موضوع الرسالة: نقاب + كحل + بنطلون +عباية على الكتف = تسكع في الاسواق!!..

[رفيعة-الشان]

هلا اختي عهد ..

معاك والله بكل كلمة قلتيها .. لكن لا حياة لمن تنادي ..

خذتهم مغريات الدنيا ونسو اخرتهم ونسو ان فوقهم من يراقبهم ..

بس انة بما اني من البحرين وقلة قليلة جداً جداً اللي هم في سني ويلبسون نقاب او غطا ..

يعني اقربج للصورة اكثر .. في المدرسة اللي كبري وفي سني ما في غير وحده تغطي وجهها ..

يعني الامر مو شايع عندنا كلش .. والامر نفسه للعباة اللي على الراس ..

انتي قارنتي على اساس مجتمعكم .. ان صار التمادي في لبس النقاب وفي العباة اللي على الراس

وللعلم تراني من اشد المعجبين بالبنت السعودية في لباسها وحشمتها وسترها ..

بس عندنا في البحرين لو بغيتي تقارنين في نوعين ..

طبعا النوعين يستخدمون العباة نفسها باختلاف الوسع والزينة اللي عليها ..اللي هي العباة اللي ع الكتف ..

لان العباة اللي على الكتف هي الشائعة عندنا فصارت ما تلفت النظر بالنسبة لمجتمعنا ..

في بنت تجيك بعباتها اللي على الكتف بس الواسعه الفظفاظة والمسكرة .. سوداء .. خالية من النقوش والزخارف اللي تجذب عيون الشباب .. وجهها على طبيعته خالي من الكحل والمساحيق وماشابه .. وتمشي في حالها .. مشية طبيعية ..

والبنت الثانية .. تجيك بعباة مدري كيف دخلت عليها .. ظيقة لاخر درجة .. من فوقها لي تحتها نقش .. وجهها مليان ميك اب .. مشيتها لاحول ولا قوة .. ريحتها تعطر المكان كلها .. وشعرها نصه طالع ..

هذا انة شرحت لكم البنات المتحجبات اللي عندنا ..

اما الباقي فكلهم سفووووووور .. يعني لا عباة ولا حجاب ..

هذول متروسين عندنا للأسف ..

فلا حول ولا قوة الا بالله ..

يعني انة لما ازوركم بالسعودية .. الصراحة يبهرني احتشامكم وستركم ..

والله يجازيكم انشالله :)

كل الشكر لج عهوود ..

[خربشة قلم]

وعليكم السلام ورحمة الله وبركاتة
جزاك الله خير عهوووده على الموضوع الأكثر من رائع
ومضوع في الصميم بس والله مازال الخير موجود في أمة محمد إلى قيام الساعة
زي مافي بنات بهذا الشكل هداهن الله فيه بنات ماشاء الله في حجابها وإستتارها ولا أزكي على الله أحد
(اقسم بالله العلي العظيم ثلاثا ان الرجال لا يشاهدون البنت او الفتاة المتسترة

والمحتشمه بشكل كامل وصاحبه العبايه على الراس بدون نقاب ..-

بل - يصدون عنها ويفتحون الطريق لها احتراما لها ولعفتها )أوافقك الرأي في هذا وهو مشاهد وملموس
ولله الحمد والكل يشهد بذلك بعكس تلك التي تلبس شبه العباءة وليست عباءة وماتعانيه في خروجها

[لمست دلع]

ايولله هذا هو شي الي نشوفه في الاسواق بس الله هم ثبتنا على دينك
وجزاك لله كل خير اختي