مطوية ؟ أها ،، طيب مطوية البيز ؟ " قصة طالبة جامعية " ^^

**The snow keener** · #1 31-05-2010, 11:17 PM

/،

بسم الله الرحمن الرحيم
السلام عليكم و رحمة الله و بركاته

مرحباً بنوتات العشرينات
أبشركم صار عمري عشرين قبل شهر و اسبوعين ^^
--> مبروك ^^؛
لاحظوا صار شعر

المهم :
بما اننا جامعيات !! ،، أكيد فيه شي اسمه " نشاط "
و النشاط يحتمل انه نسوي فيه مطويات
لذلك حبيت أفيدكم و أفظفظ لكم بهذه القصة
حطوا عشر خطوط تحت أفظفظ

كان يا مكان في زمن قريب و في مادة " الثقافة صحية "
طلبت منا الاستاذه نسوي نشاط لموضوع " صحة الغذاء "
قسمتنا مجموعات ،، أنا اخترت قسم المطويات
كان المطلوب كل وحده تسوي مطوية

طبعاً أغلب البنات خذوا ورقة طابعة لفوها وربطوها بشريطه
و صارت مطوية يعني سهله و تقليدية

لكن أنا ما حبيت يكون تعبي ع الفاضي
ما ابغى الناس تقراها و ترميها :)

ففكرت أسوي مطويتي على شكل "بيــز" يعني (مساكة القدر الساخن )
الي أكثر الناس تعلقها في المطبخ ع الجدار أو الثلاجه
->هنا صورة لها اضغطوا <-

طبعا بعضها يكون مرسوم عليه فواكه
لذلك صممت غلاف المطوية برسوم فواكه بسيطه
و اخترت موضوع: السعرات الحرارية + فوائد الفواكه
و كتبتها على شكل جداول لأهم الاشياء الموجوده بثلاجه أي ناس طبيعيين :)

و اخترت هالموضوع بالذان لأن :
كثيرا ما نتسائل عن سعرات شي معين
أو عن فوائد فاكه معينه !! ،، فبدل ما تروحين تبحثين
سويت جدول سعرات حراريه + فوائد الفواكه و طبعتها على ورق و غلفتها تغليف حراري
و علقتها بتعليقة على الثلاجه و لأن الثلاجة هي بيت الغذاء

يعني يوم ما تبغين تاكلين شي قبل ما تفتحين الثلاجه
اقرأي فائدتة الي على باب الثلاجة

هذي هي صورتها لكم :

/،

لا تخافون هذي يدي مشطبه عليها

طيب ،، الى هنا ماشين تمام
وطبعا سويت نسخ من "مطوية البيز" على عدد البنات
فخذت وقت لأني اقص و اغلف حراري و أخرم و ادخلهم مع بعض و اربطهم بالشريطه
كل هذا في البيت

ناهيك عن الوقت الي قظيته في الأسواق ادور علاقة حقة الثلاجه
عشان اعطيها البنات مع المطويه

--> البنت متحمسه مره
لكن للأسف مالقيت و ظاع وقتي

رحت للجامعه متحمسه و فرحااااانه لأني واثقه أني باخذ حق تعبي
لأني سهرت عليها و خذت مني وقت طويل ،، و من زود الحماس اخذت معي "بيـز" بيز صدقي
و علاقة ثلاجه و في راسي إني ابي اشرح للبنات ،، و ارسم ع السبورة ثلاجه و اشرح بطريقة حماسية وخفيفه عشان اظمن انهم بيعلقونها ما راح يرمونها و يفشلوني

رحت للدكتوره و أوريها مطويتي بكل سعاده و حماس
و ثم ... و ثمن ..
حدث مالم يكن في الحسبان !!!
آآآآآآآآآخ

و نكمل في الحلقة القادمه
انا خوفي اني اهذر و محد معي
اساسا تعبت بكمل بكره

لكن الى هنا خلص المقطع الخاص بالفائده
بكره ان شاء الله الفظفظه

و لو تبون ملف "الـ وورد" الي سويت عليه المطويه جاهز للطباعة
و الا .. المهم اخذتوا فكره ان شاء الله استفدتوا

/،

المصدر: منتديات بنات دوت كوم

l',dm ? Hih KK 'df l',dm hgfd. ? " rwm 'hgfm [hludm " ^^

الموضوع الأصلي : مطوية ؟ أها ،، طيب مطوية البيز ؟ " قصة طالبة جامعية " ^^ || القسم : جـامعة بنـات دوت كـوم || المصدر : منتديات بنات دوت كوم || كاتبة الموضوع : The snow keener

**SmArT gIrL** · منذ /01-06-2010, 08:42 AM

وعليكم السلام ورحمة الله وبركاته ...

