(( روحــــي فــــداك )) قصة حب كويتية..من تأليفي...

[هدباء]

جاسم وهو يحس نفسه رح يموت من اليوع قبل لا يطلع من غرفته وينزل للمطبخ التف لريم :_ انا نازل اخذ لي اشوي اكل على خفيف توصين على شي.

ريم تناظره :_ مشكور ما ابي شي .

طلع جاسم وهو يقول حتى لو تبي بتطلب مني انا ههههاي هذا ولا في الحلم يصير يا بعد جبدي يا جسوم تحلم وايد انت

بعدما طلع جاسم حست انها ارتاح تواجده يثيرها و يتركها مب مرتاحة بتصرفها و تحركها و قومتها و قعدتها .. قامت و افصخت فستانها الي لقت الصعوبة فيه اشوي و علقته بالكبت لانها لقت كبت زاهب لأغراضها و بدلت لبست لها صروال بلون الكحلي من الحرير و القميص بالمثل

و اطلعت للغرفة و افتحت تسريحتها الي كانت ناعمة وبسيطة لانة معظم شعرها كان مفتوح و امسحت كل المكياج من عينها و اظهرت ريم الهادئة الي بطيبعتها تسحر الواحد لنعومة ملامحها ارفعت شعرها بالكلبسة و مثل عوايدها كل ليلة قبل لا ترقد تقرى لها اشوية قرأن راحت لعند اجناطها المزهبين لسفر و افتحت وحدة اصغيرة فيها اغراضها الخاصة قبل لا تفتش على قرأنها لقت علبة عبارة عن هدية صغيرة و يحاوطها شريطة بلون الذهبي حملتها بيدها و بدت تفتحها و بالنهاية لقتها سلسال حلووو يتدلى منه قلب كبييير و مملي من الكرستال الامع برق بعيونها و انصدمت من منوا هذي الهدية لقت داخل العلبة ورقة مثبتة .. (( جاسم )) اندهشت اشلون تجرء يلمس جنطتي من دون اذني لا باين يباله تفهيم هالمينون سكرة العلبة وردتها للجنطة وسحبت قرأنها وفتحته و بدت تقرى .. بهالوقت وصل جاسم ما لقى شي ياكله شرب له كوب عصير و صعد اول ما دخل لقاها ريم ثانية مب الي جافها من اشوي ناظر نعومتها من دون اشيلة و من دون المكياج انبهر من حلاها و تم واقف يناظرها حست عليه لكنها ما عارته اي اهتمام من بعدها تحرك لسرير و لمن قعد رفع نظره لها

جاسم :_ ما رح ترقدين .

ريم احتراماً تقطع القرأن هزت راسها له بالنفي .

عصب جاسم اشفيها هذي لكن فهمها اكيد تبي تتهرب من الرقدة على السرير دام جذي انا الي برقد على الكنبة و يفضى لج السرير .. قام وتحرك للكنبة و سحب له لحاف و مخدة و حطهم له و اتسطح و كلها ربع ساعة ويروحها رقاد جاسم (( فديييته بطلي تعباااان نوم العوافي حبيبي )) لمن خلصت من القرأن ريم رفعت راسها و تفاجأة بأن جاسم راقد على الكنبة اشلون هاي ينام اهني ارقبته الحين بتنكسر ريم تنتبه لحالها انا شكوا احاتيه اهو الي رقد يتحمل تصرفاته المينونة مثله .. ناظرت السرير ولقته فاضي تخبلت عليه واسع و حلووو قامت و اتركت القرأن على الطاولة الزجاجية الي احالها و لمن وصلت لسرير انتبهت لجاسم بانه راقد و اللحاف متباعد و جسمه باين عليه برداااان حن قلبها عليه تحركت رح تغطيه و ادركت نفسها اشفيني انا اليوم اهو الي لازم يغطي حاله عدل انا مب امه اداريه بكيفه ردت رح ترقد بس منظر جاسم يتكر الواحد يحن عليه و خصوصاً قلب ريم الطيبة ما يعرف يقسى بيوم حتى لو على عدوينه تجاهلته ولكن هيهات طيبتها تتركها صارت بصراع تروح له او لا ولكنها بالنهاية سوت الي قلبها يبيه و تحركت له و حملت اللحاف وغطته حس عليها جاسم ولكنه ما فتح عينه .. لمن لحفته عدل اتركته برضى من قلبها وراحت ترقد اول ما ريحت جسمها حست بالتعب اشلون يتسلل من جسمها و تتخلص منه ياااااه اشكثر تعبت اليوووم رفعت يدها بتحطها تحت خدها انتبهت لدبلتها اشلون تلمع و محاوطة اصبوعها بحلا رووعة ادمعت عينها و اسحبتها من يدها و حطتها على الديرس و ارقدت لها اشوي قبل لا يمشون للمطار

………………………………………………………………………………………….

وليد الي كان على الكرسي و ساند راسه على ورى .. بدور بعد ما فصخت الاكسسوارات توجهت لغرفة التبديل لتبدل فستانها و تلبس اهدوم نومها

وقفها وليد لمن مسكها من يدها .. التفت له ناظرها :_ على وين يالحلا خلج بالأحمر احلى .

بدور تناظره تقربت و لمست جبينه :_ حبيبي شارب لك شي امصخن انت شي اليلة .

وليد :_ اي والله شارب لي كاسين .

بدور :_ حبيبي اليلة دخلة جاسم مب دخلتك .

وليد :_ وشنو فيها لمن تكون دخلتنا معاهم اصلا جسوم امبين ما بيسويها احنا نعوض بداله .

بدور :_ ههههههههههه وليد بسك قاعد تنكت لي باخر اليل رنيم راقدة ما ابيها تصحى .

وليد :_ دام جذي هم انا ما ابيها تصحى .

بدور تناظره :_ ليش .

وليد :_ ها اي عشان واايد تعبتج فوق ما الحمال متعبج و انا ابي راحتج فما رح اصحيها و تتعبج بعدين .

بدور تقرصه .. وليد ينقز :_ اااااااااااي اشفيج بدور علي .

بدور :_ عشان ما تجذب مرة ثانية .

وليد :_ تدرين بقول الصراحة ما ابيها تصحى لاني ابيج اليلة لي .

بدور تناظره :_ متأكد .

وليد :_ اكيدين .

بدور ببتهرب :_ عيل ثواني .

وليد ينتظرها تعطيه ظهرها و يحملها بدور و اهي تشهق :_ شتسوي نزلني تكفى .

