ماذا تَعلمتِ اليوم ؟؟

**Unique angel** · منذ /15-01-2009, 02:09 AM

قبل كل شيء ,, أشتقت لك كثيرا يا أشواق = )

تعلمت اليوم ,,
أن هناك انااس لم أرهم يوما ولم يروني
ولكنني أشعر بأنني رأيت قلوبهم قبل مظهرهم
أحبهم ويحبوني
أحن إليهم ويحنون إلي
أشعر وكأنهم قريبييين مني رغم بعد المسافات
لذلك يستحقون مني كل الحب والتقدير

أحبكم يا بنات دوت كوم = )

**м є є s s ш** · منذ /16-01-2009, 10:16 AM

تعلمت...ان
[مهما حاولت ان ارضي الناس...فلا بد ان اذم منهم]

شكراً عالموضوع يالغلا..^^

**همس السَحر** · منذ /16-01-2009, 03:57 PM

يوووه...

ويني عن هالزين !

تعلمت..

[ إحسان الظن ]

آمنت بمقولة :
التمس لأخيك 70 عذراً ،
فإن لم تجد..

فقل : قد يكون له عذر لم أفطن له .

**حلوة الإحساس** · منذ /17-01-2009, 12:54 AM

انا اتعلمت ..حااجه..

ان لما تبون تروحون اي مكاااان ..اول شي اتأكدوا من اسم المطرح..اسم المجمع..اسم الصااله..

الواحد ما يتعلم شي الا من بعد موقف ..يا إما مخجل ..او يحزن او مضحك ..او او ...

عااد أبله حلوة كانت تريد تروح حفلة عرس..لما رحنا ..ما ركزت على اسم الصاله ..ولخبطنا ورحنا لصاله غير اللي نباها ..

وبعديين يا خوخاتي ..دخلت انا والوالده..والصااله هاااديه ..محد يرقص ولاشي..بس قاعدين ينتظروا الاكل ..والعرووسه مش موجووده..

وانا اصلا جييت متاخره عشاان اسلم على اهل العروسه واطلع من الصااله ..

شفت وحده قلتلها انتي ام العروسه؟..

قالتلي لا أنا خالتهاا..قلتلهاا يا هلاا وسلمت عليها وباركتلهاا ..

وبعدين قلتلها ويين ام العروسه ..؟؟

وللا الاقي الناس كلها تطاالع فيني ..واستحيييت ..راحت قالتلي ..هيييه..ام العروسه ما جت ..تعباانه..

انا هنا استغربت ..قلت لا لا اكييد في لبس في الموضووع..وانا التبست..فخلني أسأل زياده أسئله عشاان يروح الالتباس..

طيب ابو العروسه .....انا اول ما قلت ابو العروسه ..هي على طول قالت ..ابو العروسه مااااااااااااااات..

انا قلت هنااا ..خلااااص موو هي الصاله اللي نباها..
بعدين هي قالت ..يا هلاا بكم ..مدام انكم جيتوا ..اتفضلوا ..اتعشوا ..

قلتلهاا لا لا مشكووره والله ..السمووحه منكم..

وبعديين طسيييت وطلعناا ..والكل كان يطاالعنا..

هههههههههههههههه...

نحنا كنا متاكديين انها هي هالصاله ..بس سبحااان الله ..شكلي انا لخبطت لان في صالتين وحده للعرس والثانيه للصباحيه..وانا رحت حق يوم الصباحيه..

الله يشفيني..

**~ أشـواقـ اللـقـا ~** · منذ /17-01-2009, 03:10 PM


اول شي اتأكدوا من اسم المطرح..اسم المجمع..اسم الصااله

هيه بعد أنا اليوم تعلمت هالشيّ .. لاني رحت قاعه غير قاعة امتحاني و ضاع علي الوقت:"( ..

و تعلمت أزهـــــب(أجهز) كل شيّ قبل وقته ..


الله يشفيني

بسم الله عليييييج ماتشوووفين شر حيااتي :$

**السنــــــــافية** · منذ /17-01-2009, 03:26 PM

تعلمت في الحياااااااااااااااه (( اختار الخوي===> ( الصديق) الي يماشيني ع دربي ويحبني لذاتي )))

وهاذي حكمتي في الحياه... (((( خوين مانفعني وانا حي لا مت لا يبكي عليه))) ====> واسموحه...

**Unique angel** · منذ /17-01-2009, 07:46 PM

تعلمت اليوم ..
أن الحياة وحدهآ تغيرنا وليس الذين فيها
منا من يثبت ومنا لم يثبت
منا من بقي كما هو
ومنا من تغير ليرضى الجميع ويٌغضب نفسة

**حلوة الإحساس** · منذ /18-01-2009, 03:19 AM

اتعلمت انه لما اشتري جهاز كهربائي ..أجربه في المحل..مو والله آخذه وأجربه في البيت ..

آآخ..بسس شو نسوي مستعجليين نشتري ..ونتوهق في البييت ..ما نعرف نشغله ..

**~ أشـواقـ اللـقـا ~** · منذ /21-01-2009, 02:28 AM

تعلمت ..

أن في الدنيا ، خوات ممكن ماشفناهم ، ولا قد تحصل فرصه نشوفهم ..

لكن هم في قلوبنا .. ندعيلهم .. و نشاااركهم فرحهم .. و نحزن من حزنهم

باختصاااار ............ قلوبنا معاهم لو مانعرفهم

..

**حلوة الإحساس** · منذ /21-01-2009, 02:43 AM

تعلمت ..

ان في خواات ما نشوفهم بس نحس بصدق اخوتهم..أكثر من اللي نشوفهم..

ربي يخليلي احبابي..

تعلمت كماان ..

ان يوم تبين تروحين مكاان (( مو ملاحظين انو كثرت طلعاتي))..خخخ

يعني عشان تخلصي معامله او شي...

اتصلي فيهم واعرفي شو المطلوب تجيبيه معاكي..عشان توفري الوقت والجهد

مو تسووا مثل حلوة الاحساس..راحت وايدها فاضيه ..وبعديين رجعت البيت..عشان تجييب الأشياء المطلوبه لاتمام المعامله..

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

ماذا تَعلمتِ اليوم ؟؟

تـنـمـيـة الـمـواهـب و تـطـويـر الذوات