امممم وبعدها وش صار ؟ د1
من الـ آآخ يبين ان...

حلووو شكلها ما شاء الله على أم الافكار ،
سوّي وابدعي ولا عليك ،، مصير غير المبدعين ينجذبوا بالاشياء الابداعية ،
ولو انهم يحسوا ان فيه تعب عالفاضي

امم النشاط الجامعي ، طيب
مشتركة هالسنة بس ما سويت شي ابددن ..

*كل سنة وانتِ إلى الله أقرب

**Zainab Al Lawati** · منذ /01-06-2010, 01:33 PM

.
.

الحينْ ايش قصّة البارتاتْ
تحمست مع القصّة يعني
عجبتني فكرة المطوية وتنفيذها جذابْ فعلاً
استانست وأنا أقرأ الصفحة الأولى منها . .
والـ " مالم يكن في الحسبان " شكله سيء :( ؟
الله يرزقج على قد تعبج

.
.

**لانا** · منذ /01-06-2010, 03:35 PM

يآقلبيّ شكل جآكـ شي منها مهوبّ زين !!!

ماعليك الفكرة تجننّ ...

مرّة روعة ... بس أحسها كلفتك وقتّ ! وبيوز خخخخخ ..

ترآني انتظركـ بالجزء الجآي ... <<تحمسّت !

**The snow keener** · منذ /01-06-2010, 05:22 PM

مرحبا بنوتات :)

سمارت
الله يسعدك شكرا ع التشجيع
كذا الناس الي تقدر الابداع --> عاد شافت نفسها
شكرا لكل كلمة

وو .. هو النشاط يعتبر واجب لمادة " الثقافة الصحية"
ماله علاقة بأنشطة الجامعه
قد سوينا نشاط للجامعه و كان علي عرض البوربوينت
و فاز نشاطنا و وعدونا يكتبو عنه في الجريده

زبيب
ربي يسعدك
ايه الصفحة الاولى حقت الشرح ؟
احم ترا الشرح باسلوبي
ربي يسعد ايامك
ليتك الأستاذه حقتي

لانا
حياك ربي يا هلابك :)
ايووه بالظبط مثل ما قلتي

الله يسعدكم يا بنات ليتكم دكتورات في جامعتي

/،

احم نكمل :
جا ذاك اليوم و بكل سعادة و حماس
قبل ما أوري الدكتوره .. و ريت البنات و عجبتهم
و نصحوني قالوا وزيعها بدون ما تاخذين راي الدكتوره
لانها ما يعجبها العجب

بس انا في نفسي اقول: مستحيل شغلي كامل و مستحيل يكون عليه نقد
بعد أبي درجات و أكيد بتقدر تعبي و تزيدني لأنه محد سوا مثلي
كلهم لفوا ورق عادي و ربطوه بشريطه

المهم وريت الدكتوره شغلي و البسمة تعلو الشفاة
و عيني تتلألأ فرحة و حماس و تفاؤل

أشوف تعبيرات ملامحها
على طول كشّرت ،، قلت أنا أكيد من كثر ماهي منبهره
تلخبططت مشاعرها

بعدين طالعت فيني و قالت: ليش حاطة مشروبات غازيه ؟؟؟
يا ربي من ذا البنات ،، احنا موضوعنا " صحة غذا" ؟

ثم انكمشت ملامحي السعيده

قلت لها : طيب في مشروبات اخرى حطيت السعرات الحرارية حقتها
مقارنة بالمشروبات الغازيه كأني أعطيهم نصيحة غير مباشرة انهم يتركونها
قالت: اسمعي
يا تكتبين جمبها مضرة للصحة --> احلفي يعني ما يدرون هم !
أو انك تشلينها من المطوية
و حركتها و هي ماسكة مطويتي كانها متقرفه و تقول شيلي ذي

