المصدر : منتديات بنات دوت كوم || كاتبة الموضوع : w6n

[w6n]

About Me


إسمي \ شهد Shahad
عمري \ اليوم صار عمري 21 سنه بالتمام والكمال
الجنسية \ كويتيه قُح
آدرس\ بكلية التربية باجي لي سنه و أتخرج
< إيه يصير خير
عندي \ 4 خوات و 2 إخوان هع
< بعدين اكلمكم عنهم

آنا اكبرهم
-للأسف-

What I Like

- آحب الهدوء والوحدة احيانا
- آحب النوم بالدرجه الاولى
- آحب الامير بدر بن عبدالمحسن
- آحب اللون الاخضر و البنفسجي
- آحب أقرا في كتب التنميه وتطوير الذات
- آحب الرياضة (السباحه - الجمباز - التنس)

What I hate

- آكره الازعاج والصوت العالي
- آكره الغرور و كلمة (انا)
- آكره اللون الاحمر والاصفر
- آكره الاخبار الاقتصادية
- آكره كلمة (أها)

شنو بعد شنو بعد
بس
إذا تذكرت شي عقب اقولكم



قبل لا تطلعون إستلموا

شموهم و رجعوهم

[w6n]

مسآكم الله بالرضا والرحمه



آمس قمت الظهر على صراخ إخوي الصغير فروس
يبي دشداشته عشان يلحق على صلاة الجمعة
قمت معصبة ولا اشوفه الحبيب بهالمنظر




إخص عليك
هذي آخرتها وين المراجل
لا و يقول انا فارس مطير
تهبى ثم تهبى ثم تهبى


طبعا لاتشوفون وجهه منصفق
كان بين نارين إما اعلم ابوي عليه او يسلم رقبته لي

فـ إختار الاهون و سلم رقبته لي

جان اسحبه من عنقوصه و ادخله الـ W.C - تكرمون -
واجيب ماكينة الحلاقه بتاعة عبود

واحلق له
بيبني وبينكم كان حلمي احلق لاحد
و كل مره اقول لابوي أو عبود خلوني احلق لكم والله اعرف
ما يرضون عاد الحين جتني من الله

المهم
مسكت رقبة أبو الفرس وجهتها للجبلة و كبرت هع
قلت له نزل راسك لا اقص رقبتك
وشغلت المكينه على رقم (2) ~> عشان إذا صادفكم نفس الموقف تعرفون شلون تتصرفون هع

وبعد مرور ساعه ونصف الساعة
انهيت المهمه على أكمل وجه




وعطيته على علباه كفختين وقلت امش يلا

بالله ما انفع حلاقه

راح و اهو يتحلطم لا لحق ع الصلاة ولا سلم على عنقوصه

يستاهل الهيس الاربد




ما علينا منه


بقولكم آمس شصار عندنا بالديره


تقريبا كانت الساعه 5 ونص المغرب
سحبت الكرسي وطلعت ع البلكونه اتأمل الجو الصافي
وادعي عساها توافي ساعة استجابة
وبعد مرور دقايق
دخلت لغرفتي وقعدت شوي

إلا اسمع صوت عاصفة
طليت من الدريشة

ولا

لا إله الا الله الدنيا معتفسه فوق حدر

غباااااااااااااااار مو طبيعي

انا مصدومه شلون بدقايق تغير الجو

سبحان الله

شوفوا هالصوره بمنطقتنا





و هذي صور من مجمع الافينيوز
بعد أقل من ساعه من هجوم الغبار




" اللهم إني أسألك خيرها ، وخير ما فيها ، وخير ما أُرسلت به ، وأعوذ بك من شرها وشر ما فيها وشر ما أرسلت به "



بس الحمدلله على كل حال

نزل مطر قوي امس رحمه من الله


بس جد عشنا رعب

خصوصا وان امي واخواني الصغار كانوا طالعين
والاتصال منقطع بينا
ماقدرنا نتطمن عليهم بوقته


و خدامتنا موتتنا ضحك
رايقه قاعده وتنظف الغبار
تخلص من مكان وتروح للثاني
إلا رجع المكان الاول وغبر
وقعدت ع هالحال لين رحمناها وقلنا لاتنظفين

[w6n]

يقول أحد الكتّاب :

عليك أن تشكر حسّادك؛
لأنهم تبرعوا بدعاية مجانية نيابة عنك،
وإذا وجدت هجوماً كاسحاً ضدك من
أصدقائك الأعداء أو من أعداءك الأصدقاء
فلا ترد عليهم بل سامحهم واستغفر لهم
وزد في إنتاجك وتأليفك وبرامجك
فإن هذه أعظم عقوبة لهم




اصبر على كيد الحسود ** فإن صبرك قاتله
فالنار تأكل بعضها ** إن لم تاجد ماتأكله

همسه
( لا تلتفت إلى نقد الحاسدين وتجريحهم ما دمت طائعا لله )

[w6n]

اهِداء لِ (....) إذا كانت إتابعني !

الصديق اللـي زعـل منـي وراح
ذكروه إنـه عزيـز .... وذكـروه

يوم جاني ممتلـي هـم وجـراح
قمت له قومه عجز عنهـا أخـوه

لو ذكر يـوم إنتقاسـم بالوشـاح
وإن قسى البـرد أفتديـه إبكلبـوه

مارحل عنـي وبـادر بالسمـاح
لكـن الله يقطـع اللـي غيـروه

كان قدري عنده أجرتْه الريـاح ؟؟
قدره بعيني سما يا نعنبوه .. !

* مِسحت صور البنات قبل لا انكفخ بمخالفه

[w6n]

لا تبخل بِـ كشرتك
على من يكون أمام خشتك ()

نگتهـ =]


خدامة محششة تقول لها معزبتها : ترى إحنا نتريق الساعه ٦ ونص
قالت الخدامة : خلاص اذا انا مافي قوم من النوم اكلوا

[w6n]

الشيخ محمد البراك ,

صَوت عذب يخترق صم الاذان

http://www.islamway.com/?iw_s=Quran&iw_a=view&id=123

[w6n]

وش هـ الذي عيني تشوفه ؟
وجه البدر ؟ او مطلع الشمس ؟
اللللللللللللللله يآمحلآ وصوفه
بالحسن هذا / بأبصم بخمس


:

يالبى العرب ياناسسسسسسس

:

لو تلمس الورده كفوفه
بيّـن منآمل كفها اللمس
لو تمر النسمه تنوفه /
خايف يجيها منها مس

آممممم
أحب شعر الافارقه و عجايفهم
ودي اسوي مثلهم
بس امي ما ترضا

[w6n]

عسى الهون لاهل الهون.. والجود لاهل الجود
..................وعسى الله يعطي كل حي .. على ظنه

وعسى اهل النوايا الباطله.. والقلوب السود
..................يعاقبهم الله .. مايدخلهم ... الجـــنه

آمين

[w6n]

هو جوازي لا مسكته اشعر بكثر اعتزازي
يا بلادي اشهد اني فدوتج لامن نخيتي

تكثر العالم وكلٍ له دياره بس جوازي
يثبت ان العالم أجمع ما وصل قدر الكويتي !