وليد :_ عمري ما اتعامل مع اثواني .

.................................................. .................................................. ....

مضى هليل بالمح البصر .. لكن ريم ارقدت اشوية حست انها ارقدت الدهر كله من التعب .. كانت راقدة ويدها مثل اليهال على المخدة و عينها بهدوء روعة متراخية و ثمها المتورد الصغيير و خصلات من شعرها متدلين على جبينها و الحاف متباعد عنها جزئياً بسيط .. عجز يوصفها جاسم بهالحظة فترك لعينه تتمتع بحلاها و تناظرها شرد باله وعينه عليها .. بهالحظة صحت ريم وافتحت عينها بهدوء ما يحس فيه اي احد ما انتبه لها جاسم كان شارد .. انصدمت هذا اشقاعد يسوي ليش قاعد على السرير احذالي جذي اشفيه هذا

ريم و قلبها بدى يدق دقات خوف :_ جاسم .. جاسم .

جاسم كان باله مب مع ريم .. ريم الي احتارت اشلون تخليه ينتبه .. ارفعت اشوي من جسمها و راسها .. جاسم حس ان احد يتحرك التفت لها و لأول مرة يكون قرب اعيونهم من بعض هالكثر كان القرب شديد بين روسهم حتى ريم تحسست لتنفسات جاسم الي كان يصدرها من ثمه

ريم ترخي روحها و ترد راسها للمخدة :_ انت شتسوي اهني .

جاسم يناظرها ما عرف يرد عليها و بشنو يجاوبها

ريم :_ انت اشفيك .

جاسم حاول يجذب :_ كنت ياي أصحيج فيها شي .

ريم تتحرك و اتركت جاسم يعطيها المجال تقوم :_ لو سمحت مرة ثانية يكفي انك تحاجيني و رح اصحى ماله داعي تتقرب مني .

مشت عنه و اتركته .. تم يناظرها ليمن اختفت .. كان وده يمسكها و يصرخ من قلبه ليش اهي تعامله جذي لكنه تركها على راحتها فالشي توه و حياتها اليديدة توها باجر رح تتعود علي و رح تتفهم لوضعنا اكثر

قام على حيله و طلع من الغرفة و مزاجه كان متعكر من حركات ريم له و معاملتها الزفتة معاه يعطيها و اهي تواجهه بالعكس

اول ما طلع التقى بنوف كانت طالعة من غرفتها :_ جاسم صحيتوا .

جاسم من غير نفس :_ اي تونا شنوا زاهبة .

نوف :_ اي .

جاسم :_ سوي مسكول لعمي عشان ايي انا داخل ازهب حالي .

نوف :_ ريم زاهبة .

جاسم :_ توها صاحية الحين تزهب .

نوف تغمز لجاسم :_ ها بشر اشلونكم شخباركم .

جاسم يضحك :_ ههههههههههه انتوا بذمتكم مزوجيني بشنو هذي احسها كتلة من العناد ذبحتني من امبارح لحين .

نوف :_ زين زين زين هذي الي تعرف لرياييل فديتها ريووم ما تعطيك مجال .

جاسم يسحب نوف من شعرها :_ لا صج وخري عني لا اوريج الحين .

نوف :_ اااااااااااااي اشعري زين هدني يالخسيس .

جاسم يتركها :_ عشان تعرفين تتحجين عدل مرة ثانية يلا خلصيني و كلمي عمج لا يبطي علينا الطيارة نص ساعة بالكثير و رح تطير .

و مشى عنها و اول ما دخل غرفته راحت فيها ضحك عليه

لحظات و ازهبوا و وصل ناصر لهم طلع جاسم من الغرفة وهو حامل اجناطهم و بقت جنطة وحدة لاغراض ريم الخاصة احملتها اهي لانها كانت صغييرة و مب ثقييلة وااايد تجدم جاسم و ريم الحقته لمن اطلعت من غرفتهم سكرة الباب و انزلت اول ما نزلت لطابق الاول التقت بنوف تلف شيلتها

ريم :_ صباح الخير نوف .

نوف تلف لها :_ صباح النور ايوة ايوة شهالحلا طالعة حلوة اليوم .

ريم :_ عيونج الحلوة حبيبتي إلة جاسم نزل .

نوف :_ أي توه طالع و معاه الجناط لانة عمي ينتظره .

ريم :_ عيل لا نبطي عليهم توكلنا على الله .

نوف :_ و النعم بالله .

تحركوا ثنتينهم و اطلعوا من البيت

ناصر اول ما دخل جاسم :_ هلا هلا صباح الخير .

جاسم :_ اي صباح الله يهداك .

ناصر :_ افااا احين دخلتك امبارح و تقول اي صباح .

جاسم :_ اي دخلة الي انت تتحجى عنها .

ناصر :_ تعال زين اشصار .

جاسم :_ ااااااااااااااه يا قلبي عنييييييييييييييدة .

ناصر :_ هههههههههههههههههههه فديتها ريووم بتوريك الويل شكلها .

جاسم :_ لا تتحداني لا صج انا الي اوريها الويل .

ناصر :_ عيل اتحداك .

جاسم :_ اوووش وصلوا .

ضحك ناصر على جاسم وحالته اول مرة يشوفه جذي و اول مرة واحد يمشي رايه عليه يا بختج يا ريووم قدريت تسوينها

اركبوا نوف ورى عمها و ريم ورى جاسم

نوف :_ صباح الخير عمي .

ناصر :_ صباح النور .

ريم تتجاهل وجود جاسم :_ صباح الخير عمي .

ناصر :_ الله يصبحج بالخير .

ريم :_ تسلم .

ناصر :_ يسلمج ربي .

مشوا و كان طول الطريج مناقرة ناصر و نوف اشوي و سوالف جاسم و ناصر اما ريم كانت برة الجو ابجسمها معاهم و ببالها برة لشارع كان مظهر قريب الصبح روعة و تمت بهدوئها الي تفاجأ منه جاسم طول الطريج لروحتهم للمطار

نوف :_ ريم .. ريم وين شردتي .

ناصر الي سمع نوف و حب يحرج جاسم و ريم اكثر :_ في وين الله يهداج يا نوف اكيد اخوج امس ساحرها من حلاه بالبشت الأسود .

ريم تلتف بنفس الوقت الي التف فيه جاسم و ناظروا عمهم اهم الثنين

ناصر :_ خير خير انا ما قلت شي مب جذي نوف .

