%% حـــــــــبـــ الــــــشــــبــــــابـــــ %%

[مسك أبيض]

دا موضوع متكامل عن حب الشباب وأى استفسارات أنا موجوده :005:




إيه هو؟؟

أول حاجة نتكلم عنها الهلع اللي بيصيب البنات لما تبص في المرايا وتلاقي وشها بهدلته الحبوب والبثور بتاعة حب الشباب، وتبدأ تسأل ده وده وتجرب الكريم الفلاني والماسك العلاني علشان تصلح وماتعرفش وهي بتعمل كده إنها بتضر بشرتها أكتر، وممكن يحصل ليها مضاعفات تزود من حب الشباب لأنها ببساطة مش عارفة إن حب الشباب ده أنواع مش حاجة واحدة.



وقبل ما نعرف أنواعه لازم نعرف إيه هو أساسا..

حب الشباب عبارة عن حبوب بتظهر في الوجه في سن المراهقة، ده في الغالب، وإن كان فيه أنواع ممكن تظهر بعد كده. ونبدأ بالحبوب دي، وليها لونين أسود وأبيض.

أنواعه

السوداء أو الرءوس السوداء: وبتتسمى بالسوداء لأن رأس الحباية بيبقى لونه أسود أما اسمها العلمي فهو "الكوميدون".

والحبوب دي بتتكون نتيجة تجمع المادة الملونة اللي بنسميها الميلانين، وهي عبارة عن صبغة بتفرزها خلايا تحت الجلد في قنوات الغدد الدهنية وبتظهر الرءوس السوداء على هيئة نقطة سودا في البشرة بتطلع مادة لونها أبيض كريمي.


البيضاء أو الرءوس البيضاء: ودي بقى بتشبه في حجمها حجم الرءوس السوداء وبتصل إلى 2 مم- وغالبا ما بيزيد عددها عن عدد الرءوس السودا بنسبة 1:5 وبيكون لونها لون الجلد، وعلشان كده بيصعب رؤية المكان اللي بتتسلل منه الزيوت والبكتيريا.

وعلشان كده لو رحتِ لدكتور هتلاقيه بيشد الجلد، وبيفحصه في ضوء جيد لمشاهدة الرءوس البيضاء. وممكن تلاقي الرءوس البيضاء بتتحول إلى بقع ملتهبة، وده علشان المادة الموجودة في الرءوس السوداء يمكنها الخروج بسهولة أكثر.

المصدر: منتديات بنات دوت كوم

---

%% pJJJJJJJJJfJJJ hgJJJJJJaJJJJfJJJJJJhfJJJJJ %%

الموضوع الأصلي : %% حـــــــــبـــ الــــــشــــبــــــابـــــ %% || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : مسك أبيض

[مسك أبيض]

طب ليه؟؟

في البداية خالص لازم تعرفي إن حب الشباب بيكون نتيجة لتغير الهرمونات في فترة البلوغ وبيصيب أكتر من 70% من الشباب وبيزيد في الولاد عن البنات..



هتقولي لي ليه بالذات في سن البلوغ؟.. هاقول لحضرتك علشان في الفترة دي بتبدأ الهرمونات تحفز الغدد الدهنية إنها تكون نشيطة، وده بيسبب زيادة الإفرازات اللي بتؤدي لظهور حب الشباب.



وقبل ما تقولي يعني الحكاية كلها مالهاش علاج، نحب نقول ليكِ إن فيه عوامل مساعدة بتزود من حب الشباب ده وبتساهم في زيادته زي الأسباب دي:

1. زيادة الدهون في البشرة: البشرة الدهنية أكتر عرضة للإصابة بحب الشباب وده لأنها بتختزن الدهون؛ نتيجة لاتساع مسام البشرة اللي بيؤدي للإفرازات الدهنية، ونتيجة لامتزاج الدهون دي مع العرق والحر بتتأكسد وبتسبب الحبوب السودا والبيضا.

