بصراحه موضوع الجار إحنا مقصرين فيه كثير
الحين لنا سنه ساكنين بيتنا ونعرف جيراننا بعائلتهم فقط !
ولا في أي تواصل بيننا وبينهم !!
وأنا صراحه رمضان الي راح تعرفت على بنت الجيران في المسجد
في صلاه التراويح وصار بينا زيارات وسعه صدر وماطولوا كم شهر ونقلوا 
اما الرجال مسوين دوريه بينهم كل شهر وأشوف أبوي راح مرتين وبطل يروح !!
أما الحريم أنا أقول لامي نبي نجمعهم ببيتنا نتعرف عليهم وأهم شي نتعرف على بناتهم 
وامي تقول طيب طيب !! ولا أدري متى !!
وبصراحه انا ملاحظه بعض احياء الرياض الجيران ماشاء الله مترابطين وزيارات ووناسه وبعضهم ما احد يعرف احد !!
وأهل الرياض أدرى بهالاحياء ,,
مرة اتصلت على صديقتي الفجر اسولف قالت انا بروح اتقهوى الحين
قلت بدري ؟؟ قالت الجيران عندنا ,, أنا تعجبت زيارة الفجر ؟؟ قالت سهراانين من امس
ماشاء الله تحسين بسااطه وناس على طبيتهم وناسه ..
شكرا على الموضوع,,