نوف :_ اي والله عمي بريأ .

جاسم :_ لا صج حلفي .

ريم :_ عمر احد بهالكون ما سحرني لأنة الجامل ما يعني لي بس منظر الشروق عاجبني وايد .

جاسم الي كان من القهر على ردها وده يعدلها بكم اسطار لكنه حقرها و ناصر فقعها ضحك لكنه كتمها .. و نوف اول مرة تجوف حركات اعناد ريم القوية

وصلوا للمطار بعد ربع ساعة و تحركوا كل من جاسم و ناصر ينزلون الجناط و ريم و نوف تجدموا يدخلون المطار

لحقوهم من بعدها ناصر و جاسم و هم بطريجهم

ناصر :_ جاسم تصدق اذا اقول لك اول مرة اجوف ريم جذي كأني ما اعرفها .

جاسم يناظره :_ ليش اهي تسوي لي جذي يعني الواحد بهدنيا ما يخطأ ليش ما تتفهم خطاي و تعذرني الي غلط مرة ماهب شرط يغلط مرتين و ثلاث .

ناصر يوقف و يلتف لجاسم :_ انا نفسي عجزت عن تفسير شخصية ريم الي اجوفها الحين و تصرفاتها و معاملتها ما ادري اشون الحل بس انت خلاص صرت زوجها يعني مالها مفر و لا ادري باي طريقى رح تهدى و ترد ريم الي اعرفها صدقني جاسم انا بقول لك حجي بينفعك ويمكن تقدر تتأقلم على ريم .. ريم الي تجوفها الحين ماهب ريم الي نعرفها كلنا ريم يا جاسم طيبة و طيبتها لو وزعوها على الكون كله تزيد ريم الي لمن تنظلم ما تشكي الباس و املها بربها كبير تفهمك و تداوي جروحك قبل لا تهمس بكلمة تعطيك حب و حنان ما يمتلكه حتى الأبو و الام بهزمانعندها الغلط ماهب عيب و تعذر كل من يغلط بدنياه حطها بعيونك و حاول مهما فشلت مرات و مرات انك تردها ريم الطيبة ريم الي انا اعرفها و احبها ولكن لا تيأس بيوم .. حطها بعيونك و سمع هذي مني زين اهي حتى لو في يوم حبتك بس كبريئها وااااايد يذبحها و ما تعترف بالشي بسهولة بس انت قدها و اعرفك كثر ما اعرف حالي و اكثر .

جاسم يلم عمه :_ مشكوووووور ريحت قلبي لمن عرفت شخصية ريم الحقيقية و بأذن الله اردها ريم الي تعرفونها و اكثر .

ناصر :_ هذا العهد فيك .

تـــــــــــــــــــــــــــــابــــــــــــــــــ ــــــــــــــــــــع

[هدباء]

جاسم :_ باين بطينا عليهم .

ناصر :_ تلقى ريم الحين تتوعد فيك .

جاسم :_ ههههههههه .

مشوا الثنين متحركين داخل المطار وين ما كانت ريم و نوف ينتظرونهم

نوف :_ هذولة في وين صيفوا ما صاروا اجناط ينزلونهم .

ريم :_ انتي ما تدرين يمكن صار لهم شي عطال صبري اشوي بعد .

نوف :_ اوب شكلهم وصلوا .

ريم :_ عيل خلنا نتجدمهم .

جاسم يناظرهم اشلون يمشون :_ جفت تبي تتهرب مني سحبت نوف و تجدموا حتى ما انتظرونا نمشي كلنا .

ناصر :_ اشقلنا تحملها هذي مرتك .

جاسم بتنهيدة :_ أاااااااااه الله العوين .

مشوا ليمن أصولوا لعند تسليم التذاكر طبعاً كانوا عند جاسم

ناصر لمن أوصلوا نزل الجناط على الأرض و التف لجاسم .. جاسم يناظره و يسبقه ويلمه :_ بتوحشنييييييييي عمي .

ناصر وهو يعانق جاسم بمودة :_ و انت بالمثل تحمل بالقمر الي وياك و تحمل بحالك ما اوصيك الله الله بحالكم .

جاسم :_ لا تصوي حريص عمي .

ابتعدوا عن بعض و تحرك جاسم لنوف :_ بشتاااااااااااق لنحاستنج و لقافتج نووووووووووووفي .

نوف و اهي تلم اخوها :_ بعد قلبي يا جسوم اشتاقت لك العافية و لقلبك تروحون و تردون بالسلامة ان شاء الله تحملوا بحالكم و تحمل بعروستنا ما اوصيك .

جاسم وهو يمد يدينه لريم تحركت له ريم بشوق و ارتمت على صدر عمها و انزلت دمعاتها على خدينها تم يناظرها جاسم اشلونة كتلة العناد و اتجاهل و عدم الاحساس يجوف هالمنظر منها

ناصر وهو يلمها :_ يلا عمري ريوووم لا تبجيني معاج تتهنين بسفركم ان شاء الله و ربي يسعدج بدنياج و اخرتج تحملي بحالج ما اوصيج .

ريم وسط ادموعها :_ بتوحشني عمي لا تقطع الاتصالات .

ناصر :_ شأتصالاته انتوا بشهر عسل لازم تكونون بعيدين عن الكل و تبقون لحالكم .

ريم تهمس لعمها :_ عمي تعرفني مع هالمينون لحالنا بموت انا .

ناصر يسحبها لبعيد عن نوف وجاسم :_ ريم عمري انا زعلان عليج و انا الي عمري ما زعلت على احد بهدنيا تدرين ليش .

ريم :_ حشاك من الزعل علي ليش عمي .

ناصر :_ لانج مب ريم الي اعرفها انا .

ريم تناظر عمها :_ شتبيني اسوي .

ناصر :_ مب انا الي اعلمج وين ريم الي تعلمني قبل لا اعلمها انتي وحدج تعرفين شنو تسوين الي ابيه منج تهدين وتفكرين اشوي بعقلج هالكبير و متأكد انج بترسين على زينة العقل كله .

ريم تلم عمها :_ يصير خير عمي .

من كلمتها تخوف ناصر باين ريم صعب ترد ريم الي قبل ولكن الله موجود و الأمل فيه كبيير ما لازم نفقد الأمل دوووم

ريم بعد عمها ناظرت نوف و تحركوا اثنتين لأحضان بعض و لموا بعض

نوف :_ بتوحشيني يا احلى عروووووووس جافتها عيني بهدنيا .