2. البكتيريا: ودي بتكون موجودة في الجو نتيجة للتلوث البيئي.

3. عوامل فسيولوجية: زي قرب حدوث الدورة الشهرية، وأثناء الحمل بسبب التغيرات اللي بتحصل في الهرمونات.

4. عوامل نفسية: بسبب القلق والتوتر اللي بيصاحب الامتحانات على سبيل المثال وكمان الأوقات اللي العروسة بتحضر فيها للجواز وأي حالة نفسية سيئة بتمر بيها.

5. الأكل: تناول الدهون والنشويات والسكريات؛ لأنهم كلها بتتحول في الجسم لمواد دهنية.


بس مش معنى كده إن حب الشباب لازم هيجيلك.. لأ، فيه حاجات تقدري تعمليها علشان ماتديش لحب الشباب فرصة إنه يجيلك أساسا وعلشان كده بنقول ليكِ إن الوقاية خير من العلاج.

خلّي بالك





1. حاولي إنك تنوعي في أكلك وركزي أكتر على الخضار والفاكهة وقللي من النشويات والتيك أواي وأي حاجة بتحتوي على دهون كتير علشان الدهون من أحد الأسباب اللي بتساعد على ظهور حب الشباب.



2. اهتمي بغسيل وشك على الأقل مرتين في اليوم باستخدام الصابون المناسب لنوع بشرتك والميه الدافية، وابعدي عن الصابون اللي بيحتوي على مواد كيمائية مضرة بالبشرة، واعرفي إن أحسن أنواع الصابون هو اللي بيحتوي على مواد طبيعية زي زيت الزيتون وزيت اللوز.

3. إياكِ تستخدمي أدوات الماكياج أو فوط أو مناديل تلامس بشرتك تكون خاصة بحد تاني مهما كان قريب منك.

4. حاولي تبعدي عن القلق والتوتر على قد ما تقدري علشان التوتر والقلق من العوامل اللي بتظهر حب الشباب وبتساعد على زيادته.



5. حاولي تبعدي خالص عن استخدام الماكياج في الفترة دي، يعني سن المراهقة، وده، بالإضافة إنه هيبعد عنك شبح الإصابة بحب الشباب، كمان هيخلي بشرتك ناضرة ومتمتعة بطفولتها.

6. ماتستعمليش أي كريمات أو غسول للوجه بدون التأكد من مصدره ومن جودة مكوناته، ده طبعا بعد ما تتأكدي إنه مناسب لنوع بشرتك، لأن استعمال كريمات مش مناسبة لنوع البشرة بيؤدي لتحول البشرة.. يعني ممكن تبقى بشرتك عادية وتقلب دهنية بسبب استخدامك كريمات مش مناسبة.

[مسك أبيض]

قبل ما نقول على الحل في حب الشباب فيه شوية نصايح لازم نقول عليها لو جالك حب الشباب..



1. ماتسمعيش كلام اللي يقول إن فيه مرطبات أو كريمات موجودة في الصيدليات بتساعد على علاج حب الشباب أو تقلل من أسباب ظهوره؛ لأن الكريمات دي بتبقى محتاجة إنك تسألي دكتور علشان فيه بعضها بيسبب جفاف للبشرة، وكمان فيه مكونات بتسبب حساسية وده علشان لكل بشرة نوع معين من الكريم.

2. ماتحاوليش إنك تستخدمي أكتر من نوع كريم في وقت واحد لأن تعارض مكونات الكريمات مع بعضها بتؤدي إلى ظهور حب الشباب.

3. ماتحاوليش أبدا إنك تلعبي في حب الشباب الظاهر في وشك علشان ده بيؤدي لزيادة الإلتهابات بالإضافة إلى أنه بيترك أثر في الوجه بيقى شكله مش حلو وكمان بيسيب أثر دائم.