و لا تبغى تسمع

قلت لها: طيب ما عليه ،، يمكن المحتوى ما عجبك
طيب ايش رايك في الفكره انها تتعلق على الثلاجه و تكون زي المرجع
على طول موجود على الثلاجه

قالت : ههههااااااي ( بظحكة سخرية)
انتي على بالك البنات بيعلقونها ؟ !!!!
تعبني نفسك ع الفاضي

انصدمت وانشطف وجهي
رحت لصديقتي قلت لها:
انا عشان كذا ابي اشرح للبنات الفكره و احمسهم
جايبه معي بيز صدقي و طبشور و علاقة ثلاجه

قالت صديقتي ارتاحي وش تشرحين تلقينها بتسخر و تستهتر بشرحك
خليك قاعده ،، و كل ما أبغى أقوم تقعدني

آآآآخ
و ذاك اليوم رجعت للبيت أبكي
أول مرة أقابل استاذه كذا ،،
و لأن دائماً في حياتي لمّا أتعب في شي ألقى التقدير و التشجيع

اما هذي سببت لي صدمه
و شكرا على حسن المتابعه

**سُندسْ** · منذ /01-06-2010, 08:16 PM

سنُوي

لا مـآ أقدر أنـآ

عن جـد زعلت لڪ ڪثير !

لهـآلدرجـﮧ في دڪتورآت مـآ يقدرون التـعب؟!

إنصـدمت خـآصـﮧ إن شـڪل إلمطويـﮧ يحمـس ويبينْ إنهـآ مُبتڪره ومتعوب عليهـآ!

بس ولا يهمـڪ..

إلمُهـم إنهـآ نـآلت إعجـآب ڪل إللي شـآفوهـآ ..

سنُوي

ڪوني مُتفـآئلـﮧ ..

**~ أشـواقـ اللـقـا ~** · منذ /01-06-2010, 09:26 PM

أهلييييييييييين وحشتينا يابنت ..

الله يسعدك و كل عام وانتي بخييييييير ..

لووووول ياحليلك والله خوووش فكرة عجييييييبه ماشالله عليج
متميزه ، ماترضين بالتقليد ؛)

اححححح يادكتورتج هذي ليييش جذي تعاملها ؟
بدال لا تنمي المواهب ؟
وعذرها جداً غير مقبول ماله شغل ..

شوقتيني أصيييير دكتووورة واتبناج ^_____*

لا تهمج و انشري البيز مالج شغل
المهم الأجــــــر و نشر العلم

**SmArT gIrL** · منذ /01-06-2010, 10:40 PM

الله يهديها ،

أكيد منبهرة ، تشوف شي فوق توقّعها

بس يمكن طبعها تطلّع عيوبْ في أيٍّ كان !

كله خير .. اهم شي وزّعتيهم

!

**s o r a - s o u l** · منذ /02-06-2010, 01:47 AM

الله يصلحها . . !!!
المفروض تقدر هالجهود ,

فكرتج حلوة و فريدة ,
أحلى ششي ان نعلقه ع الثلاجة ,

مالج شغل باللي قالته . .
و خلج واثقة ان شغلج حلو و فكرتج ابداعيه
لا تهزج مثل هالكلمات ,

موفقة يا جمييلَة . ,

دووووم هالأفكار الابداعيه و المتميزة
و دووم خلج غييير مثل ما عرفناج

**لانا** · منذ /02-06-2010, 02:09 PM

الله يهديها يآرب تقهرررررررر!!!

نذآآآلة استغفرالله يآربّي !!!

وش هالتعقيد يآآآربّي ... علشآن كذا ماله دآعي الوآحد يتعبّ لهم ! موب وجيه تعبّ! هم استغفرالله !!!

كآن قلتي طيبّ وش تبيــــــــــن بالضبط انا هذا مسويته زيآدة عن جهدي !!! يآآآجعلللكـ تشوفين الي شفته ><! <<<تحمست!

ياعمري ماعليك منها وأشوآآ ان الترمّ بدا يخلصّ ...

وسعي صدرك وشدي حيلك في المآدة علشآن تجيبين A يفقع عيونها !!!!!! <<<خربت أخلآآآقهاا خخخخ !!!

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)