ريم :_ و انتي يا احلى بنت عم بتوحشيني حبيبتي .

نوف :_ فديت الغوالي ها ها حطي اخوي بعيونج .

ريم و اهي تتدارك كلمة نوف :_ لا تصوين حريص ( التف جاسم يناظر ريم بأستغراب ) من عيوني هاي قبل هاي سلمي على الأهل كلهم .

نوف :_ يوصل يالغلا كله يلا تروحون و تردون لنا بسلامة لا تبطوون ترا بتوحشونا وااايد .

ريم :_ من عيوني .

اتركوا بعض و تحرك جاسم مع ريم لعند داخل و عيون كل من ناصر و نوف تراقبهم

مشت ريم و كانت مثل الياهل حذال جاسم لحجمها الصغير و الناعم حمل الجناط جاسم و مشوا وصلوا سلم التذاكر و ادخلوا لداخل التفوا لأخر مرة

ناصر يناظر جاسم و يبتسم بادله جاسم بالمثل و نوف طيرة بوسة بالهوى لريم و ريم بالمثل و اغمزة لعمها و تحركوا

مشوا من بعدها لداخل و اطلعوا للجو الطبيعي بقرب الصبح و اركبوا على الدري ليمن أوصلوا ليدخلون الطيارة ارفعت عينها ريم لسمى و ناظرة سمى ابلادها .. دعت من قلبها يردها سلامة لهلبلاد الي اصبحت قطعة من روحها سكرة عينها لنسمة عابرة ادمعت عينها و اركبوا لمن ادخلوا كان الطريج اشوي ضيق و كانوا يمشون حذال بعض أدعمت يد جاسم بيد ريم و التفتوا لبعض الثنين .. ريم صابتها ردة فعل عكسية كانت رح تناظره باحتقار و فجأة أبتسمت لجاسم و مشت عنه متوجها لمقعدها .. أنصدم جاسم أشفيها معقولة ريم تبتسم لي .. ريم من صوب ثانية اشوي و تسطر حالها على غبائها أشلون ابتسمت لهالمينون المغرور .. وصلت و اقعدة حذال الدريشة و المقعد الي احذالها تماماً مقعد جاسم وصل بعدها و قعد و وطى راسه يربط الحزام و لحظات و يسمع صوت :_ خل عنك الحزام و رحب فينا يالكبتن .

رفع راسه جاسم و لقى هذا ارفيجه بالدوام دوماً معاه بخط الطيران و المرافق له

جاسم يوقف له :_ هلا والله بحمد .

حمد :_ هلا فيك وين هالغيبة كلها .

جاسم :_ الدنيا و مشاغلها .

حمد يناظر يد جاسم :_ أوووووه تزوجت و سبقتنا .

جاسم :_ هههههههه هذا النصيب و المقدر و المكتوب .

حمد يهمس لجاسم :_ لا تقول الحلا كله هذي مرتك .

جاسم يقرص حمد :_ اذبحك ان تغزلت فيها اعرف سوالفك زين .

حمد :_ ههههههه ولو نتغشمر يا اخي .. ( يلتفت لريم ) هلا أن شاء الله ابخير ياشيخة .

ريم ترفع عينها له :_ هلا والله تشرفنا ابخير و عافية .

حمد :_ اشرف لي والله عساه دوم ولو اجت متأخرة الف مبروووك على الزواج .

جاسم :_ لا متأخرة و لا شي اليلة كان زواجنا و ما رقدنا خلصنا العرس و باجناطنا على الطيارة .

حمد :_ اوب اوب اوب يعني بتقولون لي هذا شعر العسل يا كبتن .

جاسم :_ تقريباً .

حمد :_ إلة اكيد تتهنون أن شاء الله .

جاسم :_ يهنيك يا ربي .

ريم :_ تسلم هذا من ذوقك يا اخوي .

حمد :_ ويسلمج ربي يلا أستأذن انا في أمان الله .

جاسم :_ بحفظه ورعايته .

مشى حمد عنهم و ارتاح جاسم ان ريم ما رح تزودها و تبين اعنادها مع الناس قعد بمحله و سكر الحزام .. اما ريم الي كان السفر بالطيارة اول مرة لها ما كانت تعرف للحزام فتورطة فكرة تخبر جاسم ولكنها مستحيل تقول له معناتها رح يتقرب مني مستحيل .. لفت الحزام عليها بحيث يبان انه مربوط و وهو لو تتحرك ينفتح بسرعة .. و بعد لحظات أعلنوا أقلاع الطائرة بدى قلب ريم يدق بخوف اهي تخاف من الطيارة و ارتجافها حست نفسها رح تطلع روحها من الخوف و فوق هذا مب مسكرة الحزام امسكت حالها من الخوف و حاولت تلهي نفسها

انتبه لها جاسم و لقاها بالحيل خايفة اشفيها ريم

جاسم وقلبه عليها :_ ريم عسا ما شر فيج شي .

ريم و تنتبه له و الخوف باين عليها بوضوح الشمس :_ سلامتك و لا شي .

جاسم قلبه قارصه بان ريم فيها شي تمت اعيونه عليها من بعيد بحيث لا يحسسها و أول ما اقلعت الطيارة ارتجفت الطيارة بقوة و كل الركاب كانوا متمسكين و لحظات و تستقر الطائرة بوضعيتها السليمة بالجو .. بهالحظة ردت لوعيها ريم و حست نفسها اهي مخبية بشي افتحت عينها تناظر شي ظلام حست انها داعسة ويها بمكان بس وين مب عارفة ارفعت راسها اشوي اشوي و اشهقت بقوتها لمن لقت نفسها بحظن جاسم ما كانت تعرف شلي صار غير انها حست نفسها طاحت بشي بس شنو ما كانت تدري من الخوف

ارفعت جسمها كلياً عن جاسم و ردت لكرسيها و اهي موطية راسها .. جاسم الي كان قلبه من الخوف عليها بلي سوته :_ ليش ما سكرتي الحزام .

ريم و اهي تناظره بخجل :_ ما عرفت اسكره و تركته مفتوح .

جاسم :_ و ليش ما خبرتيني اساعدج او حتى اعلمج .

ريم حست جاسم معاه الحق ما تقدر ترد عليه بشي :_ اسفة .

جاسم :_ ماله داعي الأسف تحركي اشوي على ورى رح اسكر لج .

ريم تناظره :_ بس .