4. كمان ماتسمعيش اللي يقول إن أشعة الشمس بتساعد على التخلص من حب الشباب لأن الكلام ده غلط خالص؛ علشان أشعة الشمس بتساعد على ظهور التجاعيد بسرعة وإنتِ لسه صغيرة قوي.

5. بس خلّي بالك إن فيه حالات من حب الشباب بتبقى محتاجة إنك تروحي للدكتور علشان تاخدي العلاج المناسب، وفيه ساعات حالات بيبقى لازم فيها تدخل تجميلي بس نطمنك لأن ده بيكون في الحالات الشديدة بس.

وعلشان نكون بنفذ طلباتكم هنقول ليكِ على كام وصفة طبيعية ممكن إنك تجربيهم والوصفات دي مش هتكلفك حاجة خالص لأنك هتلاقيها في البيت.

ماسك الكرنب أو الخس

وده بإنك تسيبي ورق الكرنب أو الخس يغلي بشدة وتاخدي المية المغلية دي بس بعد ما تبرد وتغسلي بيها الأماكن اللي فيها حبوب، وده باستخدام قطعة قطن مبلولة بالمية. وممكن تحطي المية في الثلاجة لاستخدامها أكتر من مرة.

ماسك الجزر



ابشرى الجزر بدون ما تقشريه وضيفي عليه ليمونة وسيبيهم نص ساعة، وبعدين حطيه على وشك. والماسك ده يا ستي بيخلّي لون البشرة صافي وبيزيل التجاعيد والبثور وبيخلص الوجه من أي شوائب عليه.

ماسك الرده


وده بإنك تخلطي الرده مع اللبن وتحطي الخليط ده على وشك، ثم تغسلي وشك بالمية الدافية والماسك ده بيعقم وشك وبيمنع ظهور حب الشباب.


خميرة بيرة


هاتي خميرة بيرة ودوبيها في مية واشربي كوباية منها بعد كل وجبة غدا، وده لأن الخميرة البيرة بتحتوي على فيتامين "ب" اللي بيكون علاج فعال في علاج حب الشباب.


ماسك العسل مع الليمون والجلسرين


وده عبارة عن خليط مكون من 6 معالق كبيرة عسل ومعلقة كبيرة جلسرين ومعلقة عصير ليمون مع بعض، وادهني بيهم الوجه وسيبيه لمدة ساعة وبعدين شيليه واغسلي وشك بالمية وهتشوفي النتيجة.


ماسك عصير الخيار


وده عبارة عن إنك تضربي الخيار في الخلاط وتدهني بيه وشك باستخدام قطنة وتتركيه على وشك لمدة ربع ساعة، وبعدين تغسلي وشك بالمية الدافية. واظبي على عمل الماسك ده يوميا ولمدة شهر واحد فقط.

%%% ادعولى %%%

بس خلاص كده

اشكرك جدا على النصايح الغاليه دى

[مسك أبيض]

تسلمى ياحبيبتى

[هرة صغيرة]

تصدقين اول مرة اشوف موضوع مفيد زي ده

ومشكووووووووورة حببتي على هذا الموضوع الجميل والراقي

مع تحياتي:هرة صغيرة

[فتفوتة سكر]

السلام عليكم ورحمة الله وبركاته

مشكووووورة حبيبتي

تسلم يدك غاليتي

[مسك أبيض]

الشكر لله يافتفوته وياكل البنات

يارب اقدر افيدكم كمان وكمان

[Neama]

ازيك بلبله ..؟

عاملة ايه .. تسلمين ياقلبي على الموضوع والوصفات

دائماً مميزة في مواضيعك

يثبت الموضوع لما فيه من فائدة

:)

ربي يجمعك مع اللي في بالك

[وسن]

مشكووووووووووووووووووووووووووووورة على المووووووووووووووووووووضووووووووووع الحلوووووووووووووووووو

ويسلموووووووووووووووووووووووووووو ولا تحرمينا من بصمتك الحلوة على المنتدى