يقاطعها جاسم :_ هالمرة عدت بالنزلة ترى الرجفة تكون اقوى لا تقولين بس و لا غيره .

اسندت حالها على الكرسي و تقرب جاسم منها ليسكر الحزام كان القرب الي بينهم وااايد حتى ريم نفسها حست بخدينها يتوردون من الخجل لقرب جاسم احذالها .. سكره جاسم لها و رد لكرسيه :_ تامرين على شي غيره .

ريم :_ لا مشكور .

جاسم :_ العفو .

ارتاح جاسم وهو للحينه معصب كانت معرضة حالها للخطر و لا تتكلم اشفيها ليش تعاملني جذي ليمتى بتم تعاملني مثل الغريب انا زوجها .. اااااااااه ريحت قلبي و فرحت ابوي و ريحت يدي ويدتي و بديت بعذاب اكثر مجبور و فوق هذا اتحمل اني غريب بنسبة لها و اهي زوجتي و حلالي بهالحظات حس جاسم جمال ريم ما عاد شي يتركه ينغرم فيها حسها سجن له و مجبور انه ينسجن معاها العمر كله لانه مقدر و مكتوب تكون حياته جذي

من التعب سكر عينه السفرة رح يطول من الكويت لي باريس و ارخى جسمه و ارتاح جزئياً و بعد لحظات غرق جاسم بالرقاد الي تميز بهدوئه وراحته الحلوة

التفت له ريم ولقت راقد جامل جاسم يسرق كل العيون لتتمتع فيه و تنأسر له اهو وحده بقت تناظره ريم و تناظر كل ملامحه المتساجمة الهادئة و عيونه الي كانت اروع ما في ويهه لمن تكون مفتوحة و خشمه الي كان رسمه يظهر روعة خلق الله سبحانه وتعالى لعباده كان بدقة متناهلة بالشكل و روووعة بطوله و أناقته .. المعت عينها و وطت راسها لانها بهالحظات تذكرت كلام عمها و كلام الكل لها .. كل منهم يبونها ريم الي عرفوها ولكن اهي وشلون تعطيهم ريم الي عرفوها اذا اهي نفسها ما تعرف وين ريم الي عرفتها اهي نفسها

انزلت دمعاتها الدافية على خدينها و تركت لهم العنان و اسندت راسها و دموعها كانت تشمي بهدوء على خدينها كانت تحلم بهالحظة لو تمتلك ذرات الأمل ولو بس ذرة يمكن قدرة تسع جاسم معاها ولكن اهي ضايعة فشلون تقدر تسعد احد معاها بهضياع .. تمنت لو احد يسمعها و يفهمها تمنت لو صدر تبجي عليه تمنت لو في يد قلب حنون تمسح دمعتها و تلمها تحسسه بالأمان ولكن بهالغربة صعب .. سكرة عينها و قلبها مقهور على الي يصيبها و شاركة جاسم بالرقاد و اغرقوا اثنينهم بنوم هادء تمتعوا اهم الثنين فيه

.................................................. ............................................

بأرضاي الكويت وين ما كان ناصر توه موصل نوف لبيتهم

نوف :_ عمي تهقى رح يقدون يعيشون مع بعض اذا اهم مجبورين في بعض.

ناصر يتنهد :_ اااااااه جاسم مغصوب بريم ولكنه راضي بحظه لكن ريم الي مب لاقي تفسير لها اول مرة بعمري احس اني ما اعرفها و احسها غريبة و لا اهي ريم الي انا عمها واهي بنت اخوي احسها ريم ثانية حاولت الاقي فيها شي يعطيني الاحساس انها ريم الي قبل ما لقيت غير ادموعها .

نوف :_ ربي يسهل لهم الدرب و هذي كتبت الله و رب العالمين بكل شي يكتبه له الحكمة فيه و الي اجوف انا ريم وجاسم اكثر اثنين منسجمين و مناسبين لبعض و كأن الحيات و الناس و الكون كله كاتبهم لبعض .

ناصر :_ هم انا احس جذي بس الله يسعدهم ان شاء الله .

نوف :_ الله يسمع منك يلا نلقاك على خير والله حدي تعباااااانة .

ناصر :_ مي تو .

نوف :_ يلا عمي على خير نلقاك مع سلامة .

ناصر :_ على خير ربي يسلمج من الشر .

انزلت نوف من السيارة و تحرك ناصر لبيتهم .. اول ما ادخلت لقت الساعة تقريباً 4:45 يعني تقريباً خمس الة ربع الفير اصعدت لفوق و ادخلت دارها رمت بعمرها من التعب و اغرقة بسابع نومة و لا حست على حالها

اشرق هصباح على العايلة وهم يحملون احلى الفرح يجمع احلى شملين تنموا يلقونهم لبعض طول العمر .. ببيت ابو طلال كان لريم وحشة اكبيرة و اولها بالفطور كانت دوم تكون على يمين ابوها ولكن اليوم ما عادة بينهم

دخلت لولوه بمرحها :_ صباااح الخير .

ام طلال :_ يصبحج بالخير يا يمه يلسي افطري .

لولوه :_ يمااااه احس روحي من التعب رح اطيح عليج هد حيلنا عرس ريووم فديتها .

ابو طلال :_ لها وحشة بينا الله يسعده ان شاء الله ويهنيها .

طلال الي كان توه داخل :_ اي والله يبه احس الفطور بليا ريم وهو على يمينك ماله معنى .

تــــــــــــــــــــــــــــــابـــــــــــــــــ ـــــع

[هدباء]

ابو طلال يناظر كرسي ريم :_ روحت العيال بعد ما تربيهم و تكبرهم صعبة ولكن الحمدالله اهي اول من ارتاح قلبي عليها و تطمنت لمن اصبحت برعاية ولد عمها جاسم و اهو ريال ينشد العهد فيه .

طلال يقعد احذال لولوه :_ اقووووووول عمري عاد احين ابيج تخبريني شخبار عرسكم امبارح .

لولوه :_ لا تلف و تدور قول شخبار حبيبتي مروة .

طلال :_ يا عيني عليج تفهمينها و هي طايرة .

لولوه بلعانة :_ عبالك انا ريم تعلمك بكل شي اقول استح على ويهك و اذلف عن ويهي والله بتخليني ما رح اكل في احد يجابل ويهك انت من الصبح .

طلال يدوس على ريول لولوه بقوة .. لولوه :_ اااااااااااي .

طلال :_ يعلج بهالحال و اردى عشان تتعلمين تردين على اخوج العود اشلون .

لولوه :_ مالت عليك .

.................................................. .........................................

ببيت مشعل .. زياد كان لاعن هاليوم بكبره الحين جاسم ماعاد بالكويت لمنوا يتناحس و لمنوا يشكي له ولمنوا يطلع معاه لمن يزهق والله حالة .. رد سكر عينه و رقد ما وده هصبح يشرق بالمولية

ادخلت عليه امه بهالوقت :_ يمه زياد يمه فديت عمرك قوم بسك ارقاد صارة 9 الصبح وللحينك راقد ماهب من عوايدك .

زياد برقاده :_ امممممممم خليني ارقد يمه تعبااا بالحيل .

ام مشعل :_ يمه بيقرب الظهر و انت لحينك ما صحيت قوم بلا عيارتك هذي .

زياد يبي يسكت امه :_ ان شاء الله قامي الحين .

ام مشعل و تروح تفتح الستارة و تترك لأشعة الشمس تتخلل غرفة زياد :_ اي يا يمه يلا قوم .

و اتركته وطلعت صحى ناظر تلفونه على الديرس اخذه و افتحه و اول ما قتحه صله مسج تفاجأة منوا يطرش له مسج هالوقت لقى المرسل جاسم تعدل بقعدته بالمحل البصر و فتح المسج

جاسم :_ حبيبي زيود بتوحشني حبيت اودعك قبل لا اسافر ولكن قلت اكيد راقد ما ابي اصحيك بتوحشني يا بعد عمري تحمل بحالك ...

ابتسم زياد و حس بالنشاط يعمر فيه حس بان جاسم معاه دوم حتى لو اهو ابعيد فقام على حيله و دخل يغسل ويهه لينزل تحت

.................................................. .................................................. .

مرت ساعات و ساعات و الطيارة بالجو تسري تحمل الى عروسين لعش حياتهم اليديدة و تحمل معاهم احلى لحظات تجمعهم بوقت واحد و بمكان واحد وبلحظة وحدة و لا يفرقهم لازمن و لا يوم و لا اي شي يمكن يبعد الروح عن جسدها

تحرك جاسم و فتح عينه بهدوء تحسس للهدوء الي يمه لقاها ريم راقدة مثل الياهل انتبه لخدينها تقرب منهم حسهم مبللين ناظر ارموش عينها و شاح ويهه عنها باين عليها كانت تبجي .. رد يناظرها و بقى قلبه يحاورها .. فهميني يا ريم اشلون افهمج علميني وشلون اقول لج ان هذا مقدر و مكتوب ....

سند راسه لكرسيه و ناظر سقف الطيارة حس نفسه يعيش بسجن قام و تحرك من مقعده و توجه لبداية الطيارة لعند غرفة الكبتن اول ما وصل وفتح الباب لقا الكبتن رامي و حمد يديرون تحرك الطائرة .. التف حمد و تونس بشوفة جاسم :_ هلا هلا بكبتنا .

الكبتن رايم :_ هلاااااااا جاسم حيالله معرسنا يقولون تزوجت بالمبارك ان شاء الله .

جاسم :_ الله يبارج بحياتك يا اخوي .. اقول اشباقي على الرحلة لنوصل .

حمد :_ بالكثير نص ساعة .

جاسم :_ اهااا مشكوور اخليكم بس ياي عند ركن المظيفات اخذ لي شي اشربه .

رامي :_ بالعافية .

جاسم :_ يعافيك ربي عن اذنكم .

ريم بهالحظات صحت لقت كرسي جاسم فاضي أستغربت وين راح رفعت يدها لقتها 9 الصبح بتوقيت الكويت بس باين لازم تعدل ساعتها على توقيت باريس لمن يوصلون .. وصل جاسم و كان بيده كوفي :_ صحيتي .

ناظرته ريم :_ اي .

جاسم وهو يقعد :_ صباح الخير .

ريم و اهي موطية راسها تسحب جنظتها الصغيرة :_ صباح النور .

جاسم :_ اذا تبين شي تاكلينه او تشربينه قولي .

ريم ترفع راسها :_ لا مشكور بس مطولين ليمن نوصل .

جاسم يناظرها :_ تقريباً نص ساعة بالكثير .

ريم احتارت تقول له يظبط ساعتها على توقيت باريس او لا ترددت وايد لكن ما تبي تورط حالها مثل لمن ما سكرة الحزام

ريم :_ جاسم .

ارتعش قلبه لمن سمع اسمه على لسانها و التف لها :_ لبيه .

فتحت ساعتها و مدت يدها له :_ انا ما اعرف فارق الوقت بينا و بين باريس اذا تقدر تظبطها لي .

ناظرها جاسم و من بعدها نزل عينه لساعة لقاها ناعمة و اصغيرة رفع عينه :_ ان شاء الله .

مد يده بياخذ الساعة و بالغلط طاحت اثنينهم بنفس الوقت انزلوا راسهم ليدورونها رفع نظره جاسم بنفس الوقت الي رفعة نظرها ريم .. تبعدت ريم عنه واهو وطى راسه اكثر و سحبها ... ريم الي حست نفسها رح تموت من الخجل منه و حظها يعاكسها دوم يحرجها معاه ياربي على حظي القرد

جاسم :_ تفضلي الحين تقريباً بنسبة لباريس 9 اليل مب الصبح .

ريم :_ مشكور .

جاسم :_ العفو .

بقى الهدوء سيد الموقف ليمن مضت نص ساعة تقريباً .. بس هالمرة بالنزلة الحزام مسكر يعني ما في خوف .. انزلت الطيارة برجفة قوية اشوي ولكن تحملتها ريم .. وقفت الطيارا و بدوا ينزلون كان اقبال ريم و جاسم ريال اكبير بعمر ابو وليد معاه مرته يعني نقدر نقول يد و يدة انتظروا جاسم يوقف و ريم و الريال وقف جاسم بهالوقت

الريال :_ السلام عليكم .

جاسم وهو مشتغرب :_ و عليكم السلام .

الريال :_ يا ولدي لا انا اعرفك و لا انت تعرفني بس حبيت اقول لك شغلة بسيطة .

جاسم ابتسم له وهو يناظر ريم :_ خير عمي تفضل .

الريال :_ انتوا واااايد مناسبين لبعض عمري يا ولدي عشته ما جفت زوج و زوجة بهذا الأنسجام سبحان الله ربي صوركم لبعض و جمعكم و يهنيكم ان شاء الله .

ريم تناظر جاسم و جاسم التف يناظرها اثنينهم واقعين ببحور الحيرة و الاستغراب .. جاسم :_ بس عمي اشدراك ان انا زوجها و اهي مرتي .

الريال :_ ما علينا هالحكرات يعيال باين يا ولدي ربي يسعدكم في أمان الله .

جاسم وهو يبتسم :_ في حفظه ورعايته .

مشى الريال و اوقفوا جاسم و ريم .. ريم تناظره :_ امطول اهني .

جاسم ينتبه لريم :_ اوب السموحة تفضلي .

مشت ريم جدام جاسم و من بعدها جاسم انزلوا من الطيار و الثلج كان هاطل على باريس بكثرة و ريم اول ما انزلت من الطيارة رفعت عينها لسمى تناظر اثلج اشلون كان روعة و مباني باريس كانت باليل بانوارها تهبل الجو كان فضيع و ريم انهبلت من حلاة هالجو و لكن اجتاحها البرد بقسوة و بدت ترجف و ما تقدر تمسك حالها انتبه لها جاسم :_ اسف ما خبرتج ببرودة باريس عشان تاخذين احتياطج و تلبسين لج شي يدفيج .

ريم تناظره :_ مب مشكلة .

جاسم بدى يعصب للحينها على استحقارها لي و مجاملتها لي بالمعاملة مهاي كاني واحد غريب

مشوا على الدري الي ممدود من الطائرة للأرض .. و بأخر عتبة كانت رفيعة و ريم تخوفت منها اشوي جاسم حس هشي فالتف لها و مد يده لتمسكها

ريم :_ مشكور اقدر انزل .

جاسم :_ بس واايد رفيعة خليني اساعدج .

ريم :_ قلت لك اقدر ما يحتاج تساعدني .

لكن جاسم كان واقف باستعداده لو حسها رح تطيح رح يمسكها بسرعة و لكنها اتقنت النزلة برغم من حجمها الصغير هز راسه جاسم من تصرفاتها و مشى عنها .. ريم عصبت اشفيه هذا مشى عني ليش حتى ما وقف ينطرني فحاولت تلحق به و تسرع من مشيتها اتعبت و اهي تمشي بسرعة و البرد مثلجها بالحيل ليمن ادخلوا للمطار و ادخل وراه وقدرة توصل له

و تمت تمشي وراه و البرد مجتاحها من اول جسمها لأخره .. وصلوا و اخذوا اجناطهم و حسها بالحيل بردانة لحينها ترجف و برغم اهم بالمطار للحين ما اطلعوا .. فصخ جاكيته و تحرك ليكون بمستوا معاها بالمشي و لبسها اياه ..

ريم تلتف له :_ ما اشكور ما ابيه .

جاسم يناظرها باستحقار :_ ما انتظر تبينه او لا لبسيه .

و تحرك عنها وقفت تناظره بقهر اشفيه هذا يفرض رايه علي .. التف لها :_ انا مب ناطر احد فاحسن لج بلا عنادج بهالوقت و امشي .

عصبت و اضربت بريولها على الارض و مشت وراه و القهر يعمر فيها و بأوصالها .. جاسم الي حس بدى يكره تصرفاتها معاه و بدى يعصب عليها لكنه تعوذ من ابليس و تم يمشي طلع و انتظرها تيي وصلت بعد ثواني و اركبوا بالتكسي و طلب منه جاسم يوصله على احدى العمارات الي شققها فخمة

و طول الطريج ريم كانت معصبة ولكن مناظر و شوارع باريس و الهوى كان يسحر من يناظره و يعيش بوسطه فتم نظرها طول الطريج لبرة الشارع و جاسم كان هذا الهدوء راحة لقلبه هدى اشوي و ريح نفسه من عصبيته الي بجت تعمر فيه من اشوي ما كان حاب ريم تقدر بيوم تعصبه ما يبي يفشل جدامها و يعصب يبي اكثر ما يكون انه يصبر و يتحمل ما تسويه له

بعد نص ساعة لبعد مسافة المطار عن شقتهم أوصلوا و لمن أنلزوا تبين لريم أن الشقة الي رح يسكنون فيها مب عمارة بل فندق و فخم واااايد أول ما ادخلوا بالطابق الأول كان هناك جهة للأستقبال و جهة الثانية كوفي شوب و حذاله مكان لبوفيه مأكولات الفندق و بجهة اخيرة سوبر ماركت كبير .. توجه جاسم للأستقبال و اخذ مفاتيح شقتهم طبعاً كان هذا الفندق كل ما أيي باريس جاسم يكون مقره الرئيسي فمتعود على هذي الفخامة في باريس اما ريم الي انهبلت من حلاة الفندق و تمت تناظر الناس و العالم ليمن أوصلوا للمصعد و أركبوا كان المصعد عبارة عن زوجاج كامل يطل على الطابق الأول ليمن وصلوا لطابق الخامس وين ما شقتهم موجودة و كان مب شقة بل جناح بأكمله لهم بس اهم الثنين .. وصلوا لجناحهم و فتح الباب جاسم .. و التف للكرسون الي كان حامل جناطهم عطاه اجرته و اخذ الجناط ريم ما انتظرته و ادخلت قبله و قامت تتنقل بالجناح كان فخم و واسع صالتين مفتوحين على بعض و مطبخ بالصالة الثانية مفتوح على الصالة و غرفتين و كل غرفة لها حمامها الخاص غير الحمام الي لصالتين و بلكون له باب واسع و كبير بصالة الثانية و غرفة من الغرفتين لها بلكون و كان الفندق يطل على البحر .. اندهشت ريم من هالفخامة و دقة التصميم

و روعة التنسيق الحلو و المنسجم من الوان و من اكسسوارات اثاث و طاولات زجاج و كراسي و كل شي فكان الشي متكامل بالوحة روعة تسحر من يناظرها

دخل جاسم و التعب على محياه و العصبية من تصرفات ريم للحينها فيه باخر ذراتها .. دخل و بيدينه الجناط و سحبهم معاه حطاهم و قعد على الكرسي من التعب رمى بحاله مثل الميت الي مب قادر يملك التحكم على السيطرة لجسمه و عيونه كانت من التعب مب قادر يفتحها بالصورة الكاملة لها فكانت بشكل العيون الناعسة حط يده على جبينه و تغطت عيونه و سكر عيونه و سند راسه لورى .. كل هذا كان بنظر عيون ريم له و اهي واقفة حذال الدريشة الكبيرة الي بصالة الأولة لمن ناظرت جاسم جذي خافت حسبت فيه شي لكنها تجاهلته و تحركت لجناطها بتاخذهم معاها و قرارها اتخذته اهي بغرفة و واهو بغرفة و من دون ما تاخذ الأذن من جاسم و لا كأنة له اعتبار بحياتها

جاسم حس على تحركها رفع يده و فتح عينه :_ ريم تركي الجناط من يدج و تعالي ابيج .

ريم التفت له تناظره اشيبي فيني :_ شلي تبيه مني .

جاسم يرفع نظره لها و يكلمها بجدية و يمسك اعصابه :_ ريم ( حس نبرته تمتلكها العصبية بشدة و خففها ) ابي اكلمج هذي فيها حرام بعد و مب من حقي .

ريم وطت راسها حست انها فعلاً زودتها :_ أن شاء الله .

و مشت بكل طواعية للكرسي الي اقبال جاسم و اقعدت عليه

ريم :_ أمر .

أستغرب جاسم ريم العنيدة المغرورة تتحول بثواني لبنت يحويها الخجل و الهدوء الملائكي و تكون تحت أمري هذي الي بتينني معاها

جاسم وهو يكور يدينه على بعضهم :_ بسألج بكل صراحة و أبي منج جواب بمثل صراحتي أوكي .

ريم و أهي تسترجع ريم الي قبل :_ أنت تامر بس سم .

تـــــــــــــــــــــــابــــــــــــــــــــــــ ــــــع

[هدباء]

جاسم يزيد أستغرابه منها :_ ليش تعامليني جذي ريم سمعيني أنا زوجج مب ولد عمج بحسبة قبل الي تعودتي عليها انتي الحين مرتي انتي انسانة انا اصونها و اداريها و اوفر لها الراحة و كل شي قبل لا اسوي كل هذا لحالي ليش تتركين الفراغ بينا ليش تبتعدين ليش تعامليني بمثل الغريب ممكن أفهم منج .

ريم توطي راسها :_ وليش تبي تعرف ؟

جاسم :_ مب من حقي ؟

ريم :_ انت زوجي بالاسم و بس بالمظهر لا غير بس الي بينا اعتبره مثل اخوان او حتى أصدقاء بس نكون بيوم كزوج و زوجة ما أقدر أنت يا جاسم أبيك بنفسك تجاوبني عمرك كله لقيت فاقد يقدر يعطي .

جاسم الي انجرح قلبه لمن سمعها تقول مثل اخوان بس كزوجين ما اقدر :_ طبعاً لا .

ريم :_ و أنت قلتها و لسانك يشهد عليك انا فاقدة الأحساس ما أقدر أحس لا بفرح و لا حتى حزن لا بزعل و لا حتى بقهر فشلون تبي أعطيك أحساس مني و الي تبيه اصعب احساس وهو احساس الحب هذا ما يمتلكه كل من يكون بالخصوص انت ما اقدر اعطيك الحب لانك ربيت بخيالي شي مجبورة فيه و انا لك سجينة بحياتك و الي احسه اهو شي واحد وليته يريحني الي احسه اهو غربتي معاك وبس .

جاسم زاد جرح قلبه من كلام ريم و المعت عينه بالدموع و ريم تواصل بكلامها :_ الناس همها تحقق الي تبيه و لا يهمها وش يصير من وراها يهون عليها فقد أرواح مقابل تلقى الي تبيه و تتمناه و هلي قبلوا يجبروني لأبيع عمري كله بالرخيص و اعيش بظلم و قهر و نار تحرقني بيوفي مع أنسان ما أسح إلة بالغربة معاه وليت الغربة أحساس القى الهنا فيه .

سالت أدموعها الدافية على خدينها و نسحبت من جدام أنظار جاسم و أدخلت الغرفة الواسعة و رمت بعمرها على الكنبة الطويلة و بدت تبجي و تركت الباب مفتوح .. تقطع قلبه جاسم لمن سمعها تبجي و الي جرحه زود كلامها ما كان يعرف وشلون رح يقدر يداويها وشلون رح يقدر يردها ريم الي قبل سند راسه و سالت ادموعه و صوت ريم لعنده واصل بعد نص ساعة ما عاد يسمع حس لبجيها تحرك لغرفتها و فتح الباب على هدوء و لقاها على الكنبة و الدريشة مفتوحة و البرد يجتاح المكان .. تحرك لدريشة و سكرها و شغل جهاز التدفئة بالغرفة و تحرك لها لعند الكنبة قعد على ركبتينه و اصبح مستوى راسه تقريباً ارفع منها بشوي .. رفع يده بتردد و بالنهاية استقرت على شعرها المتهادل بدى يمسح على راسها وهو يتحسس لتنفسها الهادء تم يناظر حلاها و نعومتها وشلون هالبرائة تحمل جرح لمن تسمع ونينه يقسم القلب نصين .. وقف على حيله و تقرب لها و حملها .. كانت من التعب مب حاسة بحالها رمت براسها على صدر جاسم التف يناظرها وشلون رامية بعمرها عليه ابتسم و اخذها لسرير و لحفها و قبل لا يتبعد عنها تقرب لها و باسها على جبينها رفع راسه لقى يدها المرتمية على الوسادة و الدبلة محاوطة أصبوعها و تلمع بشكل روعة

تركها ترقد و تحرك و طلع بهدوء و سكر الباب

.................................................. ...................

سؤال واحد شلي تخبيه الأيام لهم ؟

بأنتظااااااااااااااار تفاعلكم الحلوووووووووو

اتمنى عجبكم

[Kool-Kat]

الصراحه ما أعرف كيف اعبر و الله القصه رووووعه

لا تتأخري علينا نحن ننتظرك

و الله يعطيك العافيه

[أوووب صاحيه]

يسلمو على البارت مع أني ماقريته.....
بسبب الإمتحانتات.....

إن شاء الله أول ما أقراه أرد عليك......

[نتوفه]

رووووووووووعه وننتظر التكمله

[حبر وردي]

إبداااااااع حييييييل حلو هالبارت ...
ومتحمسه واااااااايد للتكمله ...
يعطيك العافيه هدوب ..
في انتظارك ...

[Nootah]

مشكورة على البارت الأكثر من رووعة

وننتظر التكملة

[بنت الصحابة]

شكرا على البارت الجديد ننتظر الباقي
متـــــــــــــــــابعة